ဝတ်​ပြု 6:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သူ​သည် အပြစ်ပြု​၍ အပြစ်​သက်ရောက်​သောကြောင့် လုယူ​ထား​သော​ပစ္စည်း​ကို​ဖြစ်စေ​၊ အနိုင်အထက်ပြု​ခြင်း​ဖြင့်​ရယူ​ထား​သော​ပစ္စည်း​ကို​ဖြစ်စေ​၊ ယုံကြည်​၍​အပ်နှံ​ထား​သော​ပစ္စည်း​ကို​ဖြစ်စေ​၊ တွေ့​ထား​သည့်​ပစ္စည်း​ကို​ဖြစ်စေ ပြန်ပေး​ရ​မည်​။

Common Language Bible

^4-5 ထို​အ​ပြစ်​များ​အ​နက်​တစ်​မျိုး​မျိုး​ကို​ကူး လွန်​သူ​သည်​မ​တ​ရား​သ​ဖြင့် ယူ​ထား​သ​မျှ ကို​ပြန်​၍​ပေး​အပ်​ရ​မည်။ သူ​၌​အ​ပြစ်​ရှိ ကြောင်း​သိ​ရ​သည့်​နေ့​၌ မိ​မိ​ယူ​ထား​သော ငွေ​အ​ပြင်​နှစ်​ဆယ်​ရာ​ခိုင်​နှုန်း​အ​ပို​ဆောင်း ၍​ပိုင်​ရှင်​အား​ပြန်​ပေး​ရ​မည်။-

Garrad Bible

⁴ ပြစ် မှား ၍ ပြစ် ဒဏ် ခံ ထိုက် သည့် အ တိုင်း ခိုး ယူ ခြင်း၊ လု ယက် ခြင်း ဖြင့် ရ သော အ ရာ၊ အပ် နှံ သော အ ရာ၊

Judson Bible

⁴ ထို​သူ​သည် ပြစ်​မှား၍​အ​ပြစ်​ရောက်​သော​ကြောင့်၊ အ​နိုင်​အ​ထက်​ယူ​သော​ဥ​စ္စာ၊ လှည့်​စား၍​ရ​သော​ဥ​စ္စာ၊ သူ​တစ်​ပါး​အပ်​နှံ​သော​ဥ​စ္စာ၊ ပျောက်၍​တွေ့​သော​ဥ​စ္စာ၊

ဝတ်​ပြု 6:4 ပူးပေါင်းရင်းမြစ်များ

ကမ္ဘာ​ဦး 21:25

ထို့နောက် အာဗြဟံ​သည် အဘိမလက်​မင်းကြီး​၏​အစေအပါး​များ​လုယူ​သော​ရေတွင်း​နှင့်​ပတ်သက်၍ အဘိမလက်​မင်းကြီး​ကို တိုင်ကြား​လေ​၏​။

နေ​ဟ​မိ 5:11

ယခုပင် သူ​တို့​၏​လယ်​များ​၊ စပျစ်ခြံ​များ​၊ သံလွင်ခြံ​များ​၊ အိမ်​များ​နှင့် သူ​တို့​ထံမှ​ယူ​ထား​သော ငွေ​၊ ကောက်ပဲသီးနှံ​၊ စပျစ်ဝိုင်​အသစ်​နှင့်​ဆီ​တို့​၏​အတိုး​များ​ကို ပြန်ပေး​ကြ​လော့​”​ဟု သူ​တို့​အား ပြော​၏​။

ယောဘဝတ္တု။ 20:19

အကြောင်းမူကား သူ​သည် ဆင်းရဲသား​တို့​ကို ညှဉ်းဆဲ​စွန့်ပစ်​ထား​ပြီး ကိုယ်တိုင်​မ​ဆောက်​သော​အိမ်​ကို​လည်း လုယူ​လေ​ပြီ​။

ယောဘဝတ္တု။ 24:2

လူ​တို့​သည် နယ်နိမိတ်စည်း​များ​ကို ရွှေ့ပစ်​တတ်​ကြ​၏​။ လုယူ​သော​တိရစ္ဆာန်​များ​ကို ထိန်းကျောင်း​တတ်​ကြ​၏​။

