သုတ္တံကျမ်း။ 3:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ထာဝရဘုရား​ကို စိတ်နှလုံး​အကြွင်းမဲ့ ယုံကြည်ကိုးစား​လော့​။ မိမိ​၏​အသိဉာဏ်​ကို အမှီ​မ​ပြု​နှင့်​။

Common Language Bible

⁵ ထာဝရဘုရားကို စိတ်နှလုံးအကြွင်းမဲ့ ကိုးစားလော့။ ကိုယ်ဥာဏ်ကို အမှီမပြုနှင့်။

Garrad Bible

⁵ ထာ ဝ ရ ဘု ရား ကို စိတ် နှ လုံး အ ကြွင်း မဲ့ ကိုး စား လျက်၊ ကိုယ့် ဉာဏ် ကို တံ ကဲ မ ပြု နှင့်။

Judson Bible

⁵ ထာ​ဝ​ရ​ဘု​ရား​ကို စိတ်​နှ​လုံး​အ​ကြွင်း​မဲ့​ကိုး​စား​လော့။ ကိုယ်​ဉာဏ်​ကို အ​မှီ​မ​ပြု​နှင့်။

သုတ္တံကျမ်း။ 3:5 ပူးပေါင်းရင်းမြစ်များ

ဧ​ဇ​ရ 8:23

ထို့ကြောင့် လမ်းခရီး​အတွက် ငါ​တို့​သည် ဘုရားသခင်​ထံ အစာရှောင်​ဆုတောင်း​ကြ​၏​။ ကိုယ်တော်​သည် ငါ​တို့​ဆုတောင်းသံ​ကို နားညောင်း​တော်မူ​၏​။

ယောဘဝတ္တု။ 13:15

ငါ့​ကို ကွပ်မျက်​တော်မူ​မည်​ဆို​လျှင်ပင် ကိုယ်တော့်​ကို ငါ​မျှော်လင့်​နေ​ဦး​မည်​။ ငါ့​အမှု​ကို မျက်မှောက်​တော်​၌ လျှောက်လဲ​မည်​။

ဆာ​လံ 125:1

ထာဝရဘုရား​ကို ယုံကြည်ကိုးစား​သော​သူ​တို့​သည် မ​တုန်​မ​လှုပ်​၊ အစဉ်အမြဲ​တည်​သော ဇိအုန်​တောင်​ကဲ့သို့​ဖြစ်​ကြ​၏​။

ဆာ​လံ 37:3

ထာဝရဘုရား​ကို​ယုံကြည်ကိုးစား​လျက် ကောင်း​သော​အမှု​ကို​ပြု​လော့​။ ပြည်​တော်​၌​နေထိုင်​၍ သစ္စာတရား​၌​ကျက်စား​လော့​။

ဆာ​လံ 37:5

သင်​ပြုမူကျင့်ကြံ​သော​အမှုအရာ​ကို ထာဝရဘုရား​ထံ​အပ်နှံ​၍ ကိုယ်တော်​ကို ယုံကြည်ကိုးစား​လော့​။ သို့ပြုလျှင် ကိုယ်တော်​စီရင်​ဆောင်ရွက်​တော်မူ​လိမ့်မည်​။

ဆာ​လံ 37:7

ထာဝရဘုရား​ရှေ့​တော်​၌ တိတ်ဆိတ်​စွာ​နေ​၍ ကိုယ်တော်​ကို​ငံ့လင့်​လော့​။ မိမိ​ပြု​သော​အမှု​၌ အောင်မြင်​သော​သူ​ကြောင့်​လည်းကောင်း​၊ ကောက်ကျစ်​သော​အကြံအစည်​များ​ကို ကြံစည်​သော​သူ​ကြောင့်​လည်းကောင်း စိတ်အနှောင့်အယှက်​မ​ဖြစ်​နှင့်​။

ဆာ​လံ 62:8

အို လူ​များ​တို့​၊ ကိုယ်တော်​ကို အစဉ်အမြဲ​ယုံကြည်ကိုးစား​ကြ​လော့​။ သင်​တို့​၏​စိတ်နှလုံး​ကို ကိုယ်တော်​၏​ရှေ့​တော်​၌ ဖွင့်ဟ​ကြ​လော့​။ ဘုရားသခင်​သည် ငါ​တို့​၏​ခိုလှုံ​ရာ​ဖြစ်​တော်မူ​၏​။(​စေလာ)

သုတ္တံကျမ်း။ 22:19

သင်​သည် ထာဝရဘုရား​ကို​ကိုးစား​မည့်​အကြောင်း သင့်​ကို အထူးသဖြင့်​သင့်​ကို ယနေ့ ငါ​သွန်သင်​လေ​ပြီ​။

သုတ္တံကျမ်း။ 23:4

ချမ်းသာကြွယ်ဝ​စေရန် ပင်ပန်းကြီး​စွာ​မ​ပြု​နှင့်​။ သင်​၏​အသိဉာဏ်​အားဖြင့် ထိုသို့​ပြု​ခြင်း​ကို​ရပ်တန့်​လော့​။

