သုတ္တံကျမ်း။ 4:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ဉာဏ်ပညာ​သည် အထွတ်အမြတ်​ဖြစ်​၏​။ ဉာဏ်ပညာ​ကို​ဆည်းပူး​လော့​။ သင်​ပိုင်ဆိုင်​သော​အရာ​ရှိသမျှ​ဖြင့် အသိဉာဏ်​ကို​ဆည်းပူး​လော့​။

Common Language Bible

⁷ ပညာသည် အမြတ်ဆုံးသောအရာဖြစ်၏။ ပညာကိုဆည်းဖူးလော့။ ဆည်းဖူးသမျှသောဥစ္စာတို့တွင် ဥာဏ်ကိုဆည်းဖူးလော့။

Garrad Bible

⁷ ဉာဏ် ပ ညာ သည် အ ထွဋ် အ မြတ် ဖြစ် သ ဖြင့်၊ ဆည်း ပူး လော့။ ဆည်း ပူ အပ် သ မျှ တွင်၊ ဉာဏ် ပ ဋိ ဘာန် ကို အ ထူး ဆည်း ပူး လော့။

Judson Bible

⁷ ပ​ညာ​သည် အ​မြတ်​ဆုံး​သော​အ​ရာ​ဖြစ်၏။ ပ​ညာ​ကို​ဆည်း​ပူး​လော့။ ဆည်း​ဖူး​သ​မျှ​သော​ဥ​စ္စာ​တို့​တွင် ဉာဏ်​ကို​ဆည်း​ပူး​လော့။

သုတ္တံကျမ်း။ 4:7 ပူးပေါင်းရင်းမြစ်များ

၂ ရာ​ချုပ် 1:10

ဤ​များပြား​လှ​သော​ကိုယ်တော်​၏​လူမျိုး​တော်​ကို မည်သူ​အုပ်ချုပ်​နိုင်​ပါ​မည်နည်း​။ ထို့ကြောင့် ဤ​လူမျိုး​တို့​ကို ဦးဆောင်​သွားလာ​လေရာရာ​တွင် လိုအပ်​သော​ဉာဏ်ပညာ​၊ အသိတရား​များ​ကို အကျွန်ုပ်​အား ပေး​တော်မူ​ပါ​”​ဟု တောင်းလျှောက်​၏​။

ဆာ​လံ 119:104

အကျွန်ုပ်​သည် ကိုယ်တော်​၏​ဥပဒေသ​များ​အားဖြင့် အသိဉာဏ်​ကို​ရရှိ​ပါ​၏​။ ထို့ကြောင့် မှားယွင်း​သော​လမ်း​ရှိသမျှ​တို့​ကို အကျွန်ုပ်​မုန်း​ပါ​၏​။

သုတ္တံကျမ်း။ 16:16

ရွှေ​ကို​ရရှိ​ခြင်း​ထက် ဉာဏ်ပညာ​ကို​ရရှိ​ခြင်း​သည် အလွန်​ကောင်း​၏​။ ငွေ​ကို​ရရှိ​ခြင်း​ထက် အသိဉာဏ်​ရရှိ​ခြင်း​ကို ရွေးချယ်​ရန်​ကောင်း​၏​။

သုတ္တံကျမ်း။ 2:4

ငွေ​ကို​ရှာ​သကဲ့သို့ ဉာဏ်ပညာ​ကို​ရှာ​၍ ဝှက်ထား​သော​ဘဏ္ဍာ​ကို​ရှာဖွေ​သကဲ့သို့ ထို​ဉာဏ်ပညာ​ကို​ရှာဖွေ​လျှင်​လည်းကောင်း

သုတ္တံကျမ်း။ 21:6

မုသားသုံး​သော​လျှာ​ဖြင့် ဥစ္စာဘဏ္ဍာ​များ​ကို​ဆည်းပူး​ခြင်း​သည် လွင့်သွား​သော​အခိုးအငွေ့​ဖြစ်​ပြီး သေ​ခြင်း​ကို​ရှာဖွေ​ခြင်း​ဖြစ်​၏​။

သုတ္တံကျမ်း။ 23:23

သမ္မာတရား​ကို​ဝယ်ယူ​လော့​။ မ​ရောင်း​နှင့်​။ ဉာဏ်ပညာ​၊ ဆုံးမပဲ့ပြင်​ခြင်း​နှင့် အသိဉာဏ်​ကို​လည်း ထိုနည်းတူ​ပြု​လော့​။

