သုတ္တံကျမ်း။ 11:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ဖြောင့်မတ်​သော​သူ​တို့​ကောင်းစား​သောအခါ တစ်မြို့လုံး ရွှင်လန်း​ကြ​၏​။ ဆိုးယုတ်​သော​သူ​တို့​ပျက်စီး​သောအခါ​၌​လည်း ရွှင်လန်း​စွာ​ကြွေးကြော်​ကြ​၏​။

Common Language Bible

¹⁰ တရားသောသူသည် ကောင်းစားသောအခါ တမြို့လုံး ဝမ်းမြောက်ခြင်း ရှိ၏။ မတရားသောသူသည် ဆုံးရှုံးသောအခါမူကား၊ ကြွေးကြော်ခြင်းရှိ၏။

Garrad Bible

¹⁰ သူ တော် ကောင်း တို့ ကောင်း စား ကြ သော ကာ လ၊ တစ် မြို့ လုံး အား ရ တတ်၏။ လူ ဆိုး တို့ ဆုံး ရှုံး သော ကာ လ၌ လည်း ကြွေး ကြော် ခြင်း ရှိ၏။

Judson Bible

¹⁰ တ​ရား​သော​သူ​သည် ကောင်း​စား​သော​အ​ခါ တစ်​မြို့​လုံး​ဝမ်း​မြောက်​ခြင်း​ရှိ၏။ မ​တ​ရား​သော​သူ​သည် ဆုံး​ရှုံး​သော​အ​ခါ​မူ​ကား၊ ကြွေး​ကြော်​ခြင်း​ရှိ၏။

သုတ္တံကျမ်း။ 11:10 ပူးပေါင်းရင်းမြစ်များ

၄ ရာ 11:20

ပြည်သူပြည်သား​အပေါင်း​တို့​သည်​လည်း ဝမ်းမြောက်ပျော်ရွှင်​ကြ​၏​။ အာသလိ​ဘုရင်မ​ကို ဘုရင့်​နန်းတော်​တွင် ဓား​နှင့်​ကွပ်မျက်​လိုက်​ပြီ​ဖြစ်​၍ တစ်မြို့လုံး​ငြိမ်းချမ်း​လေ​၏​။

၂ ရာ​ချုပ် 23:13

ရှင်ဘုရင်​သည် အဝင်ဝ​တိုင်​နား​တွင် ရပ်​နေ​ပြီး မှူးမတ်​များ​၊ တံပိုးခရာမှုတ်သူ​များ​လည်း ရှင်ဘုရင်​အား ခြံရံ​လျက် ရှိ​နေ​သည်​ကို​လည်းကောင်း​၊ ပြည်သူပြည်သား​အပေါင်း​တို့​က ဝမ်းမြောက်​ပျော်ရွှင်​စွာ​တံပိုးခရာ​တူရိယာ​မှုတ်​လျက် သီချင်း​များ​ချီးမွမ်း​သီဆို​နေ​ကြ​သည်​ကို​လည်းကောင်း အာသလိ​ဘုရင်မ မြင်​ရ​လျှင် သူ့​အဝတ်​ကို​ဆုတ်ဖြဲ​လျက် “​လျှို့ဝှက်ကြံစည်မှု​ပါ​တကား​၊ လျှို့ဝှက်ကြံစည်မှု​ပါ​တကား​”​ဟု အော်ဟစ်​လေ​၏​။

၂ ရာ​ချုပ် 23:21

ပြည်သူပြည်သား​အပေါင်း​တို့​သည်​လည်း ဝမ်းမြောက်ပျော်ရွှင်​ကြ​၏​။ အာသလိ​ဘုရင်မ​ကို ဓား​နှင့်​ကွပ်မျက်​လိုက်​ပြီ​ဖြစ်​၍ တစ်မြို့လုံး​ငြိမ်းချမ်း​လေ​၏​။

ယောဘဝတ္တု။ 27:23

လေ​သည် လက်ခုပ်လက်ဝါးတီး​လျက်​၊ ပြောင်လှောင်​လျက် သူ့​ကို သူ့​နေရာ​မှ​တိုက်ထုတ်​လိမ့်မည်​။

