ဝတ်​ပြု 25:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ သင်​တို့​သည် ငါ​၏​ပြဋ္ဌာန်းချက်​တို့​ကို လိုက်နာ​ရ​မည်​။ ငါ​၏​စီရင်ထုံးဖွဲ့ချက်​တို့​ကို စောင့်ထိန်း​ပြုကျင့်​ရ​မည်​။ သို့ပြုလျှင် သင်​တို့​သည် ငါ​ပေး​သော​ပြည်​၌ ဘေးကင်းလုံခြုံ​စွာ​နေထိုင်​ရ​မည်​။

Common Language Bible

¹⁸ သင်​တို့​ဘေး​ကင်း​လုံ​ခြုံ​စွာ​နေ​ထိုင်​နိုင်​ရန် ထာ​ဝ​ရ​ဘု​ရား​၏​ပ​ညတ်​တော်​ရှိ​သ​မျှ ကို​စောင့်​ထိန်း​လော့။-

Garrad Bible

¹⁸ ငါ့ ထုံး ဖွဲ့ ချက်၊ ဆုံး ဖြတ် ချက် များ ကို စောင့် ရှောက် ပြု ကျင့် လျှင် ကိုယ့် ပြည် တွင် လုံ ခြုံ စွာ နေ ထိုင် ခွင့် ရှိ ကြ လိမ့် မည်။

Judson Bible

¹⁸ သင်​တို့​သည် ငါ့​စီ​ရင်​ထုံး​ဖွဲ့​ချက်​တို့​ကို ကျင့်​စောင့်​လျှင်၊ ထို​ပြည်၌ ဘေး​လွတ်​လျက်​နေ​ရ​ကြ​လိမ့်​မည်။

ဝတ်​ပြု 25:18 ပူးပေါင်းရင်းမြစ်များ

ယေ​ရ​မိ 23:6

ထို​ဘုရင်​လက်ထက်​၌ ယုဒ​အမျိုး​သည် ကယ်တင်​ခြင်း​ခံရ​လိမ့်မည်​။ အစ္စရေး​လူမျိုး​သည် ဘေးကင်းလုံခြုံ​စွာ​နေထိုင်​ရ​လိမ့်မည်​။ ထို​ဘုရင်​၏​နာမ​ကို​ကား ‘​ငါ​တို့​ကို ဖြောင့်မတ်​စေ​တော်မူ​သော​ထာဝရဘုရား​’​ဟု ခေါ်ဆို​ကြ​လိမ့်မည်”​ဟု မိန့်​တော်မူ​၏​။

တ​ရား​ဟော 12:10

ဂျော်ဒန်​မြစ်​ကို​ကူး​၍ သင်​တို့​အား သင်​တို့​၏​ဘုရားသခင်​ထာဝရဘုရား အမွေ​အဖြစ်​ပေး​တော်မူ​သော​ပြည်​၌ သင်​တို့​နေထိုင်​ရ​မည်​။ ကိုယ်တော်​သည် သင်​တို့​ပတ်ပတ်လည်​ရှိ ရန်သူ​အပေါင်း​တို့​ဘေး​မှ ကင်းဝေး​စေ​တော်မူ​သဖြင့် သင်​တို့​လုံခြုံ​စွာ​နေ​ရ​လိမ့်မည်​။

သုတ္တံကျမ်း။ 1:33

သို့သော် ငါ့​စကား​ကို​နားထောင်​သော​သူ​သည် ဘေးကင်းလုံခြုံ​စွာ​နေ​ရ​၍ ဘေးအန္တရာယ်​ကို မ​ကြောက်​ဘဲ အေးချမ်း​စွာ​နေ​ရ​လိမ့်မည်​။​”

ဆာ​လံ 4:8

အကျွန်ုပ်​သည် ငြိမ်းချမ်း​စွာ​လဲလျောင်း​၍ အိပ်ပျော်​ပါ​မည်​။ အကြောင်းမူကား အို ထာဝရဘုရား​၊ ကိုယ်တော်​တစ်ပါးတည်း​သာလျှင် အကျွန်ုပ်​အား ဘေးကင်းလုံခြုံ​စွာ​နေထိုင်​ရ​သော​အခွင့်​ကို ပေး​တော်မူ​ပါ​၏​။

ယေ​ဇ​ကျေ​လ 33:29

သူ​တို့​ပြု​ခဲ့​သော​စက်ဆုပ်ရွံရှာဖွယ်​အမှု​များ​ကြောင့် ထို​ပြည်​ကို လူသူကင်းမဲ့​ရာ​၊ ဆိတ်ညံ​ရာ​ဖြစ်​စေ​သောအခါ​မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​ဟူ၍ မိန့်​တော်မူ​၏’​ဟု ဆင့်ဆို​လော့​။

