သုတ္တံကျမ်း။ 28:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ဩတ္တပ္ပစိတ်​အစဉ်အမြဲ​ရှိ​သော​သူ​သည် မင်္ဂလာ​ရှိ​၏​။ မိမိ​၏​စိတ်နှလုံး​ကို​မာကျော​စေ​သော​သူ​မူကား ဒုက္ခတွင်း​ထဲသို့​ကျရောက်​လိမ့်မည်​။

Common Language Bible

¹⁴ အစဉ်မပြတ် ကြောက်ရွံ့သောသူသည် မင်္ဂလာ ရှိ၏။ မိမိစိတ်နှလုံးကို ခိုင်မာစေသောသူမူကား၊ ဘေး ဥပဒ်နှင့်တွေ့လိမ့်မည်။

Garrad Bible

¹⁴ အ စဉ် မ ပြတ် ခန့် ညား သော သူ သည် မင်္ဂ လာ ရှိ၏။ ကိုယ့် စိတ် နှ လုံး ကို ခဲ ယဉ်း စေ သော သူ မူ ကား၊ အ ဆိုး ထဲ သို့ ကျ ရောက် လိမ့် မည်။

Judson Bible

¹⁴ အ​စဉ်​မ​ပြတ်​ကြောက်​ရွံ့​သော​သူ​သည် မင်္ဂ​လာ​ရှိ၏။ မိ​မိ​စိတ်​နှ​လုံး​ကို ခိုင်​မာ​စေ​သော​သူ​မူ​ကား၊ ဘေး​ဥ​ပဒ်​နှင့် တွေ့​လိမ့်​မည်။

သုတ္တံကျမ်း။ 28:14 ပူးပေါင်းရင်းမြစ်များ

ယောဘဝတ္တု။ 9:4

ဉာဏ်ပညာ​တန်ခိုး​ကြီး​တော်မူ​သော​ဘုရား​ကို မည်သူ​သည် ဆန့်ကျင်အာခံ​ပြီး အသက်ချမ်းသာ​ရာ​ရ​ဖူး​သနည်း​။

ဆာ​လံ 112:1

ဟာလေလုယ​။ ထာဝရဘုရား​ကို ကြောက်ရွံ့​၍ ကိုယ်တော်​၏​ပညတ်တော်​တို့​ကို အလွန်​နှစ်သက်​သော​သူ​သည် မင်္ဂလာ​ရှိ​၏​။

ဆာ​လံ 16:8

ငါ​သည် ထာဝရဘုရား​ကို​အစဉ်မပြတ် မျက်မှောက်​ပြု​၏​။ ကိုယ်တော်​သည် ငါ​၏​လက်ယာ​ဘက်​၌ ရှိ​တော်မူ​သည်​ဖြစ်၍ ငါ​သည်​တုန်လှုပ်​မည်​မ​ဟုတ်​။

ဆာ​လံ 2:11

ကြောက်ရွံ့​သော​စိတ်​ဖြင့် ထာဝရဘုရား​၏​အမှု​တော်​ကို ဆောင်ရွက်​ကြ​လော့​။ ထိတ်လန့်တုန်လှုပ်​လျက် ရွှင်လန်း​ကြ​လော့​။

ဆာ​လံ 95:8

မေရိဘ​အရပ်​၌​ကဲ့သို့​လည်းကောင်း​၊ တောကန္တာရ​ရှိ မဿာ​အရပ်​၌​ရှိ​စဉ်က​ကဲ့သို့​လည်းကောင်း သင်​တို့​၏​စိတ်နှလုံး​ကို မ​မာကျော​စေ​ကြ​နှင့်​။

ထွက်​မြောက် 14:23

အီဂျစ်​လူမျိုး​တို့​နှင့်တကွ ဖာရော​မင်းကြီး​၌​ရှိသမျှ​သော​မြင်း​၊ စစ်ရထား​နှင့် မြင်းစီးသူရဲ​တို့​သည်​လည်း သူ​တို့​၏​နောက်မှ​လိုက်​၍ ပင်လယ်​ထဲ​သို့​ဝင်​ကြ​၏​။

ထွက်​မြောက် 7:22

အီဂျစ်​နတ်ဝိဇ္ဇာဆရာ​တို့​သည်​လည်း မိမိ​တို့​၏​ဝိဇ္ဇာအတတ်​များ​အားဖြင့် ထိုနည်းတူ​ပြု​ကြ​၏​။ ထို့ကြောင့် ထာဝရဘုရား​မိန့်​တော်မူ​သည့်​အတိုင်း ဖာရော​မင်းကြီး​၏​စိတ်နှလုံး​သည် မာကျော​လျက် မောရှေ​နှင့်​အာရုန်​တို့​၏​စကား​ကို နား​မ​ထောင်​ဘဲ​နေ​၏​။

ထွက်​မြောက် 7:23

ဖာရော​မင်းကြီး​သည် မိမိ​နန်းတော်​သို့​လှည့်​ပြန်သွား​ကာ ဤ​အမှု​ကို​လည်း နှလုံး​မ​သွင်း​ဘဲ​နေ​၏​။

သုတ္တံကျမ်း။ 23:17

သင်​၏​စိတ်နှလုံး​သည် အပြစ်သား​တို့​ကို မ​ငြူစူ​နှင့်​။ တစ်နေ့လုံး ထာဝရဘုရား​ကို ကြောက်ရွံ့​၍​သာ​နေ​လော့​။