ထွက်​မြောက် 15:21

ထိုအခါ မိရိအံ​က “​ထာဝရဘုရား​သည် ဘုန်းထင်ရှား​လျက်​အောင်ပွဲခံ​တော်မူ​သည်​ဖြစ်၍ ကိုယ်တော့်​ထံသို့ သီချင်းဆို​ကြ​လော့​။ မြင်း​နှင့်​မြင်းစီး​သူ​တို့​အား ပင်လယ်​ထဲသို့​ချပစ်​တော်မူ​ပြီ​”​ဟု သူ​တို့​နှင့်​အပြန်အလှန်​သီဆို​လေ​၏​။

သုတ္တံကျမ်း။ 11:11

မြို့​သည် ဖြောင့်မှန်​သော​သူ​တို့​၏ ကောင်းချီးမင်္ဂလာ​အားဖြင့် ချီးမြှောက်​ခြင်း​ခံရ​တတ်​၏​။ သို့သော် ဆိုးယုတ်​သော​သူ​တို့​၏​နှုတ်​အားဖြင့် ဖြိုဖျက်​ခြင်း​ခံရ​တတ်​၏​။

သုတ္တံကျမ်း။ 28:12

ဖြောင့်မတ်​သော​သူ​တို့ အောင်ပွဲခံ​ကြ​သောအခါ ကြီးစွာ​သော​ဂုဏ်ကျက်သရေ​ရှိ​၏​။ ဆိုးယုတ်​သော​သူ​တို့ ခေါင်းထောင်​လာ​သောအခါ​၌​မူကား လူ​တို့​သည် ပုန်းရှောင်​တတ်​ကြ​၏​။

သုတ္တံကျမ်း။ 28:28

ဆိုးယုတ်​သော​သူ​တို့​ခေါင်းထောင်​လာ​သောအခါ လူ​တို့​သည် ပုန်းရှောင်​တတ်​ကြ​၏​။ သူ​တို့​ပျက်စီး​သွား​သောအခါ​၌​မူကား ဖြောင့်မတ်​သော​သူ​တို့​သည် တိုးပွား​ကြ​လိမ့်မည်​။

သုတ္တံကျမ်း။ 29:2

ဖြောင့်မတ်​သော​သူ​တို့​တိုးပွား​သောအခါ လူ​တို့​သည် ဝမ်းမြောက်​ကြ​၏​။ ဆိုးယုတ်​သော​သူ​အုပ်စိုး​သောအခါ​၌​မူကား လူ​တို့​သည် ညည်းတွား​ကြ​၏​။

ယေ​ရ​မိ 51:48

မိုးကောင်းကင်​အောက်​၊ မြေကြီး​ပေါ်​ရှိရှိသမျှ​တို့​သည် ဘေဘီလုံ​မြို့​ကြောင့် အားရဝမ်းမြောက်​စွာ​သီချင်းဆို​ကြ​လိမ့်မည်​။ အဖျက်သမား​သည် မြောက်အရပ်​မှ​လာ​၍ ထို​မြို့​ကို တိုက်ခိုက်​လိမ့်မည်​”​ဟု မိန့်​တော်မူ​၏​။

သူ​ကြီး 5:31

အို ထာဝရဘုရား​၊ ကိုယ်တော်​၏​ရန်သူ​အလုံးစုံ ပျက်စီး​ကြ​ပါစေ​။ ကိုယ်တော့်​ကို​ချစ်​သော​သူ​တို့​မူကား အရှိန်အဝါ​နှင့်​ထွက်လာ​သော​နေမင်း​ကဲ့သို့​ဖြစ်​ပါစေ​”​ဟူ၍ သီဆို​ကြ​၏​။ ထို့နောက်တွင် တိုင်းပြည်​သည် အနှစ်​လေးဆယ်​ပတ်လုံး​ငြိမ်းချမ်း​လေ​၏​။