ဟေ​ရှာ​ယ 14:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင်​သည် ဘေဘီလုံ​ဘုရင်​အား “​ညှဉ်းဆဲ​တတ်​သော​သူ​သည် အဆုံးသတ်​လေ​ပြီ​တကား​။ သူ​၏​ဒေါသမီး​သည်​လည်း ချုပ်ငြိမ်း​လေ​ပြီ​တကား​”​ဟု ပြောင်လှောင်​သော​စကား​ကို​ဆို​လိမ့်မည်​။

Common Language Bible

⁴ ဤ​သို့​ကိုယ်​တော်​ပြု​တော်​မူ​သော​အ​ခါ​၌ သူ​တို့​သည်​ဗာ​ဗု​လုန်​ဘု​ရင်​အား​ပြက်​ရယ် ပြု​ကာ၊ ``ရက်​စက်​ကြမ်း​ကြုတ်​သော​မင်း​သည်​ကျ​ဆုံး လေ​ပြီ။ သူ​သည်​နောက်​တစ်​ဖန်​အ​ဘယ်​သူ​ကို မျှ​ဖိ​နှိပ်​ချုပ်​ချယ်​ရ​တော့​မည်​မ​ဟုတ်။-

Garrad Bible

⁴ ဗာ ဗု လုန် ဘု ရင် ကို ရည် ၍၊ ပြက် ရယ် တေး ဖွဲ့ ဆို ရ သည် မှာ၊ ညှဉ်း ပန်း သူ နှင့် နှောင့် ရှက် ပြင်း ထန် ခြင်း သည်၊ ပြတ် ကင်း ခဲ့ ပြီ တ ကား။

Judson Bible

⁴ သင်​သည် ဗာ​ဗု​လုန်​ရှင်​ဘု​ရင်​ကို ရည်​ဆောင်၍၊ ပုံ​စ​ကား​ကို ဤ​သို့ မြွက်​ဆို​လိမ့်​မည်။ အ​စိုး​တ​ရ​ပြု​သော​သူ​သည် ဆုံး​လေ​ပြီ​တ​ကား။ ရွှေ​မြို့​တော်​သည် ဆုံး​လေ​ပြီ​ကား။

ဟေ​ရှာ​ယ 14:4 ပူးပေါင်းရင်းမြစ်များ

ဟေ​ရှာ​ယ 49:26

သင့်​ကို နိုင်ထက်စီးနင်း​ပြု​သော​သူ​တို့​အား ကိုယ့်​အသား​ကိုယ်​ပြန်​စား​စေ​မည်​။ စပျစ်ဝိုင်​ကဲ့သို့ ကိုယ့်​သွေး​ကိုယ်​ပြန်သောက်​စေ​မည်​။ သို့ဖြစ်၍ ငါ​ထာဝရဘုရား​သည် သင့်​ကို​ကယ်တင်​သော​အရှင်​၊ သင့်​ကို​ရွေးနုတ်​သော​အရှင်​၊ ယာကုပ်​အမျိုး​၏​တန်ခိုးကြီး​သော​အရှင် ဖြစ်ကြောင်း လူ​အပေါင်း​တို့​သိ​ကြ​ရ​လိမ့်မည်​”​ဟု မိန့်​တော်မူ​၏​။

ဗျာ​ဒိတ် 18:20

ကောင်းကင်​မှစ၍ သန့်ရှင်း​သူ​များ၊ တမန်တော်​များ​နှင့် ပရောဖက်​များ​တို့၊ ထို​မြို့​၏​အဖြစ်​ကြောင့် ပျော်ရွှင်​ကြ​လော့။ အကြောင်းမူကား ဘုရားသခင်​သည် သင်​တို့​ဘက်​၌​နေ​၍ ထို​မြို့​အပေါ် ပြစ်ဒဏ်​စီရင်​ခြင်း​ကို​သက်ရောက်​စေ​တော်မူ​ပြီ”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 18:16