ဟေ​ရှာ​ယ 59:6

သူ​တို့​ရက်​သော​ပင့်ကူအိမ်​သည် အဝတ်​ဖြစ်​မ​လာ​နိုင်​။ သူ​တို့​လုပ်​သော ထို​အရာ​များ​ဖြင့် သူတို့ကိုယ်သူတို့ မ​ဖုံးအုပ်​နိုင်​။ သူ​တို့​ပြု​သော​အမှု​သည် ဒုစရိုက်​အမှု​ဖြစ်​၏​။ သူ​တို့​လက်​၌ ရက်စက်ကြမ်းကြုတ်​သော​လုပ်ရပ်​ရှိ​၏​။

ယေ​ဇ​ကျေ​လ 18:12

ဆင်းရဲ​သော​သူ​၊ နွမ်းပါး​သော​သူ​တို့​ကို နိုင်ထက်စီးနင်း​ပြု​ခြင်း​၊ သူတစ်ပါး​ဥစ္စာ​ကို မတရားယူ​၍ အပေါင်ပစ္စည်း​ကို​ပြန်​မ​ပေး​ခြင်း​၊ ရုပ်တု​တို့​ကို​ကိုးကွယ်​ခြင်း​၊ စက်ဆုပ်ရွံရှာဖွယ်​ရာ​တို့​ကို​ပြု​ခြင်း​၊

ယေ​ဇ​ကျေ​လ 18:18

သူ​၏​ဖခင်​သည် ညီအစ်ကို​တို့​ကို ရက်ရက်စက်စက်​နှိပ်စက်​၍ သူ​တို့​၏​ဥစ္စာ​ကို မတရား​လုယူ​ပြီး မိမိ​လူမျိုး​တို့​တွင် မ​ကောင်း​သော​အမှု​ကို​ပြုကျင့်​သောကြောင့် ကြည့်ရှု​လော့​။ သူ​သည် မိမိ​အပြစ်​အတွက်​သေ​ရ​လိမ့်မည်​။

ယေ​ဇ​ကျေ​လ 18:7

မည်သူ့​ကို​မျှ​နိုင်ထက်စီးနင်း​မ​ပြု​၊ ကြွေးယူ​သူ​ပေါင်​ထား​သော​ပစ္စည်း​ကို ပြန်ပေး​၍ သူတစ်ပါး​ဥစ္စာ​ကို မတရား​မ​ယူ​၊ ဆာလောင်မွတ်သိပ်​သော​သူ​အား စားစရာ​ကို​ပေး​၍ အဝတ်အချည်းစည်း​ဖြစ်​သော​သူ​အား ဝတ်စရာ​ကို​ပေး​လျှင်​၊

ယေ​ဇ​ကျေ​လ 33:15

ဆိုးယုတ်​သော​သူ​သည် အပေါင်ပစ္စည်း​ကို ပြန်ပေး​မည်​၊ လုယူပစ္စည်း​တို့​ကို ပြန်လျော်​ပေး​မည်​၊ မကောင်းမှု​ကို​ရှောင်​၍ အသက်ချမ်းသာ​ရာ​ရ​စေ​သော​ပြဋ္ဌာန်းချက်​တို့​ကို လိုက်နာ​မည်​ဆိုလျှင် သူ​သည် မ​သေ​၊ စင်စစ်​အသက်ချမ်းသာ​ရာ​ရ​လိမ့်မည်​။

ယေ​ဇ​ကျေ​လ 44:19

လူ​အများ​ရှိ​ရာ​အပြင်​ဝင်း​သို့ ထွက်သွား​သောအခါ အမှု​တော်​ထမ်းဆောင်​စဉ် ဝတ်​ခဲ့​သော​အဝတ်​များ​ကို​ချွတ်​၍ သန့်ရှင်း​သော​အခန်း​ထဲ​တွင် ထားခဲ့​ရ​မည်​။ သူ​တို့​၏​အဝတ်​အားဖြင့် လူ​တို့​ထံ သန့်ရှင်း​ခြင်း​မ​ကူး​ရ​အောင် အခြား​အဝတ်​ကို ဝတ်​ရ​မည်​။

