ဝတ်​ပြု 6:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ယဇ်ပုရောဟိတ်​သည် ကိုယ်​ပေါ်၌ ပိတ်ချော​အင်္ကျီ​နှင့် ပိတ်ချော​ဘောင်းဘီ​ကို​ဝတ်​၍ ယဇ်ပလ္လင်​ပေါ်​ရှိ မီး​လောင်ကျွမ်း​ထား​သည့်​မီးရှို့ရာယဇ်​၏​ပြာပုံ​ကို ထုတ်ယူ​ပြီး ယဇ်ပလ္လင်​၏​ဘေး​၌ ပုံထား​ရ​မည်​။

Common Language Bible

¹⁰ ထို​နောက်​ယဇ်​ပု​ရော​ဟိတ်​သည်​ပိတ်​ချော အ​ပေါ်​ရုံ​အင်္ကျီ၊ ပိတ်​ချော​ဘောင်း​ဘီ​တို့​ကို ဝတ်​ဆင်​၍​ယဇ်​ပလ္လင်​ပေါ်​ရှိ​ယဇ်​ကောင်​မှ ကျွမ်း​လောင်​သော​ပြာ​ကို​ပလ္လင်​ဘေး​တွင် ထား​ရ​မည်။-

Garrad Bible

¹⁰ တစ် ညဉ့် လုံး၊ မိုး သောက် တိုင် ရှိ စေ၍ ပ ရော ဟိတ် သည် ပိတ် ဝတ် လုံ နှင့် ပိတ် ပေါင်း ဘီ ကို ဝတ် ရုံ ပြီး လျှင် ပလ္လင် တော် ထက် ရှိ မီး ရှို့ ရာ သ က္ကာ ကျွမ်း သော ပြာ ကို ကော် ယူ၍၊

Judson Bible

¹⁰ ယဇ်​ပု​ရော​ဟိတ်​သည် ပိတ်​အင်္ကျီ၊ ပိတ်​ဘောင်း​ဘီ​ကို​ဝတ်​လျက်၊ ယဇ်​ပ​လ္လင်​ပေါ်​မှာ​ကျွမ်း​လောင်​သော မီး​ရှို့​ရာ​ယဇ်​ပြာ​ကို​ကျုံး၍ ပ​လ္လင်​အ​နား​မှာ​ထား​ရ​မည်။

ဝတ်​ပြု 6:10 ပူးပေါင်းရင်းမြစ်များ

ဆာ​လံ 20:3

သင်​၏​ပူဇော်သက္ကာ​အားလုံး​ကို​အောက်မေ့​၍ သင်​၏​မီးရှို့ရာယဇ်​ကို လက်ခံ​တော်မူ​ပါစေသော​။(​စေလာ)

ဆာ​လံ 37:20

ဆိုးယုတ်​သော​သူ​တို့​မူကား ပျက်စီး​ကြ​ရ​လိမ့်မည်​။ ထာဝရဘုရား​၏​ရန်သူ​တို့​သည် မြက်ခင်းပြင်​၏​အသရေ​ကဲ့သို့​ဖြစ်​ကြ​၏​။ သူ​တို့​သည် ပျောက်ပြယ်​သွား​ကြ​လိမ့်မည်​။ မီးခိုး​ကဲ့သို့ ပျောက်ပြယ်​သွား​ကြ​လိမ့်မည်​။

ယေ​ဇ​ကျေ​လ 44:19

လူ​အများ​ရှိ​ရာ​အပြင်​ဝင်း​သို့ ထွက်သွား​သောအခါ အမှု​တော်​ထမ်းဆောင်​စဉ် ဝတ်​ခဲ့​သော​အဝတ်​များ​ကို​ချွတ်​၍ သန့်ရှင်း​သော​အခန်း​ထဲ​တွင် ထားခဲ့​ရ​မည်​။ သူ​တို့​၏​အဝတ်​အားဖြင့် လူ​တို့​ထံ သန့်ရှင်း​ခြင်း​မ​ကူး​ရ​အောင် အခြား​အဝတ်​ကို ဝတ်​ရ​မည်​။

