ဟေ​ရှာ​ယ 10:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အစ္စရေး​လူမျိုး​၏​အလင်း​သည် မီး​သဖွယ်​ဖြစ်​၏​။ အစ္စရေး​လူမျိုး​၏​သန့်ရှင်း​သော​အရှင်​သည် မီးလျှံ​သဖွယ်​ဖြစ်​၏​။ တစ်နေ့ချင်း​တွင် ထို​ဘုရင်​၏​ဆူးပင်​၊ ချုံပင်​များ​ကို လောင်ကျွမ်း​ဝါးမျို​လိမ့်မည်​။

Common Language Bible

¹⁷ ဣ​သ​ရေ​လ​အ​မျိုး​သား​တို့​၏​အ​လင်း​ဖြစ် တော်​မူ​၍ သန့်​ရှင်း​မြင့်​မြတ်​တော်​မူ​သော​ဘု​ရား​သ​ခင်​သည်​ဆူး​ပင်​အ​မျိုး​မျိုး​ပါ​မ​ကျန် ခပ်​သိမ်း​သော​အ​ရာ​တို့​ကို တစ်​နေ့​ချင်း​၌ ကျွမ်း​လောင်​စေ​တတ်​သော​မီး​ကဲ့​သို့​ဖြစ် လိမ့်​မည်။-

Garrad Bible

¹⁷ ဣ သ ရေ လ လူ မျိုး၏ အ လင်း တော် သည်၊ မီး သ ဖွယ်၊ သန့် ရှင်း တော် မူ သော အ ရှင် သည် မီး လျှံ သ ဖွယ် ဖြစ် သ ဖြင့်၊ ထို နိုင် ငံ ရှိ ဆူး ချုံ၊ ရှား စောင်း တော များ ကို နေ့ ချင်း ကျွမ်း လောင် လျက်၊

Judson Bible

¹⁷ ဣ​သ​ရေ​လ​အ​မျိုး၏​အ​လင်း​သည် မီး​ဖြစ်​တော်​မူ​မည်။ သန့်​ရှင်း​သော​ဘု​ရား​သည် မီး​လျှံ​ဖြစ်​တော်​မူ​မည်။ တစ်​နေ့​ချင်း​တွင်၊ ထို​မင်း၏ ဆူး​ပင်​အ​မျိုး​မျိုး​တို့​ကို မီး​ရှို့၍၊ ကျွမ်း​စေ​တော်​မူ​မည်။

ဟေ​ရှာ​ယ 10:17 ပူးပေါင်းရင်းမြစ်များ

ဆာ​လံ 18:8

ကိုယ်တော်​၏​နှာခေါင်း​တော်​ထဲမှ မီးခိုး​ထွက်​၍ ခံတွင်း​တော်​ထဲမှ မီးတောက်​ထွက်လာ​၏​။ ထို​မီးတောက်​ကြောင့် မီးခဲ​တို့​သည် တောက်လောင်​ကြ​၏​။

ဆာ​လံ 21:9

ကိုယ်တော်​ပေါ်ထွန်း​တော်မူ​သော​အချိန်​၌ ကိုယ်တော်​သည် သူ​တို့​ကို တောက်လောင်​နေ​သော​မီးပြင်းဖို​ကဲ့သို့ ဖြစ်​စေ​တော်မူ​လိမ့်မည်​။ ထာဝရဘုရား​သည် အမျက်​တော်​ဖြင့် သူ​တို့​ကို​ဝါးမျို​လိမ့်မည်​။ မီး​သည် သူ​တို့​ကို​လောင်ကျွမ်း​လိမ့်မည်​။

ဆာ​လံ 27:1

ထာဝရဘုရား​သည် ငါ​၏​အလင်း​၊ ငါ့​ကို​ကယ်တင်​သော​အရှင်​ဖြစ်​တော်မူ​၏​။ ငါ​သည် မည်သူ့​ကို​ကြောက်​ရ​မည်နည်း​။ ထာဝရဘုရား​သည် ငါ့​အသက်​၏ မှီခို​ရာ​ဖြစ်​တော်မူ​၏​။ ငါ​သည် မည်သူ့​ကို​ကြောက်ရွံ့​ရ​မည်နည်း​။

