ဝတ်​ပြု 18:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင်​တို့​သည် ငါ​၏​စီရင်ထုံးဖွဲ့ချက်​တို့​ကို လိုက်နာ​ရ​မည်​။ ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ ထို​စီရင်ထုံးဖွဲ့ချက်​၊ ထို​ပြဋ္ဌာန်းချက်​အတိုင်း​လိုက်လျှောက်​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

Common Language Bible

⁴ ငါ​၏​ပ​ညတ်​များ​ကို​စောင့်​ထိန်း​၍ ငါ​မိန့်​မှာ သ​မျှ​ကို​လိုက်​လျှောက်​လော့။ ငါ​သည်​သင်​တို့​၏ ဘု​ရား​သ​ခင်​ထာ​ဝ​ရ​ဘု​ရားဖြစ်​၏။-

Garrad Bible

⁴ ငါ့ ဆုံး ဖြတ် ချက်၊ ထုံး ဖွဲ့ ချက် များ ကို ပြု ကျင့် စောင့် ထိန်း လျက် လျှောက် လိုက် ကြ လော့။ ငါ သည် သင် တို့ ဘု ရား သ ခင် ထာ ဝ ရ ဘုရား ပေ တည်း။

Judson Bible

⁴ ငါ​စီ​ရင်​ချက်​ရှိ​သည်​အ​တိုင်း​ကျင့်၍၊ ငါ့​ပ​ညတ်​တ​ရား​လမ်း​သို့ လိုက်​ခြင်း​ငှာ စောင့်​ရှောက်​ရ​ကြ​မည်။ ငါ​သည် သင်​တို့၏​ဘု​ရား​သ​ခင်​ထာ​ဝ​ရ​ဘု​ရား​ဖြစ်၏။

ဝတ်​ပြု 18:4 ပူးပေါင်းရင်းမြစ်များ

ဆာ​လံ 105:45

ဤသည်ကား သူ​တို့​သည် ကိုယ်တော်​၏​ပြဋ္ဌာန်းချက်​တို့​ကို စောင့်ထိန်း​၍ တရားတော်​တို့​ကို လိုက်နာကျင့်သုံး​ကြ​မည့်​အကြောင်း​တည်း​။ ဟာလေလုယ​။

ဆာ​လံ 119:4

ကိုယ်တော်​သည် တစ်သမတ်တည်း​စောင့်ထိန်း​ရ​မည့် မိမိ​၏​ဥပဒေသ​တို့​ကို ချမှတ်​ထား​တော်မူ​၏​။

ယေ​ဇ​ကျေ​လ 20:19

ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။ ငါ​၏​ပြဋ္ဌာန်းချက်​တို့​ကို လိုက်လျှောက်​ကြ​လော့​။ ငါ​၏​စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​ကြ​လော့​။

ယေ​ဇ​ကျေ​လ 36:27

ငါ့​ဝိညာဉ်​ကို​လည်း သင်​တို့​အထဲ​သို့ သွင်းပေး​၍ ငါ​၏​တရားလမ်း​များ​သို့ လိုက်လျှောက်​စေ​မည်​။ ငါ​၏​စီရင်ထုံးဖွဲ့ချက်​တို့​ကို လိုက်နာ​စောင့်ထိန်း​စေ​မည်​။

ယေ​ဇ​ကျေ​လ 37:24

ငါ့​အစေအပါး​ဒါဝိဒ်​သည် သူ​တို့​ကို​အုပ်စိုး​သည့်​ဘုရင်​ဖြစ်​မည်​။ သူ​တို့​အားလုံး သိုးထိန်း​တစ်ပါးတည်း​သာ​ရှိ​မည်​။ သူ​တို့​သည် ငါ​၏​စီရင်ထုံးဖွဲ့ချက်​တို့​ကို လိုက်နာ​၍ ငါ​၏​ပြဋ္ဌာန်းချက်​တို့​ကို စောင့်ထိန်း​ကြ​လိမ့်မည်​။

