ဝတ်​ပြု 21:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ တစ်ဖန် ထာဝရဘုရား​က မောရှေ​အား “​အာရုန်​၏​သား​ယဇ်ပုရောဟိတ်​တို့​ကို ဆင့်ဆို​လော့​။ ယဇ်ပုရောဟိတ်​သည် ကိုယ့်​လူမျိုး​ထဲမှ​သေလွန်​သွား​သူ​အတွက် ကိုယ့်ကိုယ်ကိုယ်​မ​ညစ်ညူး​စေ​ရ​။

Common Language Bible

^1-3 ထာ​ဝ​ရ​ဘု​ရား​သည် မော​ရှေ​မှ​တစ်​ဆင့် အာ​ရုန်​မှ​ဆင်း​သက်​သော​ယဇ်​ပု​ရော​ဟိတ် တို့​အား​အောက်​ပါ​အ​တိုင်း​မိန့်​တော်​မူ​သည်။ ယဇ်​ပု​ရော​ဟိတ်​သည်​မိ​မိ​၏​အ​မိ​အ​ဖ၊ သား သ​မီး၊ ညီ​အစ်​ကို၊ မိ​မိ​နှင့်​အ​တူ​နေ​ထိုင် သော​အိမ်​ထောင်​မ​ကျ​သေး​သည့်​ညီ​အစ်​မ စ​သည်​တို့​မှ​လွဲ​၍​အ​ခြား​ဆွေ​မျိုး​သား ချင်း​တို့​၏​အ​သု​ဘ​ကိစ္စ​များ​၌​ပါ​ဝင် ဆောင်​ရွက်​ခြင်း​အား​ဖြင့်​ဘာ​သာ​ရေး ထုံး​နည်း​အ​ရ​မိ​မိ​ကိုယ်​ကို​မ​ညစ် ညမ်း​စေ​ရ။-

Garrad Bible

^1-2 တစ် ဖန် မော ရှေ အား ထာ ဝ ရ ဘု ရား က၊ အာ ရုန့် သား ပ ရော ဟိတ် ဖြစ် သူ တို့ အား ဆင့် ဆို ရ မည့် အ ချက် ဟူ မူ ကား အ ဆွေ အ မျိုး နီး စပ် သူ ဖြစ် သော မိ ဘ၊ သား သ မီး၊ ညီ အစ် ကို တို့ ပြင် လူ မျိုး ချင်း သေ သူ တို့ အ တွက် ကိုယ် ကို မ သန့် အောင် မ ပြု ရ။

Judson Bible

¹ တစ်​ဖန် မော​ရှေ​အား​ထာ​ဝ​ရ​ဘု​ရား​က၊ သင်​သည် အာ​ရုန်၏​သား၊ ယဇ်​ပု​ရော​ဟိတ်​တို့​အား ဆင့်​ဆို​ရ​မည်​မှာ၊ အ​မျိုး​သား​ချင်း​သေ​သော​သူ​အ​တွက် သင်​တို့​တွင်​အ​ဘယ်​သူ​မျှ ညစ်​ညူး​ခြင်း​မ​ရှိ​ရ။

ဝတ်​ပြု 21:1 ပူးပေါင်းရင်းမြစ်များ

ယေ​ဇ​ကျေ​လ 44:25

လူသေကောင်​ရှိ​ရာ​သို့​သွား​ခြင်း​ဖြင့် ကိုယ်ကို​မ​ညစ်ညူး​စေ​ရ​။ သို့သော် ကိုယ့်​မိဘ​၊ သား​သမီး​၊ ညီအစ်ကို​၊ အပျိုစင်​ညီမ​အတွက်​ကို​မူ ကိုယ်ကို​ညစ်ညူး​စေ​နိုင်​၏​။

