ဟေ​ဗြဲ 13:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ညီအစ်ကို​တို့၊ ငါ​သည် သင်​တို့​ထံ အကျဉ်းချုံး​ရေးသား​လိုက်​ခြင်း​သာ​ဖြစ်၍ ဤ​တိုက်တွန်း​အားပေး​စကား​ကို​လက်ခံ​ကြ​ရန် သင်​တို့​အား ငါ​တောင်းပန်​၏။

Common Language Bible

²² ညီ​အစ်​ကို​တို့၊ ဤ​အား​ပေး​တိုက်​တွန်း​ချက် ကို​သည်း​ခံ​လျက်​နာ​ယူ​ကြ​ရန်​သင်​တို့ အား​ငါ​တောင်း​ပန်​၏။ ယ​ခု​သင်​တို့​ထံ​သို့ ငါ​ရေး​လိုက်​သော​စာ​သည်​များ​စွာ​မ​ရှည် ပါ။-

Garrad Bible

²² ညီ အစ် ကို တို့၊ အ ထက် နှိုး ဆော် ချက် ကို အ ချုပ် အား ဖြင့် ငါ ရေး လိုက် သည့် အ လျောက် သည်း ခံ ကြ မည့် အ ကြောင်း ငါ တိုက် တွန်း ၏။

Judson Bible

²² ညီ​အစ်​ကို​တို့၊ ငါ​သည် အ​ကျဉ်း​အား​ဖြင့် ရေး​ထား၍ ကြား​လိုက်​သော ဤ​ဆုံး​မ​ခြင်း​ဩ​ဝါ​ဒ​စ​ကား​ကို သည်း​ခံ​မည်​အ​ကြောင်း၊ ငါ​သည် သင်​တို့​ကို နှိုး​ဆော်​တောင်း​ပန်၏။-

ခေတ်သစ်​မြန်မာ သမ္မာကျမ်း

²² ညီအစ်ကို​မောင်နှမတို့… ကျွန်ုပ်​သည် သင်တို့​ထံ အကျဉ်းချုံး ရေးလိုက်ခြင်း​သာ ဖြစ်​၍ ကျွန်ုပ်​၏ အားပေး​တိုက်တွန်းစကား​ကို နားထောင်ကြ​ရန် ကျွန်ုပ်​တိုက်တွန်း​နိုးဆော်ပါ၏။

ဟေ​ဗြဲ 13:22 ပူးပေါင်းရင်းမြစ်များ

တမန်တော်ဝတ္ထု 13:15

ပညတ်​တရား​ကျမ်း​နှင့် ပရောဖက်​ကျမ်း​များ​ကို ဖတ်ကြား​ပြီး​သောအခါ ဝတ်ပြု​စည်းဝေး​ကျောင်း​တာဝန်ခံ​များ​သည် သူ​တို့​ထံ လူ​လွှတ်​၍ “ညီအစ်ကို​တို့၊ သင်​တို့​တွင် လူ​တို့​အား တိုက်တွန်း​အားပေး​စကား​တစ်စုံတစ်ခု​ရှိ​လျှင် ပြော​ကြ​ပါ”​ဟု ဆို​ကြ​၏။

၂ ကော 10:1

သင်​တို့​နှင့် လူ​ချင်း​တွေ့​သောအခါ နှိမ့်ချ​၍ ကွဲကွာ​နေ​စဉ် သင်​တို့​အပေါ် ရဲဝံ့​ပြတ်သား​စွာ​ပြုမူ​တတ်​သော ငါ​ပေါလု​သည် ခရစ်တော်​၏​နူးညံ့​သိမ်မွေ့​ခြင်း​နှင့်​ညင်သာ​ခြင်း​တို့​ဖြင့် သင်​တို့​အား မေတ္တာရပ်ခံ​ပါ​၏။

၂ ကော 5:20

ထိုသို့ ဘုရားသခင်​သည် ငါ​တို့​မှ​တစ်ဆင့် တိုက်တွန်း​တော်မူ​သည်​ဖြစ်၍ ငါ​တို့​သည် ခရစ်တော်​၏​သံတမန်​များ​ဖြစ်​ကြ​၏။ ထို့ကြောင့် “ဘုရားသခင်​နှင့်​ပြန်လည်​သင့်မြတ်​ကြ​လော့”​ဟု ခရစ်တော်​၏​ကိုယ်စား ငါ​တို့​တောင်းပန်​ကြ​၏။

