ဝတ်​ပြု 25:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သင်​၏​အမျိုးသားချင်း​တစ်ဦး​သည် ဆင်းရဲ​သွား​၍ သူ့​လက်ဝယ်ရှိမြေ​အချို့​ကို ရောင်း​လျှင် ရွေးနုတ်​ခွင့်​ရှိ​သော သူ​၏​ဆွေမျိုးသားချင်း​သည်​လာ​၍ သူ​ရောင်း​သော​မြေ​ကို ရွေးနုတ်​ရ​မည်​။

Common Language Bible

²⁵ ဣ​သ​ရေ​လ​အ​မျိုး​သား​ချင်း​တစ်​ဦး​သည် ဆင်း​ရဲ​နွမ်း​ပါး​သ​ဖြင့် မိ​မိ​၏​မြေ​ကို​ရောင်း ချ​ရ​လျှင် သူ​နှင့်​အ​နီး​စပ်​ဆုံး​ဆွေ​မျိုး​သား ချင်း​က​ထို​မြေ​ကို​ပြန်​၍​ဝယ်​ယူ​ရ​မည်။-

Garrad Bible

²⁵ ဆွေ မျိုး သား ချင်း တစ် ဦး သည် ဆင်း ရဲ၍ ပိုင် မြေ အ ချို့ ကို ရောင်း စား ရ လျှင် နီး စပ် သူ အ မွေ ဆိုင် သည် ရောင်း ပြီး မြေ ကို ရွေး ပိုင် ခွင့် ရှိ လိမ့် မည်။

Judson Bible

²⁵ သင်၏​အ​မျိုး​သား​ချင်း​သည်​ဆင်း​ရဲ၍၊ မိ​မိ​ပိုင်​သော​မြေ​ကို​ရောင်း​လျှင်​လည်း​ကောင်း၊ သူ၏​ပေါက်​ဖော်​တစ်​စုံ​တစ်​ယောက်​သည် ဝယ်​ခြင်း​ငှာ​လာ​လျှင်​လည်း​ကောင်း၊ မိ​မိ​ပေါက်​ဖော် ရောင်း​သော​ဥ​စ္စာ​ကို ရွေး​နုတ်​ရ​သော​အ​ခွင့်​ရှိ​ရ​မည်။

ဝတ်​ပြု 25:25 ပူးပေါင်းရင်းမြစ်များ

ဝတ်​ပြု 25:24

သင်​တို့​ပိုင်ဆိုင်​ရာ​မြေ​အားလုံး​ကို သင်​တို့​ရွေးနုတ်ခွင့်​ပေး​ရ​မည်​။

ဝတ်​ပြု 25:26

ထို​သူ​၌ ရွေးနုတ်​ပေး​မည့်​သူ မ​ရှိ​ဘဲ သူ​သည် ကြီးပွား​လာ​၍ သူ့​မြေ​ကို ပြန်​ရွေးနုတ်​ရန် ငွေ​အလုံအလောက်​ရှိ​လျှင်

ဝတ်​ပြု 25:47

အကယ်၍ သင်​နှင့်အတူ​နေထိုင်​သည့် တိုင်းတစ်ပါးသား​ဧည့်သည်​သည် ကြီးပွား​၍ သူ​နှင့်အတူ​နေထိုင်​သည့် သင်​၏​အမျိုးသားချင်း​သည် ဆင်းရဲ​သွား​သဖြင့် သူ​သည် သင်​နှင့်အတူ​နေထိုင်​သည့်​တိုင်းတစ်ပါးသား​ဧည့်သည်​ထံ၌​ဖြစ်စေ​၊ တိုင်းတစ်ပါးသား​၏​မျိုးနွယ်စုဝင်​ထံ၌​ဖြစ်စေ သူ့ကိုယ်သူ​ရောင်း​လျှင်

ဝတ်​ပြု 27:22

မိမိ​ပိုင်​သော​လယ်ယာ​ထဲမှ​မ​ဟုတ်​၊ မိမိ​ဝယ်​ထား​သော​လယ်ယာ​ထဲမှ ထာဝရဘုရား​အား ဆက်ကပ်​လို​လျှင်