‘ပိတ်ချော၊ ခရမ်းရောင်​နှင့် နီမြန်း​သော​အဝတ်​တို့​ကို ဝတ်ဆင်​ထား​လျက် ရွှေ၊ ကျောက်မျက်​ရတနာ​နှင့် ပုလဲ​တို့​ဖြင့် တန်ဆာဆင်​ထား​သော​မြို့​ကြီး၊ သင်​သည် စိတ်​မချမ်းမြေ့​ဖွယ်၊ စိတ်​မချမ်းမြေ့​ဖွယ်​ဖြစ်​ပါ​သည်​တကား။

ဗျာ​ဒိတ် 17:6

ထို​မိန်းမ​သည် သန့်ရှင်း​သူ​တို့​၏​သွေး​နှင့် ယေရှု​၏​သက်သေ​များ​၏​သွေး​တို့​ဖြင့် ယစ်မူး​နေ​သည်​ကို ငါ​မြင်​ရ​၏။ ငါ​သည် သူ့​ကို​မြင်​ရ​သောအခါ အလွန်​အံ့ဩ​မိ​၏။

ဟ​ဗက္ကုတ် 2:17

လက်ဘနွန်​တောင်​ကို သင်​နှိပ်စက်​ခဲ့​သည့်​အတိုင်း သင်​ပြန်​ခံရ​မည်​။ တိရစ္ဆာန်​များ​ကို သင်​ညှဉ်းဆဲ​ခဲ့​သည့်​အတိုင်း သင်​ပြန်​၍​ကြောက်လန့်​နေ​ရ​မည်​။ သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​လေ​ပြီ​။

ဒံ​ယေ​လ 2:38

အရပ်ရပ်​ရှိ​လူသား​များ​၊ တောတိရစ္ဆာန်​များ​၊ မိုးကောင်းကင်​ငှက်​များ​ကို အရှင်မင်းကြီး​လက်​သို့ အပ်​တော်မူ​သဖြင့် အရှင်မင်းကြီး​သည် အလုံးစုံ​ကို အုပ်စိုး​ရ​ပါ​၏​။ ရုပ်တု​၏​ရွှေ​ဦးခေါင်း​သည် အရှင်မင်းကြီး​ပင် ဖြစ်​ပါ​၏​။

ယေ​ဇ​ကျေ​လ 5:15

ငါ​သည် အမျက်​ဒေါသ​ပြင်းစွာ​ဖြင့် သင့်​ကို​ဆုံးမ​၍ အပြစ်ဒဏ်​ပေး​သောအခါ သင့်​ဝန်းကျင်​ရှိ လူမျိုးတကာ​တို့​တွင် သင်​သည် ကဲ့ရဲ့စရာ​၊ ပုတ်ခတ်စရာ​၊ ခိုင်းနှိုင်းစရာ​၊ လူသူကင်းမဲ့​ရာ ဖြစ်​လိမ့်မည်​ဟု ငါ​ထာဝရဘုရား မိန့်​တော်မူ​ပြီ​။

မြည်​တမ်း​စ​ကား 4:1

ရွှေ​သည် အရောင်မှိန်​သွား​ပါ​ပြီ​တကား​။ ရွှေ​စင်​သည် အရောင်ပြောင်း​သွား​ပါ​ပြီ​တကား​။ သန့်ရှင်းရာဌာန​မှ ကျောက်​များ​သည်​လည်း လမ်းဆုံလမ်းခွ​တို့​၌ ပြန့်ကျဲ​နေ​ပါ​ပြီ​တကား​။

ယေ​ရ​မိ 24:9

မြေကြီး​ပေါ်ရှိ​တိုင်းနိုင်ငံ​အားလုံး​အတွက် ရွံရှာစရာ​၊ ထိတ်လန့်စရာ​ဖြစ်​စေ​မည်​။ ငါ​နှင်ထုတ်​၍ သူ​တို့​ရောက်လေရာ​အရပ်ရပ်​တို့​၌ ကဲ့ရဲ့စရာ​၊ ပုံခိုင်းစရာ​၊ ပြောင်လှောင်စရာ​၊ ကျိန်ဆဲစရာ ဖြစ်​စေ​မည်​။

