သုတ္တံကျမ်း။ 13:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ဖြောင့်မတ်​သော​သူ​သည် မိမိ​စိတ်ဆန္ဒ ပြည့်စုံကြွယ်ဝ​သည့်​တိုင်အောင် စား​ရ​၏​။ ဆိုးယုတ်​သော​သူ​တို့​၏​ဝမ်း​မူကား ဟာ​နေ​လိမ့်မည်​။

Common Language Bible

²⁵ ဖြောင့်မတ်သောသူသည် ဝစွာစားရသော အခွင့်ရှိ၏။ မတရားသော သူမူကား၊ မွတ်သိပ်ခြင်းကို ခံရလိမ့်မည်။

Garrad Bible

²⁵ သူ တော် ကောင်း သည်၊ ရောင့် ရဲ စွာ စား ခွင့် ရှိ၏။ လူ ဆိုး တို့ မူ ကား၊ ဝမ်း ဟာ လျက် ရှိ ကြ ၏။

Judson Bible

²⁵ ဖြောင့်​မတ်​သော​သူ​သည် ဝ​စွာ​စား​ရ​သော အ​ခွင့်​ရှိ၏။ မ​တ​ရား​သော​သူ​မူ​ကား၊ မွတ်​သိပ်​ခြင်း​ကို​ခံ​ရ​လိမ့်​မည်။

သုတ္တံကျမ်း။ 13:25 ပူးပေါင်းရင်းမြစ်များ

ဆာ​လံ 103:5

သင်​၏​ဘဝ​ကို ကောင်းမြတ်​သော​အရာ​ဖြင့် ပြည့်စုံကြွယ်ဝ​စေ​တော်မူ​သဖြင့် သင်​၏​ပျိုရွယ်မှု​သည် လင်းယုန်​ကဲ့သို့ အသစ်ပြုပြင်​ခြင်း​ကို​ခံရ​၏​။

ဆာ​လံ 132:15

ထို​အရပ်​ကို ကောင်းချီးပေး​မည်​။ စားနပ်ရိက္ခာ​ပေါများ​စေ​မည်​။ နွမ်းပါး​သော​သူ​တို့​ကို အစားအစာ​နှင့် ဝပြော​စေ​မည်​။

ဆာ​လံ 34:10

ခြင်္သေ့ပျို​တို့​သည် အစာ​ချို့တဲ့​၍ ဆာလောင်မွတ်သိပ်​တတ်​ကြ​၏​။ ထာဝရဘုရား​ကို​ရှာ​သော​သူ​တို့​မူကား ကောင်း​သော​အရာ​တစ်စုံတစ်ခု​မျှ ချို့တဲ့​လိမ့်မည်​မ​ဟုတ်​။

ဆာ​လံ 37:16

ဖြောင့်မတ်​သော​သူ​၏​အနည်းငယ်​သော​ဥစ္စာ​သည် ဆိုးယုတ်​သော​သူ​တို့​၏​များစွာ​သော စည်းစိမ်ဘဏ္ဍာ​ထက် ပို၍​ကောင်း​၏​။

ဆာ​လံ 37:3

ထာဝရဘုရား​ကို​ယုံကြည်ကိုးစား​လျက် ကောင်း​သော​အမှု​ကို​ပြု​လော့​။ ပြည်​တော်​၌​နေထိုင်​၍ သစ္စာတရား​၌​ကျက်စား​လော့​။

သုတ္တံကျမ်း။ 10:3

ထာဝရဘုရား​သည် ဖြောင့်မတ်​သော​သူ​ကို ဆာလောင်မွတ်သိပ်​စေ​တော်​မ​မူ​။ ဆိုးယုတ်​သော​သူ​တို့​၏​အလိုရမ္မက်​ကို​ကား ပယ်ချ​တော်မူ​၏​။

သုတ္တံကျမ်း။ 13:18

ဆင်းရဲ​ခြင်း​နှင့်​အရှက်ကွဲ​ခြင်း​သည် ဆုံးမပဲ့ပြင်​ခြင်း​ကို​လျစ်လျူရှု​သော​သူ​ထံသို့ ရောက်လာ​လိမ့်မည်​။ ဆိုဆုံးမစကား​ကို​စောင့်ထိန်း​သော​သူ​မူကား ဂုဏ်ပြုချီးမွမ်း​ခြင်း​ခံရ​လိမ့်မည်​။

