သူ​ကြီး 8:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ ဤသို့ဖြင့် မိဒျန်​လူမျိုး​တို့​သည် အစ္စရေး​အမျိုးသား​တို့​ကို ရှုံးနိမ့်​ကြ​ပြီး နောက်တစ်ဖန် ခေါင်း​မ​ထောင်​ကြ​တော့​ချေ​။ ထို​အချိန်​မှစ၍ ဂိဒေါင်​အသက်ရှင်​စဉ် အနှစ်​လေးဆယ်​ပတ်လုံး တိုင်းပြည်​ငြိမ်းချမ်း​လေ​၏​။

Common Language Bible

²⁸ သို့​ဖြစ်​၍​မိ​ဒျန်​အ​မျိုး​သား​တို့​သည် ဣ​သ ရေ​လ​အ​မျိုး​သား​တို့​၏​နှိမ်​နင်း​ခြင်း​ကို​ခံ ရ​၍ နောက်​တစ်​ဖန်​သူ​တို့​အ​တွက်​ခြိမ်း​ခြောက်​မှု အန္တ​ရာယ်​မ​ဖြစ်​တော့​ချေ။ တိုင်း​ပြည်​သည်​လည်း ဂိ​ဒေါင်​ကွယ်​လွန်​ချိန်​တိုင်​အောင် နှစ်​ပေါင်း​လေး ဆယ်​မျှ​ငြိမ်း​ချမ်း​သာ​ယာ​လျက်​နေ​သ​တည်း။

Garrad Bible

²⁸ ထို သို့ မိ ဒျန် လူ မျိုး သည် ဣ သ ရေ လ အ မျိုး သား တို့ ရှေ့ တွင် နိမ့် ကျ သ ဖြင့် နောက် တစ် ဖန် ခေါင်း မ ထောင် ဝံ့ ချေ။ တစ် ပြည် လုံး လည်း ဂိ ဒေါင့် လက် ထက် ပတ် လုံး အ နှစ် လေး ဆယ် တိုင် တိုင် ငြိမ်း ချမ်း လေ သ တည်း။

Judson Bible

²⁸ ထို​သို့ မိ​ဒျန်​အ​မျိုး​သည် ဣ​သ​ရေ​လ​အ​မျိုး​ရှေ့​မှာ​ရှုံး၍၊ နောက်​တစ်​ဖန် အ​စိုး​မ​ရ​ဘဲ နေ​ကြ၏။ ဂိ​ဒေါင်​လက်​ထက် အ​နှစ်​လေး​ဆယ်​တိုင်​တိုင် တစ်​ပြည်​လုံး​ငြိမ်း​လေ၏။

သူ​ကြီး 8:28 ပူးပေါင်းရင်းမြစ်များ

ဆာ​လံ 83:2

အကြောင်းမူကား ကိုယ်တော်​၏​ရန်သူ​တို့​သည် ဆူပူသောင်းကျန်း​ကြ​ပြီး ကိုယ်တော်​ကို​မုန်း​သော​သူ​တို့​သည် ခေါင်း​ထောင်​လာ​ကြ​ပါ​၏​။

ဟေ​ရှာ​ယ 10:26

ကောင်းကင်​ဗိုလ်ခြေ​အရှင်​ထာဝရဘုရား​သည် မိဒျန်​လူမျိုး​တို့​ကို ဩရဘ​ကျောက်​နား၌​ဒဏ်ခတ်​သကဲ့သို့ သူ​တို့​ကို ကျာပွတ်​နှင့်​ရိုက်​တော်မူ​မည်​။ အီဂျစ်​လူမျိုး​ကို​ပြု​သကဲ့သို့ ပင်လယ်​ပေါ်တွင် တောင်ဝှေး​တော်​ကို မြှောက်​ထား​တော်မူ​မည်​။

ဟေ​ရှာ​ယ 9:4

အကြောင်းမူကား ကိုယ်တော်​သည် မိဒျန်​လူမျိုး​လက်​မှ​ကယ်တင်​ခဲ့​စဉ်က ပြု​သကဲ့သို့ သူ​ထမ်း​ရ​သော​ထမ်းပိုး​၊ သူ့​ကျော​ကို​ရိုက်​သော​တုတ်​၊ သူ့​ကို​ညှဉ်းဆဲ​သော​ကြိမ်လုံး​တို့​ကို ချိုး​တော်မူ​ပြီ​။

သူ​ကြီး 3:11

တိုင်းပြည်​လည်း အနှစ်​လေးဆယ်​ပတ်လုံး ငြိမ်းချမ်း​လေ​၏​။ ထို့နောက်မှ ကေနတ်​၏​သား ဩသံယေလ သေဆုံး​၏​။

သူ​ကြီး 3:30

ထို​နေ့​တွင် မောဘ​လူမျိုး​တို့​သည် အစ္စရေး​လူမျိုး​တို့​ကို ရှုံးနိမ့်​သွား​ပြီး ပြည်​သည် အနှစ်​ရှစ်ဆယ် ငြိမ်းချမ်း​လေ​၏​။

သူ​ကြီး 5:31

အို ထာဝရဘုရား​၊ ကိုယ်တော်​၏​ရန်သူ​အလုံးစုံ ပျက်စီး​ကြ​ပါစေ​။ ကိုယ်တော့်​ကို​ချစ်​သော​သူ​တို့​မူကား အရှိန်အဝါ​နှင့်​ထွက်လာ​သော​နေမင်း​ကဲ့သို့​ဖြစ်​ပါစေ​”​ဟူ၍ သီဆို​ကြ​၏​။ ထို့နောက်တွင် တိုင်းပြည်​သည် အနှစ်​လေးဆယ်​ပတ်လုံး​ငြိမ်းချမ်း​လေ​၏​။

သူ​ကြီး 8:27

ဂိဒေါင်​သည် ထို​ရွှေ​များ​ဖြင့် ဧဖုဒ်​သွန်းလုပ်​၍ သူ​နေထိုင်​ရာ ဩဖရ​မြို့​တွင် ပြသ​ထား​၏​။ အစ္စရေး​လူမျိုး​အပေါင်း​တို့​သည် ထို​အရာ​အားဖြင့် ဖောက်ပြန်မှားယွင်း​ကြ​၏​။ ဤ​အရာ​သည် ဂိဒေါင်​နှင့် သူ့​အိမ်သူအိမ်သား​တို့​အတွက် ထောင်ချောက်​ကဲ့သို့ ဖြစ်လာ​၏​။

သူ​ကြီး 8:29

ယောရှ​၏​သား ယေရုဗ္ဗာလ​သည် မိမိ​နေရင်းအိမ်​သို့ ပြန်​၍​နေထိုင်​၏​။

၁ ရာ 7:13

ဤသို့ ဖိလိတ္တိ​လူမျိုး​တို့ ရှုံးနိမ့်​သဖြင့် အစ္စရေး​လူမျိုး​တို့​၏​နယ်မြေ​ထဲသို့ နောက်တစ်ဖန် မ​ကျူးကျော်​ဝံ့​ကြ​တော့​ချေ​။ ရှမွေလ​လက်ထက်​တစ်လျှောက်လုံး ထာဝရဘုရား​၏​လက်​တော်​သည် ဖိလိတ္တိ​လူမျိုး​တို့​ကို ဆန့်ကျင်​တော်မူ​၏​။