သုတ္တံကျမ်း။ 19:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ထာဝရဘုရား​ကို​ကြောက်ရွံ့​ခြင်း​သည် အသက်ရှင်​ခြင်း​သို့​ပို့ဆောင်​ပေး​သည်​ဖြစ်၍ ထို​စိတ်သဘော​ရှိ​သော​သူ​သည် ပြည့်စုံ​စွာ​နေ​ရ​လျက် ဘေးအန္တရာယ်​နှင့်​ကြုံတွေ့​ရ​လိမ့်မည်​မ​ဟုတ်​။

Common Language Bible

²³ ထာဝရဘုရားကို ကြောက်ရွံ့သောသဘောသည် အသက်ရှင်ခြင်းနှင့်ဆိုင်သည်ဖြစ်၍ ထိုသဘောရှိသော သူသည် အလိုဆန္ဒပြည့်စုံ လျက်ရှိ၍၊ ဘေးဥပဒ်နှင့်ကင်းလွတ်လိမ့်မည်။

Garrad Bible

²³ ထာ ဝ ရ ဘု ရား ကို ခန့် ညား သော သ ဘော ရှိ သူ သည်၊ အ သက် ချမ်း သာ ရ သ ဖြင့်၊ ရောင့် ရဲ စွာ နေ လျက် ဘေး ဥ ပဒ် မ သင့် ရ။

Judson Bible

²³ ထာ​ဝ​ရ​ဘု​ရား​ကို ကြောက်​ရွံ့​သော​သ​ဘော​သည် အ​သက်​ရှင်​ခြင်း​နှင့် ဆိုင်​သည်​ဖြစ်၍ ထို​သ​ဘော​ရှိ​သော​သူ​သည် အ​လို​ဆ​န္ဒ​ပြည့်​စုံ​လျက်​ရှိ၍၊ ဘေး​ဥ​ပဒ်​နှင့် ကင်း​လွတ်​လိမ့်​မည်။

သုတ္တံကျမ်း။ 19:23 ပူးပေါင်းရင်းမြစ်များ

ဆာ​လံ 103:17

သို့ရာတွင် ထာဝရဘုရား​၏​မေတ္တာကရုဏာ​တော်​သည် ကိုယ်တော်​ကို​ကြောက်ရွံ့​သော​သူ​တို့​အပေါ်​၌ ထာဝရ​ကာလ​မှ​ထာဝရ​ကာလ​တိုင်အောင်​တည်​၏​။ ကိုယ်တော်​၏​ဖြောင့်မတ်​ခြင်း​သည်​လည်း သူ​တို့​၏​သားမြေးစဉ်ဆက်​အပေါ်​၌​လည်းကောင်း​၊

ဆာ​လံ 19:9

ထာဝရဘုရား​ကို​ကြောက်ရွံ့​ခြင်း​သည် စင်ကြယ်​၍ ထာဝရ​တည်​၏​။ ထာဝရဘုရား​၏​စီရင်ထုံးဖွဲ့ချက်​တို့​သည် မှန်ကန်​၍ တညီတညွတ်တည်း​ဖြောင့်မတ်​ကြ​၏​။

ဆာ​လံ 25:13

သူ​၏​စိတ်ဝိညာဉ်​သည် ကောင်းမွန်​စွာ​နေထိုင်​ရ​၍ သူ​၏​သားစဉ်မြေးဆက်​တို့​သည် ပြည်​တော်​ကို​အမွေဆက်ခံ​ရ​ကြ​လိမ့်မည်​။

ဆာ​လံ 85:9

ငါ​တို့​ပြည်​၌ ဘုန်းအသရေ​တည်​စေရန် ကိုယ်တော်​၏​ကယ်တင်​ခြင်း​သည် ကိုယ်တော်​ကို​ကြောက်ရွံ့​သော​သူ​တို့​၏​အနီး​၌ အမှန်ပင်​ရှိ​လေ​ပြီ​။

ဆာ​လံ 90:14

နံနက်အချိန်​၌ ကိုယ်တော်​၏​မေတ္တာကရုဏာ​တော်​အားဖြင့် အကျွန်ုပ်​တို့​ကို​ပြည့်စုံကြွယ်ဝ​စေ​တော်မူ​ပါ​။ သို့ပြုလျှင် အကျွန်ုပ်​တို့​သည် အကျွန်ုပ်​တို့​၏​အသက်တာ​တစ်လျှောက်လုံး ရွှင်လန်း​စွာ​သီချင်းဆို​၍ ဝမ်းမြောက်​ရ​ပါ​လိမ့်မည်​။

ဆာ​လံ 91:10

ဘေးအန္တရာယ်​သည် သင့်​အပေါ်​သို့ ကျရောက်​မည်​မ​ဟုတ်​။ ဘေးဒဏ်​သည်​လည်း သင်​၏​တဲ​အနီး​သို့ ချဉ်းကပ်​မည်​မ​ဟုတ်​။

ဆာ​လံ 91:16

ရှည်​သော​အသက်​ဖြင့် သူ့​ကို​ပြည့်စုံကြွယ်ဝ​စေ​၍ ငါ​၏​ကယ်တင်​ခြင်း​ကို သူ့​အား​ပြ​မည်​။​”

သုတ္တံကျမ်း။ 10:27

ထာဝရဘုရား​ကို​ကြောက်ရွံ့​ခြင်း​သည် အသက်​ကို​ရှည်​စေ​တတ်​၏​။ ဆိုးယုတ်​သော​သူ​တို့​၏​နှစ်ကာလ​မူကား တို​တတ်​၏​။