ဟေ​ရှာ​ယ 51:23

‘​ငါ​တို့ ဖြတ်သွား​မည်​။ ဝပ်​နေ​လော့​’​ဟု ဆို​ကြ​သဖြင့် ဖြတ်သွား​သော​သူ​တို့​အတွက် သင်​သည် သင့်​ကျောကုန်း​ကို မြေပြင်​သဖွယ်​၊ လမ်း​သဖွယ်​ခင်းပေး​ခဲ့​ရ​၏​။ ထိုသို့ သင့်​ကို အနိုင်ကျင့်​ခဲ့​သော​သူ​တို့​လက်​ထဲသို့ ထို​ဖလား​ကို ငါ​ထည့်​မည်​”​ဟု မိန့်​တော်မူ​၏​။

ဟေ​ရှာ​ယ 47:5

အို ခါလဒဲ​သမီး​၊ တိတ်ဆိတ်​စွာ ထိုင်​လော့​။ အမှောင်​ထဲသို့ သွား​လော့​။ သင့်​ကို တိုင်းနိုင်ငံ​တို့​၏​ဘုရင်မ​ဟု ခေါ်​တော့​မည်​မ​ဟုတ်​။

ဟေ​ရှာ​ယ 14:17

ကမ္ဘာကြီး​ကို တောကန္တာရ​ကဲ့သို့​ဖြစ်စေ​သော​သူ​၊ မြို့​များ​ကို​ဖြိုဖျက်​သော​သူ​၊ အချုပ်​ခံရ​သော​သူ​တို့​ကို အိမ်​သို့​ပြန်ခွင့်​မ​ပေး​သော​သူ​ကား ဤ​သူ​လော​”​ဟု တွေးဆ​ကြ​လိမ့်မည်​။

ဟေ​ရှာ​ယ 13:19

တိုင်းနိုင်ငံ​တို့​၏​ဂုဏ်သရေ​၊ ခါလဒဲ​လူမျိုး​တို့​ဂုဏ်ယူ​ဝါကြွား​ရာ​ဖြစ်​သော ဘေဘီလုံ​မြို့​သည် ဘုရားသခင်​ဖြိုဖျက်​ခဲ့​သော သောဒုံ​မြို့​နှင့်​ဂေါမောရ​မြို့​ကဲ့သို့​ဖြစ်​လိမ့်မည်​။

၂ ရာ​ချုပ် 36:18

ဘုရားသခင်​၏​အိမ်​တော်​အသုံးအဆောင်​အကြီး​အသေး​ရှိသမျှ​၊ ထာဝရဘုရား​၏​အိမ်​တော်​ဘဏ္ဍာ​များ​၊ ရှင်ဘုရင်​နှင့် မှူးမတ်​တို့​၏​ဘဏ္ဍာ​များ​အားလုံး​ကို ဘေဘီလုံ​မြို့​သို့ ယူဆောင်​သွား​၏​။

ဟေ​ရှာ​ယ 9:4

အကြောင်းမူကား ကိုယ်တော်​သည် မိဒျန်​လူမျိုး​လက်​မှ​ကယ်တင်​ခဲ့​စဉ်က ပြု​သကဲ့သို့ သူ​ထမ်း​ရ​သော​ထမ်းပိုး​၊ သူ့​ကျော​ကို​ရိုက်​သော​တုတ်​၊ သူ့​ကို​ညှဉ်းဆဲ​သော​ကြိမ်လုံး​တို့​ကို ချိုး​တော်မူ​ပြီ​။

ဟေ​ရှာ​ယ 13:1

ဘေဘီလုံ​မြို့​နှင့်​ပတ်သက်၍ အာမုတ်​၏​သား ဟေရှာယ​မြင်​ရ​သော​ဗျာဒိတ်​တော်​။

ဟေ​ရှာ​ယ 14:5

လူ​တို့​ကို ဒေါသ​ဖြင့် တစ်ချိန်လုံး​ရိုက်နှက်​၍ တိုင်းနိုင်ငံ​တို့​ကို မငဲ့မညှာ​နှိပ်စက်​လျက် အမျက်​နှင့်​အုပ်စိုး​သောကြောင့် ထာဝရဘုရား​သည် ဆိုးယုတ်​သော​သူ​တို့​၏​တုတ်​၊ အုပ်စိုး​သူ​မင်း​တို့​၏​ရာဇလှံတံ​ကို ချိုး​တော်မူ​၏​။

