ဟေ​ဗြဲ 8:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ယဇ်ပုရောဟိတ်​မင်း​အားလုံး​သည် ပူဇော်သက္ကာ​နှင့်​ယဇ်​တို့​ကို​ပူဇော်​ရန် ခန့်ထား​ခြင်း​ခံရ​သည်​ဖြစ်၍ ဤ​ယဇ်ပုရောဟိတ်​မင်း​သည်​လည်း ပူဇော်​စရာ​တစ်စုံတစ်ခု​ရှိ​ရန်​လိုအပ်​၏။

Common Language Bible

³ ယဇ်​ပု​ရော​ဟိတ်​မင်း​မည်​သည်​ပူ​ဇော်​သ​ကာ ဆက်​သ​ရန်​နှင့်​ယဇ်​ပူ​ဇော်​ရန်​ခန့်​ထား​ခြင်း​ခံ ရ​သူ​ဖြစ်​၏။ သို့​ဖြစ်​၍​ငါ​တို့​၏​ယဇ်​ပု​ရော ဟိတ်​မင်း​မှာ​လည်း​ဆက်​သ​ပူ​ဇော်​ရန် ပူ​ဇော် သ​ကာ​တစ်​စုံ​တစ်​ရာ​ရှိ​ရ​ပေ​မည်။-

Garrad Bible

³ အ လှူ ဝ တ္တု နှင့် ပူ ဇော် သ က္ကာ များ ပါ ဆက် ကပ် ရန် ပ ရော ဟိတ် မင်း ရှိ သ မျှ ကို ခန့် ထား သည့် အ လိုက် ဆို ခဲ့ သော အ ရှင် လည်း ဆက် ကပ် ရန် ရှိ ရ၏။

Judson Bible

³ ယဇ်​ပု​ရော​ဟိတ်​မင်း​မည်​သည်​ကား၊ ပူ​ဇော်​သ​ကာ​နှင့် ယဇ်​ကို​ပူ​ဇော်​စေ​ခြင်း​ငှာ ခန့်​ထား​လျက်​ရှိ​သည်​ဖြစ်၍၊ ငါ​တို့ ယဇ်​ပု​ရော​ဟိတ်​မင်း​သည်​လည်း ပူ​ဇော်​စ​ရာ​ယဇ်​တစ်​စုံ​တစ်​ခု ရှိ​ရ၏။-

ခေတ်သစ်​မြန်မာ သမ္မာကျမ်း

³ ယဇ်ပုရောဟိတ်မင်း​ဟူသည် ပူဇော်စရာများ​နှင့် ယဇ်များ​ကို ဘုရားသခင်​ထံ ပူဇော်​ရန် ခန့်အပ်ခြင်း​ခံရသူ​ဖြစ်၏။ ထို့ကြောင့် ကျွန်ုပ်တို့​၏​ယဇ်ပုရောဟိတ်မင်း​သည်​လည်း ပူဇော်စရာ​တစ်စုံတစ်ခု​ရှိရမည်။

ဟေ​ဗြဲ 8:3 ပူးပေါင်းရင်းမြစ်များ

ရှင်ယောဟန် 6:51

ငါ​သည် ကောင်းကင်​မှ​ဆင်းသက်​သည့် အသက်ရှင်​သော​မုန့်​ဖြစ်​၏။ မည်သူမဆို ဤ​မုန့်​ကို​စား​လျှင် ကာလ​အစဉ်အဆက်​အသက်ရှင်​မည်။ လောကီသား​တို့​၏​အသက်​အတွက် ငါ​ပေး​မည့်​မုန့်​ကား ငါ​၏​အသား​ပေတည်း”​ဟု မိန့်​တော်မူ​၏။

ရော​မ 4:25

သခင်​ယေရှု​သည် ငါ​တို့​ကျူးလွန်​သော​အပြစ်​များ​အတွက် အပ်နှံ​ခြင်း​ကို​ခံရ​ပြီး ငါ​တို့​ဖြောင့်မတ်​သည်​ဟု အသိအမှတ်ပြု​ခြင်း​ခံရ​ရန်​အတွက် ထမြောက်​တော်မူ​၏။

ရော​မ 5:6

ငါ​တို့​အားနည်း​လျက်​ရှိ​နေ​ကြ​စဉ် ခရစ်တော်​သည် အချိန်တန်​သည်​နှင့် ဘုရား​တရား​မဲ့​သော​သူ​များ​အတွက် အသေခံ​တော်မူ​၏။

ရော​မ 5:8

သို့သော် ငါ​တို့​သည် အပြစ်သား​များ​ဖြစ်​ကြ​စဉ်​ပင် ခရစ်တော်​သည် ငါ​တို့​အတွက် အသေခံ​တော်မူ​ခြင်း​အားဖြင့် ဘုရားသခင်​သည် ငါ​တို့​အပေါ်​ထားရှိ​သော မိမိ​၏​ချစ်​ခြင်း​မေတ္တာ​တော်​ကို ထင်ရှား​စေ​တော်မူ​၏။