၂ ကော 8:9

အကြောင်းမူကား သင်​တို့​သည် ငါ​တို့​သခင်​ယေရှု​ခရစ်တော်​၏​ကျေးဇူး​တော်​ကို​သိ​ကြ​၏။ ကိုယ်တော်​သည် ကြွယ်ဝ​သော်လည်း သူ​၏​ဆင်းရဲ​ခြင်း​အားဖြင့် သင်​တို့​ကြွယ်ဝ​ကြ​မည့်​အကြောင်း သင်​တို့​အတွက် ဆင်းရဲ​ခြင်း​ကို​ခံ​တော်မူ​၏။

ဗျာ​ဒိတ် 5:9

ထို့နောက် သူ​တို့​သည် သီချင်း​အသစ်​ကို​သီဆို​လျက် “ကိုယ်တော်​သည် စာလိပ်​ကို​ယူ​၍ ၎င်း​၏​တံဆိပ်​များ​ကို​ဖွင့်​ရန် ထိုက်တန်​သော​သူ​ဖြစ်​ပါ​၏။ အကြောင်းမူကား ကိုယ်တော်​သည် အသေ​သတ်​ခြင်း​ခံရ​၍ ကိုယ်တော်​၏​သွေး​တော်​အားဖြင့် မျိုးနွယ်စု၊ ဘာသာ​စကား၊ လူမျိုး​နှင့် တိုင်းနိုင်ငံ​အသီးသီး​တို့​ထဲမှ လူ​တို့​ကို ဘုရားသခင်​အတွက် ရွေးနုတ်​ဝယ်ယူ​ပြီး

ရု​သ 2:20

ထိုအခါ နောမိ​က သူ့​ချွေးမ​အား “​အသက်ရှင်​သော​သူ​၊ သေ​သော​သူ​တို့​ကို မေတ္တာကရုဏာ​အစဉ်​ထား​တော်မူ​သော ထာဝရဘုရား​သည် သူ့​ကို ကောင်းချီးပေး​ပါစေသော​။ သူ​သည် ငါ​တို့​နှင့် ဆွေးမျိုးနီးစပ်​သူ​၊ ငါ​တို့​ကို ရွေးနုတ်​ခွင့်​ရှိ​သူ ဖြစ်​၏​”​ဟု ဆို​၏​။

ရု​သ 3:12

ငါ​သည် ရွေးနုတ်​ခွင့်​ရှိ​သူ မှန်​သော်လည်း ငါ့​ထက် ပို၍​ရွေးနုတ်​ခွင့်​ရှိ​သူ​တစ်ဦး ရှိ​သေး​၏​။

ရု​သ 3:2

သင်​သွား​၍​အလုပ်​အတူတူ​လုပ်​ခဲ့​သော​အစေအပါး​တို့​၏​သခင် ဗောဇ​သည် ငါ​တို့​၏​ဆွေမျိုးသားချင်း မ​ဟုတ်​လော​။ ယခု​ည သူ​သည် တလင်းပြင်​တွင် မုယောစပါး​လာ​လှေ့​လိမ့်မည်​။

ရု​သ 3:9

ထို့ကြောင့် ဗောဇ​က “​သင် မည်သူ​နည်း​”​ဟု မေး​ရာ ရုသ​က “​အကျွန်ုပ်​သည် သခင့်​ကျွန်မ ရုသ ဖြစ်​ပါ​၏​။ သခင်​သည် အကျွန်ုပ်​ကို ရွေးနုတ်​ခွင့်​ရှိ​သူ​ဖြစ်​သောကြောင့် သခင်​၏​ဝတ်လုံစွန်း​ဖြင့် သခင့်​ကျွန်မ​ကို လွှမ်းခြုံ​ပေး​ပါ​တော့​”​ဟု ဆို​၏​။

ရု​သ 4:3

ထိုအခါ ဗောဇ​က ရွေးနုတ်​ခွင့်​ရှိ​သော​သူ​အား “​မောဘ​ပြည်​မှ ပြန်လာ​သော နောမိ​သည် ငါ​တို့​၏​ညီအစ်ကို​ဧလိမလက် ပိုင်​သော​မြေ​တစ်​ကွက်​ကို ရောင်း​လို​သည်​ဖြစ်၍