ယေ​ရ​မိ 33:16

ထို​နေ့​၌ ယုဒ​အမျိုး​သည် ကယ်တင်​ခြင်း​ခံရ​လိမ့်မည်​။ ဂျေရုဆလင်​မြို့သူမြို့သား​တို့​သည် ဘေးကင်းလုံခြုံ​စွာ​နေထိုင်​ရ​လိမ့်မည်​။ ထို​မြို့​အား ငါ​တို့​ကို ဖြောင့်မတ်​စေ​တော်မူ​သော​ထာဝရဘုရား​ဟူ၍ ခေါ်ဆို​ကြ​လိမ့်မည်’​ဟု မိန့်​တော်မူ​၏​။

ဆာ​လံ 103:18

ပဋိညာဉ်​တော်​ကို​စောင့်ထိန်း​၍ ဥပဒေသ​တို့​ကို လိုက်နာ​ရန် သတိရ​သော​သူ​တို့​အပေါ်​၌​လည်းကောင်း တည်​၏​။

တ​ရား​ဟော 33:28

အစ္စရေး​လူမျိုး​သည် ဘေးကင်းလုံခြုံ​စွာ​ဖြင့် တသီးတခြား​နေထိုင်​ရ​မည်​။ ယာကုပ်​အမျိုးအနွယ်​သည် ကောက်ပဲသီးနှံ​နှင့် စပျစ်ဝိုင်​အသစ်​ပေါများ​ရာ​အရပ်​၊ ကောင်းကင်​မှ နှင်း​တဖွဲဖွဲကျ​ရာ​အရပ်​၌ နေထိုင်​ရ​မည်​။

တ​ရား​ဟော 33:12

ဗင်္ယာမိန်​အမျိုး​ကို​ကား​၊ ထာဝရဘုရား​ချစ်​တော်မူ​သော​ဗင်္ယာမိန်​သည် အထံ​တော်​၌ လုံခြုံ​စွာ​နေ​ရ​ပါစေသော​။ ကိုယ်တော်​သည် သူ့​ကို​အစဉ်အမြဲ​ကွယ်ကာ​တော်မူ​၍ သူ​၏​ပခုံး​ပေါ်တွင် ကိန်းဝပ်​တော်မူ​ပါစေသော​။

ဝတ်​ပြု 19:37

ငါ​၏​ပြဋ္ဌာန်းချက်​၊ ငါ​၏​စီရင်ထုံးဖွဲ့ချက်​ရှိသမျှ​တို့​ကို စောင့်ထိန်း​ရ​မည်​။ လိုက်နာ​ရ​မည်​။ ငါ​သည် ထာဝရဘုရား​ဖြစ်​၏​”​ဟု မိန့်​တော်မူ​၏​။

ယေ​ရ​မိ 25:5

သူ​တို့​က ‘​သင်​တို့​၏​အကျင့်ဆိုး​၊ စရိုက်ဆိုး​များ​ကို​စွန့်​၍ ပြန်လာ​ကြ​လော့​။ သင်​တို့​နှင့်​သင်​တို့​၏​ဘိုးဘေး​တို့​အား ထာဝရဘုရား​ပေး​တော်မူ​သော​ပြည်​တွင် ကာလ​အစဉ်အဆက်​နေထိုင်​ကြ​လော့​။

ဝတ်​ပြု 25:19

ထို​ပြည်​၌ အသီးအနှံ​ဖြစ်ထွန်း​၍ သင်​တို့​သည် ဝ​စွာ​စား​ရ​မည်​။ ဘေးကင်းလုံခြုံ​စွာ​နေထိုင်​ရ​မည်​။

ဝတ်​ပြု 19:19

သင်​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ အမျိုးမတူ​သော​တိရစ္ဆာန်​ကို မိတ်​မ​လိုက်​စေ​ရ​။ သင်​၏​လယ်​ထဲ၌ အမျိုးမတူ​သော​မျိုးစေ့​ကို ရော​မ​ကြဲ​ရ​။ အမျိုးမတူ​သော​ချည်​ဖြင့် ရက်​ထား​သော​အဝတ်​ကို မ​ဝတ်​ရ​။

၃ ရာ 5:5

ထာဝရဘုရား​က အကျွန်ုပ်​၏​ခမည်းတော်​ဒါဝိဒ်​မင်းကြီး​အား ‘​သင့်​အရိုက်အရာ​ကို​ဆက်ခံ​ပြီး သင့်​ရာဇပလ္လင်​ပေါ်တွင် ငါ​စံမြန်း​စေ​မည့် သင့်​သား​တော်​သည် ငါ့​နာမ​အဖို့ အိမ်​တော်​ကို တည်​လိမ့်မည်​’​ဟု မိန့်မှာ​ခဲ့​သည့်​အတိုင်း အကျွန်ုပ်​သည် အကျွန်ုပ်​၏​ဘုရားသခင်​ထာဝရဘုရား​၏​နာမ​တော်​အဖို့ အိမ်​တော်​ကို တည်ဆောက်​ရန် ရည်ရွယ်​ပါ​၏​။