ဝတ်​ပြု 18:2

“​အစ္စရေး​အမျိုးသား​တို့​ကို ဆင့်ဆို​လော့​။ ငါ​သည် သင်​တို့​၏​ဘုရားသခင် ထာဝရဘုရား​ဖြစ်​၏​။

ဝတ်​ပြု 18:26

သင်​တို့​မူကား ငါ​၏​ပြဋ္ဌာန်းချက်​များ​၊ ငါ​၏​စီရင်ထုံးဖွဲ့ချက်​များ​ကို စောင့်ထိန်း​ရ​မည်​။ သင်​တို့​၏​အမျိုးသားချင်း​ဖြစ်စေ​၊ သင်​တို့​တွင် တည်းခိုနေထိုင်​သော​တိုင်းတစ်ပါးသား​ဖြစ်စေ ထို​စက်ဆုပ်ရွံရှာဖွယ်​တစ်စုံတစ်ခု​ကို​မျှ မ​ပြုကျင့်​ရ​။

ဝတ်​ပြု 18:5

သင်​တို့​သည် ငါ​၏​ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို စောင့်ထိန်း​ရ​မည်​။ ထို​အရာ​တို့​ကို​ပြုကျင့်​လျှင် ထို​အရာ​တို့​အားဖြင့် အသက်ရှင်​လိမ့်မည်​။ ငါ​သည် ထာဝရဘုရား​ဖြစ်​၏​။

ဝတ်​ပြု 19:19

သင်​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ အမျိုးမတူ​သော​တိရစ္ဆာန်​ကို မိတ်​မ​လိုက်​စေ​ရ​။ သင်​၏​လယ်​ထဲ၌ အမျိုးမတူ​သော​မျိုးစေ့​ကို ရော​မ​ကြဲ​ရ​။ အမျိုးမတူ​သော​ချည်​ဖြင့် ရက်​ထား​သော​အဝတ်​ကို မ​ဝတ်​ရ​။

ဝတ်​ပြု 19:37

ငါ​၏​ပြဋ္ဌာန်းချက်​၊ ငါ​၏​စီရင်ထုံးဖွဲ့ချက်​ရှိသမျှ​တို့​ကို စောင့်ထိန်း​ရ​မည်​။ လိုက်နာ​ရ​မည်​။ ငါ​သည် ထာဝရဘုရား​ဖြစ်​၏​”​ဟု မိန့်​တော်မူ​၏​။

ဝတ်​ပြု 20:22

သင်​တို့​ကို ငါ​ပို့ဆောင်​၍ သင်​တို့​နေထိုင်​သည့်​ပြည်​သည် သင်​တို့​ကို မ​အန်ထုတ်​မည့်​အကြောင်း ငါ​၏​ပြဋ္ဌာန်းချက်​၊ ငါ​၏​စီရင်ထုံးဖွဲ့ချက်​ရှိသမျှ​တို့​ကို လိုက်နာ​စောင့်ထိန်း​ရ​မည်​။

လုကာ 1:6

သူ​တို့​နှစ်ဦးစလုံး​သည် ထာဝရ​ဘုရား​၏​ပညတ်​တော်​နှင့်​ပြဋ္ဌာန်း​ချက်​ရှိသမျှ​တို့​ကို တစ်သဝေမတိမ်း​လိုက်လျှောက်​လျက် ဘုရားသခင်​ရှေ့​တော်​၌ ဖြောင့်မတ်​သော​သူ​များ​ဖြစ်​ကြ​၏။

ရှင်ယောဟန် 15:14

သင်​တို့​အား ငါ​ပညတ်​သည့်​အရာ​တို့​ကို သင်​တို့​ကျင့်သုံး​လျှင် သင်​တို့​သည် ငါ​၏​မိတ်ဆွေ​များ​ဖြစ်​ကြ​၏။

တ​ရား​ဟော 6:1

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ လိုက်နာ​ရ​မည့် ပညတ်တော်​၊ ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​ခဲ့​၏​။