သုတ္တံကျမ်း။ 13:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ပညာရှိ​သော​သူ​၏​သွန်သင်ချက်​သည် အသက်​စမ်းရေတွင်း​ဖြစ်၍ သေ​ခြင်း​၏​ထောင်ချောက်​များ​မှ​ဖယ်ခွာ​စေ​တတ်​၏​။

Common Language Bible

¹⁴ ပညာရှိသောသူ၏တရားသည် အသေခံရာ ကျော့ကွင်းတို့မှ၊ လွှဲရှောင်ရာအသက်စမ်းရေတွင်းဖြစ်၏။

Garrad Bible

¹⁴ ပ ညာ ရှိ ဩ ဝါ ဒ တ ရား သည်၊ သေ မင်း၏ ညွှတ် ကွင်း များ မှ လွှဲ ရှောင် ရန်၊ အ သက် စမ်း ရေ ဖြစ် ၏။

Judson Bible

¹⁴ ပ​ညာ​ရှိ​သော​သူ၏​တ​ရား​သည် အ​သေ​ခံ​ရာ​ကျော့​ကွင်း​တို့​မှ၊ လွှဲ​ရှောင်​ရာ အ​သက်​စမ်း​ရေ​တွင်း​ဖြစ်၏။

သုတ္တံကျမ်း။ 13:14 ပူးပေါင်းရင်းမြစ်များ

ဆာ​လံ 116:3

သေ​ခြင်း​၏​နှောင်ကြိုး​တို့​သည် ငါ့​ကို​ရစ်ပတ်​၍ မရဏာနိုင်ငံ​၏​ပြင်းပြ​သော​ဝေဒနာ​တို့​သည် ငါ့​အပေါ်​ကျရောက်​ကြ​၏​။ ငါ​သည် ဆင်းရဲဒုက္ခ​နှင့်​ဝမ်းနည်း​ခြင်း​ကို​တွေ့ကြုံ​ရ​၏​။

ဆာ​လံ 18:5

မရဏာ​ကြိုး​တို့​သည် ငါ့​ကို ပတ်စည်း​ထား​ပြီး သေမင်း​ထောင်ချောက်​များ​လည်း ငါ့​ကို ဆီးကြို​နေ​ပါ​၏​။

သုတ္တံကျမ်း။ 10:11

ဖြောင့်မတ်​သော​သူ​၏​နှုတ်​သည် အသက်​စမ်းရေတွင်း​ဖြစ်​၏​။ ဆိုးယုတ်​သော​သူ​၏​နှုတ်​မူကား ရက်စက်ကြမ်းကြုတ်မှု​ကို ဖုံးကွယ်​တတ်​၏​။

သုတ္တံကျမ်း။ 14:27

ထာဝရဘုရား​ကို​ကြောက်ရွံ့​ခြင်း​သည် အသက်​စမ်းရေတွင်း​ဖြစ်​၍ သေ​ခြင်း​၏​ထောင်ချောက်​များ​မှ ဖယ်ခွာ​စေ​တတ်​၏​။

သုတ္တံကျမ်း။ 15:24

အသက်ရှင်​ခြင်း​လမ်း​သည် ပညာသတိ​ရှိ​သော​သူ​ကို အထက်​အရပ်​သို့​ပို့ဆောင်​ပေး​၏​။ ထိုသို့​အားဖြင့် သူ​သည် အောက်​မရဏာနိုင်ငံ​မှ​ဖယ်ခွာ​နိုင်​မည်​ဖြစ်​၏​။

သုတ္တံကျမ်း။ 16:17

ဖြောင့်မှန်​သော​သူ​တို့​၏​လမ်း​သည် မကောင်းမှု​မှ​ဖယ်ခွာ​ခြင်း​ဖြစ်​၏​။ မိမိ​သွား​ရာ​လမ်း​ကို ထိန်းသိမ်းစောင့်ရှောက်​သော​သူ​သည် မိမိ​အသက်​ကို​စောင့်ထိန်း​သော​သူ​ဖြစ်​၏​။

သုတ္တံကျမ်း။ 16:22

ဉာဏ်စွမ်း​ကို​ပိုင်ဆိုင်​သော​သူ​အတွက် ထို​ဉာဏ်စွမ်း​သည် အသက်​စမ်းရေတွင်း​ဖြစ်​၏​။ မိုက်မဲ​ခြင်း​မူကား ဆိုးမိုက်​သော​သူ​တို့​ခံရ​သော အပြစ်ဒဏ်​ဖြစ်​၏​။

သုတ္တံကျမ်း။ 16:6

မေတ္တာကရုဏာ​နှင့်​သမ္မာတရား​အားဖြင့် အပြစ်​ဖြေလွှတ်​ခြင်း​ခံရ​၍ ထာဝရဘုရား​ကို​ကြောက်ရွံ့​ခြင်း​အားဖြင့် မကောင်းမှု​မှ​ဖယ်ခွာ​နိုင်​၏​။

သုတ္တံကျမ်း။ 9:11

အကြောင်းမူကား ဉာဏ်ပညာ​အားဖြင့် သင်​၏​နေ့ရက်​တို့​သည် များပြား​၍ သင့်​အသက်တာ​၏​နှစ်ကာလ​တို့​သည် ထပ်တိုး​လာ​လိမ့်မည်​။

၁ ရာ 25:33

သင်​၏​ဆင်ခြင်တုံတရား​ရှိ​မှု​အတွက် သင်​ကောင်းချီးခံစား​ရ​ပါစေသော​။ ယနေ့​မှာ သင်​သည် ငါ့​ကို လူ​အသက်သတ်​ခြင်း​အမှု​၊ ကိုယ်တိုင်​လက်စားချေ​ခြင်း​အမှု​မှ ကင်းဝေး​စေ​သောကြောင့် သင်​ကောင်းချီး​ခံစား​ရ​ပါစေသော​။