ဝတ်​ပြု 16:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ဆိတ်သငယ်​သည် သူ​တို့​၏​အပြစ်​ရှိသမျှ​ကို လူသူကင်းဝေး​ရာ​အရပ်​သို့ ယူဆောင်​သွား​မည်​။ တာဝန်​ရှိ​သူ​သည် ဆိတ်သငယ်​ကို တောကန္တာရ​ထဲသို့ လွှတ်လိုက်​ရ​မည်​။

Common Language Bible

²² ဤ​နည်း​အား​ဖြင့်​ဆိတ်​သည်​လူ​သူ​ကင်း​မဲ့​သော အ​ရပ်​သို့ လူ​၏​ဒု​စ​ရိုက်​အ​ပြစ်​ရှိ​သ​မျှ​တို့ ကို​သယ်​ဆောင်​သွား​လိမ့်​မည်။

Garrad Bible

²² တော တွင် အ လွတ် ထား ရ သော ဆိတ် သည် သူ တို့ ဒု စ ရိုက် ရှိ သ မျှ ကို ကွာ ခြား ရာ အ ရပ် သို့ ဆောင် သွား ရ မည်။

Judson Bible

²² သူ​တို့​အ​ပြစ်​ရှိ​သ​မျှ​ကို၊ လူ​မ​နေ​သော အ​ရပ်​သို့​ဆောင်​သွား​သော​ထို​ဆိတ်​ကို တော၌​လွှတ်​လိုက်​ရ​မည်။

ဝတ်​ပြု 16:22 ပူးပေါင်းရင်းမြစ်များ

ဆာ​လံ 103:10

ငါ​တို့​၏​အပြစ်​နှင့်အညီ ငါ​တို့​အား ပြု​တော်​မ​မူ​။ ငါ​တို့​၏​ဒုစရိုက်​နှင့်အညီ ငါ​တို့​အား တုံ့ပြန်​တော်​မ​မူ​။

ဆာ​လံ 103:12

အရှေ့​အရပ်​သည် အနောက်​အရပ်​နှင့်​ဝေးကွာ​သည့်​အတိုင်း ကိုယ်တော်​သည် ငါ​တို့​ကျူးလွန်​သော​အပြစ်​များ​ကို ငါ​တို့​နှင့်​ဝေးကွာ​စေ​တော်မူ​၏​။

ယေ​ဇ​ကျေ​လ 18:22

သူ​ကျူးလွန်​ခဲ့​သော​အပြစ်​များ​ကို မှတ်ထား​မည်​မ​ဟုတ်​။ ဖြောင့်မတ်​စွာ​ပြုကျင့်​သောကြောင့် သူ​သည် အသက်ချမ်းသာ​ရာ​ရ​မည်​။

ယေ​ဇ​ကျေ​လ 4:4

ထို့နောက် သင်​သည် လက်ဝဲ​ဘက်​သို့​စောင်းအိပ်​ပြီး အစ္စရေး​အမျိုးအနွယ်​၏​အပြစ်​ကို ခံယူ​လော့​။ သင်​စောင်းအိပ်​သည့်​နေ့ရက်​ပေါင်း​သည် သူ​တို့​၏​အပြစ်​ကို သင်​ခံယူ​သော​နေ့ရက်​ဖြစ်​၏​။

ဝတ်​ပြု 14:7

အနာကြီးရောဂါ​မှ​စင်ကြယ်​စေ​ခြင်း​ခံ​သော​သူ​အား ခုနစ်​ကြိမ်​ဖျန်း​ရ​မည်​။ ထို့နောက်မှ သူ့​အား စင်ကြယ်​သော​သူ​ဖြစ်​သည်​ဟု ကြေညာ​ရ​မည်​။ ငှက်​အရှင်​ကို​ကား ကွင်းပြင်​သို့ လွှတ်လိုက်​ရ​မည်​။

