ဝတ်​ပြု 23:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​ဟု ထို​နေ့​၌​ပင် ကြေညာ​ရ​မည်​။ မည်သည့်​အလုပ်​ကို​မျှ မ​လုပ်​ရ​။ သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့် ပြဋ္ဌာန်းချက်​ဖြစ်​၏​။

Common Language Bible

²¹ ထို​နေ့​၌​အ​သက်​မွေး​ဝမ်း​ကျောင်း​အ​လုပ် ကို​မ​လုပ်​ဘဲ စု​ဝေး​ဝတ်​ပြု​ကိုး​ကွယ်​ရ​ကြ မည်။ သင်​တို့​၏​အ​ဆက်​အ​နွယ်​များ​သည် မည်​သည့်​အ​ရပ်​တွင်​နေ​ထိုင်​သည်​မ​ဆို ဤ ပ​ညတ်​ကို​ထာ​ဝ​စဉ်​စောင့်​ထိန်း​ရ​ကြ​မည်။-

Garrad Bible

²¹ ထို နေ့ ချင်း ပင် ကြော် ငြာ ရ သည့် အ တိုင်း ကြိုး ကြိုး ပန်း ပန်း မ လုပ် ဘဲ ဓ မ္မ အ စည်း အ ဝေး လုပ် ကြ ရ မည်။ သင် တို့ နေ ရာ အ ရပ် ရပ် ၌ အ မျိုး အ စဉ် အ ဆက် အ မြဲ ထုံး ဖွဲ့ ချက် ဖြစ် သ တည်း။

Judson Bible

²¹ ထို​နေ့၌​လည်း ဓ​မ္မ​စည်း​ဝေး​ခြင်း​ကို စီ​ရင်​ရ​ကြ​မည်။ လော​ကီ​အ​လုပ်​ကို မ​လုပ်​ရ။ သင်​တို့​နေ​ရာ​အ​ရပ်​ရပ်၌ သင်​တို့​အ​မျိုး​အ​စဉ်​အ​ဆက်​စောင့်​ရ​သော ပ​ညတ်​ဖြစ်​သ​တည်း။

ဝတ်​ပြု 23:21 ပူးပေါင်းရင်းမြစ်များ

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ထွက်​မြောက် 27:21

တွေ့ဆုံစည်းဝေးရာ​တဲ​တော်​အတွင်း သက်သေခံချက်​ရှေ့​ရှိ ကန့်လန့်ကာ​အပြင်ဘက်​တွင် အာရုန်​နှင့်​သူ​၏​သား​များ​သည် ထာဝရဘုရား​ရှေ့​တော်​၌ နေဝင်ချိန်​မှ နံနက်​တိုင်အောင် မီးထွန်း​ခြင်း​အမှု​ကို စီစဉ်​ပြင်ဆင်​ရ​မည်​။ ဤသည်ကား အစ္စရေး​အမျိုးသား​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ဟေ​ရှာ​ယ 11:10

ထို​နေ့ရက်​၌ ယေရှဲ​၏​အမြစ်​သည် လူ​တို့​အတွက် အောင်လံ​သဖွယ်​ရပ်တည်​လိမ့်မည်​။ လူမျိုး​တို့​သည် သူ့​ကို မေးမြန်း​စူးစမ်း​ကြ​လိမ့်မည်​။ ကိန်းဝပ်​တော်မူ​ရာ​အရပ်​သည် ဘုန်းအသရေ​ရှိ​လိမ့်မည်​။

ဝတ်​ပြု 23:14

သင်​တို့​ပူဇော်​မည့်​မုန့်​ဖြစ်စေ​၊ သီးနှံအခြောက်​ဖြစ်စေ​၊ သီးနှံအစို​ဖြစ်စေ သင်​တို့​၏​ဘုရားသခင်​ထံသို့ ပူဇော်သက္ကာ​အဖြစ် ယူဆောင်​လာ​ရ​မည့်​နေ့​မရောက်မချင်း မ​စား​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ဝတ်​ပြု 23:2

“​အစ္စရေး​အမျိုးသား​တို့​ကို ဆင့်ဆို​လော့​။ သင်​တို့​ကြေညာ​ရ​မည့် သန့်ရှင်း​သော​ဓမ္မစည်းဝေး​ခြင်း​တည်းဟူသော ထာဝရဘုရား​သတ်မှတ်​ထား​သော​ဓမ္မပွဲတော်​များ​ကား ဤသို့​ဖြစ်​၏​။ ဤ​ပွဲတော်​များ​သည် ငါ​သတ်မှတ်​ထား​သော​ပွဲတော်​များ​ဖြစ်​၏​။

ဝတ်​ပြု 23:20

ယဇ်ပုရောဟိတ်​သည် သိုးသငယ်​နှစ်​ကောင်​ကို အဦးဆုံးသီးနှံ​၏​မုန့်​နှင့်အတူ ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​ရ​မည်​။ ထို​အရာ​တို့​သည် ယဇ်ပုရောဟိတ်​အတွက် ထာဝရဘုရား​ရှေ့​၌ သန့်ရှင်း​သော​ပူဇော်သက္ကာ​ဖြစ်​၏​။

ဝတ်​ပြု 23:25

မည်သည့်​အလုပ်​ကို​မျှ မ​လုပ်​ရ​။ ထာဝရဘုရား​ထံ မီး​ဖြင့်​ပူဇော်​သော​ယဇ်​ကို​သာ ပူဇော်​ရ​မည်​”​ဟု မိန့်​တော်မူ​၏​။

ဝတ်​ပြု 23:31

သင်​တို့​သည် မည်သည့်​အလုပ်​ကို​မျှ မ​လုပ်​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ဝတ်​ပြု 23:4

အချိန်တန်​သောအခါ သင်​တို့​ကြေညာ​ရ​မည့် သန့်ရှင်း​သော​ဓမ္မစည်းဝေး​ခြင်း​တည်းဟူသော ထာဝရဘုရား​သတ်မှတ်​ထား​သော​ပွဲတော်​များ​ကား ဤသို့​ဖြစ်​၏​။

ဝတ်​ပြု 23:7

ပထမ​နေ့​တွင် သန့်ရှင်း​သော​ဓမ္မစည်းဝေး​ခြင်း​ကို ပြု​ရ​မည်​။ မည်သည့်​အလုပ်​ကို​မျှ မ​လုပ်​ရ​။

ဝတ်​ပြု 3:17

သင်​တို့​သည် မည်သည့်​အဆီ​၊ မည်သည့်​သွေး​ကို​မျှ မ​စား​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

တော​လည် 18:23

လေဝိ​အမျိုး​တို့​သည် တွေ့ဆုံစည်းဝေးရာ​တဲ​တော်​၏​အမှု​ကို ထမ်းဆောင်​ရ​မည်​။ သူ​တို့​သည် ကိုယ်​ပြု​မိ​သော​အပြစ်​ကို ကိုယ်​ခံရ​မည်​။ ဤသည်ကား သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက် ဖြစ်​၏​။ သူ​တို့​သည် အစ္စရေး​အမျိုးသား​တို့​နှင့်အတူ အမွေ​မ​ခံရ​။

တ​ရား​ဟော 16:11

သင်​မှစ၍ သင့်​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင့်​မြို့​အတွင်း​ရှိ လေဝိ​အမျိုး​နှင့် သင်​၌​ရှိ​သော တိုင်းတစ်ပါးသား​၊ ဖတဆိုး​၊ မုဆိုးမ တို့​သည် နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​တွင် သင်​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ရ​မည်​။