သုတ္တံကျမ်း။ 13:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² လူ​သည် မိမိ​နှုတ်​၏​အသီးအပွင့်​မှ ကောင်း​သော​အရာ​ကို​စား​ရ​၏​။ သစ္စာမဲ့​သော​သူ​တို့​၏​စိတ်ဆန္ဒ​ကား ရက်စက်ကြမ်းကြုတ်မှု​ဖြစ်​၏​။

Common Language Bible

² လူသည် မိမိနှုတ်၏အသီးတည်းဟူသော ကောင်းသောအရာကို စားရ၏။ ပြစ်မှားတတ်သော သူမူ ကား၊ ညှဉ်းဆဲခြင်းအပြစ်၏အသီးကို စားရ၏။

Garrad Bible

² လူ သည်၊ နှုတ် ၏ အ သီး နှင့် အ ညီ အ ကောင်း ကို လည်း‌ ကောင်း၊ သ စ္စာ မဲ့ သော သူ တို့ ကား၊ ကြမ်း ကြုတ် ခြင်း ကို လည်း‌ ကောင်း၊ ခံ စား ရ ၏။

Judson Bible

² လူ​သည် မိ​မိ​နှုတ်၏​အ​သီး​တည်း​ဟူ​သော ကောင်း​သော​အ​ရာ​ကို စား​ရ၏။ ပြစ်​မှား​တတ်​သော​သူ​မူ​ကား၊ ညှဉ်း​ဆဲ​ခြင်း​အ​ပြစ်၏ အ​သီး​ကို​စား​ရ၏။

သုတ္တံကျမ်း။ 13:2 ပူးပေါင်းရင်းမြစ်များ

ဆာ​လံ 140:11

သူတစ်ပါး​ကို​အသရေပျက်​အောင် ပြောဆို​သော​သူ​တို့​သည် မြေကြီး​ပေါ်၌ တည်မြဲ​ခြင်း​မ​ရှိ​ကြ​ပါစေ​နှင့်​။ ဘေးအန္တရာယ်​သည် ရက်စက်ကြမ်းကြုတ်​သော​သူ​ကို လိုက်​၍ နှိမ်နင်း​ဖျက်ဆီး​ပါစေသော​။

ဆာ​လံ 75:8

အကြောင်းမူကား ထာဝရဘုရား​၏​လက်​တော်​၌​ခွက်ဖလား​ရှိ​၍ ၎င်း​ထဲတွင် သမအောင်​ရောစပ်​ထား​သည့် အမြှုပ်ထ​နေ​သော​စပျစ်ဝိုင်​ရှိ​၏​။ ကိုယ်တော်​သည် ထို​စပျစ်ဝိုင်​ကို​သွန်ချ​တော်မူ​၍ ကမ္ဘာမြေကြီး​ပေါ်ရှိ​ဆိုးယုတ်​သော​သူ​အပေါင်း​တို့​သည် ၎င်း​၏​အနည်​ကို​ပင် အကုန်အစင် သောက်​ကြ​ရ​လိမ့်မည်​။

သုတ္တံကျမ်း။ 1:18

ထို​သူ​တို့​သည် ကိုယ့်ကိုယ်ကိုယ်​သတ်ဖြတ်​ရန် ချောင်းမြောင်း​၍ ကိုယ့်​အသက်​ကို​ကိုယ် ပုန်းအောင်း​တိုက်ခိုက်​နေ​ကြ​ခြင်း​သာ​ဖြစ်​၏​။

သုတ္တံကျမ်း။ 1:31

ထို့ကြောင့် သူ​တို့​သည် မိမိ​တို့​ပြုမူကျင့်ကြံ​သော​အမှုအရာ​၏​အသီး​ကို​စား​၍ မိမိ​တို့​၏​အကျင့်အကြံ​များ​နှင့် ဝအီ​ကြ​လိမ့်မည်​။

သုတ္တံကျမ်း။ 10:11

ဖြောင့်မတ်​သော​သူ​၏​နှုတ်​သည် အသက်​စမ်းရေတွင်း​ဖြစ်​၏​။ ဆိုးယုတ်​သော​သူ​၏​နှုတ်​မူကား ရက်စက်ကြမ်းကြုတ်မှု​ကို ဖုံးကွယ်​တတ်​၏​။