ဝတ်​ပြု 16:21

အာရုန်​သည် မိမိ​လက်​နှစ်​ဖက်​ကို အသက်ရှင်​သော​ဆိတ်သငယ်​၏​ခေါင်း​ပေါ်၌ တင်​၍ အစ္စရေး​အမျိုးသား​တို့​၏​ဒုစရိုက်​ရှိသမျှ​၊ သူ​တို့​ကျူးလွန်​သော​အပြစ်​ရှိသမျှ​တို့​ကို ဖော်ပြဝန်ခံ​ရ​မည်​။ ထို​အပြစ်​တို့​ကို ဆိတ်သငယ်​၏​ခေါင်း​ပေါ်၌​တင်ထား​ပြီး ထို​ဆိတ်သငယ်​ကို တာဝန်​ရှိ​သူ​မှတစ်ဆင့် တောကန္တာရ​ထဲသို့ လွှတ်လိုက်​ရ​မည်​။

ဝတ်​ပြု 16:23

ထို့နောက် အာရုန်​သည် တွေ့ဆုံစည်းဝေးရာ​တဲ​တော်​ထဲသို့ ဝင်​ပြီးလျှင် သန့်ရှင်းရာဌာန​တော်​ထဲသို့​ဝင်​စဉ်က ဝတ်​ခဲ့​သည့်​ပိတ်ချော​အဝတ်တန်ဆာ​ကို​ချွတ်​၍ ထို​နေရာ​၌ ထားခဲ့​ရ​မည်​။

မိက္ခာ 7:19

ကိုယ်တော်​သည် အကျွန်ုပ်​တို့​ကို သနားစုံမက်​တော်မူ​၍ အကျွန်ုပ်​တို့​၏​ဒုစရိုက်​များ​ကို နင်းချေ​တော်မူ​မည်​။ အပြစ်​ရှိသမျှ​ကို​လည်း ပင်လယ်​ရေနက်​ရာ​ထဲသို့ ပစ်ချ​တော်မူ​မည်​။

ရှင်ယောဟန် 1:29

နောက်တစ်နေ့​၌ ယောဟန်​သည် မိမိ​ထံသို့ ယေရှု​ကြွလာ​တော်မူ​သည်​ကို​မြင်​လျှင် “ကြည့်​လော့။ ဤ​လောက​၏​အပြစ်​ကို​ယူဆောင်​သွား​သော ဘုရားသခင်​၏​သိုးသငယ်​တော်​ပေ​တည်း။

ဂ​လာ​တိ 3:13

ခရစ်တော်​သည် ငါ​တို့​အတွက် ကျိန်​ခြင်း​ခံရ​သူ​ဖြစ်​ပြီး ငါ​တို့​ကို ပညတ်​တရား​၏​ကျိန်​ခြင်း​မှ ရွေးနုတ်​တော်မူ​၏။ အဘယ်ကြောင့်​ဆိုသော် “သစ်​တိုင်​ပေါ်၌​ဆွဲ​ထား​ခြင်း​ခံရ​သူ​တိုင်း ကျိန်​ခြင်း​ကို​ခံရ​သူ​ဖြစ်​၏”​ဟု ရေး​ထား​၏။

ဟေ​ဗြဲ 9:28

ခရစ်တော်​သည်​လည်း များစွာ​သော​လူ​တို့​၏​အပြစ်​များ​ကို​ဆောင်ယူ​သွား​ရန် မိမိ​ကိုယ်​ကို​တစ်ကြိမ်တည်း​ပူဇော်​ပြီးမှ ဒုတိယ​အကြိမ်​၌​ကား အပြစ်​အတွက်​မ​ဟုတ်​ဘဲ မိမိ​ကို​စောင့်မျှော်​နေ​သော​သူ​တို့​အား ကယ်တင်​ရန်​အတွက် ပေါ်ထွန်း​တော်မူ​လိမ့်မည်။

၁ ပေ 2:24

ငါ​တို့​သည် အပြစ်​အရာ​၌ သေဆုံး​၍ ဖြောင့်မတ်​ခြင်း​အရာ​၌ အသက်ရှင်​မည့်​အကြောင်း ကိုယ်တော်​သည် သစ်​တိုင်​ပေါ်တွင် ငါ​တို့​အပြစ်​များ​ကို မိမိ​၏​ကိုယ်ခန္ဓာ​၌ ကိုယ်တော်​တိုင်​ဆောင်ယူ​တော်မူ​၏။ သင်​တို့​သည် ကိုယ်တော်​၏​ဒဏ်ချက်​တော်​အားဖြင့် အနာရောဂါ​ပျောက်ကင်း​ခြင်း​အခွင့်​ကို​ရရှိ​ကြ​၏။