ဝတ်​ပြု 21:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သူ​၏​သားသမီး​တို့​ကို ကိုယ့်​လူမျိုး​အလယ်​၌ မ​ရှုတ်ချ​ရ​။ အကြောင်းမူကား ငါ​သည် သူ့​ကို​သန့်ရှင်း​စေ​သော​ထာဝရဘုရား​ဖြစ်​၏​”​ဟု မိန့်​တော်မူ​၏​။

Common Language Bible

¹⁵ ဤ​အ​တိုင်း​မ​ကျင့်​လျှင်​သူ​၏​သား​သ​မီး တို့​သည် သန့်​ရှင်း​သင့်​ပါ​လျက်​နှင့်​မ​သန့် ရှင်း​သူ​များ​ဖြစ်​ကြ​လိမ့်​မည်။ ငါ​ထာ​ဝ​ရ ဘု​ရား​သည်​သူ့​အား ယဇ်​ပု​ရော​ဟိတ်​မင်း အ​ဖြစ်​ခွဲ​ခန့်​မှတ်​သား​တော်​မူ​ပြီ။

Judson Bible

¹⁵ မိ​မိ​သား​ကို၊ အ​မျိုး​သား​ချင်း​တို့​တွင် မ​ရှုတ်​မ​ချ​ရ။ ငါ​ထာ​ဝ​ရ​ဘု​ရား​သည်၊ ယဇ်​ပု​ရော​ဟိတ်​မင်း​ကို သန့်​ရှင်း​စေ​သည်​ဟု​မိန့်​တော်​မူ၏။

ဝတ်​ပြု 21:15 ပူးပေါင်းရင်းမြစ်များ

ကမ္ဘာ​ဦး 18:19

အကြောင်းမူကား အာဗြဟံ​သည် သူ​၏​သားသမီး​တို့​နှင့် နောင်လာမည့်​သူ​၏​အမျိုးအနွယ်​တို့​အား ဖြောင့်မတ်​သော​အမှု​၊ တရားမျှတ​သော​အမှု​ကို​ပြုကျင့်​၍ ထာဝရဘုရား​၏​လမ်း​တော်​ကို​စောင့်ထိန်း​ကြ​စေရန် မှာကြား​ခြင်း​အားဖြင့် သူ့​အား​ထာဝရဘုရား​မိန့်​တော်မူ​ခဲ့​သော​အရာ​ကို သူ​၌​ပြည့်စုံ​စေ​မည့်​အကြောင်း သူ့​ကို ငါ​ရွေးကောက်​ထား​ပြီ​”​ဟု မိန့်​တော်မူ​၏​။

ဧ​ဇ​ရ 2:62

သူ​တို့​သည် မျိုးရိုးစဉ်ဆက်​စာရင်း​တွင် မိမိ​တို့​မျိုးရိုး​ကို​ရှာ​သော်လည်း မ​တွေ့​သဖြင့် ယဇ်ပုရောဟိတ်​အရိုက်အရာ​မှ ဖယ်ရှား​ခြင်း​ခံရ​၏​။

ဧ​ဇ​ရ 9:2

ထို​သူ​တို့​၏​သမီး​များ​ကို လက်ထပ်ယူ​ပြီး မိမိ​သား​တို့​နှင့်​လည်း ပေးစား​ကြ​၏​။ ဤသို့ဖြင့် သန့်ရှင်း​သော​အမျိုးအနွယ်​သည် ထို​ပြည်သား​တို့​နှင့်​ရောနှော​လေ​ပြီ​။ ဤ​သစ္စာမဲ့မှု​ကို အကြီးအကဲ​များ​၊ မင်းအရာရှိ​များ​က ထိပ်ဆုံး​မှ​ပြု​ကြ​၏”​ဟု ဆို​ကြ​၏​။

ထွက်​မြောက် 34:16

သင်​သည် သူ​တို့​၏​သမီး​များ​ကို သင့်​သား​တို့​နှင့်​စုံဖက်​စေ​သဖြင့် သူ​တို့​၏​သမီး​များ​သည် မိမိ​တို့​၏​ဘုရား​များ​နောက်​သို့​လိုက်​၍ ဖောက်ပြန်မှားယွင်း​သောအခါ သင့်​သား​တို့​ကို​လည်း ထို​ဘုရား​များ​နောက်​သို့​လိုက်​၍ ဖောက်ပြန်မှားယွင်း​စေ​ကြ​လိမ့်မည်​။

ဝတ်​ပြု 19:2

“​အစ္စရေး​အမျိုးသား​လူထု​အပေါင်း​တို့​အား ဆင့်ဆို​လော့​။ သင်​တို့​၏​ဘုရားသခင် ငါ​ထာဝရဘုရား​သည် သန့်ရှင်း​သော​အရှင်​ဖြစ်​သောကြောင့် သင်​တို့​သည်​လည်း သန့်ရှင်း​သော​သူ​များ​ဖြစ်​ရ​မည်​။

ဝတ်​ပြု 20:7

ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​သောကြောင့် သင်​တို့​သည် ကိုယ့်ကိုယ်ကိုယ်​သန့်ရှင်း​စေ​၍ သန့်ရှင်း​သော​သူ​များ​ဖြစ်​ရ​မည်​။