ဟော​ရှေ 5:1

ယဇ်ပုရောဟိတ်​တို့​၊ နားထောင်​ကြ​။ အစ္စရေး​အမျိုးအနွယ်​တို့​၊ အာရုံစိုက်​ကြ​။ နန်းတွင်းသား​တို့​၊ စူးစိုက်​နားထောင်​ကြ​။ သင်​တို့​သည် တရားစီရင်​ခြင်း​ကို​ခံရ​ကြ​မည်​။ သင်​တို့​သည် မိဇပါ​မြို့​မှ ထောင်ချောက်​၊ တာဗော်​တောင်​ပေါ်မှ ဖြန့်​ထား​သော​ပိုက်ကွန် ဖြစ်​၏​။

ဝတ်​ပြု 19:28

သေ​သော​သူ​အတွက် သင်​တို့​အသား​ကို မ​ခုတ်​မ​ရှ​ရ​။ သင်​တို့​ကိုယ်​ပေါ်၌ ဆေးမင်ကြောင် မ​ထိုး​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 21:11

လူသေအလောင်း​ရှိ​ရာ​သို့ မ​သွား​ရ​။ မိမိ​၏​မိခင်​၊ သို့မဟုတ် မိမိ​၏​ဖခင် ဖြစ်စေကာမူ ကိုယ့်ကိုယ်ကိုယ်​မ​ညစ်ညူး​စေ​ရ​။

မာ​လ​ခိ 2:1

“အို ယဇ်ပုရောဟိတ်​တို့​၊ ယခုမှာ ဤ​ပညတ်ချက်​သည် သင်​တို့​အဖို့ ဖြစ်​၏​။

မာ​လ​ခိ 2:4

ထိုအခါ လေဝိ​အမျိုး​နှင့်​ဖွဲ့​ခဲ့​သော​ပဋိညာဉ် တည်​စေရန် ဤ​ပညတ်ချက်​တို့​ကို သင်​တို့​အား ငါ​ပေး​ခဲ့​ကြောင်း​ကို သင်​တို့ သိ​ရ​ကြ​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

တော​လည် 19:11

လူသေ​အလောင်း​ကို ထိမိ​သော​သူ​သည် ခုနစ်​ရက်​ပတ်လုံး​မစင်မကြယ်​ဖြစ်​၏​။

တော​လည် 19:14

တဲ​ထဲ၌​သေ​သော​သူ​နှင့်ဆိုင်သော​တရား​ကား ဤသို့​တည်း​။ လူ​သေ​တဲ​ထဲသို့​ဝင်​သော​သူ​၊ တဲ​ထဲ​ရှိ​သော​သူ မည်သူမဆို ခုနစ်​ရက်​ပတ်လုံး မစင်မကြယ်​ဖြစ်​၏​။

တော​လည် 19:16

လယ်ယာ​၌​နေ​သော​သူ​မည်သူမဆို ဓား​ဖြင့်​အသတ်ခံရ​သော​သူ​ကို​ဖြစ်စေ​၊ အလိုလို​သေ​သော​သူ​ကို​ဖြစ်စေ​၊ လူသေအရိုး​ကို​ဖြစ်စေ​၊ သင်္ချိုင်းဂူ​ကို​ဖြစ်စေ ထိမိ​လျှင် သူ​သည် ခုနစ်​ရက်​ပတ်လုံး​မစင်မကြယ်​ဖြစ်​၏​။

တော​လည် 5:2

“ အစ္စရေး​အမျိုးသား​တို့​အား ဆင့်ဆို​လော့​။ အနာကြီးရောဂါစွဲ​သော​သူ​ရှိသမျှ​၊ အရိအရွဲထွက်​သော​သူ​ရှိသမျှ​၊ အသေကောင်​ကြောင့်​မစင်ကြယ်​သော​သူ​ရှိသမျှ​တို့​ကို တပ်စခန်း​ထဲမှ ထွက်သွား​စေ​ရ​မည်​။

တော​လည် 6:6

ထာဝရဘုရား​အတွက် မိမိကိုယ်မိမိ သီးခြား​ထား​သော​ကာလ​ပတ်လုံး လူသေအလောင်း​အနီး​သို့ မ​သွား​ရ​။