သုတ္တံကျမ်း။ 24:34

ဆင်းရဲ​ခြင်း​သည် သူခိုးဓားပြ​ကဲ့သို့​လည်းကောင်း​၊ ချို့တဲ့​နွမ်းပါး​ခြင်း​သည် လက်နက်​ကိုင်ဆောင်​သူ​ကဲ့သို့​လည်းကောင်း သင့်​ထံသို့​ရောက်လာ​လိမ့်မည်​။

သုတ္တံကျမ်း။ 6:11

ဆင်းရဲ​ခြင်း​သည် သူခိုးဓားပြ​ကဲ့သို့​လည်းကောင်း​၊ ချို့တဲ့​နွမ်းပါး​ခြင်း​သည် လက်နက်​ကိုင်ဆောင်​သူ​ကဲ့သို့​လည်းကောင်း သင့်​ထံသို့​ရောက်လာ​လိမ့်မည်​။

လုကာ 15:14

မိမိ​၌​ရှိသမျှ​တို့​ကို အကုန်​သုံးစွဲ​ပြီး​သောအခါ ထို​ပြည်​အနှံ့​တွင် ကြီးစွာ​သော​ငတ်မွတ်​ခေါင်းပါး​ခြင်း​ဘေး​ကျရောက်​သဖြင့် သူ​သည် ဆင်းရဲ​နွမ်းပါး​ခြင်း​သို့​ရောက်​လေ​၏။

တ​ရား​ဟော 28:48

ဆာလောင်မွတ်သိပ်​ခြင်း​၊ အဝတ်အချည်းစည်း​ဖြစ်​ခြင်း​၊ အရာရာ​ချို့တဲ့​ခြင်း​တို့​ဖြင့် ထာဝရဘုရား​စေလွှတ်​တော်မူ​သော သင်​၏​ရန်သူ​ကို သင်​အစေခံ​ရ​လိမ့်မည်​။ သင်​ပျက်စီး​ခြင်း​သို့​မ​ရောက်​မ​ချင်း သံ​ထမ်းပိုး​ကို သင်​၏​လည်ပင်း​ပေါ် တင်​ထား​တော်မူ​မည်​။

တ​ရား​ဟော 32:24

သူ​တို့​သည် ငတ်မွတ်ခေါင်းပါး​၍​ပိန်ချုံး​သွား​မည်​။ ပူလောင်​ခြင်း​၊ ဆိုးရွား​သော​ဘေးဥပဒ်​တို့​၏​ဝါးမျို​ခြင်း​ခံရ​မည်​။ သားရဲ​အစွယ်​၊ မြေ​ပေါ်​တွားသွား​သော​သတ္တဝါ​အဆိပ်​ကို သူ​တို့​ထံ ငါ​စေလွှတ်​မည်​။

၂ သက် 3:10

အကြောင်းမူကား သင်​တို့​နှင့်အတူ ငါ​တို့​ရှိ​စဉ်​က မည်သူမဆို အလုပ်​မ​လုပ်​လို​လျှင် အစာ​ကို​လည်း​မ​စား​စေ​နှင့်​ဟု ညွှန်ကြား​ထား​၏။

၁ တိ 4:8

အကြောင်းမူကား ကိုယ်ခန္ဓာ​နှင့်ဆိုင်သော​လေ့ကျင့်​မှု​သည် အနည်း​အကျဉ်း​အကျိုး​ရှိ​သော်လည်း ဘုရား​ဝတ်​၌​မွေ့လျော်​ခြင်း​မူကား ယခု​ဘဝ၊ နောင်​ဘဝ​နှင့်ဆိုင်သော ကတိ​တော်​ပါ​ရှိ​သည်​ဖြစ်၍ အလုံးစုံ​တို့​အတွက် အကျိုး​ရှိ​၏။

ဟေ​ဗြဲ 13:5

အသက်ရှင်​နေထိုင်​မှု​တွင် ငွေ​ကို​တပ်မက်​ခြင်း​မ​ရှိ​ဘဲ မိမိ​၌​ရှိ​သော​အရာ​နှင့် ရောင့်ရဲ​ကြ​လော့။ အကြောင်းမူကား “ငါ​သည် မည်သည့်​အခါ​မျှ သင့်​ကို​စွန့်ခွာ​မည်​မ​ဟုတ်။ မည်သည့်​အခါ​မျှ သင့်​ကို​ပစ်ပယ်​မည်​မ​ဟုတ်”​ဟု ကိုယ်တော်​မိန့်​တော်မူ​၏။