သုတ္တံကျမ်း။ 29:1

ဆိုဆုံးမ​ခြင်း​ကို​အကြိမ်ကြိမ်​ခံရ​သော်လည်း ခေါင်းမာ​လျက်​နေ​သော​သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

ဒေသနာကျမ်း။ 8:12

အပြစ်ပြု​သော​သူ​သည် မကောင်းမှု​ကို​အကြိမ်​တစ်ရာ​ပြု​လျက်ပင် အသက်ရှည်​သော်လည်း ဘုရားသခင်​ကို​ကြောက်ရွံ့​သော​သူ​တို့​သည် ကိုယ်တော်​၏​ရှေ့​တော်​၌ ကြောက်ရွံ့​ကြ​သောကြောင့် ကောင်းကျိုးချမ်းသာ​ကို​ခံစား​ရ​ကြောင်း ငါ​အမှန်​သိ​၏​။

ဟေ​ရှာ​ယ 66:2

ထာဝရဘုရား​က “​အလုံးစုံ​ကို ငါ့​လက်​ဖြင့်​ဖန်ဆင်း​၍ အလုံးစုံ​သည် ဖြစ်တည်​လေ​ပြီ​။ စိတ်နှိမ့်ချ​သော​သူ​၊ နောင်တရ​သော​သူ​၊ ငါ့​နှုတ်ထွက်စကား​ကြောင့် စိုးရိမ်ထိတ်လန့်​သော​သူ​ကို ငါ​ကြည့်ရှု​မည်​။

ယေ​ရ​မိ 32:40

သူ​တို့​ကို မ​စွန့်ပစ်​ဘဲ အစဉ်​ကောင်းစား​စေ​မည့်​အကြောင်း ငါ​သည် သူ​တို့​နှင့် ထာဝရ​ပဋိညာဉ်​ဖွဲ့​မည်​။ သူ​တို့​သည် ငါ့​ထံမှ မ​ထွက်သွား​မည့်​အကြောင်း ငါ့​ကို​ကြောက်ရွံ့ရိုသေ​ခြင်း​သဘော​ကို သူ​တို့​စိတ်နှလုံး​ထဲသို့ သွင်းပေး​မည်​။

ရော​မ 11:20

မှန်​ပေ​၏။ သူ​တို့​သည် မ​ယုံကြည်​မှု​ကြောင့် ခုတ်ဖြတ်​ခြင်း​ခံရ​ပြီး သင်​မူကား ယုံကြည်​ခြင်း​ကြောင့်​တည်​နေ​၏။ ထောင်လွှား​သော​သဘော​မ​ရှိ​ဘဲ ကြောက်ရွံ့​ခြင်း​ရှိ​လော့။

ရော​မ 2:4

သို့မဟုတ် ဘုရားသခင်​၏​ကျေးဇူးပြု​တော်မူ​ခြင်း​သည် သင့်​ကို နောင်တ​သို့​ပို့ဆောင်​သည်​ကို​မ​သိ​မ​မှတ်​ဘဲ ကိုယ်တော်​၏​ကြွယ်ဝ​သော​ကျေးဇူးပြု​တော်မူ​ခြင်း၊ သည်းခံ​တော်မူ​ခြင်း​နှင့် စိတ်ရှည်​တော်မူ​ခြင်း​တို့​ကို မထီမဲ့မြင်​ပြု​သလော။

ရော​မ 2:5

သို့သော် သင်​၏​မာကျော​ခက်ထန်​မှု​နှင့်​နောင်တ​မ​ရ​သော​စိတ်နှလုံး​တို့​ကြောင့် သင်​သည် အမျက်​တော်​နေ့​တည်းဟူသော ဘုရားသခင်​၏​ဖြောင့်မတ်​သည့် တရား​စီရင်​ခြင်း​ထင်ရှား​ရာ​နေ့​အတွက် အမျက်​တော်​ကို မိမိ​အဖို့​သိုမှီး​လျက်​ရှိ​၏။

ဟေ​ဗြဲ 4:1

ထို့ကြောင့် ဘုရားသခင်​၏​ငြိမ်ဝပ်​ရာ​ချမ်းသာ​ထဲသို့ ဝင်​ရ​မည့်​ကတိ​တော်​ရှိ​နေ​သေး​လျက်​နှင့် သင်​တို့​ထဲမှ မ​ဝင်​လိုက်​ရ​ဘဲ​နေ​မည့်​သူ​တစ်စုံတစ်ဦး​မျှ​မ​ရှိ​စေရန် သတိထား​ကြ​ကုန်စို့။

၁ ပေ 1:17

သင်​တို့​သည် လူ​တို့​အား မျက်နှာလိုက်​ခြင်း​မ​ရှိ​ဘဲ တစ်ဦးစီ​တို့​ပြု​သော​အမှု​အတိုင်း တရား​စီရင်​တော်မူ​သော​အရှင်​ကို အဖ​ဟု​ခေါ်​ကြ​လျှင် ဤ​လောက​တွင် ဧည့်သည်​အဖြစ်​နေထိုင်​စဉ်​ကာလ​တစ်လျှောက်လုံး ကြောက်ရွံ့​ရိုသေ​သော​စိတ်​ဖြင့် အသက်ရှင်​နေထိုင်​ကြ​လော့။