ဝတ်​ပြု 15:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ၎င်း​တို့​ကို ထိမိ​သော​သူ​တိုင်း မစင်မကြယ်​ဖြစ်​၏​။ မိမိ​အဝတ်​ကို​လျှော်​၍ ရေချိုး​ရ​မည်​။ ထို​သူ​သည် နေဝင်ချိန်​အထိ မစင်မကြယ်​ဖြစ်​၏​။

Common Language Bible

²⁷ ထို​အ​ရာ​တို့​ကို​ထိ​ကိုင်​မိ​သော​သူ​သည်​မ​သန့် စင်​သ​ဖြင့် မိ​မိ​အ​ဝတ်​များ​ကို​ဖွပ်​လျှော်​၍ ရေ​ချိုး​ရ​မည်။ သူ​သည်​ည​ဦး​တိုင်​အောင် မ​သန့်​စင်​ဘဲ​ရှိ​လိမ့်​မည်။-

Garrad Bible

²⁷ ထိ မိ သော သူ တိုင်း မ သန့် ရာ ရောက် သည် နှင့် အ ဝတ် လျှော် ခြင်း၊ ရေ ချိုး ခြင်း ပြု၍ ညဉ့် ဦး တိုင် မ သန့် လျက် နေ စေ။

Judson Bible

²⁷ ထို​အ​ရာ​တို့​ကို ထိ​သော​သူ​သည်​လည်း မ​စင်​ကြယ်​သော​ကြောင့်၊ မိ​မိ​အ​ဝတ်​ကို​လျှော်၍ ကိုယ်​ကို​ရေ​ချိုး​ရ​မည်။ ညဉ့်​ဦး​တိုင်​အောင် မ​စင်​ကြယ်​ဖြစ်၏။

ဝတ်​ပြု 15:27 ပူးပေါင်းရင်းမြစ်များ

ယေ​ဇ​ကျေ​လ 36:25

သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

ယေ​ဇ​ကျေ​လ 36:29

သင်​တို့​ကို မသန့်ရှင်း​သော​အပြုအမူ​များ​မှ ကယ်တင်​မည်​။ ကောက်ပဲသီးနှံ​များ​ကို​လည်း ပေါများ​စေ​မည်​။ သင်​တို့​ကို ငတ်မွတ်​ခြင်း​ဘေး​နှင့် ကြုံ​စေ​မည်​မ​ဟုတ်​။

ဝတ်​ပြု 11:24

ထို​အကောင်​များ​အားဖြင့် သင်​တို့​သည် မစင်မကြယ်​ဖြစ်​မည်​။ ၎င်း​တို့​၏​အသေကောင်​ကို​ထိမိ​သော​သူ​တိုင်း​သည် နေဝင်ချိန်​အထိ မစင်ကြယ်​။

ဝတ်​ပြု 15:13

အရိအရွဲထွက်​သူ​သည် ရိနာ​မှ စင်ကြယ်​သောအခါ သူ​သည် မိမိ​၏​သန့်စင်​ခြင်း​အတွက် မိမိဘာသာမိမိ​နေ့ရက်​ခုနစ်​ရက်​ရေတွက်​ရ​မည်​။ ခုနစ်​ရက်​စေ့လျှင် မိမိ​အဝတ်​ကို​လျှော်​၍ စမ်းရေ​ဖြင့် ရေချိုး​ရ​မည်​။ ထို့နောက်မှ သူ​သည် စင်ကြယ်​လိမ့်မည်​။

ဝတ်​ပြု 15:21

သူ​၏​အိပ်ရာ​ကို​ထိ​သော​သူ​တိုင်း မိမိ​အဝတ်​ကို​လျှော်​၍ ရေချိုး​ရ​မည်​။ ထို​သူ​သည် နေဝင်ချိန်​အထိ မစင်မကြယ်​ဖြစ်​၏​။

ဝတ်​ပြု 15:26

သွေးဆင်း​ချိန်​တစ်လျှောက်လုံး​၌ သူ​အိပ်​သည့်​အိပ်ရာ​တိုင်း​သည် ဓမ္မတာလာ​ချိန်​မှ​အိပ်ရာ​ကဲ့သို့​မစင်မကြယ်​ဖြစ်​၏​။ သူ​ထိုင်​ခဲ့​သော​ဝတ္ထုပစ္စည်း​တိုင်း​သည် ဓမ္မတာလာ​ချိန်​၌​မစင်ကြယ်​သကဲ့သို့ မစင်မကြယ်​ဖြစ်​၏​။

ဝတ်​ပြု 15:28

ထို​မိန်းမ​သည် သွေးဆင်းခြင်း​မှ စင်ကြယ်​သွား​သောအခါ မိမိဘာသာမိမိ​နေ့ရက်​ခုနစ်​ရက်​ရေတွက်​ရ​မည်​။ ထို့နောက်မှ သူ​သည် စင်ကြယ်​လိမ့်မည်​။

ဇာ​ခ​ရိ 13:1

ထို​နေ့ရက်​တွင် ဒါဝိဒ်​အမျိုးအနွယ်​မှစ၍ ဂျေရုဆလင်​မြို့သူမြို့သား​တို့ အပြစ်​နှင့်​မစင်ကြယ်မှု​များ​ကို ဆေးကြော​ရန် စမ်းရေတွင်း​တစ်​ခု ပေါ်လာ​လိမ့်မည်”​ဟု မိန့်​တော်မူ​၏​။

တော​လည် 19:22

မစင်ကြယ်​သော​သူ ထိမိ​သော​အရာ​မှန်သမျှ​သည် မစင်မကြယ်​ဖြစ်​၏​။ ထို​အရာ​တို့​ကို ထိမိ​သော​သူ​သည်​လည်း နေဝင်ချိန်​အထိ မစင်မကြယ်​ဖြစ်​၏​”​ဟု မိန့်​တော်မူ​၏​။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

ဟေ​ဗြဲ 9:14

ထာဝရ​ဝိညာဉ်​တော်​အားဖြင့် အပြစ်​အနာအဆာ​ကင်း​သော မိမိ​ကိုယ်ကို ဘုရားသခင်​ထံ​ပူဇော်​ခဲ့​သည့် ခရစ်တော်​၏​သွေး​တော်​သည် အသက်ရှင်​သော​ဘုရားသခင်​ကို ငါ​တို့​ဝတ်ပြု​မည့်​အကြောင်း သေ​ခြင်း​နှင့်ဆိုင်သော​အကျင့်​များ​မှ ငါ​တို့​၏​အသိစိတ်​ကို မည်မျှ​ပို၍​စင်ကြယ်​စေ​လိမ့်မည်​နည်း။

၁ ယော 1:7

သို့သော် ဘုရားသခင်​သည် အလင်း​၌​ရှိ​တော်မူ​သကဲ့သို့ ငါ​တို့​သည်​လည်း အလင်း​၌​အသက်ရှင်​လျှောက်လှမ်း​ကြ​လျှင် ငါ​တို့​အချင်းချင်း​၌ မိတ်သဟာယ​ဖွဲ့​ခြင်း​ရှိ​၍ ဘုရားသခင်​၏​သား​တော်​ယေရှု​၏​သွေး​တော်​သည် ငါ​တို့​ကို အပြစ်​ရှိသမျှ​တို့​မှ စင်ကြယ်​စေ​တော်မူ​၏။