သူ​ကြီး 20:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ အာရုန်​၏​မြေး​၊ ဧလာဇာ​၏​သား ဖိနဟတ်​က အမှု​တော်​ဆောင်​လျက်​ရှိ​၏​။​) သူ​တို့​က “​အကျွန်ုပ်​တို့​၏​ညီအစ်ကို ဗင်္ယာမိန်​အမျိုးသား​တို့​ကို နောက်တစ်ဖန် သွားတိုက်​ရ​မည်လော​၊ မတိုက်​ဘဲ နေ​ရ​မည်လော​”​ဟု ဆို​လေ​ရာ ထာဝရဘုရား​က​လည်း “​သွား​လော့​။ မနက်ဖြန် သူ​တို့​ကို သင်​တို့​လက်​သို့ အပ်​မည်​”​ဟု မိန့်​တော်မူ​၏​။

Judson Bible

²⁸ ဣ​သ​ရေ​လ​အ​မျိုး​သား​တို့​က၊ အ​ကျွန်ုပ်​တို့ ညီ​ဗင်္ယာ​မိန်​အ​မျိုး​သား​တို့​ကို တစ်​ဖန်​သွား၍ တိုက်​ရ​ပါ​မည်​လော၊ မ​သွား​ဘဲ​နေ​ရ​ပါ​မည်​လော​ဟု ထာ​ဝ​ရ​ဘု​ရား​အား မေး​လျှောက်​သော်၊ ထာ​ဝ​ရ​ဘု​ရား​က သွား​ကြ​လော့။ နက်​ဖြန်​နေ့​တွင် သူ​တို့​ကို သင်​တို့​လက်၌ ငါ​အပ်​မည်​ဟု မိန့်​တော်​မူ၏။

သူ​ကြီး 20:28 ပူးပေါင်းရင်းမြစ်များ

၂ ရာ 6:3

ဘုရားသခင်​၏​သေတ္တာ​တော်​ကို လှည်း​အသစ်​ပေါ်တွင်​တင်​ပြီး တောင်ကုန်း​ပေါ်ရှိ​အဘိနဒပ်​အိမ်​မှ သယ်ဆောင်​လာ​ကြ​၏​။ အဘိနဒပ်​၏​သား ဩဇ​နှင့်​အဟိဩ​တို့​သည် ထို​လှည်း​သစ်​ကို​မောင်းနှင်​ပေး​ကြ​၏​။

၂ ရာ​ချုပ် 20:17

ဤ​တိုက်ပွဲ​ကို သင်​တို့​တိုက်စရာ​မ​လို​။ ခိုင်မာ​စွာ​ရပ်တည်​၍ ထာဝရဘုရား သင်​တို့​ကို​မည်သို့ ကယ်တင်​မည်​ကို စောင့်ကြည့်​ကြ​လော့​။ အို ယုဒ​ပြည်သူ ဂျေရုဆလင်​မြို့သား​တို့​၊ မ​ကြောက်​နှင့်​။ စိတ်​မ​ပျက်​နှင့်’​ဟု မိန့်​တော်မူ​၏​။ မနက်ဖြန်​နေ့​တွင် သူ​တို့​နှင့် ရင်ဆိုင်​တိုက်ခိုက်​ဖို့ စစ်ချီထွက်​လော့​။ ထာဝရဘုရား​သည် သင်​တို့​နှင့်အတူ ရှိ​တော်မူ​၏​”​ဟု မိန့်ဆို​၏​။

ဧ​ဇ​ရ 7:5

ဗုက္ကိ​သည် အဘိရွှ​၏​သား​၊ အဘိရွှ​သည် ဖိနဟတ်​၏​သား​၊ ဖိနဟတ်​သည် ဧလာဇာ​၏​သား​၊ ဧလာဇာ​သည် ယဇ်ပုရောဟိတ်​မင်း​အာရုန်​၏​သား ဖြစ်​၏​။

ထွက်​မြောက် 6:25

အာရုန်​၏​သား ဧလာဇာ​သည် ပုတျေလ​၏​သမီး​တစ်​ယောက်​နှင့်​စုံဖက်​၍ ထို​မိန်းမ​သည် သူ့​အတွက် ဖိနဟတ်​ကို မွေးဖွား​ပေး​၏​။ ဤသည်ကား မျိုးနွယ်စု​အလိုက် လေဝိ​ဘိုးဘေး​တို့​၏​အကြီးအမှူး​များ ဖြစ်​ကြ​၏​။

ယေ​ရ​မိ 10:23

အို ထာဝရဘုရား​၊ လူ​သည် မိမိ​သွား​ရာ​လမ်း​ကို မိမိ​မ​ပိုင်​၊ လမ်းလျှောက်​နေ​သော​သူ​သည် ကိုယ့်​ခြေလှမ်း​ကို ကိုယ်​မ​တည့်မတ်​စေ​နိုင်​သည်​ကို အကျွန်ုပ်​သိ​ပါ​၏​။

တ​ရား​ဟော 10:8

ထို​အချိန်​၌ ထာဝရဘုရား​၏​ပဋိညာဉ်​သေတ္တာ​တော်​ကို သယ်ဆောင်​ရန်​၊ ထာဝရဘုရား​ရှေ့​တော်​၌​ရပ်​လျက် အမှု​တော်​ဆောင်ရွက်​ရန်​၊ ကိုယ်တော်​၏​နာမ​တော်​အားဖြင့် ကောင်းချီးပေး​ရန် ထာဝရဘုရား​သည် လေဝိ​အမျိုး​တို့​ကို သီးခြားခွဲထား​သည်​မှာ ယနေ့​ထိတိုင် ဖြစ်​၏​။

