ဝတ်​ပြု 7:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ ယဇ်ပုရောဟိတ်​သည် အဆီ​ကို ယဇ်ပလ္လင်​ပေါ်၌ ရှို့​ရ​မည်​။ ရင်ပုံ​သည် အာရုန်​နှင့်​သူ​၏​သား​တို့​အတွက်​ဖြစ်​၏​။

Common Language Bible

³¹ ယဇ်​ပု​ရော​ဟိတ်​သည်​အ​ဆီ​ကို​ယဇ်​ပလ္လင်​ပေါ် တွင် မီး​ရှို့​ပူ​ဇော်​ရ​မည်။ သို့​ရာ​တွင်​ရင်​ပုံ​သား သည် ယဇ်​ပု​ရော​ဟိတ်​များ​စား​သုံး​ရန်​အ​တွက် ဖြစ်​သည်။-

Garrad Bible

³¹ ပ ရော ဟိတ် သည် ပ လ္လင် တော် ပေါ် မှာ ဆီ ဥ ကို မီး ဖြင့် ပူ ဇော် ရ မည်။ ရင် ထူး ကား၊ အာ ရုန် နှင့် သား စဉ် မြေး ဆက် တို့ ပိုင် ရာ ဖြစ် သ တည်း။

Judson Bible

³¹ ယဇ်​ပု​ရော​ဟိတ်​သည်၊ ဆီ​ဥ​ကို ယဇ်​ပ​လ္လင်​ပေါ်​မှာ​မီး​ရှို့၍၊ ရင်​ပတ်​ကို အာ​ရုန်​နှင့်​သူ၏​သား​တို့​သည် ယူ​ရ​ကြ​မည်။

ဝတ်​ပြု 7:31 ပူးပေါင်းရင်းမြစ်များ

ထွက်​မြောက် 29:26

အာရုန်​အား အရိုက်အရာ​ခန့်အပ်​ခြင်း​ဆိုင်ရာ​သိုးထီး​၏​ရင်ပုံ​ကို​ယူ​၍ ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ထို​ရင်ပုံ​ကို​ချီလွှဲ​ရ​မည်​။ ၎င်း​သည် သင်​၏​ဝေစု​ဖြစ်​၏​။

ဝတ်​ပြု 3:11

ယဇ်ပုရောဟိတ်​သည် ထာဝရဘုရား​အဖို့ မီး​ဖြင့်​ပူဇော်​သော​စားဖွယ်ရာ​ပူဇော်သက္ကာ​အဖြစ် ယဇ်ပလ္လင်​ပေါ်၌ ရှို့​ရ​မည်​။

ဝတ်​ပြု 3:16

ယဇ်ပုရောဟိတ်​သည် မွှေးကြိုင်​သော​ရနံ့​ဖြစ်​သည့် မီး​ဖြင့်​ပူဇော်​သော​စားဖွယ်ရာ​ပူဇော်သက္ကာ​အဖြစ် ယဇ်ပလ္လင်​ပေါ်၌ ရှို့​ရ​မည်​။ အဆီ​ရှိသမျှ​ကို ထာဝရဘုရား​ပိုင်​တော်မူ​၏​။

ဝတ်​ပြု 3:5

၎င်း​ကို အာရုန်​၏​သား​တို့​သည် ယဇ်ပလ္လင်​ပေါ်မှ မီး​ပေါ်တွင်​ရှိ​သည့် ထင်း​များ​ပေါ်၌​တင်​ထား​သော မီးရှို့ရာယဇ်​ပေါ်၌ ရှို့​ရ​မည်​။ ထာဝရဘုရား​အဖို့ မီး​ဖြင့်​ပူဇော်​သော​မွှေးကြိုင်​သည့်​ရနံ့​ဖြစ်​၏​။

ဝတ်​ပြု 5:13

ထိုသို့သော​အပြစ်​တစ်စုံတစ်ရာ​ကို ကျူးလွန်​မိ​ခဲ့​သော​သူ​၏​အပြစ်​အတွက် ယဇ်ပုရောဟိတ်​သည် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် အပြစ်လွှတ်​ခြင်း​ခံရ​မည်​။ ကျန်ရှိ​သော​အရာ​သည် ဘောဇဉ်ပူဇော်သက္ကာ​ကဲ့သို့ပင် ယဇ်ပုရောဟိတ်​အတွက်​ဖြစ်​၏​”​ဟု မိန့်​တော်မူ​၏​။

