ဝတ်​ပြု 6:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ တဆေး​ထည့်​၍ မ​ဖုတ်​ရ​။ ငါ့​အဖို့ မီး​ဖြင့်​ပူဇော်​သော​ယဇ်​ထဲမှ ၎င်း​ကို သူ​တို့​၏​ဝေစု​အဖြစ် ငါ​ပေး​၏​။ ၎င်း​သည် အပြစ်ဖြေရာယဇ်​နှင့် အပြစ်ဒဏ်ဖြေရာယဇ်​ကဲ့သို့ပင် အလွန်​သန့်ရှင်း​၏​။

Judson Bible

¹⁷ ထို​မုန့်​ညက်​ကို တ​ဆေး​ထည့်၍ မုန့်​မ​လုပ်​ရ။ မီး​ဖြင့် ငါ့​အား​ပြု​သော​ပူ​ဇော်​သ​ကာ​ထဲ​က ထို​မုန့်​ညက်​ကို သူ​တို့​အ​ဖို့​ဖြစ်​စေ​ခြင်း​ငှာ ငါ​ပေး​ပြီ။ အ​ပြစ်​ဖြေ​ရာ​ယဇ်၊ ဒု​စ​ရိုက်​ဖြေ​ရာ​ယဇ်​ကဲ့​သို့ အ​လွန်​သန့်​ရှင်း​ပေ၏။

ဝတ်​ပြု 6:17 ပူးပေါင်းရင်းမြစ်များ

ထွက်​မြောက် 29:37

ခုနစ်​ရက်​ပတ်လုံး ယဇ်ပလ္လင်​အတွက် အပြစ်ဖြေလွှတ်​ခြင်း​ကို​ပြု​၍ ၎င်း​ကို​သန့်ရှင်း​စေ​ရ​မည်​။ ထိုအခါ ယဇ်ပလ္လင်​သည် အထူး​သန့်ရှင်း​ခြင်း​သို့​ရောက်​လိမ့်မည်​။ ထို​ယဇ်ပလ္လင်​ကို​ထိ​သော​အရာ​ဟူသမျှ သန့်ရှင်း​လိမ့်မည်​။

ထွက်​မြောက် 40:10

မီးရှို့​ရာ​ယဇ်ပလ္လင်​နှင့် ၎င်း​၏​တန်ဆာပလာ​ရှိသမျှ​တို့​ကို​လည်း ဘိသိက်သွန်း​၍ ယဇ်ပလ္လင်​ကို​သန့်ရှင်း​စေ​ရ​မည်​။ ထိုအခါ အထူး​သန့်ရှင်း​သော​ယဇ်ပလ္လင် ဖြစ်​လိမ့်မည်​။

ဝတ်​ပြု 10:16

ထို့နောက် မောရှေ​သည် အပြစ်ဖြေရာယဇ်​ဖြစ်​သော ဆိတ်သငယ်​အကြောင်း စုံစမ်းမေးမြန်း​သောအခါ ၎င်း​ကို​မီးရှို့​ပြီး​နှင့်​ပြီ​ကို သိမြင်​လေ​၏​။ ထို့ကြောင့် သူ​သည် အာရုန်​၏​အသက်ရှင်​ကျန်ရစ်​ခဲ့​သော​သား ဧလာဇာ​၊ ဣသမာ​တို့​အား အမျက်ထွက်​၍

ဝတ်​ပြု 2:11

ထာဝရဘုရား​အား သင်​တို့​ပူဇော်​သည့်​ဘောဇဉ်ပူဇော်သက္ကာ​တိုင်း​သည် တဆေးပါသောမုန့်​မ​ဖြစ်​ရ​။ တဆေး​ဖြစ်စေ​၊ ပျားရည်​ဖြစ်စေ မည်သည်​ကို​မျှ ထာဝရဘုရား​ထံ မီး​ဖြင့်​ပူဇော်​သော​ယဇ်​အဖြစ် မ​ရှို့​ရ​။

