ဝတ်​ပြု 14:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ အနာကြီးရောဂါ​မှ​စင်ကြယ်​စေ​ခြင်း​ခံ​သော​သူ​အား ခုနစ်​ကြိမ်​ဖျန်း​ရ​မည်​။ ထို့နောက်မှ သူ့​အား စင်ကြယ်​သော​သူ​ဖြစ်​သည်​ဟု ကြေညာ​ရ​မည်​။ ငှက်​အရှင်​ကို​ကား ကွင်းပြင်​သို့ လွှတ်လိုက်​ရ​မည်​။

Common Language Bible

⁷ ထို့​နောက်​သူ​သည်​ကိုယ်​ရေ​ပြား​ရော​ဂါ ပျောက်​ကင်း​သူ​အား သွေး​ဖြင့်​ခု​နစ်​ကြိမ်​ပက် ဖျန်း​ပြီး​လျှင်​သန့်​စင်​သူ​ဖြစ်​ကြောင်း​ကြေ ညာ​ရ​မည်။ ငှက်​အ​ရှင်​ကို​ကွင်း​ပြင်​သို့​ပျံ စေ​ရ​မည်။-

Garrad Bible

⁷ နူ နာ သန့် စေ လို သူ့ အ ပေါ် သို့ ခု နစ် ကြိမ် ဖျန်း လျက် သန့် ပြီ ဟု ဖော် ပြ ပြီး မှ ငှက် ရှင် ကို တော တွင် လွှတ် ရ မည်။

Judson Bible

⁷ နူ​နာ​စင်​ကြယ်​စေ​ရ​သော​လူ​အ​ပေါ်​မှာ ခု​နစ်​ကြိမ်​တိုင်​အောင်​ဖျန်း၍၊ ထို​သူ​သည် စင်​ကြယ်​သည်​ဟု စီ​ရင်​ရ​မည်။ ထို​နောက် အ​သက်​ရှင်​သော​ငှက်​ကို ဟင်း​လင်း​သော အ​ရပ်၌​လွှတ်​လိုက်​ရ​မည်။

ဝတ်​ပြု 14:7 ပူးပေါင်းရင်းမြစ်များ

၄ ရာ 5:10

ဧလိရှဲ​က သူ့​ထံ​လူ​လွှတ်​၍ “​ဂျော်ဒန်​မြစ်​သို့​သွား​ပြီး ခုနစ်​ကြိမ်​ရေချိုး​ပါ​။ သို့ပြုလျှင် သင့်​အသားအရေ​သည် ပြန်ကောင်း​လာ​ပြီး စင်ကြယ်​သွား​လိမ့်မည်​”​ဟု မှာလိုက်​၏​။

၄ ရာ 5:14

ထို့ကြောင့် နေမန်​သည် ဘုရားသခင်​၏​လူ​ပြော​သော​စကား​အတိုင်း ဂျော်ဒန်​မြစ်​သို့​ဆင်းသွား​ပြီး ခုနစ်​ကြိမ်​ရေနှစ်​လိုက်​သောအခါ သူ့​အသားအရေ​သည် သူငယ်​အသားအရေ​ကဲ့သို့​ဖြစ်​ပြီး စင်ကြယ်​သွား​လေ​၏​။

ဆာ​လံ 51:2

အကျွန်ုပ်​၏​ဒုစရိုက်​ကို အကုန်အစင်​ဆေးကြော​၍ အကျွန်ုပ်​၏​အပြစ်​မှ အကျွန်ုပ်​ကို​စင်ကြယ်​စေ​တော်မူ​ပါ​။

ဆာ​လံ 51:7

အကျွန်ုပ်​ကို ဟုဿုပ်ခက်​ဖြင့် သန့်စင်​စေ​တော်မူ​ပါ​။ ထိုအခါ အကျွန်ုပ်​သည် စင်ကြယ်​ပါ​လိမ့်မည်​။ အကျွန်ုပ်​ကို​ဆေးကြော​တော်မူ​ပါ​။ ထိုအခါ အကျွန်ုပ်​သည် နှင်းပွင့်​ထက် ပို၍​ဖြူ​ပါ​လိမ့်မည်​။

