သုတ္တံကျမ်း။ 12:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ဆိုးယုတ်​သော​သူ​သည် မကောင်းမှု​ပြု​သော​သူ​တို့ သုံး​သော​ထောင်ပိုက်​ကို တပ်မက်​ကြ​၏​။ ဖြောင့်မတ်​သော​သူ​တို့​၏​အမြစ်​မူကား ရှင်သန်သီးပွင့်​လိမ့်မည်​။

Common Language Bible

¹² မတရားသောသူသည် လူဆိုးသုံးတတ်သော ကျော့ကွင်းကို အလိုရှိ၏။ ဖြောင့်မတ်သော သူ၏အမြစ် မူကား၊ အသီးကိုသီးတတ်၏။

Garrad Bible

¹² လူ ဆိုး သည်၊ မ သူ တော် တို့၏ ကျော့ ကွင်း ကို နှစ် သက် တတ်၏။ သူ တော် ကောင်း တို့၏ အ မြစ် မူ ကား၊ အ ပင် ပေါက် တတ်၏။

Judson Bible

¹² မ​တ​ရား​သော​သူ​သည် လူ​ဆိုး​သုံး​တတ်​သော ကျော့​ကွင်း​ကို အ​လို​ရှိ၏။ ဖြောင့်​မတ်​သော​သူ၏​အ​မြစ်​မူ​ကား၊ အ​သီး​ကို​သီး​တတ်၏။

သုတ္တံကျမ်း။ 12:12 ပူးပေါင်းရင်းမြစ်များ

ဆာ​လံ 1:3

ထို​သူ​ကား ရေစီး​သော​ချောင်း​နားမှာ စိုက်​ထား​၍ မိမိ​အချိန်တန်​သောအခါ​အသီး​သီး​ပြီး အရွက်​မ​ညှိုးနွမ်း​တတ်​သော​အပင်​နှင့်​တူ​၏​။ ပြု​လေသမျှ​တို့​၌​အောင်မြင်​တတ်​၏​။

ဆာ​လံ 10:9

သူ​သည် ပုန်းအောင်း​နေ​သော​ခြင်္သေ့​ကဲ့သို့ ကွယ်​ရာ​မှ ချောင်းမြောင်း​နေ​တတ်​၏​။ အဖိနှိပ်​ခံရ​သော​သူ​ကို​ဖမ်းဆီး​ရန် ချောင်းမြောင်း​နေ​တတ်​၏​။ အဖိနှိပ်​ခံရ​သော​သူ​ကို သူ​၏​ပိုက်ကွန်​ထဲသို့​ဆွဲယူ​ဖမ်းဆီး​တတ်​၏​။

ဆာ​လံ 9:15

လူမျိုးတကာ​တို့​သည် မိမိ​တို့​တူး​ထား​သော​တွင်း​ထဲသို့ ကျ​ကြ​ပြီ​။ သူ​တို့​ခြေ​သည် မိမိ​တို့​လျှို့ဝှက်​စွာ​ထောင်​ထား​သော ပိုက်ကွန်​၌​မိ​လေ​ပြီ​။

သုတ္တံကျမ်း။ 10:15

ချမ်းသာ​သော​သူ​၏​စည်းစိမ်ဥစ္စာ​သည် သူ​၏​ခိုင်ခံ့​သော​မြို့​ဖြစ်​၏​။ ဆင်းရဲ​သော​သူ​တို့​၏​ပျက်စီး​ခြင်း​အကြောင်း​သည် သူ​တို့​၏​ဆင်းရဲ​ခြင်း​ဖြစ်​၏​။

သုတ္တံကျမ်း။ 11:30

ဖြောင့်မတ်​သော​သူ​၏​အသီးအပွင့်​သည် အသက်​ပင်​သဖွယ်​ဖြစ်​၏​။ စိတ်ဝိညာဉ်​များ​ကို​ဆွဲဆောင်​စည်းရုံး​နိုင်​သော​သူ​သည် ပညာရှိ​ဖြစ်​၏​။

