ဟေ​ရှာ​ယ 13:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ဆိုးညစ်​သော​ကမ္ဘာကြီး​၊ ဆိုးယုတ်​သော​ဒုစရိုက်သမား​တို့​ကို ငါ​ဒဏ်ခတ်​မည်​။ မာနထောင်လွှား​သော​သူ​တို့​၏​မာန​ကို ငါ​ချုပ်ငြိမ်း​စေ​မည်​။ ကြမ်းကြုတ်​သော​သူ​တို့​၏​မာန​ကို ငါ​ချိုး​ပစ်​မည်​။

Common Language Bible

¹¹ ထာ​ဝ​ရ​ဘု​ရား​က``ငါ​သည်​ဘေး​အန္တ​ရာယ် ဆိုး​ကို​ကမ္ဘာ​မြေ​ပေါ်​သို့​သက်​ရောက်​စေ​၍ သူ ယုတ်​မာ​တို့​အား​မိ​မိ​တို့​၏​အ​ပြစ်​များ အ​တွက်​အ​ပြစ်​ဒဏ်​ခတ်​မည်။ ငါ​သည်​မာန် မာ​န​ကြီး​သူ​မှန်​သ​မျှ​ကို​ရှုတ်​ချ​၍ စိတ် ကြီး​ဝင်​ကာ​ရက်​စက်​ကြမ်း​ကြုတ်​သူ အ​ပေါင်း​အား​အ​ပြစ်​ဒဏ်​ခတ်​မည်။-

Garrad Bible

¹¹ လော က သား တို့ အ ပေါ် တွင် ဆိုး သွမ်း ပြစ် ကိုလည်း‌ ကောင်း၊ လူ ဆိုး တို့ အ ပေါ် တွင် ဒု စ ရိုက် အ ပြစ် ကိုလည်း‌ ကောင်း၊ ငါ ဆပ် ပေး၍၊ မာ န ကြီး သူ တို့ ထောင် လွှား ခြင်း ကို ရပ် စဲ စေ လျက်၊ ကြမ်း ကြုတ် သူ တို့ စော် ကား ခြင်း ကို လည်း နှိမ့် ချ သည့် အ လျောက်၊

Judson Bible

¹¹ ထို​လော​ကီ​နိုင်​ငံ၏​အ​ပြစ်​ကို​လည်း​ကောင်း၊ မ​တ​ရား​သော​သူ​တို့၏​ဒု​စ​ရိုက်​များ​ကို​လည်း​ကောင်း ငါ​စစ်​ကြော​မည်။ မာ​န​ကြီး​သော​သူ​တို့၏​ထောင်​လွှား​ခြင်း​ကို ငါ​နှိပ်​စက်၍၊ ကြမ်း​ကြုတ်​သော​သူ​တို့၏ စော်​ကား​ခြင်း​ကို ငါ​နှိမ့်​ချ​မည်။

ဟေ​ရှာ​ယ 13:11 ပူးပေါင်းရင်းမြစ်များ

ယောဘဝတ္တု။ 40:12

မောက်မာ​သော​သူ​တို့​ကို နှိမ့်ချ​ကြည့်​လိုက်​ပါ​။ လူယုတ်မာ​တို့​ကို သူ​တို့​ရှိ​သော​နေရာ​တွင်ပင် နင်းချေ​လိုက်​ပါ​။

သုတ္တံကျမ်း။ 11:31

ကမ္ဘာမြေကြီး​ပေါ်တွင် ဖြောင့်မတ်​သော​သူ​ပင် အကျိုးအပြစ်​ကို​ခံစား​ရ​သည်​ဆို​လျှင် ဆိုးယုတ်​သော​သူ​နှင့် အပြစ်ပြု​သော​သူ​မူကား အဘယ်​ဆိုဖွယ်​ရှိ​သနည်း​။