ဝတ်​ပြု 1:13

သူ​သည် အူ​နှင့်​ခြေထောက်​ကို ရေ​ဖြင့်​ဆေးကြော​ရ​မည်​။ ထို့နောက် ယဇ်ပုရောဟိတ်​သည် ထို​အရာ​အားလုံး​ကို ယူဆောင်​လာ​၍ မီးရှို့ရာယဇ်​အဖြစ် ယဇ်ပလ္လင်​ပေါ်၌​ရှို့​ရ​မည်​။ ထာဝရဘုရား​အဖို့ မီး​ဖြင့်​ပူဇော်​သော မွှေးကြိုင်​သည့်​ရနံ့ ဖြစ်​၏​။

ဝတ်​ပြု 1:9

သူ​သည် အူ​နှင့်​ခြေထောက်​ကို ရေ​ဖြင့်​ဆေးကြော​ရ​မည်​။ ထို့နောက် ယဇ်ပုရောဟိတ်​သည် ထို​အရာ​အားလုံး​ကို မီးရှို့ရာယဇ်​အဖြစ် ယဇ်ပလ္လင်​ပေါ်၌ ရှို့​ရ​မည်​။ ထာဝရဘုရား​အဖို့ မီး​ဖြင့်​ပူဇော်​သော မွှေးကြိုင်​သည့်​ရနံ့ ဖြစ်​၏​။

ဝတ်​ပြု 16:4

သူ​သည် ကိုယ်​ပေါ်၌ သန့်ရှင်း​သော​ပိတ်ချော​အတွင်းသင်တိုင်း​နှင့် ပိတ်ချော​ဘောင်းဘီ​ကို​ဝတ်​ရ​မည်​။ ပိတ်ချော​ခါးစည်း​ကို​စည်း​၍ ပိတ်ချော​ခေါင်းပေါင်း​ကို ဆောင်း​ရ​မည်​။ ဤ​အဝတ်တန်ဆာ​တို့​သည် သန့်ရှင်း​သည်​ဖြစ်၍ ရေချိုး​ပြီးမှ ဝတ်ဆင်​ရ​မည်​။

ဝတ်​ပြု 2:11

ထာဝရဘုရား​အား သင်​တို့​ပူဇော်​သည့်​ဘောဇဉ်ပူဇော်သက္ကာ​တိုင်း​သည် တဆေးပါသောမုန့်​မ​ဖြစ်​ရ​။ တဆေး​ဖြစ်စေ​၊ ပျားရည်​ဖြစ်စေ မည်သည်​ကို​မျှ ထာဝရဘုရား​ထံ မီး​ဖြင့်​ပူဇော်​သော​ယဇ်​အဖြစ် မ​ရှို့​ရ​။

ဝတ်​ပြု 21:22

မိမိ​ဘုရားသခင်​အဖို့ စားဖွယ်ရာ​များ​ဖြစ်​သည့် အထူး​သန့်ရှင်း​သော​စားဖွယ်ရာ​ကို​လည်းကောင်း​၊ သန့်ရှင်း​သော​စားဖွယ်ရာ​ကို​လည်းကောင်း သူ​စား​ခွင့်​ရှိ​၏​။

ဝတ်​ပြု 4:12

နွားထီး​ကိုယ်ထည်​တစ်ကိုယ်လုံး​ကို ပြာ​ပုံထားရာ​တပ်စခန်း​အပြင်ဘက်​၊ သန့်ရှင်း​သော​နေရာ​သို့​ယူသွား​၍ ထင်း​မီး​ပေါ်၌ ရှို့​ရ​မည်​။ ပြာ​ပုံထားရာ နေရာ​တွင် ရှို့​ရ​မည်​။

ဝတ်​ပြု 6:11

ထို့နောက် သူ​သည် မိမိ​ဝတ်​ထား​သော​အဝတ်​ကို​ချွတ်​၍ အခြား​အဝတ်​ကို​ဝတ်​ပြီးလျှင် ပြာပုံ​ကို တပ်စခန်း​အပြင်ဘက်​၊ သန့်ရှင်း​သော​နေရာ​သို့ ယူဆောင်​သွား​ရ​မည်​။