၂ ကော 6:1

ငါ​တို့​သည် ဘုရားသခင်​၏​လုပ်ဖော်ဆောင်ဖက်​များ​ဖြစ်​ကြ​သည်​နှင့်အညီ သင်​တို့​သည် ဘုရားသခင်​၏​ကျေးဇူး​တော်​ကို အချည်းနှီး​မ​ခံယူ​ကြ​နှင့်​ဟု သင်​တို့​အား​တိုက်တွန်း​နှိုးဆော်​ပါ​၏။

ဂ​လာ​တိ 6:11

ငါ​သည် မည်မျှလောက်​ကြီး​သော​စာလုံး​ကို ငါ့​လက်​ဖြင့် သင်​တို့​ထံ ရေး​လိုက်​သည်​ကို ကြည့်​ကြ​လော့။

ဧ​ဖက် 3:3

အထက်​က အကျဉ်း​မျှ ငါ​ရေး​ထား​သည့်​အတိုင်း ဤ​လျှို့ဝှက်​နက်နဲ​သော​အရာ​ကို ဗျာဒိတ်​တော်​အားဖြင့် ငါ့​အား​သိ​စေ​တော်မူ​၏။

ဟေ​ဗြဲ 12:5

ထို့ပြင် “ငါ့​သား၊ ထာဝရ​ဘုရား​၏​ဆုံးမ​ပဲ့ပြင်​တော်မူ​ခြင်း​ကို အလေးမထား​ဘဲ​မ​နေ​နှင့်။ ကိုယ်တော်​၏​ဆိုဆုံးမ​ခြင်း​ကို​ခံရ​သောအခါ စိတ်​မ​ပျက်​နှင့်။

ဟေ​ဗြဲ 13:19

ငါ​သည် သင်​တို့​ထံသို့ လျင်မြန်​စွာ ပြန်ရောက်​နိုင်​မည့်​အကြောင်း ဆုတောင်း​ပေး​ရန် အထူး​မေတ္တာရပ်ခံ​ပါ​၏။

ဟေ​ဗြဲ 2:1

ထို့ကြောင့် ငါ​တို့​သည် လွဲချော်​မ​သွား​ကြ​စေရန် ကြား​ရ​သော​အရာ​တို့​ကို အထူး​အာရုံစိုက်​ကြ​ရ​မည်။

ဟေ​ဗြဲ 3:1

သို့ဖြစ်၍ ကောင်းကင်​နှင့်ဆိုင်သော ခေါ်ယူ​တော်မူ​ခြင်း​၌​ပါဝင်​သည့် သန့်ရှင်း​သော​ညီအစ်ကို​တို့၊ ငါ​တို့​ယုံကြည်​ဝန်ခံ​သည့် တမန်တော်​နှင့်​ယဇ်ပုရောဟိတ်​မင်း​တည်းဟူသော ယေရှု​အကြောင်း​ကို ဆင်ခြင်​အောက်မေ့​ကြ​လော့။

ဟေ​ဗြဲ 4:1

ထို့ကြောင့် ဘုရားသခင်​၏​ငြိမ်ဝပ်​ရာ​ချမ်းသာ​ထဲသို့ ဝင်​ရ​မည့်​ကတိ​တော်​ရှိ​နေ​သေး​လျက်​နှင့် သင်​တို့​ထဲမှ မ​ဝင်​လိုက်​ရ​ဘဲ​နေ​မည့်​သူ​တစ်စုံတစ်ဦး​မျှ​မ​ရှိ​စေရန် သတိထား​ကြ​ကုန်စို့။

ဟေ​ဗြဲ 4:11

ထို့ကြောင့် သူ​တို့​၏​မ​နာခံ​မှု​ပုံစံ​ကို​လိုက်​၍ ပြိုလဲ​မည့်သူ​တစ်စုံတစ်ဦး​မျှ​မ​ရှိ​ဘဲ ထို​ငြိမ်ဝပ်​ရာ​ချမ်းသာ​ထဲသို့ ဝင်​နိုင်​မည့်အကြောင်း ငါ​တို့​ကြိုးစား​အားထုတ်​ကြ​ကုန်​စို့။

၁ ပေ 5:12

ငါ​သည် သစ္စာရှိ​သော​ညီအစ်ကို​အဖြစ် ငါ​သတ်မှတ်​သော သိလွာနု​မှတစ်ဆင့် စာ​အနည်းငယ်​ရေး​လိုက်​ခြင်း​အားဖြင့် သင်​တို့​ကို​တိုက်တွန်း​နှိုးဆော်​ကာ ဤ​အရာ​သည် ဘုရားသခင်​၏​စစ်မှန်​သော​ကျေးဇူး​တော်​ဖြစ်​ကြောင်း သက်သေခံ​၏။ သင်​တို့​သည် ဤ​ကျေးဇူး​တော်​၌ ရပ်တည်​ကြ​လော့။