တ​ရား​ဟော 18:5

အကြောင်းမူကား ယဇ်ပုရောဟိတ်​နှင့် သူ​၏​သားမြေး​တို့​သည် နေ့စဉ်နေ့တိုင်း ထာဝရဘုရား​၏​နာမ​တော်​၌ အမှု​တော်​ဆောင်ရွက်​မည့်​အကြောင်း သင်​၏​ဘုရားသခင်​ထာဝရဘုရား​သည် သူ​တို့​ကို သင်​၏​မျိုးနွယ်​အပေါင်း​တို့​ထဲမှ ရွေးချယ်​တော်မူ​၏​။

ယော​ရှု 22:13

အစ္စရေး​အမျိုးသား​တို့​သည် ဂိလဒ်​ပြည်​ရှိ ရုဗင်​သားမြေး​၊ ဂဒ်​သားမြေး​နှင့် မနာရှေ​သားမြေး​တစ်ဝက်​တို့​ထံသို့ ယဇ်ပုရောဟိတ်​ဧလာဇာ​၏​သား ဖိနဟတ်​နှင့်တကွ

ယော​ရှု 24:33

အာရုန်​၏​သား​ဧလာဇာ​လည်း သေဆုံး​သဖြင့် ဧဖရိမ်​တောင်ပေါ်ဒေသ​တွင် သူ့​သား​ဖိနဟတ်​အမွေမြေ​ရ​ထား​သည့် ဖိနဟတ်​တောင်ကုန်း​၌ သင်္ဂြိုဟ်​လေ​၏​။

ယော​ရှု 7:7

ယောရှု​က “​အို အကျွန်ုပ်​၏​ဘုရားရှင်​ထာဝရဘုရား​၊ ကိုယ်တော်​သည် ဤ​လူမျိုး​တို့​အား ဂျော်ဒန်​မြစ်​ကို​ဖြတ်ကူး​စေ​ပြီး အာမောရိ​လူမျိုး​တို့​လက်​သို့​အပ်​၍ ဖျက်ဆီး​စေရန် အဘယ်ကြောင့် ဆောင်​ခဲ့​သနည်း​။ အကျွန်ုပ်​တို့​သည် ဂျော်ဒန်​မြစ်​တစ်ဖက်​၌ နေ​ခဲ့​သင့်​၏​။

သူ​ကြီး 1:2

ထာဝရဘုရား​က “​ယုဒ​အမျိုး ချီတက်​ရ​မည်​။ ကြည့်ရှု​လော့​။ ဤ​ပြည်​ကို သူ​တို့​လက်​သို့ ငါ​အပ်​ပြီ​”​ဟု မိန့်​တော်မူ​၏​။

သူ​ကြီး 19:16

ကြည့်ရှု​လော့​။ နေဝင်ချိန်​တွင် အဖိုးအို​တစ်​ဦး​သည် လယ်​လုပ်​ရာ​မှ​ပြန်လာ​၏​။ သူ​သည် ဧဖရိမ်​တောင်ပေါ်သား​ဖြစ်၍ ဂိဗာ​မြို့​တွင် တည်းခိုနေထိုင်​ခြင်း​ဖြစ်​၏​။ ဂိဗာ​မြို့သား​တို့​မှာ ဗင်္ယာမိန်​အမျိုးသား​များ ဖြစ်​ကြ​၏​။

သူ​ကြီး 7:9

ထို​ည​၌ ထာဝရဘုရား​က ဂိဒေါင်​အား “​ထ​လော့​၊ မိဒျန်​တပ်စခန်း​သို့ ဆင်းသွား​လော့​။ သူ​တို့​ကို သင့်​လက်​သို့​ငါ​အပ်​ပြီ​။

၁ ရာ 14:37

ထို့ကြောင့် ရှောလု​မင်းကြီး​က “​ဖိလိတ္တိ​လူမျိုး​တို့​ကို အကျွန်ုပ်​ဆင်းတိုက်​ရ​ပါ​မည်လော​။ သူ​တို့​ကို အစ္စရေး​လူမျိုး​တို့​လက်​သို့ အပ်​တော်မူ​မည်လော​”​ဟု ဘုရားသခင်​ထံ မေးလျှောက်​သော်လည်း ထို​နေ့​၌ တုံ့ပြန်​တော်​မ​မူ​။

၁ ရာ 30:8

ထိုအခါ ဒါဝိဒ်​က ထာဝရဘုရား​အား “​ထို​ဓားပြ​တို့​နောက်သို့ လိုက်​ရ​ပါ​မည်လော​။ သူ​တို့​ကို မီ​နိုင်​ပါ​မည်လော​”​ဟု မေးလျှောက်​လျှင် ထာဝရဘုရား​က “​လိုက်​လော့​။ အမှန်ပင်​မီ​လိမ့်မည်​။ လူ​တို့​ကို အမှန်ပင်​ကယ်တင်​နိုင်​လိမ့်မည်​”​ဟု မိန့်​တော်မူ​၏​။