သူ​ကြီး 17:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို​ကာလ​တွင် အစ္စရေး​လူမျိုး​တို့​၌ ရှင်ဘုရင်​မ​ရှိ​။ လူတိုင်း မှန်​သည်​ဟု​ထင်​သည့်​အတိုင်း​ပြု​ကြ​၏​။

Common Language Bible

⁶ ထို​ကာ​လ​၌​ဣ​သ​ရေ​လ​လူ​မျိုး​တွင်​ဘု​ရင် မ​ရှိ​သေး​ချေ။ လူ​တိုင်း​ပင်​မိ​မိ​၏​စိတ် သ​ဘော​အ​တိုင်း​ပြု​လုပ်​လေ​သည်။

Garrad Bible

⁶ ထို ကာ လ ဣ သ ရေ လ လူ မျိုး တွင် ဘု ရင် မ ရှိ သည် ဖြစ်၍ လူ တိုင်း ကိုယ့် အ လို ရှိ ရာ လိုက် သ တည်း။

Judson Bible

⁶ ထို​ကာ​လ၌ ဣ​သ​ရေ​လ​ရှင်​ဘု​ရင် မ​ရှိ။ လူ​တိုင်း မိ​မိ​စိတ်​အ​လို​ရှိ​သည်​အ​တိုင်း ပြု​သ​တည်း။

သူ​ကြီး 17:6 ပူးပေါင်းရင်းမြစ်များ

ကမ္ဘာ​ဦး 36:31

အစ္စရေး​အမျိုးသား​တို့​ကို​စိုးစံ​သော​ဘုရင်​မ​ရှိ​မီ ဧဒုံ​ပြည်​ကို​စိုးစံ​သော​ဘုရင်​များ​မှာ ဤ​သူ​တို့​တည်း​။

ဆာ​လံ 12:4

သူ​တို့​က “​ငါ​တို့​သည် ငါ​တို့​၏​စကား​ဖြင့်​အောင်နိုင်​မည်​။ ငါ​တို့​နှုတ်​ကို ငါ​တို့​ပိုင်​၏​။ ငါ​တို့​၏​သခင်​ကား အဘယ်သူ​ဖြစ်​မည်နည်း​”​ဟု ပြောဆို​တတ်​ကြ​ပါ​၏​။

သုတ္တံကျမ်း။ 12:15

ဆိုးမိုက်​သော​သူ​သည် မိမိ​ပြုမူကျင့်ကြံ​သော​အမှုအရာ​ကို မှန်​သည်​ဟု ထင်မြင်​တတ်​၏​။ ပညာရှိ​သော​သူ​မူကား အကြံဉာဏ်​ကို​နားထောင်​တတ်​၏​။

သုတ္တံကျမ်း။ 14:12

လူ့​အမြင်​၌ မှန်​သော​လမ်း​ဖြစ်​သော်လည်း အဆုံး​၌ သေ​ခြင်း​သို့​ရောက်​စေ​သော​လမ်း​ရှိ​၏​။

သုတ္တံကျမ်း။ 16:2

လူ​သည် မိမိ​ပြုမူကျင့်ကြံ​သမျှ​သော​အမှုအရာ​တို့​ကို သန့်ရှင်းစင်ကြယ်​သည်​ဟု ထင်မြင်​တတ်​၏​။ သို့သော် ထာဝရဘုရား​သည် စိတ်သဘော​ကို​ချိန်တွယ်​တော်မူ​၏​။

ဒေသနာကျမ်း။ 11:9

အချင်း​လူပျို​၊ သင်​ပျိုရွယ်​စဉ်တွင် ဝမ်းမြောက်​လော့​။ သင်​၏​အသက် ပျိုရွယ်​သော​နေ့ရက်​များ​၌​လည်း သင်​၏​စိတ်နှလုံး​သည် ရွှင်လန်း​ပါစေ​။ သင့်​စိတ်နှလုံး​အလိုရှိ​ရာ​လမ်း​များ​နောက်​သို့​လည်းကောင်း​၊ သင့်​မျက်စိ​ပသာဒ​နောက်​သို့​လည်းကောင်း လိုက်​လော့​။ သို့ရာတွင် ထို​အရာ​အားလုံး​အတွက် ဘုရားသခင်​သည် သင့်​ကို​တရားသဖြင့်​စီရင်​တော်မူ​မည်​ဖြစ်ကြောင်း သိမှတ်​လော့​။

တ​ရား​ဟော 12:8

လူတိုင်း မိမိ​မှန်​သည်​ဟု ထင်သောအရာ​ရှိသမျှ​ကို​ပြု​တတ်​ကြ​၏​။ ယနေ့ ဤ​နေရာ​၌ ငါ​တို့​ပြု​သမျှ​အတိုင်း သင်​တို့​မ​ပြု​ရ​။

တ​ရား​ဟော 33:5

လူမျိုး​တော်​အကြီးအမှူး​တို့​သည် အစ္စရေး​မျိုးနွယ်​တို့​နှင့်အတူ စုဝေး​ကြ​သောအခါ ကိုယ်တော်​သည် ယေရှုရုန်​အမျိုး​၌ ရှင်ဘုရင်​ဖြစ်​တော်မူ​၏​။

သူ​ကြီး 18:1

ထို​ကာလ​တွင် အစ္စရေး​လူမျိုး​တို့​၌ ရှင်ဘုရင်​မ​ရှိ​။ ထို​အချိန်​အထိ အစ္စရေး​အမျိုးအနွယ်​တို့​တွင် ဒန်​အမျိုးအနွယ်​သည် အမွေမြေ​အတည်တကျ​မ​ရ​သေး​သဖြင့် မိမိ​တို့​နေထိုင်​ရန်​အမွေမြေ​ကို လိုက်ရှာ​နေ​သော​အချိန်​ဖြစ်​၏​။

သူ​ကြီး 19:1

အစ္စရေး​လူမျိုး​တို့​၌ ရှင်ဘုရင်​မ​ရှိ​သေး​သော​ကာလ​တွင် ဧဖရိမ်​တောင်ပေါ်ဒေသ​အစွန်အဖျား​၌ တည်းခိုနေထိုင်​သော လေဝိ​လူ​တစ်​ယောက်​ရှိ​၏​။ သူ​သည် ယုဒ​နယ်​၊ ဗက်လင်​မြို့သူ​တစ်​ယောက်​ကို မယားငယ်​အဖြစ်​ယူ​ထား​၏​။

သူ​ကြီး 21:25

ထို​ကာလ​တွင် အစ္စရေး​လူမျိုး​တို့​၌ ရှင်ဘုရင်​မ​ရှိ​။ လူ​တိုင်း မှန်​သည်​ဟု​ထင်​သည့်​အတိုင်း ပြု​ကြ​၏​။

သူ​ကြီး 21:3

“​အို အစ္စရေး​လူမျိုး​တို့​၏​ဘုရားသခင်​ထာဝရဘုရား​၊ အစ္စရေး​အမျိုးအနွယ်​ထဲတွင် အမျိုး​တစ်​မျိုး​ပျောက်ကွယ်​ရ​မည့်​အဖြစ်မျိုး အဘယ်ကြောင့်​ဖြစ်​ရ​သနည်း​”​ဟု လျှောက်ဆို​ကြ​၏​။