ဝတ်​ပြု 2:3

ကျန်ရှိ​သော​ဘောဇဉ်ပူဇော်သက္ကာ​သည် အာရုန်​နှင့်​သူ​၏​သား​တို့​အဖို့ ဖြစ်​ရ​မည်​။ ထာဝရဘုရား​အား မီး​ဖြင့်​ပူဇော်​သော​ယဇ်​များ​ထဲမှ အထူး​သန့်ရှင်း​သော​ပူဇော်သက္ကာ​ဖြစ်​၏​။

ဝတ်​ပြု 6:25

“​အာရုန်​နှင့်​သူ​၏​သား​တို့​အား ဆင့်ဆို​လော့​။ အပြစ်ဖြေရာယဇ်​နှင့်ဆိုင်သော​တရား​ကား ဤသို့​ဖြစ်​၏​။ အပြစ်ဖြေရာယဇ်ကောင်​ကို မီးရှို့ရာယဇ်ကောင်​သတ်​သော​နေရာ​၊ ထာဝရဘုရား​ရှေ့​တော်​၌ သတ်​ရ​မည်​။ ဤ​ယဇ်​သည် အလွန်​သန့်ရှင်းသောယဇ်​ဖြစ်​၏​။

ဝတ်​ပြု 6:26

အပြစ်ဖြေရာယဇ်​ကို​ပူဇော်​သော​ယဇ်ပုရောဟိတ်​သည် ထို​ယဇ်​ကို စား​ရ​မည်​။ တွေ့ဆုံစည်းဝေးရာ​တဲ​တော်​ဝင်း​အတွင်း သန့်ရှင်း​သော​နေရာ​၌ စား​ရ​မည်​။

ဝတ်​ပြု 6:29

ယဇ်ပုရောဟိတ်​ဖြစ်​သော​ယောက်ျား​တိုင်း ထို​အသား​ကို​စား​ခွင့်​ရှိ​၏​။ ဤ​အပြစ်ဖြေရာယဇ်​သည် အထူး​သန့်ရှင်း​သော​ယဇ်​ဖြစ်​၏​။

ဝတ်​ပြု 7:1

အပြစ်ဒဏ်ဖြေရာယဇ်​နှင့်ဆိုင်သော​တရား​ကား ဤသို့​ဖြစ်​၏​။ အပြစ်ဒဏ်​ဖြေ​ရာ​ယဇ်​သည် အလွန်​သန့်ရှင်း​၏​။

ဝတ်​ပြု 7:6

ယဇ်ပုရောဟိတ်​ဖြစ်​သော​ယောက်ျား​တိုင်း ယဇ်ကောင်​အသား​ကို​စား​ခွင့်​ရှိ​၏​။ သန့်ရှင်း​သော​နေရာ​၌ စား​ရ​မည်​။ ဤ​ယဇ်​သည် အထူး​သန့်ရှင်း​သော​ယဇ်​ဖြစ်​၏​။

ဝတ်​ပြု 7:7

အပြစ်ဒဏ်ဖြေရာယဇ်​သည် အပြစ်ဖြေရာယဇ်​ကဲ့သို့ပင်​ဖြစ်ပြီး ၎င်း​တို့​နှင့်ဆိုင်သော​တရား​သည် တစ်ပါးတည်း​ဖြစ်​၏​။ ယဇ်ကောင်​ဖြင့် အပြစ်ဖြေလွှတ်​ခြင်း​ကို​ပြု​ပေး​သော​ယဇ်ပုရောဟိတ်​သည် ထို​ယဇ်ကောင်​ကို ပိုင်​၏​။

၁ ပေ 2:22

ကိုယ်တော်​သည် အပြစ်​ကို​မ​ပြု။ ကိုယ်တော်​၏​နှုတ်​တော်​၌ မုသား​ကို​မ​တွေ့​ရ။