ဝတ်​ပြု 19:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ သင်​၏​ညီအစ်ကို​ကို စိတ်​ထဲ၌ အမုန်း​မ​ထား​ရ​။ သင့်​အိမ်နီးချင်း​ကြောင့် သင်​အပြစ်​မ​သင့်​မည့်​အကြောင်း သူ့​ကို မ​ဆုံးမ​ဘဲ​မ​နေ​နှင့်​။

Common Language Bible

¹⁷ ``သူ​တစ်​ပါး​အား​ရန်​ငြိုး​မ​ထား​နှင့်။ သူ့ ကြောင့်​သင်​သည်​အ​ပြစ်​မ​ကူး​လွန်​မိ​စေ ရန် သူ​နှင့်​သ​ဘော​ကွဲ​လွဲ​ချက်​များ​ကို​တွေ့ ဆုံ​ဖြေ​ရှင်း​လော့။-

Garrad Bible

¹⁷ ညီ အစ် ကို ချင်း ကို မုန်း ထား စိတ် မ ရှိ ရ။ အ ပေါင်း အ ဖော်၏ အ ပြစ် မ ကူး စက် စေ ရန် ဆုံး မ လော့။

Judson Bible

¹⁷ သင်၏​ညီ​အစ်​ကို​ကို စိတ်​အ​ခု​အ​ခံ​မ​ရှိ​ရ။ ကိုယ်​နှင့် စပ်​ဆိုင်​သော​သူ၌​ရှိ​သော​အ​ပြစ်​ကို တတ်​တိုင်း​မ​ရှိ​စေ​ဘဲ၊ သူ့​ကို​အ​မှန်​ဆုံး​မ​ရ​မည်။

ဝတ်​ပြု 19:17 ပူးပေါင်းရင်းမြစ်များ

ကမ္ဘာ​ဦး 27:41

ဖခင်​က ယာကုပ်​အား ပေး​သော​ကောင်းချီးမင်္ဂလာ​ကြောင့် ဧသော​သည် ယာကုပ်​ကို​အငြိုးထား​၏​။ ဧသော​က “​ငါ့​ဖခင်​သေဆုံး​မည့်​နေ့ရက်​နီး​ပြီ​။ ထိုအခါ ငါ​သည် ငါ့​ညီ​ယာကုပ်​ကို​သတ်​မည်​”​ဟု မိမိ​စိတ်​ထဲ၌​ဆို​လေ​၏​။

၂ ရာ 13:22

အဗရှလုံ​သည် မိမိ​နှမ​တာမာ​အား အာမနုန်​အဓမ္မပြု​လိုက်​သဖြင့် အာမနုန်​ကို​မုန်းတီး​၏​။ သို့သော် သူ့​အား ကောင်း​သည်​၊ ဆိုး​သည် မည်သည့်​စကား​တစ်ခွန်း​ကို​မျှ​မ​ပြော​ဘဲ​နေ​၏​။

နေ​ဟ​မိ 13:17

ထို့ကြောင့် အကျွန်ုပ်​သည် ယုဒ​ခေါင်းဆောင်​တို့​အား “​သင်​တို့​ပြု​သော ဤ​ဆိုးညစ်မှု​ကား မည်သို့​နည်း​။ သင်​တို့​သည် ဥပုသ်နေ့​ကို ညစ်ညူး​စေ​ကြ​ပြီ​။

ဆာ​လံ 141:5

ဖြောင့်မတ်​သော​သူ​သည် အကျွန်ုပ်​ကို​ရိုက်​ပါစေသော​။ ဤသည်ကား မေတ္တာကရုဏာ​ထားရှိ​ခြင်း​ဖြစ်​ပါ​၏​။ အကျွန်ုပ်​ကို​ဆုံးမ​ပါစေသော​။ ဤသည်ကား ဦးခေါင်း​ကို​လိမ်း​သော​ဆီ​ဖြစ်​ပါ​၏​။ ထို့အတွက် အကျွန်ုပ်​၏​ဦးခေါင်း​သည် မ​ငြင်း​ပါ​။ အကြောင်းမူကား အကျွန်ုပ်​သည် မကောင်းမှု​ပြု​သော​သူ​တို့​ကို ဆက်၍​ဆန့်ကျင်​ဆုတောင်း​နေ​ပါ​မည်​။

သုတ္တံကျမ်း။ 9:8

ပြက်ရယ်​ပြု​တတ်​သော​သူ​ကို မ​ဆုံးမ​နှင့်​။ ဆုံးမ​လျှင် သူ​သည် သင့်​ကို​မုန်း​လိမ့်မည်​။ ပညာရှိ​သော​သူ​ကို ဆုံးမ​လော့​။ သို့ပြုလျှင် သူ​သည် သင့်​ကို​ချစ်​လိမ့်မည်​။

လုကာ 17:3

သင်​တို့​သည် မိမိတို့ကိုယ်ကို​သတိထား​ကြ​လော့။ သင်​၏​ညီအစ်ကို​သည် သင့်​ကို​ပြစ်မှား​လျှင် သူ့​ကို​ဆုံးမ​လော့။ သူ​သည်​နောင်တရ​လျှင် သူ့​ကို​ခွင့်လွှတ်​လော့။