ဟေ​ရှာ​ယ 52:15

သူ​သည် လူမျိုး​များစွာ​တို့​ကို သန့်ရှင်း​စေ​မည်​။ ရှင်ဘုရင်​တို့​သည် သူ့​ကြောင့် နှုတ်​ပိတ်​လျက်​နေ​မည်​။ အကြောင်းမူကား သူ​တို့​အား မ​ပြောပြ​ဖူး​သော​အရာ​ကို သူ​တို့​သိမြင်​ကြ​လိမ့်မည်​။ သူ​တို့​မ​ကြား​ဖူး​သော​အရာ​ကို​လည်း သူ​တို့​နားလည်​ကြ​လိမ့်မည်​။

ယေ​ဇ​ကျေ​လ 36:25

သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

ဒံ​ယေ​လ 9:24

အပြစ်​ကျူးလွန်​ခြင်း​ကို ရပ်တန့်​ဖို့​၊ အပြစ်​ကို အဆုံးသတ်​ဖို့​၊ ဒုစရိုက်အပြစ်​ကို ဖြေလွှတ်​ဖို့​၊ ထာဝရ​ဖြောင့်မတ်​ခြင်း​ကို ယူဆောင်​လာ​ဖို့​၊ ဗျာဒိတ်နိမိတ်​နှင့် ပရောဖက်ပြု​ဟောပြော​ခြင်း​တို့​ကို​တံဆိပ်ခတ်​ဖို့​၊ အသန့်ရှင်းဆုံးဌာန​ကို ဘိသိက်သွန်း​ဖို့ သင့်​လူမျိုး​တော်​နှင့် သန့်ရှင်း​သော​မြို့​တော်​အတွက် ရက်သတ္တပတ်​ခုနစ်ဆယ်​ကို စီရင်​သတ်မှတ်​တော်မူ​ပြီ​။

ဝတ်​ပြု 13:13

ယဇ်ပုရောဟိတ်​သည် ကြည့်ရှု​စစ်ဆေး​၍ ထို​သူ​၏​ကိုယ်ခန္ဓာ​တစ်ခုလုံး​ကို အနာကြီးရောဂါ​ဖုံးလွှမ်း​နေ​ကြောင်း တွေ့ရှိ​လျှင် အနာ​ဖြစ်​နေ​သော​သူ​အား စင်ကြယ်​သော​သူ​ဖြစ်​သည်​ဟု ကြေညာ​ရ​မည်​။ သူ့​တစ်ကိုယ်လုံး​ဖြူ​သွား​ပြီ​ဖြစ်၍ သူ​သည် စင်ကြယ်​၏​။

ဝတ်​ပြု 13:17

ယဇ်ပုရောဟိတ်​သည်​လည်း သူ့​ကို ကြည့်ရှု​စစ်ဆေး​၍ အနာ​သည် ဖြူ​သွား​လျှင် ယဇ်ပုရောဟိတ်​သည် အနာ​ဖြစ်​နေ​သော​သူ​အား စင်ကြယ်​သော​သူ​ဖြစ်​သည်​ဟု ကြေညာ​ရ​မည်​။ ထို​သူ​သည် စင်ကြယ်​၏​။

ဝတ်​ပြု 14:51

ထို့နောက် သစ်ကတိုးသား​၊ ဟုဿုပ်ညွန့်​၊ အနီရောင်​ချည်​၊ ငှက်​အရှင်​တို့​ကို​ယူ​၍ သတ်​ခဲ့​သော​ငှက်​၏​သွေး​နှင့် စမ်းရေ​ရှိ​ရာ​အိုး​ထဲသို့ ၎င်း​တို့​ကို နှစ်​၍ ထို​အိမ်​ကို ခုနစ်​ကြိမ်​ဖျန်း​ရ​မည်​။

ဝတ်​ပြု 16:14

သူ​သည် နွားထီး​၏​သွေး​အချို့​ကို​ယူ​၍ ၎င်း​ကို မိမိ​လက်ချောင်း​ဖြင့် ကရုဏာ​တော်​ပလ္လင်​၏​မျက်နှာစာ​ပေါ်၌ ဖျန်း​ရ​မည်​။ သွေး​အချို့​ကို မိမိ​၏​လက်ချောင်း​ဖြင့် ကရုဏာ​တော်​ပလ္လင်​ရှေ့​၌ ခုနစ်​ကြိမ်​ဖျန်း​ရ​မည်​။