ဝတ်​ပြု 24:18

သူတစ်ပါး​၏​တိရစ္ဆာန်​ကို​သတ်​သော​သူ​သည် တစ်​ကောင်​အတွက်​တစ်​ကောင် အလျော်ပေး​ရ​မည်​။

ဝတ်​ပြု 24:21

သူတစ်ပါး​၏​တိရစ္ဆာန်​ကို​သတ်​သော​သူ​သည် အလျော်​ပြန်ပေး​ရ​မည်​။ လူ​ကို​သတ်​သော​သူ​မူကား ပြန်​၍​အသတ်​ခံရ​မည်​။

ဝတ်​ပြု 4:12

နွားထီး​ကိုယ်ထည်​တစ်ကိုယ်လုံး​ကို ပြာ​ပုံထားရာ​တပ်စခန်း​အပြင်ဘက်​၊ သန့်ရှင်း​သော​နေရာ​သို့​ယူသွား​၍ ထင်း​မီး​ပေါ်၌ ရှို့​ရ​မည်​။ ပြာ​ပုံထားရာ နေရာ​တွင် ရှို့​ရ​မည်​။

အာ​မုတ် 3:10

စင်စစ် သူ​တို့​သည် မှန်ကန်​ရာ​ကို မ​ပြု​တတ်​ကြ​။ သူ​တို့​၏​ခံတပ်​တွင် အကြမ်းဖက် လုယူထား​သော​ပစ္စည်း​ကို သို​ထား​ကြ​ပြီ​”​ဟု ထာဝရဘုရား​မိန့်​တော်မူ​၏​။

မိက္ခာ 2:2

သူ​တို့​သည် တပ်မက်​သဖြင့် လယ်မြေ​များ​ကို လုယူ​ကြ​၍ အိမ်​များ​ကို​လည်း သိမ်းပိုက်​ကြ​၏​။ ဤသို့ဖြင့် တစ်ပါးသူ​နှင့်​သူ​၏​အိမ်​၊ တစ်ပါးသူ​နှင့်​သူ​၏​အမွေဥစ္စာ​ကို အနိုင်အထက်ပြု​ကြ​၏​။

ဇေဖနိ 1:9

ထို​နေ့ရက်​တွင် တံခါးခုံ​ကို​ကျော်ဝင်​သူ​၊ ကိုယ့်​သခင်​၏​အိမ်​ကို ရက်စက်ကြမ်းကြုတ်မှု​၊ လိမ်လည်လှည့်ဖြားမှု​တို့​နှင့် ပြည့်​စေ​သော​သူ​တို့​ကို ငါ​ဒဏ်ခတ်​မည်​။

မာ​လ​ခိ 1:13

သင်​တို့​သည် နှာခေါင်းရှုံ့​လျက် ‘​ငြီးငွေ့ဖွယ်​ကောင်း​လှ​သည်​တကား​’​ဟု ဆို​ပြီး လုယူ​ထား​သော​အကောင်​၊ ခြေမသန်​သော​အကောင်​၊ နာ​နေ​သော​အကောင်​တို့​ကို ယူဆောင်​လာ​၍ ယဇ်ပူဇော်​ကြ​၏​။ ထိုသို့သော သင်​တို့​၏​ပူဇော်သက္ကာ​ကို ငါ​လက်ခံ​ရ​မည်လော​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

တော​လည် 5:7

ထို​သူ​သည် မိမိ​ပြု​မိ​သော​အပြစ်​ကို ဖော်ပြဝန်ခံ​ရ​မည်​။ ထို​အပြစ်​အတွက် မိမိ​ပြစ်မှား​သော​သူ​ကို အပြည့်အဝ​ပြန်လျော်​ရ​မည့်​အပြင် ငါးပုံတစ်ပုံ​ကို​ထပ်ပေါင်း​၍ ပေး​ရ​မည်​။