ဟေ​ရှာ​ယ 13:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ကန္တာရ​သတ္တဝါ​တို့​သည် ထို​မြို့​၌ ကျက်စား​ကြ​လိမ့်မည်​။ သူ​တို့​၏​အိမ်​များ​သည် အူ​တတ်​သော​တိရစ္ဆာန်​များ​နှင့်​ပြည့်​လိမ့်မည်​။ ထို​မြို့​၌ ငှက်ကုလားအုတ်​များ နေ​ကြ​၍ တောဆိတ်​များ ခုန်ပေါက်​ကြ​လိမ့်မည်​။

Common Language Bible

²¹ ထို​အ​ရပ်​သည်​တော​တိ​ရစ္ဆာန်​များ​ကျက်​စား​ရာ နေ​ရာ၊ ဇီး​ကွက်​များ​အ​သိုက်​လုပ်​ရာ​ဖြစ်​လိမ့်​မည်။ ယင်း​အ​ရပ်​တွင်​ငှက်​ကု​လား​အုတ်​များ​နေ​၍ တော ဆိတ်​များ​သည်​လည်း အ​ဆောက်​အ​ဦး​ပျက်​များ ၏​အ​ကြို​အ​ကြား​တွင်​ခုန်​ပေါက်​မြူး​တူး​ကြ လိမ့်​မည်။-

Garrad Bible

²¹ သား ရဲ တို့ အောင် လျက်၊ တိုက် တိုင်း ဇိ ကွက် ပြည့် သည့် ပြင်၊ ငှက် ကု လား အုပ် နား နေ၍၊ နတ် မိ စ္ဆာ​တို့ မြူး ထူး လျက်၊

Judson Bible

²¹ တော​သား​ရဲ​တို့​သည် ထို​မြို့၌ အိပ်​ကြ​လိမ့်​မည်။ အိမ်​တို့​သည် မြည်​တတ်​သော တိ​ရ​စ္ဆာန်​များ​နှင့် အ​ပြည့်​ရှိ​ကြ​လိမ့်​မည်။ ကု​လား​အုတ်ငှက်​တို့​လည်း နေ​ရာ​ကျ၍၊ မျောက်​တို့​လည်း က​ခုန်​ကြ​လိမ့်​မည်။

ဟေ​ရှာ​ယ 13:21 ပူးပေါင်းရင်းမြစ်များ

ဟေ​ရှာ​ယ 14:23

တစ်ဖန် ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် ထို​မြို့​ကို ဖြူကောင်​နေရာ​အရပ်​၊ ရေအိုင်ထွန်း​ရာ​အရပ်​ဖြစ်စေ​မည်​။ ဖျက်ဆီး​ခြင်း​တံမြက်စည်း​ဖြင့် လှည်းကျင်း​မည်​”​ဟု မိန့်​တော်မူ​၏​။

ဟေ​ရှာ​ယ 23:13

ခါလဒဲ​ပြည်​ကို ကြည့်​ကြ​လော့​။ လူ​မ​ရှိ​တော့​ပြီ​။ အဆီးရီးယား​လူမျိုး​သည် ထို​ပြည်​ကို ကန္တာရ​သတ္တဝါ​တို့​နေစရာနေရာ ဖြစ်စေ​၏​။ သူ​တို့​သည် မျှော်စင်​တို့​ကို တည်ဆောက်​၍ ထို​ပြည်​၏​နန်းတော်​ကို​ဖြိုဖျက်​၏​။ ထို​ပြည်​ကို ပြိုပျက်​ရာ​ဖြစ်စေ​ကြ​၏​။

ဟေ​ရှာ​ယ 25:2

အကယ်စင်စစ် ကိုယ်တော်​သည် မြို့​ကို​ကျောက်ပုံ​ဖြစ်စေ​၍ ခိုင်ခံ့​သော​မြို့​ကို ပြိုပျက်​ရာ​ဖြစ်စေ​၏​။ တစ်ပါးအမျိုးသား​တို့​၏​နန်းတော်​တည်​ရာ​မြို့​သည် မြို့​အဖြစ်​ရှိ​တော့​မည်​မ​ဟုတ်​။ မည်သည့်​အခါ​မျှ ပြန်လည်​တည်ဆောက်​တော့​မည်​မ​ဟုတ်​။