သုတ္တံကျမ်း။ 21:10

ဆိုးယုတ်​သော​သူ​၏​စိတ်ဝိညာဉ်​သည် မကောင်းမှု​ကို တောင့်တ​တတ်​၏​။ သူ​၏​အိမ်နီးချင်း​သည် သူ့​မျက်ဝန်း​၌ သနား​တတ်​သော​သဘော​ကို​ရှာ​မ​တွေ့​။

ဟေ​ရှာ​ယ 27:6

နောင်တစ်ချိန်​မှာ ယာကုပ်​သည် အမြစ်တွယ်​လာ​လိမ့်မည်​။ အစ္စရေး​သည် ဖူးငုံ​ပွင့်လန်း​လာ​လိမ့်မည်​။ ကမ္ဘာမြေ​တစ်ပြင်လုံး​ကို အသီး​နှင့်​ပြည့်​စေ​လိမ့်မည်​။

ဟေ​ရှာ​ယ 37:31

အသက်​ဘေး​မှ​လွတ်မြောက်​၍ ကြွင်းကျန်​သော​ယုဒ​အမျိုးအနွယ်​သည် အောက်​ဘက်​တွင် ပြန်​၍​အမြစ်​စွဲ​မည်​။ အပေါ်​ဘက်​တွင် ပြန်​၍​အသီး​သီး​မည်​။

မိက္ခာ 7:2

ဘုရားဝတ်​၌​မွေ့လျော်​သော​သူ​သည် မြေကြီး​ပေါ်မှ ပျောက်ကွယ်​သွား​လေ​ပြီ​။ လူ​တို့​တွင် ဖြောင့်မှန်​သော​သူ တစ်ယောက်​မျှ​မ​ရှိ​။ သူ​တို့​အားလုံး လူ့​အသက်သတ်​ရန် ချောင်းမြောင်း​နေ​ကြ​၏​။ ညီအစ်ကို​အချင်းချင်း​ပင် ပိုက်​ထောင်ဖမ်း​ကြ​၏​။

ရှင်ယောဟန် 15:16

သင်​တို့​သည် ငါ့​ကို​ရွေးကောက်​ကြ​သည်​မ​ဟုတ်။ ငါ​သာလျှင် သင်​တို့​ကို​ရွေးကောက်​သဖြင့် သင်​တို့​သည်​သွား​လျက် အသီး​ကို​သီး​၍ သင်​တို့​၏​အသီး​တည်မြဲ​မည့်​အကြောင်း​နှင့် ငါ့​နာမ​၌ ခမည်းတော်​အား တောင်းလျှောက်​သမျှ​တို့​ကို သင်​တို့​အား ခမည်းတော်​ပေး​တော်မူ​မည့်​အကြောင်း သင်​တို့​ကို ငါ​ခန့်ထား​၏။

ရှင်ယောဟန် 15:5

ငါ​သည် စပျစ်​ပင်​ဖြစ်​၏။ သင်​တို့​သည် အကိုင်းအခက်​များ​ဖြစ်​ကြ​၏။ မည်သူမဆို​ငါ​၌​တည်​နေ​၍ ငါ​သည်​လည်း သူ​၌​တည်​နေ​လျှင် ထို​သူ​သည် များစွာ​သော​အသီး​ကို​သီး​တတ်​၏။ ငါ​နှင့်​ကင်းကွာ​လျှင် သင်​တို့​သည် မည်သည့်​အရာ​ကို​မျှ​မ​ပြု​နိုင်​ကြ။

ရော​မ 6:22

သို့သော် ယခု​အခါ သင်​တို့​သည် အပြစ်​၏​လက်​မှ​လွတ်မြောက်​ခွင့်​ရ​၍ ဘုရားသခင်​၏​ကျွန်​ဖြစ်လာ​ကြ​ပြီး သန့်ရှင်း​ခြင်း​သို့​ရောက်​စေ​သည့်​အကျိုးကျေးဇူး​ကို ခံစား​ရ​ကြ​၏။ ၎င်း​၏​ရလဒ်​မူကား ထာဝရ​အသက်​ဖြစ်​၏။