သုတ္တံကျမ်း။ 13:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² မျှော်မှန်း​သော​အရာ​ကြန့်ကြာ​နေ​ပါက စိတ်​မသာမယာ​ဖြစ်​တတ်​၏​။ အလိုဆန္ဒ​ပြည့်ဝ​ခြင်း​မူကား အသက်​ပင်​သဖွယ်​ဖြစ်​၏​။

Common Language Bible

¹² မြော်လင့်သောအရာသည် ဖင့်နွဲလျှင်၊ စိတ်နှလုံး ကို ပူပန်စေတတ်၏။ အလိုပြည့်စုံသောအခါမူကား အသက်ပင်ဖြစ်၏။

Garrad Bible

¹² စောင့် မျှော်၍ ကြန့် ကြာ ခဲ့ လျှင်၊ နှ လုံး မ သာ ယာ တတ်၏။ အ လို ဆ န္ဒ ပြည့် စုံ လျှင် မူ ကား၊ အ သက် ပင် သ ဖွယ် ဖြစ် ၏။

Judson Bible

¹² မျှော်​လင့်​သော​အ​ရာ​သည် ဖင့်​နွှဲ​လျှင်၊ စိတ်​နှ​လုံး​ကို ပူ​ပန်​စေ​တတ်၏။ အ​လို​ပြည့်​စုံ​သော​အ​ခါ​မူ​ကား အ​သက်​ပင်​ဖြစ်၏။

သုတ္တံကျမ်း။ 13:12 ပူးပေါင်းရင်းမြစ်များ

ကမ္ဘာ​ဦး 46:30

ထိုအခါ အစ္စရေး​က ယောသပ်​အား “​သင်​အသက်ရှင်​နေ​သေး​သည်​ကို ငါ​တွေ့မြင်​ရ​ပြီ​ဖြစ်၍ ယခု ငါ​သေ​ပျော်​ပြီ​”​ဟု ဆို​လေ​၏​။

နေ​ဟ​မိ 2:2

ထိုအခါ ရှင်ဘုရင်​က “​သင်​ကျန်းမာ​ပါ​လျက်​နှင့် အဘယ်ကြောင့် မျက်နှာ​ညှိုးငယ်​နေ​ရ​သနည်း​။ ဝမ်းနည်းစရာ​အကြောင်း ရှိ​နေ​သည်​မ​ဟုတ်​လော​”​ဟု ငါ့​အား မေး​တော်မူ​လျှင် ငါ​သည် အလွန်​ကြောက်ရွံ့​လျက်

ဆာ​လံ 143:7

အို ထာဝရဘုရား​၊ အကျွန်ုပ်​ကို အလျင်အမြန်​ထူး​တော်မူ​ပါ​။ အကျွန်ုပ်​၏​ဝိညာဉ်​သည် အားအင်ကုန်ခန်း​ပါ​ပြီ​။ အကျွန်ုပ်​သည် သေတွင်း​ထဲသို့ ဆင်းသွား​သော​သူ​တို့​ကဲ့သို့ မ​ဖြစ်​ရ​ပါ​မည့်​အကြောင်း အကျွန်ုပ်​ထံမှ မျက်နှာ​လွှဲ​တော်​မ​မူ​ပါ​နှင့်​။

ဆာ​လံ 17:15

အကျွန်ုပ်​မူကား ဖြောင့်မတ်​ခြင်း​ကြောင့် ကိုယ်တော်​၏​မျက်နှာ​တော်​ကို​ဖူးမြော်​ရ​ပါ​လိမ့်မည်​။ အကျွန်ုပ်​နိုးလာ​သောအခါ ကိုယ်တော်​၏​သဏ္ဌာန်​တော်​ကို​မြင်​၍ အလိုပြည့်စုံ​ပါ​လိမ့်မည်​။

ဆာ​လံ 69:3

အကျွန်ုပ်​သည် ဟစ်ခေါ်​ရ​၍ ပင်ပန်း​ပါ​ပြီ​။ အကျွန်ုပ်​၏​အာခေါင်​သည် ခြောက်​ပါ​ပြီ​။ အကျွန်ုပ်​၏​မျက်စိ​သည် အကျွန်ုပ်​၏​ဘုရားသခင်​ကို​မျှော်ကြည့်​ရ​၍ အားအင်ကုန်ခန်း​ပါ​ပြီ​။