ဝတ်​ပြု 16:19

သွေး​အချို့​ကို မိမိ​၏​လက်ချောင်း​ဖြင့် ယဇ်ပလ္လင်​ပေါ်၌ ခုနစ်​ကြိမ်​ဖျန်း​ပြီး စင်ကြယ်​စေ​ရ​မည်​။ ဤသို့ဖြင့် ယဇ်ပလ္လင်​ကို အစ္စရေး​အမျိုးသား​တို့​၏​မစင်ကြယ်​ခြင်း​မှ စင်ကြယ်​အောင် ပြု​ရ​မည်​။

ဝတ်​ပြု 16:22

ဆိတ်သငယ်​သည် သူ​တို့​၏​အပြစ်​ရှိသမျှ​ကို လူသူကင်းဝေး​ရာ​အရပ်​သို့ ယူဆောင်​သွား​မည်​။ တာဝန်​ရှိ​သူ​သည် ဆိတ်သငယ်​ကို တောကန္တာရ​ထဲသို့ လွှတ်လိုက်​ရ​မည်​။

ဝတ်​ပြု 4:17

ယဇ်ပုရောဟိတ်​သည် မိမိ​လက်ချောင်း​ကို သွေး​ထဲသို့​နှစ်​၍ ထာဝရဘုရား​ရှေ့​တော်​၊ ကန့်လန့်ကာ​ရှေ့​၌ ခုနစ်​ကြိမ်​ဖျန်း​ရ​မည်​။

ဝတ်​ပြု 4:6

ယဇ်ပုရောဟိတ်​သည် မိမိ​၏​လက်ချောင်း​ကို သွေး​ထဲသို့​နှစ်​ရ​မည်​။ သွေး​အချို့​ကို ထာဝရဘုရား​ရှေ့​တော်​၊ သန့်ရှင်းရာဌာန​၏​ကန့်လန့်ကာ​ရှေ့​၌ ခုနစ်​ကြိမ်​ဖျန်း​ရ​မည်​။

ဝတ်​ပြု 8:11

ဘိသိက်​ဆီ​အချို့​ကို ယဇ်ပလ္လင်​ပေါ်၌ ခုနစ်​ကြိမ်​ဖျန်း​ပြီးလျှင် ယဇ်ပလ္လင်​နှင့်​ယဇ်ပလ္လင်​၏​တန်ဆာပလာ​ရှိသမျှ​၊ အင်တုံ​နှင့်​အင်တုံ​၏​ခြေတိုင်​တို့​ကို သန့်ရှင်း​စေရန် ဘိသိက်သွန်း​၏​။

မိက္ခာ 7:19

ကိုယ်တော်​သည် အကျွန်ုပ်​တို့​ကို သနားစုံမက်​တော်မူ​၍ အကျွန်ုပ်​တို့​၏​ဒုစရိုက်​များ​ကို နင်းချေ​တော်မူ​မည်​။ အပြစ်​ရှိသမျှ​ကို​လည်း ပင်လယ်​ရေနက်​ရာ​ထဲသို့ ပစ်ချ​တော်မူ​မည်​။

တော​လည် 19:12

သူ​သည် သုံး​ရက်​မြောက်​နေ့​၌ စင်ကြယ်​စေ​ခြင်း​ရေ​ဖြင့် မိမိကိုယ်မိမိ သန့်စင်​စေ​ပြီး ခုနစ်​ရက်​မြောက်​နေ့​၌ သူ​သည် စင်ကြယ်​လိမ့်မည်​။ သုံး​ရက်​မြောက်​နေ့​၌ မိမိကိုယ်မိမိ မ​သန့်စင်​စေ​လျှင် ခုနစ်​ရက်​မြောက်​နေ့​၌ သူ​သည် စင်ကြယ်​မည်​မ​ဟုတ်​။

ရှင်ယောဟန် 19:34

စစ်သား​တစ်​ဦး​က နံဘေး​တော်​ကို လှံ​နှင့်​ထိုး​လေ​၏။ ထိုအခါ သွေး​နှင့်​ရေ​သည် ချက်ချင်း​ထွက်လာ​၏။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