သုတ္တံကျမ်း။ 11:23

ဖြောင့်မတ်​သော​သူ​တို့​၏​အလိုဆန္ဒ​သည် ကောင်းကျိုး​ကို​သာ​ဖြစ်စေ​တတ်​၏​။ ဆိုးယုတ်​သော​သူ​တို့​၏​မျှော်လင့်ချက်​မူကား အမျက်​ကို​ဖြစ်​စေ​တတ်​၏​။

သုတ္တံကျမ်း။ 12:14

လူ​သည် မိမိ​နှုတ်​၏​အသီးအပွင့်​အားဖြင့် ကောင်း​သော​အရာ​နှင့်​ပြည့်စုံကြွယ်ဝ​လိမ့်မည်​။ သူ့​လက်​၏​လုပ်ဆောင်မှု​သည်​လည်း သူ့​ထံသို့​ပြန်လာ​လိမ့်မည်​။

သုတ္တံကျမ်း။ 18:20

လူ​သည် မိမိ​နှုတ်​၏​အသီးအပွင့်​ဖြင့် မိမိ​ဝမ်း​ကို​ပြည့်​စေ​၍ မိမိ​နှုတ်ခမ်း​၏​အမြတ်အစွန်း​ဖြင့် အလိုပြည့်စုံ​တတ်​၏​။

သုတ္တံကျမ်း။ 18:21

သေ​ခြင်း​နှင့်​အသက်ရှင်​ခြင်း​သည် လျှာ​၏​တန်ခိုး​အောက်​၌​ရှိ​သည်​ဖြစ်၍ လျှာ​ကို​ချစ်ခင်​သော​သူ​သည် ၎င်း​၏​အသီး​ကို​စား​ရ​လိမ့်မည်​။

သုတ္တံကျမ်း။ 4:17

အကယ်စင်စစ် သူ​တို့​သည် ဆိုးယုတ်ခြင်း​မုန့်​ကို​စား​၍ ရက်စက်ကြမ်းကြုတ်​ခြင်း​စပျစ်ဝိုင်​ကို သောက်​ကြ​၏​။

ဟော​ရှေ 10:13

သင်​တို့​သည် ဆိုးယုတ်မှု​ကို စိုက်ပျိုး​သောကြောင့် မတရားမှု​ကို​ရိတ်သိမ်း​ရ​၏​။ မုသား​အသီး​ကို စား​ရ​၏​။ အကြောင်းမှာ ကိုယ့်​နည်းလမ်း​၊ ကိုယ့်​စစ်သူရဲ​အလုံးအရင်း​ကို​သာ ယုံကြည်အားကိုး​ကြ​၏​။

ဟ​ဗက္ကုတ် 2:17

လက်ဘနွန်​တောင်​ကို သင်​နှိပ်စက်​ခဲ့​သည့်​အတိုင်း သင်​ပြန်​ခံရ​မည်​။ တိရစ္ဆာန်​များ​ကို သင်​ညှဉ်းဆဲ​ခဲ့​သည့်​အတိုင်း သင်​ပြန်​၍​ကြောက်လန့်​နေ​ရ​မည်​။ သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​လေ​ပြီ​။

ဟ​ဗက္ကုတ် 2:8

သင်​သည် လူ​ကို​သတ်ဖြတ်​၍ ကမ္ဘာမြေ​ရှိ​မြို့​များ​နှင့် မြို့သူမြို့သား​အပေါင်း​တို့​အပေါ် ရက်စက်ကြမ်းကြုတ်မှု​ကို​ပြု​ပြီး လူမျိုး​များစွာ​ကို တိုက်ခိုက်လုယူ​ခဲ့​သောကြောင့် ကြွင်းကျန်​သော​သူ​အပေါင်း​တို့​သည် သင့်​ကို ပြန်​၍​တိုက်ခိုက်လုယူ​လိမ့်မည်​။

ဗျာ​ဒိတ် 16:6

အကြောင်းမူကား ထို​သူ​တို့​သည် သန့်ရှင်း​သူ​များ​နှင့် ပရောဖက်​များ​၏​သွေး​ကို သွန်း​ခဲ့​ကြ​သည်​ဖြစ်၍ ကိုယ်တော်​သည် ထို​သွေး​တို့​ကို သူ​တို့​အား​သောက်​ရန် ပေး​တော်မူ​ပြီ။ သူ​တို့​သည် ထိုသို့​ခံရ​ရန် ထိုက်တန်​ပေ​၏”​ဟု ဆို​သည်​ကို ငါ​ကြား​ရ​၏။