သုတ္တံကျမ်း။ 4:5

ဉာဏ်ပညာ​ကို​ဆည်းပူး​လော့​။ အသိဉာဏ်​ကို​ဆည်းပူး​လော့​။ ငါ​၏​နှုတ်ထွက်​စကား​တို့​ကို မ​မေ့လျော့​နှင့်​။ ၎င်း​တို့​မှ​သွေဖည်​မ​သွား​နှင့်​။

သုတ္တံကျမ်း။ 8:23

ထာဝရ​ကာလ​၊ ကနဦး​ကာလ​၊ မြေကြီး​ကို​မဖန်ဆင်းမီ​ကာလ​ကပင် ငါ​သည် ခန့်အပ်​ထား​ခြင်း​ခံရ​ပြီ​။

ဒေသနာကျမ်း။ 4:8

တစ်ကိုယ်တည်း​ဖြစ်​လျက် အပေါင်းအဖော်​မ​ရှိ​၊ သား​လည်း​မ​ရှိ​၊ ညီအစ်ကို​လည်း​မ​ရှိ​သော​သူ​တစ်ဦး​ရှိ​၏​။ သို့သော် သူ​၏​ကြိုးပမ်းအားထုတ်မှု​အားလုံး​၌ အဆုံး​မ​ရှိ​။ သူ​၏​မျက်စိ​သည်​လည်း ဓနဥစ္စာ​၌​ကျေနပ်တင်းတိမ်​သည်​ဟူ၍​မ​ရှိ​။ “​ငါ​သည် မည်သူ့​အတွက် ကြိုးပမ်းအားထုတ်​လျက် ငါ​၌​ကောင်းကျိုးချမ်းသာ​ချို့တဲ့​စေ​ရ​သနည်း​”​ဟူ၍​လည်း​မ​မေး​။ ဤ​အရာ​သည်​လည်း အချည်းနှီး​ဖြစ်​ပြီး ငြီးငွေ့ဖွယ်​ကောင်း​သော​အလုပ်​ဖြစ်​၏​။

ဒေသနာကျမ်း။ 7:12

အကြောင်းမူကား ငွေ​သည် အကာအကွယ်​ဖြစ်​သကဲ့သို့ ဉာဏ်ပညာ​သည် အကာအကွယ်​ဖြစ်​၏​။ ဉာဏ်ပညာ​သည် ၎င်း​ကို​ပိုင်ဆိုင်​သော​သူ​အား အသက်ရှင်​စေ​တတ်​၏​။ ဤသည်ကား အသိပညာ​၏​အကျိုး​ဖြစ်​၏​။

လုကာ 10:42

သို့သော် လိုအပ်​သော​အရာ​သည် တစ်ခုတည်း​ရှိ​၏။ မာရိ​သည် ထို​ကောင်းမြတ်​သည့်​အပိုင်း​ကို ရွေးချယ်​ပြီ​ဖြစ်၍ ၎င်း​ကို သူ့​ထံမှ​မ​နုတ်​မ​ပယ်​ရာ”​ဟု မိန့်​တော်မူ​၏။

လုကာ 12:20

သို့သော် ဘုရားသခင်​သည် ထို​သူ​အား ‘အချင်း​လူမိုက်၊ ဤ​ည​၌​ပင် သင့်​ဝိညာဉ်​ကို သင့်​ထံမှ​ရုပ်သိမ်း​ကြ​လိမ့်မည်။ သို့ဖြစ်လျှင် သင်​ပြင်ဆင်​ထား​သော​အရာ​များ​သည် မည်သူ့​ဥစ္စာ​ဖြစ်​လိမ့်မည်​နည်း’​ဟု မိန့်​တော်မူ​၏။

ဖိ​လိပ္ပိ 3:8

ထိုမျှမက ငါ​၏​သခင်​ခရစ်တော်​ယေရှု​ကို သိ​သော​ဉာဏ်​၏​ထူးမြတ်​သော​အကျိုးကျေးဇူး​ကြောင့် အရာ​ခပ်သိမ်း​ကို အရှုံး​ဟူ၍ ငါ​မှတ်ယူ​၏။ ထို​သခင်​ကို​ထောက်၍ အရာ​ခပ်သိမ်း​တို့​ကို ငါ​အဆုံးရှုံး​ခံ​ပြီး ၎င်း​တို့​ကို မစင်​ကဲ့သို့ ငါ​မှတ်ယူ​၏။