ဟေ​ဗြဲ 12:24

ပဋိညာဉ်​သစ်​၏​ကြားဝင်​စေ့စပ်​သူ ယေရှု​ထံသို့​လည်းကောင်း၊ အာဗေလ​၏​သွေး​ထက် သာ၍​မြတ်​သော​အရာ​ကို​မြွက်ဆို​သည့် ပက်ဖျန်း​သော​သွေး​တော်​ထံသို့​လည်းကောင်း ချဉ်းကပ်​ကြ​၏။

ဟေ​ဗြဲ 9:13

အကြောင်းမူကား ညစ်ညူး​ခြင်း​ရှိ​သော​သူ​တို့​အပေါ်​ပက်ဖျန်း​သော ဆိတ်​သွေး၊ နွားလား​၏​သွေး​နှင့် နွားမတမ်း​၏​ပြာ​တို့​သည် ကိုယ်ကာယ​ကို​စင်ကြယ်​စေ​၍ သူ​တို့​ကို​သန့်ရှင်း​စေ​သည်​ဆိုလျှင်

ဟေ​ဗြဲ 9:19

အကြောင်းမူကား မောရှေ​သည် ပညတ်​တရား​ကျမ်း​၌​ပါ​သမျှ​သော​ပညတ်​ချက်​တို့​ကို လူ​အပေါင်း​တို့​အား​ကြေညာ​ပြီးလျှင် ရေ​နှင့်​ရောနှော​သော နွားသငယ်​နှင့်​ဆိတ်​တို့​၏​သွေး​ကို​ယူ​၍ ထို​ကျမ်း​မှစ၍ လူ​အပေါင်း​တို့​ကို နီမြန်း​သော​သိုးမွေး​နှင့်​ဟုဿုပ်​ညွန့်​ဖြင့် ပက်ဖျန်း​လျက်

ဟေ​ဗြဲ 9:21

ထို့နောက် တဲ​တော်​နှင့်တကွ ဝတ်ပြု​ရာ​တွင်​အသုံးပြု​သော​ပစ္စည်း​ရှိသမျှ​တို့​ကို​လည်း ထိုနည်းတူ​သွေး​နှင့် ပက်ဖျန်း​လေ​၏။

ဟေ​ဗြဲ 9:26

ထိုသို့​ပူဇော်​ရ​လျှင် ကမ္ဘာ​တည်​ချိန်​မှစ၍ ဒုက္ခ​ဝေဒနာ​ကို အကြိမ်ကြိမ်​ခံစား​ရ​ပေ​လိမ့်မည်။ ယခု​မူကား မိမိ​ကိုယ်​ကို​ပူဇော်​ခြင်း​အားဖြင့် အပြစ်​တရား​ကို​ပယ်ဖျက်​ရန် ကပ်​ကာလ​အဆုံး​၌ တစ်ကြိမ်တည်း​ပေါ်ထွန်း​တော်မူ​၏။

၁ ပေ 1:2

ယေရှု​ခရစ်တော်​ကို​နာခံ​ရန်​နှင့် ကိုယ်တော်​၏​သွေး​တော်​ပက်ဖျန်း​ခြင်း​ခံရ​ရန်​အတွက် ဝိညာဉ်​တော်​အားဖြင့်​သန့်ရှင်း​စေ​ခြင်း​ခံရ​၍ ခမည်းတော်​ဘုရားသခင်​၏​ကြိုတင်​သိမြင်​သော​ဉာဏ်​တော်​အတိုင်း ရွေးကောက်​ခံရ​သော​သူ​တို့​ထံသို့ စာ​ရေး​လိုက်​ပါ​၏။ ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​တိုးပွား​ပါစေသော။

၁ ယော 5:6

ယေရှု​ခရစ်တော်​သည် ရေ​နှင့်​သွေး​အားဖြင့် ကြွလာ​တော်မူ​သော​အရှင်​ဖြစ်​၏။ ရေ​အားဖြင့်​သာ​မ​ဟုတ်​ဘဲ ရေ​နှင့်​သွေး​အားဖြင့်​ကြွလာ​တော်မူ​၏။ ဝိညာဉ်​တော်​သည် သက်သေခံ​သော​အရှင်​ဖြစ်​၏။ အကြောင်းမှာ ဝိညာဉ်​တော်​သည် သမ္မာတရား​ဖြစ်​တော်မူ​၏။