သုတ္တံကျမ်း။ 28:26

မိမိ​စိတ်နှလုံး​ကို ကိုးစား​သော​သူ​သည် မိုက်မဲ​သော​သူ​ဖြစ်​၏​။ ဉာဏ်ပညာ​အားဖြင့်​လျှောက်လှမ်း​သော​သူ​မူကား ဘေးလွတ်​လိမ့်မည်​။

သုတ္တံကျမ်း။ 3:7

ကိုယ့်ကိုယ်ကိုယ် ပညာရှိ​ဟု မ​ထင်မြင်​နှင့်​။ ထာဝရဘုရား​ကို​ကြောက်ရွံ့​၍ မကောင်းမှု​မှ​ဖယ်ခွာ​လော့​။

ဟေ​ရှာ​ယ 12:2

ကြည့်ရှု​လော့​။ ဘုရားသခင်​သည် ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​သည် ကြောက်ရွံ့​ခြင်း​မ​ရှိ​ဘဲ ယုံကြည်ကိုးစား​မည်​။ အကြောင်းမူကား ထာဝရဘုရား​သည် ငါ​၏​ခွန်အား​၊ ငါ​၏​တေးသီချင်း​၊ ငါ့​ကို ကယ်တင်​သော​အရှင်​ဖြစ်​တော်မူ​၏​”​ဟု ဆို​လိမ့်မည်​။

ယေ​ရ​မိ 10:23

အို ထာဝရဘုရား​၊ လူ​သည် မိမိ​သွား​ရာ​လမ်း​ကို မိမိ​မ​ပိုင်​၊ လမ်းလျှောက်​နေ​သော​သူ​သည် ကိုယ့်​ခြေလှမ်း​ကို ကိုယ်​မ​တည့်မတ်​စေ​နိုင်​သည်​ကို အကျွန်ုပ်​သိ​ပါ​၏​။

ယေ​ရ​မိ 9:23

ထာဝရဘုရား​က “​ပညာရှိ​သော​သူ​သည် မိမိ​ဉာဏ်ပညာ​၌ မ​ဝါကြွား​စေ​နှင့်​။ ခွန်အားကြီး​သော​သူ​သည် မိမိ​ခွန်အား​၌ မ​ဝါကြွား​စေ​နှင့်​။ ချမ်းသာ​သော​သူ​သည် မိမိ​ဓနဥစ္စာ​၌ မ​ဝါကြွား​စေ​နှင့်”​ဟု မိန့်​တော်မူ​၏​။

တော​လည် 9:20

မိုးတိမ်​သည် ကိန်းဝပ်​တော်မူ​ရာ​တဲ​တော်​အပေါ်​၌ ရက်​အနည်းငယ်​သာ တည်နေ​သောအခါ​လည်း​ရှိ​၏​။ သူ​တို့​သည် ထာဝရဘုရား​၏​အမိန့်​တော်​အတိုင်း စခန်းချ​ကြ​၏​။ ထာဝရဘုရား​၏​အမိန့်​တော်​အတိုင်း ခရီးပြု​ကြ​၏​။

တော​လည် 9:22

ကိန်းဝပ်​တော်မူ​ရာ​တဲ​တော်​အပေါ်​၌ မိုးတိမ်​သည် နှစ်​ရက်​ဖြစ်စေ​၊ တစ်​လ​ဖြစ်စေ​၊ တစ်​နှစ်​ဖြစ်စေ တည်​နေ​သောအခါ​လည်း ရှိ​၏​။ ထိုအခါ အစ္စရေး​အမျိုးသား​တို့​သည် ခရီး​မ​ပြု​ဘဲ စခန်းချ​ကြ​၏​။ မိုးတိမ်​ကွာ​သောအခါ​မှ ခရီးပြု​ကြ​၏​။

ရော​မ 12:16

အချင်းချင်း​တစ်စိတ်​တစ်သဘောတည်း​ရှိ​ကြ​လော့။ ထောင်လွှား​သော​သဘော​မ​ရှိ​ဘဲ အခြေအနေ​နိမ့်ပါး​သော​သူ​တို့​နှင့် ပေါင်းသင်း​ဆက်ဆံ​ကြ​လော့။ မိမိတို့ကိုယ်ကို​ပညာ​သတိ​ရှိ​သော​သူ​ဟူ၍ မ​ထင်မှတ်​ကြ​နှင့်။

ဧ​ဖက် 1:12

ဤသည်ကား ခရစ်တော်​၌ ဦးစွာ​မျှော်လင့်​ထား​သော​ငါ​တို့​သည် ဘုရားသခင်​၏​ဘုန်း​တော်​ကို ချီးမွမ်း​ကြ​မည့်​အကြောင်း​တည်း။