သုတ္တံကျမ်း။ 8:13

ထာဝရဘုရား​ကို​ကြောက်ရွံ့​ခြင်း​သည် မကောင်းမှု​ကို​မုန်းတီး​ခြင်း​ဖြစ်​၏​။ မောက်မာထောင်လွှား​ခြင်း​နှင့် မာနကြီး​ခြင်း​၊ မကောင်း​သော​လမ်း​နှင့် ဖောက်ပြန်လွဲမှား​သော​စကား​ကို ငါ​မုန်း​၏​။

ဟေ​ရှာ​ယ 11:4

ဆင်းရဲ​သော​သူ​တို့​ကို ဖြောင့်မတ်​စွာ​တရားစီရင်​မည်​။ နိမ့်ကျ​သော​မြေကြီးသား​တို့​အတွက် တရားမျှတ​စွာ​ဆုံးဖြတ်​မည်​။ မြေကြီး​ကို သူ​၏​နှုတ်​ကြိမ်လုံး​ဖြင့် ရိုက်နှက်​၍ ဆိုးယုတ်​သော​သူ​တို့​ကို နှုတ်ထွက်​လေ​ဖြင့် ကွပ်မျက်​မည်​။

ဟေ​ရှာ​ယ 14:21

ဘိုးဘေး​တို့​၏​ဒုစရိုက်​ကြောင့် သားမြေး​တို့​အား​ကွပ်မျက်​မည့်​နေရာ​ကို ပြင်ဆင်​ကြ​လော့​။ သို့မဟုတ်လျှင် သူ​တို့​သည် ထ​၍​ကမ္ဘာမြေ​ကို​သိမ်းယူ​ကြ​လိမ့်မည်​။ ကမ္ဘာ​မြေပြင်​ကို မြို့​များ​နှင့်​ပြည့်​စေ​ကြ​လိမ့်မည်​။

ဟေ​ရှာ​ယ 14:5

လူ​တို့​ကို ဒေါသ​ဖြင့် တစ်ချိန်လုံး​ရိုက်နှက်​၍ တိုင်းနိုင်ငံ​တို့​ကို မငဲ့မညှာ​နှိပ်စက်​လျက် အမျက်​နှင့်​အုပ်စိုး​သောကြောင့် ထာဝရဘုရား​သည် ဆိုးယုတ်​သော​သူ​တို့​၏​တုတ်​၊ အုပ်စိုး​သူ​မင်း​တို့​၏​ရာဇလှံတံ​ကို ချိုး​တော်မူ​၏​။

ဟေ​ရှာ​ယ 2:11

ထို​နေ့ရက်​တွင် မျက်နှာ​မောက်မာ​သော​သူ​သည် မာန်စွယ်ကျိုး​သွား​ရ​မည်​။ ထောင်လွှား​သော​သူ​သည် ဦးကျိုး​သွား​ရ​မည်​။ ထာဝရဘုရား​တစ်ပါးတည်း​သာ ချီးမြှောက်​ခြင်း​ခံရ​မည်​။

ဟေ​ရှာ​ယ 2:12

အကယ်စင်စစ် ကောင်းကင်​ဗိုလ်ခြေ​အရှင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့ရက်​၌ မောက်မာ​ထောင်လွှား​သော​သူ​၊ ကိုယ့်ကိုယ်ကိုယ်​ချီးမြှောက်​သော​သူ​အပေါင်း​တို့​၏​မာန်စွယ်​ကို ချိုး​တော်မူ​မည်​။

ဟေ​ရှာ​ယ 2:17

ထို​နေ့ရက်​၌ မောက်မာ​သော​သူ​သည် ဦးကျိုး​သွား​ရ​မည်​။ ထောင်လွှား​သော​သူ​သည် မာန်စွယ်ကျိုး​သွား​ရ​မည်​။ ထာဝရဘုရား​တစ်ပါးတည်းသာ ချီးမြှောက်​ခြင်း​ခံရ​မည်​။

