သုတ္တံကျမ်း။ 6:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ထို့ကြောင့် ဘေးဒုက္ခ​သည် သူ့​အပေါ်​ရုတ်တရက်​ကျရောက်​သဖြင့် သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

Common Language Bible

¹⁵ ထိုကြောင့်သူသည် အမှတ်တမဲ့အမှုရောက်၍၊ ကိုးကွယ်စရာဘဲ ချက်ခြင်းကျိုးပဲ့ပျက်စီးရလိမ့်မည်။

Garrad Bible

¹⁵ ထို့ ကြောင့်၊ သူ ၌ ရုတ် တ ရက် ဘေး သင့် သ ဖြင့်၊ ပြု ပြင် ခွင့် နှင့် ကင်း သော ကျိုး ပျက် ရာ သို့ ရောက် လိမ့် မည်။

Judson Bible

¹⁵ ထို​ကြောင့် သူ​သည် အ​မှတ်​တ​မဲ့​အ​မှု​ရောက်၍၊ ကိုး​ကွယ်​ရာ​မ​ရ​ဘဲ ချက်​ချင်း​ကျိုး​ပဲ့​ပျက်​စီး​ရ​လိမ့်​မည်။

သုတ္တံကျမ်း။ 6:15 ပူးပေါင်းရင်းမြစ်များ

၂ ရာ​ချုပ် 36:16

သို့သော် လူမျိုး​တော်​အပေါ် ထာဝရဘုရား​အမျက်​တော်​ထွက်​၍ ချမ်းသာ​မ​ပေး​နိုင်​သည့်​တိုင်အောင် သူ​တို့​သည် ဘုရားသခင်​စေလွှတ်​သော​တမန်​များ​ကို လှောင်ပြောင်​ကြ​၏​။ စကား​တော်​ကို မထီမဲ့မြင်ပြု​ကြ​၏​။ ပရောဖက်​တို့​ကို ပြက်ရယ်ပြု​ကြ​၏​။

ဆာ​လံ 50:22

ဘုရားသခင်​ကို​မေ့လျော့​တတ်​သော​သူ​တို့​၊ ဤ​အချက်​ကို သတိ​နှင့်​ဆင်ခြင်​ကြ​လော့​။ သို့မဟုတ်​ပါက ငါ​သည် သင်​တို့​ကို အပိုင်းပိုင်း​ဆုတ်ဖြဲ​သဖြင့် ကယ်နုတ်​သူ​မ​ရှိ​ဖြစ်​လိမ့်မည်​။

ဆာ​လံ 55:15

သေ​ခြင်း​သည် သူ​တို့​ကို ရုတ်တရက်​ဖမ်း​ပါစေ​။ သူ​တို့​သည် မရဏာနိုင်ငံ​သို့ အရှင်လတ်လတ်​ဆင်းသွား​ကြ​ရ​ပါစေ​။ အကြောင်းမူကား မကောင်းမှု​တို့​သည် သူ​တို့​တည်းခိုနေထိုင်​ရာ​နေရာ သူ​တို့​အလယ်​၌​ရှိ​ကြ​၏​။

သုတ္တံကျမ်း။ 1:26

ထို့ကြောင့် သင်​တို့​ဘေးဒုက္ခ​ရောက်​သောအခါ ငါ​ရယ်မော​မည်​။ ကြောက်မက်ဖွယ်ဘေး​သည် သင်​တို့​ထံသို့​ရောက်​သောအခါ ငါ​ပြက်ရယ်ပြု​မည်​။

သုတ္တံကျမ်း။ 1:27

ကြောက်မက်ဖွယ်ဘေး​သည် လေပြင်းမုန်တိုင်း​ကဲ့သို့ သင်​တို့​အပေါ်​သက်ရောက်​သောအခါ​၌​လည်းကောင်း​၊ ဘေးဒုက္ခ​သည် လေပွေ​ကဲ့သို့ သင်​တို့​ထံ​ရောက်လာ​သောအခါ​၌​လည်းကောင်း​၊ ဆင်းရဲဒုက္ခ​နှင့်​ဘေးဥပဒ်​သည် သင်​တို့​အပေါ်​သက်ရောက်​သောအခါ​၌​လည်းကောင်း