ဟေ​ရှာ​ယ 16:4

မောဘ​ပြည်​မှ​နှင်ထုတ်​ခံရ​သော​သူ​တို့​သည် သင်​နှင့်အတူ​နေထိုင်​ကြ​ပါစေ​။ သူ​တို့​ကို ဖျက်ဆီး​သော​သူ​၏​ရှေ့​မှ ကာကွယ်​ပေး​ပါ​”​ဟု ဆို​ကြ​၏​။ ဖိနှိပ်သောသူ​မ​ရှိ​တော့​ပြီ​။ ဖျက်ဆီး​ခြင်း​လည်း ရပ်သွား​ပြီ​။ နင်းချေ​တတ်​သော​သူ​သည် မြေကြီး​ပေါ်မှ​ပျောက်ကွယ်​သွား​ပြီ​။

ဟေ​ရှာ​ယ 51:13

မိုးကောင်းကင်​ကို​ဖြန့်ကြက်​တော်မူ​သော​၊ မြေကြီး​ကို​အုတ်မြစ်ချ​တော်မူ​သော​၊ သင့်​ကို​ဖန်ဆင်း​တော်မူ​သော​ထာဝရဘုရား​ကို သင်​မေ့လျော့​၏​။ သင့်​ကို​ဖျက်ဆီး​ရန် အသင့်ရှိ​နေ​သည့် နိုင်လိုမင်းထက်ပြု​သူ​၏​အမျက်ဒေါသ​ကြောင့် သင်​သည် နေ့စဉ်​မပြတ်​ကြောက်ရွံ့​နေ​၏​။ နိုင်လိုမင်းထက်ပြု​သူ​၏​အမျက်ဒေါသ​ကား အဘယ်မှာ​နည်း​။

ဟေ​ရှာ​ယ 54:14

သင့်​ကို ဖြောင့်မတ်​ခြင်း​၌ တည်​စေ​မည်​။ သင်​သည် အနိုင်အထက်ပြုသူ​နှင့်​ဝေး​သောကြောင့် ကြောက်ရွံ့​ရ​မည်​မ​ဟုတ်​။ ထိတ်လန့်​ခြင်း​သည် သင့်​ထံသို့​ရောက်လာ​မည်​မ​ဟုတ်​သောကြောင့် ထိတ်လန့်​ရ​မည်​မ​ဟုတ်​။

ဟေ​ရှာ​ယ 21:2

“သစ္စာမဲ့​သော​သူ​သည် သစ္စာမဲ့​လျက်​နေ​၏​။ ဖျက်ဆီး​သော​သူ​သည်​လည်း ဖျက်ဆီး​လျက်​နေ​၏​။ ဧလံ​ပြည်သား​တို့​၊ တက်သွား​ကြ​လော့​။ မေဒိ​ပြည်သား​တို့​၊ ဝိုင်း​ထား​ကြ​လော့​။ ညည်းတွား​ခြင်း​ရှိသမျှ​ကို ငါ​အဆုံးသတ်​စေ​မည်”​ဟူသော ကြောက်မက်ဖွယ်​နိမိတ်​ကို ငါ​အား​ဖော်ပြ​တော်မူ​၏​။

ယေ​ရ​မိ 48:17

သူ့​ဝန်းကျင်​၌​ရှိ​သော​သူ​၊ သူ့​ဂုဏ်သတင်း​ကို​သိ​သော​သူ​အပေါင်း​တို့​၊ ဝမ်းနည်း​ကြ​လော့​။ ‘​တန်ခိုးကြီး​သော​လှံတံ​၊ အသရေ​ရှိ​သော​တောင်ဝှေး​သည် ကျိုးသွား​ကြ​ပြီ​တကား​’​ဟု ပြောဆို​ကြ​လော့​။