ဂ​လာ​တိ 2:20

သို့ဖြစ်၍ ငါ​အသက်ရှင်​သည်မှာ ငါ​ကိုယ်တိုင်​မ​ဟုတ်​တော့​ဘဲ ခရစ်တော်​သည် ငါ​၌​အသက်ရှင်​တော်မူ​၏။ ယခု ကိုယ်ကာယ​၌ ငါ​အသက်ရှင်​သည်မှာ ငါ့​ကို​ချစ်​၍ ငါ့​အတွက် မိမိကိုယ်ကို​စွန့်​တော်မူ​သော ဘုရားသခင်​၏​သား​တော်​ကို ယုံကြည်​ခြင်း​အားဖြင့် အသက်ရှင်​ခြင်း​ဖြစ်​၏။

ဧ​ဖက် 5:2

ခရစ်တော်​သည် ငါ​တို့​ကို​ချစ်​တော်မူ​၍ ငါ​တို့​အတွက် မိမိကိုယ်ကို ပူဇော်သက္ကာ​နှင့်​ယဇ်​တည်းဟူသော မွှေးကြိုင်​သည့်​ရနံ့​အဖြစ် ဘုရားသခင်​ထံ ဆက်ကပ်​အပ်နှံ​တော်မူ​သည့်​နည်းတူ ချစ်​ခြင်း​မေတ္တာ​၌ အသက်ရှင်​လျှောက်လှမ်း​ကြ​လော့။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

ဟေ​ဗြဲ 2:17

ထို့ကြောင့် ကိုယ်တော်​သည် လူ​တို့​၏​အပြစ်​များ​အတွက် အသနားခံ​ခြင်း​အမှု​ကို​ပြု​ရန် ဘုရားသခင်​ရှေ့​တော်​၌ သနား​ကြင်နာ​တတ်​သည့် သစ္စာရှိ​သော​ယဇ်ပုရောဟိတ်​မင်း​ဖြစ်​မည့်​အကြောင်း အရာရာ​၌ ညီအစ်ကို​များ​နှင့်​တူ​ရ​၏။

ဟေ​ဗြဲ 3:1

သို့ဖြစ်၍ ကောင်းကင်​နှင့်ဆိုင်သော ခေါ်ယူ​တော်မူ​ခြင်း​၌​ပါဝင်​သည့် သန့်ရှင်း​သော​ညီအစ်ကို​တို့၊ ငါ​တို့​ယုံကြည်​ဝန်ခံ​သည့် တမန်တော်​နှင့်​ယဇ်ပုရောဟိတ်​မင်း​တည်းဟူသော ယေရှု​အကြောင်း​ကို ဆင်ခြင်​အောက်မေ့​ကြ​လော့။

ဟေ​ဗြဲ 5:1

လူ​တို့​အထဲမှ ရွေးကောက်​ခြင်း​ခံရ​သော​ယဇ်ပုရောဟိတ်​မင်း​မှန်သမျှ​သည် အပြစ်​ဖြေ​ရာ​ယဇ်​များ​နှင့်​ပူဇော်သက္ကာ​များ​ကို လူ​တို့​၏​ကိုယ်စား ဘုရားသခင်​ထံ​ပူဇော်​ဆက်ကပ်​ရန် ခန့်ထား​ခြင်း​ခံရ​၏။

ဟေ​ဗြဲ 7:27

အခြား​သော​ယဇ်ပုရောဟိတ်​မင်း​တို့​သည် ဦးစွာ မိမိ​တို့​အပြစ်​များ​အတွက်၊ ထို့နောက် လူ​တို့​၏​အပြစ်​များ​အတွက် နေ့စဉ် ယဇ်​ပူဇော်​သကဲ့သို့ ကိုယ်တော်​သည် ယဇ်​ပူဇော်​ရန်​မ​လိုအပ်​ပေ။ အကြောင်းမူကား ကိုယ်တော်​သည် မိမိကိုယ်ကို​တစ်ကြိမ်တည်း​နှင့်​အပြီး​ပူဇော်​ခြင်း​ဖြင့် ဤ​အမှု​ကို​ပြု​တော်မူ​၏။

ဟေ​ဗြဲ 8:4

ကိုယ်တော်​သည် ကမ္ဘာ​မြေကြီး​ပေါ်တွင်​ရှိ​ခဲ့​လျှင် ပညတ်​တရား​အရ ပူဇော်သက္ကာ​ကို​ပူဇော်​သော​သူ​များ​ရှိ​နေ​ကြ​သည်​ဖြစ်၍ ယဇ်ပုရောဟိတ်​ဖြစ်​လိမ့်မည်​မ​ဟုတ်။

ဟေ​ဗြဲ 9:14

ထာဝရ​ဝိညာဉ်​တော်​အားဖြင့် အပြစ်​အနာအဆာ​ကင်း​သော မိမိ​ကိုယ်ကို ဘုရားသခင်​ထံ​ပူဇော်​ခဲ့​သည့် ခရစ်တော်​၏​သွေး​တော်​သည် အသက်ရှင်​သော​ဘုရားသခင်​ကို ငါ​တို့​ဝတ်ပြု​မည့်​အကြောင်း သေ​ခြင်း​နှင့်ဆိုင်သော​အကျင့်​များ​မှ ငါ​တို့​၏​အသိစိတ်​ကို မည်မျှ​ပို၍​စင်ကြယ်​စေ​လိမ့်မည်​နည်း။