သုတ္တံကျမ်း။ 14:32

ဆိုးယုတ်​သော​သူ​သည် မိမိ​ပြု​သော​မကောင်းမှု​ထဲ၌ လဲကျ​လိမ့်မည်​။ ဖြောင့်မတ်​သော​သူ​မူကား သူ​၏​သေ​ခြင်း​ထဲ၌ပင် ခိုလှုံ​ရာ​ကို​တွေ့​လိမ့်မည်​။

သုတ္တံကျမ်း။ 24:16

အကြောင်းမူကား ဖြောင့်မတ်​သော​သူ​သည် ခုနစ်​ကြိမ်​လဲကျ​သော်လည်း ပြန်ထ​လိမ့်မည်​။ ဆိုးယုတ်​သော​သူ​တို့​မူကား ဘေးအန္တရာယ်​ကြောင့် ကျရှုံး​ရ​လိမ့်မည်​။

သုတ္တံကျမ်း။ 24:22

အကြောင်းမူကား ဘေးဒုက္ခ​သည် သူ​တို့​ထံမှ​ရုတ်တရက်​ရောက်လာ​တတ်​၏​။ ထို​အရှင်​နှစ်​ပါး​ထံမှ​ရောက်လာ​မည့်​ဘေးဆိုး​ကို မည်သူ​သိ​နိုင်​မည်နည်း​။

သုတ္တံကျမ်း။ 29:1

ဆိုဆုံးမ​ခြင်း​ကို​အကြိမ်ကြိမ်​ခံရ​သော်လည်း ခေါင်းမာ​လျက်​နေ​သော​သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

သုတ္တံကျမ်း။ 6:16

ထာဝရဘုရား​မုန်း​တော်မူ​သော​အရာ​ခြောက်​ပါး​မက ကိုယ်တော်​၏​စိတ်ဝိညာဉ် စက်ဆုပ်ရွံရှာ​တော်မူ​သော​အရာ​ခုနစ်​ပါး​မှာ

ယေ​ရ​မိ 19:11

သူ​တို့​အား ‘ကောင်းကင်​ဗိုလ်ခြေ​အရှင်​ထာဝရဘုရား​က အိုးထိန်းသည် ပြန်​ဆက်စပ်​၍​မ​ရ​နိုင်​အောင် မြေအိုး​ကို​ခွဲ​သကဲ့သို့ ဤ​လူမျိုး​နှင့်​ဤ​မြို့​ကို ငါ​ခွဲ​မည်​။ တောဖက်​အရပ်​၌ နေရာလပ်​မ​ရှိ​တော့​သည့်​တိုင်အောင် သူ​တို့​သည် သင်္ဂြိုဟ်​ခြင်း​ခံရ​ကြ​လိမ့်မည်​ဟု မိန့်​တော်မူ​ပြီ​။

ယေ​ဇ​ကျေ​လ 11:13

ထို​အကြောင်း​ကို ငါ​ပရောဖက်ပြု​ဟောပြော​နေစဉ် ဗေနာယ​၏​သား​ပေလတိ သေ​လေ​၏​။ ထိုအခါ ငါ​သည် ပျပ်ဝပ်​လျက် “​အို ဘုရားရှင်​ထာဝရဘုရား​၊ ကိုယ်တော်​သည် ကြွင်းကျန်​သော​အစ္စရေး​တို့​ကို​ပါ အကုန်အစင်​ဖျက်ဆီး​တော်မူ​မည်လော​”​ဟု အသံကုန်​အော်ဟစ်​လျှောက်ဆို​လေ​၏​။

၁ သက် 5:3

“ငြိမ်းချမ်း​မှု​နှင့်​လုံခြုံ​မှု​ရှိ​သည်”​ဟု လူ​တို့​ပြောဆို​နေ​ကြ​သည့်​အချိန်​၌ပင် ကိုယ်ဝန်ဆောင်​အမျိုးသမီး​၌ သားဖွား​ခြင်း​ဝေဒနာ​ရောက်လာ​သကဲ့သို့ ပျက်စီး​ခြင်း​သည် သူ​တို့​အပေါ် ရုတ်တရက်​ရောက်လာ​၍ သူ​တို့​သည် လုံးဝ​လွတ်မြောက်​နိုင်​မည်​မ​ဟုတ်။