ဟေ​ရှာ​ယ 32:14

အကြောင်းမူကား နန်းတော်​သည် စွန့်ထား​ခြင်း​ခံရ​၍ လူ​စည်ကား​သော​မြို့​သည် စွန့်ခွာ​ခြင်း​ခံရ​မည်​။ ရဲတိုက်​၊ ကင်းစောင့်မျှော်စင်​တို့​သည် သားရဲ​တို့​အစဉ်​ခိုအောင်းရာ ဖြစ်သွား​လိမ့်မည်​။ မြည်းရိုင်း​များ​နေပျော်​ရာ​၊ တိရစ္ဆာန်​တို့​ကျက်စား​ရာ ဖြစ်​လိမ့်မည်​။

ယေ​ရ​မိ 50:39

ထို​ပြည်​၌ ကန္တာရ​သတ္တဝါ​များ​၊ တောခွေး​များ​၊ ငှက်ကုလားအုတ်​များ နေထိုင်​ကြ​လိမ့်မည်​။ မည်သူ​မျှ နေထိုင်​တော့​မည်​မ​ဟုတ်​။ မျိုးဆက်အဆက်ဆက် နေထိုင်​မည့်​သူ ရှိ​မည်​မ​ဟုတ်​”​ဟု မိန့်​တော်မူ​၏​။

ဝတ်​ပြု 11:16

ငှက်ကုလားအုတ်​၊ မြေဝပ်ငှက်​၊ စင်ရော်ငှက်​၊ သိမ်းငှက်​အမျိုးမျိုး​၊

မိက္ခာ 1:8

ထို့အတွက်ကြောင့် အကျွန်ုပ်​ငိုကြွေး​မြည်တမ်း​မည်​။ ဖိနပ်မစီး​၊ အဝတ်မဝတ်​ဘဲ သွားလာ​မည်​။ ခွေးအ​ကဲ့သို့​အူ​ပြီး ငှက်ကုလားအုတ်​ကဲ့သို့ အော်မြည်​မည်​။

ဇေဖနိ 2:14

ထို​နေရာ​သည် လူမျိုးတကာ​တို့​၏​သိုးအုပ်​များ​၊ တိရစ္ဆာန်​များ လဲလျောင်း​ရာ ဖြစ်​လိမ့်မည်​။ ငှက်ကြီးဝန်ပို​၊ ငဟစ်ငှက်​တို့​လည်း အပြိုအပျက်​များ​ကြားတွင် ခိုအောင်း​၍ ပြတင်းပေါက်​များ​တွင် အော်မြည်​ကြ​လိမ့်မည်​။ စင်စစ် သစ်ကတိုးသား​များ​ကို ဖျက်ဆီး​မည်​ဖြစ်၍ တံခါးဝ​တွင် အပျက်အစီး​တို့ ပုံ​နေ​လိမ့်မည်​။

ဗျာ​ဒိတ် 18:2

သူ​သည် ကျယ်လောင်​သော​အသံ​ဖြင့်​ကြွေးကြော်​လျက် “ဘေဘီလုံ​မြို့​ကြီး​သည် ပြိုလဲ​ပြီ၊ ပြိုလဲ​ပြီ။ ၎င်း​သည် နတ်ဆိုး​တို့​နေထိုင်​ရာ​အရပ်၊ ညစ်ညူး​သော​နတ်​အပေါင်း​တို့​၏​ခိုအောင်း​ရာ​အရပ်၊ ညစ်ညူး​သော​ငှက်​အမျိုးမျိုး​တို့​၏​ခိုအောင်း​ရာ​အရပ်​နှင့် ညစ်ညူး​၍​ရွံရှာ​ဖွယ်​ကောင်း​သော​သတ္တဝါ​အပေါင်း​တို့​၏​ခိုအောင်း​ရာ​အရပ် ဖြစ်​လေ​ပြီ။