ဆာ​လံ 50:3

ငါ​တို့​၏​ဘုရားသခင်​သည် ကြွလာ​တော်မူ​မည်​။ ကိုယ်တော်​သည် တိတ်ဆိတ်​စွာ​နေ​တော်မူ​မည်​မ​ဟုတ်​။ ကိုယ်တော်​၏​ရှေ့​တော်​၌ ဝါးမျို​တတ်​သော​မီး​ရှိ​၍ ကိုယ်တော်​၏​ပတ်လည်​၌ ပြင်းထန်​သော​မုန်တိုင်း​ရှိ​၏​။

ဆာ​လံ 84:11

အကြောင်းမူကား ဘုရားသခင်​ထာဝရဘုရား​သည် နေ​လည်း​ဖြစ်​တော်မူ​၏​။ ဒိုင်းလွှား​လည်း​ဖြစ်​တော်မူ​၏​။ ထာဝရဘုရား​သည် ကျေးဇူး​တော်​နှင့်​ဘုန်းအသရေ​တော်​ကို ပေး​တော်မူ​၏​။ အပြစ်တင်စရာမရှိ​အောင် အသက်ရှင်​လျှောက်လှမ်း​သော​သူ​တို့​အား ကောင်းမြတ်​သော​အရာ​ကို မပေး​ဘဲ​နေ​တော်မူ​မည်​မ​ဟုတ်​။

ဆာ​လံ 97:3

မီး​သည် ကိုယ်တော်​၏​ရှေ့​မှ​သွား​၍ ကိုယ်တော်​၏​ရန်သူ​တို့​ကို လှည့်ပတ်​လောင်ကျွမ်း​၏​။

ဟေ​ရှာ​ယ 26:11

အို ထာဝရဘုရား​၊ ကိုယ်တော်​သည် လက်​တော်​ကို​မြှောက်​သော်လည်း သူ​တို့​မ​မြင်​။ ကိုယ်တော်​၏​လူမျိုး​တော်​အတွက် ကိုယ်တော်​စိတ်အားထက်သန်​တော်မူ​သည်​ကို သူ​တို့​တွေ့မြင်​၍ ရှက်ကြောက်​ကြ​ပါစေ​။ ကိုယ်တော်​၏​ရန်သူ​တို့​ကို လောင်ကျွမ်း​မည့်​မီး​သည် သူ​တို့​ကို​လောင်ကျွမ်း​ပါစေ​။

ဟေ​ရှာ​ယ 27:4

ငါ အမျက်​မ​ထွက်​ပါ​။ မည်သူ​သည် ငါ့​ကို ချုံပင်​၊ ဆူးပင်​များ​နှင့် တိုက်ပွဲ​ဝင်​စေ​မည်နည်း​။ ချီတက်​တိုက်ခိုက်​ပြီး အားလုံး​မီးရှို့​ပစ်​မည်​။

ဟေ​ရှာ​ယ 27:7

သူ့​ကို​ရိုက်နှက်​သော​သူ​အား ကိုယ်တော်​ဒဏ်ခတ်​တော်မူ​သကဲ့သို့ သူ့​ကို​ဒဏ်ခတ်​တော်မူ​သလော​။ သူ့​ကို​သတ်​သော​သူ​တို့ အသတ်​ခံရ​သကဲ့သို့ သူ​အသတ်​ခံရ​သလော​။

ဟေ​ရှာ​ယ 30:33

အကယ်စင်စစ် တောဖက်​အရပ်​ကို ရှေးယခင်​ကပင် ပြင်ဆင်​ထား​လေ​ပြီ​။ ထို​အရပ်​ကို ရှင်ဘုရင်​အတွက် အဆင်သင့်​ဖြစ်စေ​ပြီ​။ ထို​အရပ်​သည် နက်​၍​ကျယ်ဝန်း​ပြီး မီးရှို့​ရန်​ထင်း​အမြောက်အမြား​ပုံထား​၏​။ ထာဝရဘုရား​၏​ထွက်သက်လေ​သည် ကန့်ရည်စီးကြောင်း​ကဲ့သို့​ထွက်လာ​၍ ထို​အရပ်​ကို မီးစွဲလောင်​စေ​မည်​။