သုတ္တံကျမ်း။ 11:19

ဖြောင့်မတ်​ခြင်း​၌​တည်မြဲ​သော​သူ​သည် အသက်ရှင်​ခြင်း​သို့​ရောက်​လိမ့်မည်​။ မကောင်းမှု​နောက်​သို့​လိုက်​သော​သူ​မူကား သေ​ခြင်း​သို့​ရောက်​လိမ့်မည်​။

သုတ္တံကျမ်း။ 12:21

ဖြောင့်မတ်​သော​သူ​အပေါ် မည်သည့်​အမင်္ဂလာ​မျှ​ကျရောက်​လိမ့်မည်​မ​ဟုတ်​။ ဆိုးယုတ်​သော​သူ​တို့​မူကား ဒုက္ခ​နှင့်​ပြည့်ဝ​ကြ​၏​။

သုတ္တံကျမ်း။ 19:22

လူ့​ထံမှ​အလို​ရှိအပ်​သော​အရာ​ကား သူ​၏​မေတ္တာကရုဏာ​ဖြစ်​၏​။ ဆင်းရဲ​သော​သူ​သည် လိမ်လည်​သော​သူ​ထက် ပို၍​ကောင်း​၏​။

သုတ္တံကျမ်း။ 22:4

စိတ်နှိမ့်ချ​ခြင်း​နှင့် ထာဝရဘုရား​ကို​ကြောက်ရွံ့​ခြင်း​အကျိုး​ကား ဓနဥစ္စာ​၊ ဂုဏ်သရေ​နှင့် အသက်ရှင်​ခြင်း​ဖြစ်​၏​။

သုတ္တံကျမ်း။ 3:24

သင်​အိပ်​သောအခါ ကြောက်ရွံ့​ခြင်း​မ​ရှိ​ရ​။ သင်​အိပ်​သောအခါ နှစ်ခြိုက်​စွာ​အိပ်စက်​ရ​လိမ့်မည်​။

မာ​လ​ခိ 4:2

“ငါ​၏​နာမ​တော်​ကို ကြောက်ရွံ့ရိုသေ​သော သင်​တို့​အဖို့ ဖြောင့်မတ်​ခြင်း​နေမင်း​သည် ကုသ​ခြင်း​တောင်ပံ​နှင့်တကွ ပေါ်ထွန်း​လာ​လိမ့်မည်​။ သင်​တို့​သည်​လည်း တင်းကုပ်​မှ နွားသငယ်​ကဲ့သို့ ခုန်ပေါက်​လျက် ထွက်လာ​မည်​။

မဿဲ 5:6

ဖြောင့်မတ်​ခြင်း​ကို ဆာလောင်​မွတ်သိပ်​သော​သူ​တို့​သည် မင်္ဂလာရှိ​ကြ​၏။ အကြောင်းမူကား သူ​တို့​သည် ဝပြော​ခြင်း​သို့​ရောက်​ကြ​လိမ့်မည်။

တမန်တော်ဝတ္ထု 9:31

ဤသို့ဖြင့် ယုဒ​နယ်၊ ဂါလိလဲ​နယ်​နှင့် ရှမာရိ​နယ်​တစ်လျှောက်လုံး​၌ အသင်းတော်​သည် ငြိမ်းချမ်း​မှု​ကို​ရရှိ​၍ တည်ဆောက်​မြှင့်တင်​ခြင်း​ခံရ​ကာ သခင်​ဘုရား​ကို​ကြောက်ရွံ့​ခြင်း​၌​လည်းကောင်း၊ သန့်ရှင်း​သော​ဝိညာဉ်​တော်​၏​တိုက်တွန်း​အားပေး​ခြင်း​၌​လည်းကောင်း လျှောက်လှမ်း​လျက် တိုးပွား​လေ​၏။

ရော​မ 8:28

ဘုရားသခင်​ကို​ချစ်​သော​သူ​များ​တည်းဟူသော အကြံအစည်​တော်​အတိုင်း ခေါ်ယူ​တော်မူ​ခြင်း​ခံရ​သော​သူ​များ​အတွက် ဘုရားသခင်​သည် ခပ်သိမ်း​သော​အမှုအရာ​တို့​ကို ပူးပေါင်း​လုပ်ဆောင်​စေ​၍ ကောင်းကျိုး​ဖြစ်​စေ​တော်မူ​ကြောင်း​ကို ငါ​တို့​သိ​ကြ​၏။

၁ တိ 4:8

အကြောင်းမူကား ကိုယ်ခန္ဓာ​နှင့်ဆိုင်သော​လေ့ကျင့်​မှု​သည် အနည်း​အကျဉ်း​အကျိုး​ရှိ​သော်လည်း ဘုရား​ဝတ်​၌​မွေ့လျော်​ခြင်း​မူကား ယခု​ဘဝ၊ နောင်​ဘဝ​နှင့်ဆိုင်သော ကတိ​တော်​ပါ​ရှိ​သည်​ဖြစ်၍ အလုံးစုံ​တို့​အတွက် အကျိုး​ရှိ​၏။

၂ တိ 4:18

သခင်​ဘုရား​သည် မကောင်း​သော​အမှု​အလုံးစုံ​တို့​မှ ငါ့​ကို​ကယ်နုတ်​တော်မူ​၍ အထက်​ကောင်းကင်​အရပ်​၌​ရှိ​သော မိမိ​၏​နိုင်ငံ​တော်​ထဲသို့ လုံခြုံ​စွာ​ပို့ဆောင်​တော်မူ​လိမ့်မည်။ ထို​သခင်​၌ ကမ္ဘာ​အဆက်ဆက်​ဘုန်း​အသရေ​တော်​ရှိ​ပါစေသော။ အာမင်။