ဝတ်​ပြု 6:18

၎င်း​ကို အာရုန်​၏​သားမြေး​တို့​တွင် ယောက်ျား​တိုင်း စား​ခွင့်​ရှိ​၏​။ ဤသည်ကား ထာဝရဘုရား​အဖို့ မီး​ဖြင့်​ပူဇော်​သော​ယဇ်​နှင့်​ပတ်သက်၍ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။ ၎င်း​တို့​ကို​ထိမိ​သော​အရာ​ဟူသမျှ သန့်ရှင်း​လိမ့်မည်​”​ဟု မိန့်​တော်မူ​၏​။

ဝတ်​ပြု 6:22

အာရုန်​၏​သားမြေး​များ​ထဲမှ သူ​၏​အရိုက်အရာ​ကို​ဆက်ခံ​သော ဘိသိက်ခံ​ယဇ်ပုရောဟိတ်​သည် ထို​ပူဇော်သက္ကာ​ကို​ပူဇော်​ရ​မည်​။ ဤသည်ကား အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်ပြီး ထာဝရဘုရား​အား​ပူဇော်​သော ထို​ပူဇော်သက္ကာ​ကို အကုန်အစင်​လောင်ကျွမ်း​အောင် ရှို့​ရ​မည်​။

ဝတ်​ပြု 8:2

“​အာရုန်​နှင့်​သူ​၏​သား​များ​၊ အဝတ်တန်ဆာ​များ​၊ ဘိသိက်​ဆီ​၊ အပြစ်ဖြေရာယဇ်​ဖြစ်​သော​နွားထီး​တစ်​ကောင်​၊ သိုးထီး​နှစ်​ကောင်​၊ တဆေးမဲ့မုန့်​တောင်း​ကို ယူဆောင်​လာ​ပြီး

တော​လည် 16:21

“​ဤ​လူထု​အပေါင်း​တို့​နှင့် ခွဲ​နေ​လော့​။ သူ​တို့​ကို ယခုချက်ချင်း ငါ​ဖျက်ဆီး​မည်​”​ဟု မိန့်​တော်မူ​၏​။

တော​လည် 16:35

ထာဝရဘုရား​ထံ​တော်​မှ​လည်း မီး​ထွက်လာ​၍ နံ့သာပေါင်း​ပူဇော်​နေ​သော လူ​အယောက်​နှစ်ရာ့​ငါးဆယ်​တို့​ကို လောင်ကျွမ်း​လေ​၏​။

ဗျာ​ဒိတ် 19:14

ကောင်းကင်​ဗိုလ်ခြေ​တို့​သည် စင်ကြယ်​သော​ပိတ်ချော​ဖြူ​ကို​ဝတ်ဆင်​လျက် မြင်း​ဖြူ​ကို​စီး​ကာ သူ​၏​နောက်​သို့​လိုက်​ကြ​၏။

ဗျာ​ဒိတ် 19:8

ထို​သတို့သမီး​သည် စင်ကြယ်​တောက်ပ​သော​ပိတ်ချော​ထည်​ကို ဝတ်ဆင်​ခွင့်​ရရှိ​၏။ ထို​ပိတ်ချော​ထည်​ကား သန့်ရှင်း​သူ​တို့​၏​ဖြောင့်မတ်​သော​အကျင့်​ဖြစ်​၏”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 7:13

ထို့နောက် သက်ကြီးဝါကြီး​တို့​ထဲမှ​တစ်​ပါး​က “ဖြူ​သော​ဝတ်လုံ​ကို​ဝတ်ဆင်​ထား​သော​ဤ​သူ​တို့​သည် မည်သူ​တို့​နည်း။ မည်သည့်​အရပ်​မှ​လာ​ကြ​သနည်း”​ဟု ငါ့​အား​မေး​၏။