ဝတ်​ပြု 6:16

ကျန်ရှိ​သော​ဘောဇဉ်ပူဇော်သက္ကာ​ကို အာရုန်​နှင့်​သူ​၏​သား​တို့ စား​ရ​မည်​။ ၎င်း​ကို တဆေးမဲ့မုန့်​ဖုတ်​၍ သန့်ရှင်း​သော​နေရာ​၌ စား​ရ​မည်​။ တွေ့ဆုံစည်းဝေးရာ​တဲ​တော်​၏​ဝင်း​ထဲ၌​ပင် စား​ရ​မည်​။

ဝတ်​ပြု 6:26

အပြစ်ဖြေရာယဇ်​ကို​ပူဇော်​သော​ယဇ်ပုရောဟိတ်​သည် ထို​ယဇ်​ကို စား​ရ​မည်​။ တွေ့ဆုံစည်းဝေးရာ​တဲ​တော်​ဝင်း​အတွင်း သန့်ရှင်း​သော​နေရာ​၌ စား​ရ​မည်​။

ဝတ်​ပြု 7:34

အကြောင်းမူကား အစ္စရေး​အမျိုးသား​တို့ အစဉ်အမြဲ​လိုက်နာ​ရ​မည့်​ပြဋ္ဌာန်းချက်​အဖြစ် ငါ​သည် မိတ်သဟာယယဇ်​များ​ထဲမှ ချီလွှဲရာပူဇော်သက္ကာ​ဖြစ်​သော​ရင်ပုံ​နှင့် အလှူပစ္စည်း​ဖြစ်​သော​ယာဘက်​ပေါင်​ကို အစ္စရေး​အမျိုးသား​တို့​ထံမှ​ယူ​၍ ယဇ်ပုရောဟိတ်​အာရုန်​နှင့်​သူ​၏​သား​တို့​အား ပေး​ပြီ​”​ဟု မိန့်​တော်မူ​၏​။

ဝတ်​ပြု 8:29

မောရှေ​သည် ရင်ပုံ​ကို​ယူ​၍ ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​၏​။ အရိုက်အရာ​ခန့်အပ်​ခြင်း​ဆိုင်ရာ​သိုးထီး​၏​ရင်ပုံ​သည် မောရှေ​အတွက် ဝေစု​ဖြစ်​၏​။

တော​လည် 18:11

အစ္စရေး​အမျိုးသား​တို့​၏​ချီမြှောက်​ရာ​အလှူပစ္စည်း​၊ ချီလွှဲရာပူဇော်သက္ကာ​အားလုံး​သည်​လည်း သင့်​အဖို့​ဖြစ်​၏​။ သင်​နှင့်​သင့်​သား​သမီး​တို့ အစဉ်အမြဲ​ရရှိ​ရ​မည့်​ဝေစု​အဖြစ် ငါ​ပေး​ပြီ​။ သင့်​အိမ်​ရှိ စင်ကြယ်​သော​သူ​တိုင်း စား​ခွင့်​ရှိ​၏​။

တော​လည် 18:18

ချီလွှဲရာပူဇော်သက္ကာ​ဖြစ်​သော​ရင်ပုံ​၊ ယာဘက်​ပေါင်​သည် သင့်​အဖို့​ဖြစ်​သကဲ့သို့ အသား​သည်​လည်း သင့်​အဖို့​ဖြစ်​၏​။

၁ ကော 9:13

ဗိမာန်​တော်​အမှုကိစ္စ​များ​ကို ဆောင်ရွက်​သော​သူ​တို့​သည် ဗိမာန်​တော်​မှ​ရရှိ​သော​အရာ​များ​ကို စား​သောက်​ကြ​၍ ယဇ်ပလ္လင်​၌​အမှုထမ်း​သော​သူ​တို့​သည် ယဇ်ပလ္လင်​နှင့်ဆိုင်သော​ပူဇော်သက္ကာ​များ​ကို မျှဝေ​ခံစား​ခွင့်​ရှိ​ကြောင်း သင်​တို့​မ​သိ​ကြ​သလော။

တ​ရား​ဟော 18:3

နွား​ကို​ဖြစ်စေ​၊ သိုး​ကို​ဖြစ်စေ ယဇ်​ပူဇော်​သော​သူ​တို့​သည် ပခုံး​၊ မေးရိုး​၊ ဝမ်းဗိုက် စသည်​တို့​ကို ယဇ်ပုရောဟိတ်​အား​ပေး​ရ​မည်​။ ဤသည်ကား လူ​တို့​ထံမှ ယဇ်ပုရောဟိတ်​တို့​ရရှိ​သော​ဝေစု​ဖြစ်​၏​။