ဟေ​ရှာ​ယ 22:14

ကောင်းကင်​ဗိုလ်ခြေ​အရှင်​ထာဝရဘုရား​သည် ငါ့​ကို ဗျာဒိတ်​ပေး​တော်မူ​၏​။ “​သင်​တို့​၏​အပြစ်​ကို သင်​တို့​သေ​သည့်​တိုင်အောင် ဖြေလွှတ်​လိမ့်မည်​မ​ဟုတ်​”​ဟု ကောင်းကင်​ဗိုလ်ခြေ​အရှင်သခင်​ထာဝရဘုရား မိန့်​တော်မူ​၏​။

ဟေ​ရှာ​ယ 23:9

ကောင်းကင်​ဗိုလ်ခြေ​အရှင်​ထာဝရဘုရား​သည် ထိုသို့ ကြံစည်​တော်မူ​၏​။ ဤသည်ကား ဂုဏ်သရေ​မာန်တက်​ခြင်း​အလုံးစုံ​ကို ရှုတ်ချ​ရန်​နှင့် မြေကြီး​ပေါ်တွင် ချီးမြှောက်​ခံရ​သော​သူ​အပေါင်း​တို့​ကို နှိမ့်ချ​ရန်​အတွက် ဖြစ်​၏​။

ဟေ​ရှာ​ယ 24:21

ထို​နေ့ရက်​၌ ထာဝရဘုရား​သည် ကောင်းကင်​ဗိုလ်ခြေ​တို့​ကို ကောင်းကင်​၌​လည်းကောင်း​၊ မြေကြီး​ဘုရင်​တို့​ကို မြေကြီး​ပေါ်၌​လည်းကောင်း ဒဏ်ခတ်​တော်မူ​မည်​။

ဟေ​ရှာ​ယ 25:3

ထို့ကြောင့် အားကြီး​သော​လူမျိုး​သည် ကိုယ်တော်​ကို ဂုဏ်ပြုချီးမွမ်း​လိမ့်မည်​။ ကြမ်းကြုတ်​သော​လူမျိုး​တို့​နေ​သော​မြို့​သည် ကိုယ်တော်​ကို​ကြောက်ရွံ့​လိမ့်မည်​။

ဟေ​ရှာ​ယ 25:5

ခြောက်သွေ့​သော​အရပ်​မှ အပူရှိန်​ကဲ့သို့ ဖြစ်​၏​။ ကိုယ်တော်​သည် တစ်ပါးအမျိုးသား​တို့​၏​ဆူညံသံ​ကို တိတ်ဆိတ်​စေ​တော်မူ​၏​။ တိမ်တိုက်​၏​အရိပ်​အားဖြင့် အပူရှိန်​လျော့ကျ​သွား​သကဲ့သို့ ကြမ်းကြုတ်​သော​သူ​တို့​၏​သီချင်းသံ​သည် တိတ်ဆိတ်​သွား​၏​။

ဟေ​ရှာ​ယ 26:21

အကြောင်းမူကား ကြည့်ရှု​လော့​။ ထာဝရဘုရား​သည် မြေကြီးသား​တို့​ကို အပြစ်​ဒဏ်ပေး​ရန် ကိန်းဝပ်​တော်မူ​ရာ​အရပ်​မှ ကြွလာ​တော်မူ​၏​။ ထိုအခါ မြေကြီး​သည် မိမိ​၌ အသတ်​ခံရ​သော​သူ​တို့​ကို ထုတ်ပြ​မည်​။ သတ်​သော​သူ​တို့​ကို​လည်း ဝှက်ထား​မည်​မ​ဟုတ်​။

ဟေ​ရှာ​ယ 29:20

အကြောင်းမူကား ကြမ်းကြုတ်​သော​သူ​တို့​သည် ရှိ​တော့​မည်​မ​ဟုတ်​။ ပြက်ရယ်​ပြု​တတ်​သော​သူ​တို့​သည်​လည်း ပျောက်ကွယ်​သွား​လိမ့်မည်​။ ဒုစရိုက်​ပြု​ရန် ချောင်းမြောင်း​နေ​သော​သူ​၊