သုတ္တံကျမ်း။ 11:30

ဖြောင့်မတ်​သော​သူ​၏​အသီးအပွင့်​သည် အသက်​ပင်​သဖွယ်​ဖြစ်​၏​။ စိတ်ဝိညာဉ်​များ​ကို​ဆွဲဆောင်​စည်းရုံး​နိုင်​သော​သူ​သည် ပညာရှိ​ဖြစ်​၏​။

သုတ္တံကျမ်း။ 13:11

လွယ်လွယ်​ရ​သော​စည်းစိမ်ဥစ္စာ​သည် လျော့နည်း​သွား​တတ်​၏​။ နည်းနည်းချင်း​စုဆောင်း​သော​သူ​မူကား စည်းစိမ်ဥစ္စာ​ကို​တိုးပွား​စေ​တတ်​၏​။

သုတ္တံကျမ်း။ 13:13

နှုတ်ကပတ်တော်​ကို​မထီမဲ့မြင်ပြု​သော​သူ​သည် မိမိ​အပေါ်​မိမိ ပျက်စီး​ခြင်း​ကို​သက်ရောက်​စေ​လိမ့်မည်​။ ပညတ်တော်​ကို​ရိုသေ​သော​သူ​မူကား ဆုလာဘ်​ကို​ရရှိ​လိမ့်မည်​။

သုတ္တံကျမ်း။ 13:19

အလိုဆန္ဒ​ပြည့်ဝ​ခြင်း​သည် စိတ်ဝိညာဉ်​အတွက် နှစ်သက်​ဖွယ်​ဖြစ်​၏​။ သို့သော် မကောင်းမှု​မှ​ဖယ်ခွာ​ခြင်း​သည် မိုက်မဲ​သော​သူ​တို့​အတွက် စက်ဆုပ်ရွံရှာဖွယ်​ဖြစ်​၏​။

သုတ္တံကျမ်း။ 3:18

ဉာဏ်ပညာ​သည် ၎င်း​ကို​ဆုပ်ကိုင်​ထား​သော သူ​တို့​အတွက် အသက်​ပင်​သဖွယ်​ဖြစ်​၏​။ ၎င်း​ကို​စွဲကိုင်​ထား​သော​သူ​တို့​သည် မင်္ဂလာ​ရှိ​ကြ​၏​။

ရှောလမုန်သီချင်း။ 5:8

အို ဂျေရုဆလင်​သမီးပျို​တို့​၊ အကျွန်ုပ်​ချစ်သူ​ကို​တွေ့​လျှင် အကျွန်ုပ်​အချစ်နာကျ​နေ​သည်​ကို သူ့​အား​ပြောပြ​ပေး​ပါ​မည်​ဟု ကျိန်ဆို​ကြ​ပါ​လော့​။​”

ရှင်ယောဟန် 16:22

ထို့အတူ သင်​တို့​သည် ယခု​ဝမ်းနည်း​ခြင်း​ရှိ​ကြ​သော်လည်း ငါ​သည် သင်​တို့​နှင့် တစ်ဖန် ပြန်​တွေ့​မည်​ဖြစ်​သောကြောင့် သင်​တို့​၏​စိတ်နှလုံး​သည် ဝမ်းမြောက်​ခြင်း​ဖြင့် ပြည့်စုံ​ကြ​လိမ့်မည်။ ထို​ဝမ်းမြောက်​ခြင်း​ကို မည်သူမျှ သင်​တို့​ထံမှ မ​နုတ်ယူ​နိုင်​ရာ။

ဗျာ​ဒိတ် 2:7

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဘုရားသခင်​၏​ပရဒိသု​ဘုံ​၌​ရှိ​သော အသက်​ပင်​၏​အသီး​ကို ငါ​စား​ခွင့်​ပေး​မည်။

ဗျာ​ဒိတ် 22:2

မြို့​၏​လမ်းမ​အလယ်​တစ်လျှောက် စီးဆင်း​နေ​၏။ မြစ်​၏​တစ်ဖက်တစ်ချက်စီ​၌​ကား အသီး​တစ်ဆယ့်နှစ်​မျိုး​သီး​၍ မိမိ​အသီး​ကို လစဉ်​ပေး​တတ်​သည့်​အသက်​ပင်​ရှိ​၏။ ထို​အပင်​မှ အရွက်​များ​သည်​လည်း လူမျိုး​တကာ​တို့​၏​ကျန်းမာ​ခြင်း​အတွက်​ဖြစ်​၏။