ရော​မ 1:32

ဤ​အရာ​များ​ကို​ပြုကျင့်​သော​သူ​တို့​သည် သေဒဏ်​ခံ​ထိုက်​၏​ဟူသော​ဘုရားသခင်​၏​ပြဋ္ဌာန်း​ချက်​ကို သူ​တို့​သိ​လျက်​နှင့်​ပင် သူ​တို့​ကိုယ်တိုင်​ပြု​ကြ​သည်​သာမက ထိုသို့​ပြုကျင့်​သော​သူ​များ​ကို​လည်း သဘောတူ​ထောက်ခံ​ကြ​၏။

၁ ကော 5:2

သင်​တို့​သည် ဝမ်းနည်း​ကြေကွဲ​လျက် ထို​အမှု​ကို​ပြု​သော​သူ​အား သင်​တို့​အထဲ​မှ ဖယ်ရှား​ရ​မည့်​အစား မာန​ထောင်လွှား​လျက်​နေ​ကြ​၏။

ဂ​လာ​တိ 6:1

ညီအစ်ကို​တို့၊ လူ​တစ်​ဦး​သည် ကျူးလွန်​သော​အပြစ်​တစ်စုံတစ်ခု​ထဲ၌ နစ်မွန်း​နေ​လျှင် ဝိညာဉ်​သဘော​ရှိ​သော​သင်​တို့​သည် နူးညံ့​သိမ်မွေ့​သော​စိတ်​ဖြင့် ထို​သူ​ကို ပြုပြင်​ပေး​ကြ​လော့။ သင်​တို့​ကိုယ်တိုင်​လည်း ဖြားယောင်း​သွေးဆောင်​ခြင်း​သို့​မ​ကျရောက်​စေရန် သတိပြု​ကြ​လော့။

ဧ​ဖက် 5:11

အကျိုးမဲ့​သော​မှောင်မိုက်​ခြင်း​၏​အမှု​တို့​၌ မ​ပါဝင်​ကြ​သည်​သာမက ထို​အမှု​တို့​၏​အပြစ်​ကို ဖော်ပြ​ကြ​လော့။

၁ တိ 5:20

ကျန်​သော​သူ​တို့​သည်​လည်း ကြောက်ရွံ့​ခြင်း​ရှိ​ကြ​စေရန် အပြစ်​ပြု​သော​သူ​တို့​ကို အားလုံး​ရှေ့​၌ ဆိုဆုံးမ​လော့။

၁ တိ 5:22

မည်သူ့​အပေါ်၌​မျှ လက်တင်​ခြင်း​အမှု​ကို အလျင်စလို​မ​ပြု​နှင့်။ အခြား​သူ​တို့​၏​အပြစ်​၌​လည်း ပါဝင်​ခြင်း​မ​ရှိ​နှင့်။ သင့်ကိုယ်သင် ဖြူစင်​သန့်ရှင်း​အောင်​စောင့်ထိန်း​လော့။

၂ တိ 4:2

နှုတ်ကပတ်တော်​ကို​ဟောပြော​လော့။ အခွင့်အခါ​ကောင်း​သည်​ဖြစ်စေ၊ မကောင်း​သည်​ဖြစ်စေ မဆုတ်မနစ်​ကြိုးစား​လော့။ စိတ်ရှည်​ခြင်း​အပြည့်အဝ​ဖြင့်​သွန်သင်​လျက် အပြစ်​ဖော်ပြ​ခြင်း၊ သတိပေး​ခြင်း၊ တိုက်တွန်း​နှိုးဆော်​ခြင်း​တို့​ကို​ပြု​လော့။

တိ​တု 1:13

ဤ​သက်သေခံ​ချက်​သည်​မှန်​ပေ​၏။ ထို့ကြောင့် ဂျူး​လူမျိုး​တို့​၏​ဒဏ္ဍာရီ​များ​နှင့် သမ္မာတရား​ကို​စွန့်ပယ်​သော​သူ​တို့​၏​ပညတ်​ချက်​များ​အပေါ် အာရုံ​မ​စိုက်​ဘဲ ယုံကြည်​ခြင်း​အရာ​၌ မှန်ကန်​ပြည့်စုံ​မှု​ရှိ​ကြ​ရန် သူ​တို့​ကို ပြင်းထန်​စွာ​ဆိုဆုံးမ​လော့။

တိ​တု 2:15

သင်​သည် ဤ​အရာ​များ​ကို အမိန့်​အာဏာ​အပြည့်အဝ​ဖြင့်​ဟောပြော​လျက် တိုက်တွန်း​နှိုးဆော်​ကာ အပြစ်​ကို​ဖော်ပြ​လော့။ မည်သူမျှ သင့်​ကို မထီမဲ့မြင်​မ​ပြု​စေ​နှင့်။

၁ ယော 2:11

မိမိ​ညီအစ်ကို​ကို​မုန်း​သော​သူ​မူကား မှောင်မိုက်​၌​ရှိ​၍ မှောင်မိုက်​၌​အသက်ရှင်​လျှောက်လှမ်း​နေ​၏။ မှောင်မိုက်​သည် သူ​၏​မျက်စိ​ကို​ကွယ်​စေ​သဖြင့် သူ​သည် မိမိ​မည်သည့်​အရပ်​သို့​သွား​နေ​သည်​ကို မ​သိ။

၁ ယော 2:9

ငါ​သည် အလင်း​၌​ရှိ​၏​ဟု​ဆို​လျက် မိမိ​ညီအစ်ကို​ကို​မုန်း​သော​သူ​သည် ယခု​တိုင်အောင် မှောင်မိုက်​၌​ရှိ​သေး​၏။