ဝတ်​ပြု 21:14

မုဆိုးမ​၊ ကွာရှင်း​ထား​သော​မိန်းမ​၊ အသရေမရှိ​သော​ပြည့်တန်ဆာမ​တို့​နှင့် မ​စုံဖက်​ရ​။ သူ​သည် မိမိ​လူမျိုး​ထဲမှ အပျိုကညာ​ကို​သာ မယား​အဖြစ် စုံဖက်​ရ​မည်​။

ဝတ်​ပြု 21:16

တစ်ဖန် ထာဝရဘုရား​က မောရှေ​အား

ဝတ်​ပြု 21:8

ယဇ်ပုရောဟိတ်​သည် သင်​၏​ဘုရားသခင်​အား စားဖွယ်ရာ​ကို​ဆက်သ​ရ​သောကြောင့် သင်​သည် သူ့​ကို သန့်ရှင်း​စေ​ရ​မည်​။ သူ​သည် သင့်​အဖို့ သန့်ရှင်း​သော​သူ​ဖြစ်​ရ​မည်​။ အကြောင်းမူကား သင်​တို့​ကို​သန့်ရှင်း​စေ​သော ငါ​ထာဝရဘုရား​သည် သန့်ရှင်း​၏​။

ဝတ်​ပြု 22:16

သန့်ရှင်း​သော​ပူဇော်သက္ကာ​ကို စား​မိ​စေ​ခြင်း​ဖြင့် သူ​တို့​အပေါ် ဒုစရိုက်​အပြစ်ဒဏ် မ​ကျရောက်​စေ​ရ​။ ငါ​သည် သူ​တို့​ကို သန့်ရှင်း​စေ​သော​ထာဝရဘုရား​ဖြစ်​၏​”​ဟု မိန့်​တော်မူ​၏​။

မာ​လ​ခိ 2:11

ယုဒ​အမျိုး​သည် သစ္စာမရှိ​။ အစ္စရေး​ပြည်​တွင်​လည်းကောင်း​၊ ဂျေရုဆလင်​မြို့​တွင်​လည်းကောင်း စက်ဆုပ်ရွံရှာဖွယ်​အမှု​ကို​ပြု​ကြ​လေ​ပြီ​။ အကယ်စင်စစ် ယုဒ​အမျိုး​သည် တိုင်းတစ်ပါး​ဘုရား​ကို​ကိုးကွယ်​သော​သမီးပျို​တို့​နှင့် စုံဖက်​ခြင်း​ဖြင့် ထာဝရဘုရား​မြတ်နိုး​တော်မူ​သော​သန့်ရှင်းစင်ကြယ်​ခြင်း​ကို ညစ်ညူး​စေ​လေ​ပြီ​။

မာ​လ​ခိ 2:15

သူ​တို့​၌ ဝိညာဉ်​တော်​တစ်စိတ်တစ်ပိုင်း​ပါ​လျက် တစ်သားတစ်ကိုယ်တည်း ဖြစ်စေ​တော်မူ​သည် မ​ဟုတ်​လော​။ ဘုရားသခင်​ကို ရိုသေကိုင်းရှိုင်း​သော​အမျိုးအနွယ်​ကို အလိုရှိ​သည်​ဖြစ်၍ တစ်သားတစ်ကိုယ်တည်း ဖြစ်စေ​တော်မူ​သည် မ​ဟုတ်​လော​။ ထို့ကြောင့် ကိုယ့်​စိတ်​ကို ထိန်း​၍ ငယ်စဉ်​က ပေါင်းဖော်​ခဲ့​သော​မယား​ကို သစ္စာ​မ​ဖောက်​နှင့်​။

မဿဲ 23:17

မိုက်မဲ​သော​မျက်မမြင်​တို့၊ မည်သည့်​အရာ​သည် ပို၍​ကြီးမြတ်​သနည်း။ ထို​ရွှေ​လော​၊ သို့မဟုတ် ထို​ရွှေ​ကို​သန့်ရှင်း​စေ​သည့် ဗိမာန်​တော်​လော။

ရော​မ 11:16

အသီးဦး​အဖြစ်​ပူဇော်​သော​မုန့်ညက်​သည် သန့်ရှင်း​လျှင် မုန့်ညက်​တစ်ပုံလုံး​သည်​လည်း သန့်ရှင်း​၏။ အမြစ်​သည် သန့်ရှင်း​လျှင် အကိုင်းအခက်​များ​သည်​လည်း သန့်ရှင်း​ကြ​၏။

၁ ကော 7:14

အကြောင်းမူကား ယုံကြည်​သူ​မ​ဟုတ်​သော​လင်​ယောက်ျား​သည် မိမိ​မယား​အားဖြင့် သန့်ရှင်း​စေ​ခြင်း​ခံရ​၏။ ယုံကြည်​သူ​မ​ဟုတ်​သော​မယား​သည်​လည်း မိမိ​လင်​ယောက်ျား​အားဖြင့် သန့်ရှင်း​စေ​ခြင်း​ခံရ​၏။ သို့မဟုတ်​လျှင် သင်​တို့​၏​သားသမီး​တို့​သည် ညစ်ညူး​ကြ​လိမ့်မည်။ သို့သော် ယခု သူ​တို့​သည် သန့်ရှင်း​ကြ​၏။