ဟေ​ရှာ​ယ 31:1

အစ္စရေး​လူမျိုး​၏​သန့်ရှင်း​သော​ဘုရား​ကို မ​မျှော်ကြည့်​၊ ထာဝရဘုရား​ကို မ​ရှာ​ဘဲ အီဂျစ်​ပြည်​၏​မြင်း​များ​၊ များစွာ​သော​စစ်ရထား​၊ အလွန်​အားကြီး​သော​မြင်းစီးသူရဲ​တို့​ကို ကိုးစား​မှီဝဲ​ပြီး အီဂျစ်​ပြည်​သို့​သွား​၍ အကူအညီ​တောင်း​သူ​တို့​သည် အမင်္ဂလာ​ရှိ​ကြ​၏​။

ဟေ​ရှာ​ယ 31:9

သူ​၏​ကျောက်​သည် ကြောက်လန့်​၍ ပျောက်ကွယ်​သွား​လိမ့်မည်​။ သူ​၏​အကြီးအကဲ​တို့​သည် အချက်ပြအလံ​ကြောင့် စိတ်ပျက်​ကြ​လိမ့်မည်​”​ဟု ဇိအုန်​တောင်​ပေါ်တွင်​မီး​၊ ဂျေရုဆလင်​မြို့​တွင် မီးဖို​တည်​တော်မူ​သော ထာဝရဘုရား​မိန့်​တော်မူ​၏​။

ဟေ​ရှာ​ယ 33:12

လူ​တို့​သည် ထုံးမှုန့်​ဖြစ်​သည်​အထိ လောင်မြိုက်​ခြင်း​ခံရ​မည်​။ ဆူးပင်​ကို​ခုတ်လှဲ​၍ မီး​ရှို့​လိုက်​သကဲ့သို့ ဖြစ်​မည်​။

ဟေ​ရှာ​ယ 33:14

ဇိအုန်​မြို့​ရှိ​အပြစ်သား​တို့​သည် ကြောက်ရွံ့​ကြ​လေ​ပြီ​။ ထိတ်လန့်တုန်လှုပ်​ခြင်း​သည် ဘုရားတရားမဲ့​သူ​တို့​ကို လွှမ်းမိုး​လေ​ပြီ​။ သူ​တို့​က “​ငါ​တို့​တွင် မည်သူ​သည် တောက်လောင်​သော​မီး​ထဲ၌ နေ​နိုင်​သနည်း​။ ငါ​တို့​တွင် မည်သူ​သည် ထာဝရ​မီးတောက်​ထဲ၌ နေ​နိုင်​သနည်း​”​ဟု ဆို​ကြ​၏​။

ဟေ​ရှာ​ယ 37:23

သင်​မည်သူ့​ကို ကဲ့ရဲ့ပြစ်တင်​နေ​သနည်း​၊ မည်သူ့​ကို စော်ကားပြောဆို​နေ​သနည်း​၊ မည်သူ့​ကို အော်ဟစ်​နေ​သနည်း​၊ မည်သူ့​ကို မောက်မောက်မာမာ​ကြည့်​နေ​သနည်း​။ အစ္စရေး​လူမျိုး​၏​သန့်ရှင်း​သော​အရှင်​ကို​ပင် မ​ဟုတ်​လော​။

ဟေ​ရှာ​ယ 37:36

ထာဝရဘုရား​၏​ကောင်းကင်တမန်​သည် ထွက်လာ​၍ အဆီးရီးယား​တပ်စခန်း​ထဲတွင် စစ်သည်​တစ်သိန်း​ရှစ်သောင်း​ငါးထောင်​ကို သတ်​လေ​၏​။ နံနက်​စောစောထ​ကြ​သောအခါ အလောင်းကောင်​များ​သာ တွေ့​ရ​၏​။