ဟေ​ရှာ​ယ 29:5

သို့သော် သင့်​ရန်သူ​အလုံးအရင်း​သည် ဖုန်မှုန့်​ကဲ့သို့​ဖြစ်​မည်​။ ကြမ်းကြုတ်​သူ​အလုံးအရင်း​သည် လွင့်မျော​နေ​သော​ဖွဲ​ကဲ့သို့ ဖြစ်​မည်​။ ထိုကဲ့သို့ ရုတ်ခြည်း​ဖြစ်​မည်​။

ဟေ​ရှာ​ယ 3:11

ဆိုးယုတ်​သော​သူ​သည် အမင်္ဂလာ​ရှိ​၏​။ သူ​၌ ဆိုးညစ်​သော​အမှု သက်ရောက်​မည်​။ သူ​၏​လုပ်ဆောင်မှု​အတိုင်း သူ​၌​ဖြစ်​လိမ့်မည်​။

ဟေ​ရှာ​ယ 5:15

လူ​သည် နှိမ့်ချ​ခြင်း​ကို​ခံရ​၍ လူတိုင်း နိမ့်ကျ​ကြ​ရ​လိမ့်မည်​။ မျက်နှာ​မောက်မာ​သော​သူ​တို့​သည် မာန်စွယ်ကျိုး​ကြ​ရ​လိမ့်မည်​။

ဟေ​ရှာ​ယ 65:7

တောင်ကြီး​များ​ပေါ်တွင် နံ့သာပေါင်း​ကို​မီးရှို့​၍ တောင်ငယ်​များ​ပေါ်တွင် ငါ့​ကို​စော်ကားပြုမူ​ကြ​သော သင်​တို့​၏​ဒုစရိုက်​များ​နှင့် သင်​တို့​ဘိုးဘေး​တို့​၏​ဒုစရိုက်​များ​ကို အတူတကွ ငါ​ပြန်ပေးဆပ်​စေ​မည်​။ ထို့ကြောင့် ငါ​သည် သူ​တို့​၏​ယခင်​လုပ်ရပ်​တို့​ကို အကုန်အစင်​စစ်ဆေး​မည်​”​ဟု မိန့်​တော်မူ​၏​။

ယေ​ရ​မိ 48:29

မောဘ​၏​မာန​ကို ငါ​တို့​ကြားသိ​ရ​ပြီ​။ သူ​သည် အလွန်​မောက်မာ​၏​၊ ဘဝင်မြင့်​၍ မာနကြီး​၏​၊ ဝါကြွား​၍ ထောင်လွှား​၏​။

ဒံ​ယေ​လ 4:34

အချိန်စေ့​သောအခါ ငါ​နေဗုခဒ်နေဇာ​မင်းကြီး​သည် ကောင်းကင်​သို့​မော့ကြည့်​၍ လူ့စိတ်​ပြန်ဝင်​လေ​၏​။ ထို့ကြောင့် အမြင့်ဆုံး​သော​အရှင်​ကို ချီးမွမ်း​၏​။ ထာဝရ​အသက်ရှင်​တော်မူ​သော​အရှင်​၏​ဂုဏ်တော်​၊ ဘုန်းအသရေ​တော်​ကို ချီးမြှောက်​၏​။ ကိုယ်တော်​၏​အာဏာစက်​သည် ထာဝရ​အာဏာစက် ဖြစ်​၏​။ ကိုယ်တော်​၏​နိုင်ငံ​တော်​သည်​လည်း ကာလ​အစဉ်​တည်​၏​။

ဟ​ဗက္ကုတ် 2:4

ကြည့်ရှု​လော့​။ ဘဝင်မြင့်​သော​သူ​၏​အတွင်းစိတ်​သည် ဖြောင့်မှန်​လေ့​မ​ရှိ​။ ဖြောင့်မတ်​သော​သူ​တို့​မူကား ယုံကြည်​ခြင်း​ကြောင့် အသက်ရှင်​ရ​လိမ့်မည်​။