ဟေ​ရှာ​ယ 47:14

ကြည့်ရှု​လော့​။ သူ​တို့​သည် ရိုးပြတ်​ကဲ့သို့​ဖြစ်​၍ မီး​လောင်ကျွမ်း​ခြင်း​ခံရ​မည်​။ မီးတောက်မီးလျှံ​မှ မိမိကိုယ်မိမိ မ​ကယ်​နိုင်​ကြ​။ အနွေးဓာတ်​ရ​ဖို့​မီးခဲ​၊ ထိုင်လှုံစရာ​မီး​အဖြစ်​ပင် ကျန်​မည်​မ​ဟုတ်​။

ဟေ​ရှာ​ယ 60:19

နေ့​အချိန် သင်​ရ​သော​အလင်း​သည် နေ​၏​အလင်း​မ​ဟုတ်​တော့​ပေ​။ တောက်ပ​သော​လ​သည်​လည်း သင့်​အပေါ်​ထွန်းလင်း​တော့​မည်​မ​ဟုတ်​။ အကြောင်းမူကား ထာဝရဘုရား​သည် သင်​၌ ထာဝရ​အလင်း​ဖြစ်​တော်မူ​မည်​။ သင်​၏​ဘုရားသခင်​သည် သင်​၏​ဂုဏ်ကျက်သရေ​ဖြစ်​တော်မူ​မည်​။

ဟေ​ရှာ​ယ 66:24

သူ​တို့​သည် ငါ့​ကို​ဆန့်ကျင်​ပုန်ကန်​သော​လူ​တို့​၏​အလောင်းကောင်​များ​ကို ထွက်​ကြည့်​ကြ​လိမ့်မည်​။ ထို​အလောင်းကောင်​တို့​ကို​စား​သော​လောက်ကောင်​သည် မ​သေ​၊ လောင်​သော​မီး​လည်း မ​ငြိမ်း​။ လူ​ခပ်သိမ်း​တို့​အတွက် စက်ဆုပ်ဖွယ်​ဖြစ်​မည်​”​ဟု မိန့်​တော်မူ​၏​။

ဟေ​ရှာ​ယ 9:18

အကယ်စင်စစ် ဆိုးယုတ်မှု​သည် မီး​ကဲ့သို့​လောင်ကျွမ်း​တတ်​၏​။ ချုံပင်​၊ ဆူးပင်​များ​ကို​လောင်မြိုက်​လျက်​၊ တောအုပ်​ကို​စွဲလောင်​လျက် အခိုး​တလူလူ​တက်​စေ​တတ်​၏​။

ယေ​ရ​မိ 4:4

ယုဒ​ပြည်သူ​ဂျေရုဆလင်​မြို့သား​တို့​၊ အရေဖျားလှီး​ခြင်း​ကို​ခံ​၍ သင်တို့ကိုယ်သင်တို့ ထာဝရဘုရား​ထံ​ဆက်ကပ်​ကြ​လော့​။ သင်​တို့​၏​စိတ်နှလုံး​အရေဖျား​ကို ဖယ်ရှား​ကြ​လော့​။ သို့မဟုတ်လျှင် သင်​တို့​၏​ဆိုးညစ်​သော​လုပ်ရပ်​ကြောင့် ငါ့​အမျက်​သည် မီး​ကဲ့သို့ မည်သူ​မျှ​မ​ငြှိမ်း​နိုင်​အောင် တောက်လောင်​လိမ့်မည်​။

ယေ​ရ​မိ 7:20

ထို့ကြောင့် ဘုရားရှင်​ထာဝရဘုရား​က “​ကြည့်ရှု​လော့​။ ငါ့​အမျက်​ဒေါသ​သည် ဤ​အရပ်​နှင့်တကွ လူ​၊ တိရစ္ဆာန်​၊ ကွင်းပြင်​ရှိ​သစ်ပင်​၊ မြေ​အသီးအနှံ​တို့​အပေါ် သွန်ချ​မည်​။ ငါ​၏​ဒေါသ​သည် မ​ငြိမ်း​ဘဲ​တောက်လောင်​လိမ့်မည်​”​ဟု မိန့်​တော်မူ​၏​။

နာ​ဟုံ 1:10

သူ​တို့​သည် ဆူးချုံ​ကဲ့သို့ ရစ်ပတ်​ရှုပ်ထွေး​လျက်​၊ စပျစ်ဝိုင်​ကို​သောက်စား​မူးယစ်​လျက်​နေစဉ် ခြောက်သွေ့​သော​ရိုးပြတ်​ကဲ့သို့ မီး​လောင်ကျွမ်း​ခြင်း​ခံရ​လိမ့်မည်​။

ဇေဖနိ 1:18

ထာဝရဘုရား​၏​အမျက်​တော်​ကျရောက်​သော​နေ့​၌ သူ​တို့​၏​ရွှေ​ငွေ​များ​သည် သူ​တို့​ကို ကယ်တင်​နိုင်​မည်​မ​ဟုတ်​။ သဝန်တို​ခြင်း​မီး​သည် မြေ​တစ်ပြင်လုံး​ကို လောင်ကျွမ်း​သွား​လိမ့်မည်​။ မြေကြီးသား​အပေါင်း​တို့​ကို ထိတ်လန့်​တုန်လှုပ်​စွာ​ဖြင့် ဘဝနိဂုံးချုပ်​စေ​မည်​။

ဇာ​ခ​ရိ 12:6

ထို​နေ့ရက်​တွင် ငါ​သည် ယုဒ​သူကြီး​တို့​ကို ထင်း​မီးဖို​၊ ကောက်လှိုင်း​မီးတုတ် ဖြစ်စေ​သဖြင့် လက်ယာ​ဘက်​၊ လက်ဝဲ​ဘက် ဝန်းကျင်​ရှိ​လူမျိုး​အပေါင်း​တို့​ကို လောင်ကျွမ်း​လိမ့်မည်​။ ဂျေရုဆလင်​မြို့​မူကား ယခင်​နေရာ​ဖြစ်​သည့် ဂျေရုဆလင်​မြို့​၌ တည်ရှိ​လိမ့်မည်​။

တော​လည် 16:35

ထာဝရဘုရား​ထံ​တော်​မှ​လည်း မီး​ထွက်လာ​၍ နံ့သာပေါင်း​ပူဇော်​နေ​သော လူ​အယောက်​နှစ်ရာ့​ငါးဆယ်​တို့​ကို လောင်ကျွမ်း​လေ​၏​။

မဿဲ 3:12

လက်​တော်​၌​လည်း ဆန်ကော​ကို​ကိုင်​ထား​လျက် မိမိ​၏​ကောက်နယ်​တလင်း​ကို အကုန်အစင်​ရှင်းလင်း​ပြီး မိမိ​၏​ဂျုံဆန်​ကို ကျီ​၌​စုသိမ်း​၍ အဖျင်း​ကို​ကား မ​ငြိမ်း​နိုင်​သော​မီး​ဖြင့်​ရှို့​တော်မူ​လိမ့်မည်”​ဟု ဆို​လေ​၏။

တ​ရား​ဟော 4:24

သင်​တို့​၏​ဘုရားသခင်​ထာဝရဘုရား​သည် လောင်​သော​မီး​၊ သဝန်တို​သော​ဘုရား​ဖြစ်​တော်မူ​၏​။

ဟေ​ဗြဲ 12:29

အကြောင်းမူကား ငါ​တို့​၏​ဘုရားသခင်​သည် လောင်ကျွမ်း​သော​မီး​ဖြစ်​တော်မူ​၏။

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။

ဗျာ​ဒိတ် 22:5

ည​သည် ရှိ​တော့မည်​မ​ဟုတ်။ ထာဝရ​အရှင်​ဘုရားသခင်​သည် သူ​တို့​အပေါ်​ထွန်းလင်း​တော်မူ​သည်​ဖြစ်၍ ဆီမီး​၏​အလင်း​နှင့်​နေ​၏​အလင်း​တို့ မ​လိုအပ်​တော့​ပေ။ သူ​တို့​သည် ကမ္ဘာ​အဆက်ဆက်​စိုးစံ​ကြ​လိမ့်မည်။