ဝတ်​ပြု 14:34 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁴ “​သင်​တို့​အား ပိုင်ဆိုင်​ရာ​အဖြစ် ငါ​ပေး​သော​ခါနာန်​ပြည်​ထဲသို့ သင်​တို့​ဝင်ရောက်​၍ သင်​တို့​ပိုင်ဆိုင်​ရာ​ပြည်​ရှိ​အိမ်​၌ မှိုစွဲနာ​ကို ငါ​ဖြစ်ပွား​စေ​သောအခါ

Garrad Bible

³⁴ အ ပိုင် အ ဖြစ် ငါ ပေး သော ခါ နာန် ပြည် သို့ သင် တို့ ဝင် ရောက် ကြ ပြီး လျှင် ပိုင် ရာ ပြည် ရှိ တိုက် တစ် တိုက် တွင် နူ နာ အ မှတ် လ က္ခ ဏာ ကို ငါ သင့် စေ သော်၊

Judson Bible

³⁴ သင်​တို့​ပိုင်​ထိုက်​ရာ၊ ငါ​ပေး​သော​ခါ​နာန်​ပြည်​သို့ သင်​တို့​ရောက်​သော​အ​ခါ၊ သင်​တို့​နေ​ရာ​ထို​ပြည်​တွင် အိမ်​တစ်​စုံ​တစ်​ခု၌ နူ​နာ​ကို​ငါ​စွဲ​စေ​လျှင်​လည်း​ကောင်း၊

ဝတ်​ပြု 14:34 ပူးပေါင်းရင်းမြစ်များ

ကမ္ဘာ​ဦး 12:7

ထာဝရဘုရား​သည် အာဗြံ​အား ကိုယ်ထင်ရှားပြ​၍ “​ဤ​ပြည်​ကို သင်​၏​အမျိုးအနွယ်​အား ငါ​ပေး​မည်​”​ဟု မိန့်​တော်မူ​၏​။ အာဗြံ​သည်​လည်း မိမိ​အား ကိုယ်ထင်ရှားပြ​တော်မူ​သော​ထာဝရဘုရား​အဖို့ ထို​အရပ်​၌ ယဇ်ပလ္လင်​ကို တည်​လေ​၏​။

ကမ္ဘာ​ဦး 13:17

ထ​လော့​၊ ဤ​မြေ​ကို အလျား​တစ်လျှောက်​၊ အနံ​တစ်လျှောက် လျှောက်သွား​လော့​။ ထို​မြေ​ကို သင့်​အား ငါ​ပေး​မည်​”​ဟု မိန့်​တော်မူ​၏​။

ကမ္ဘာ​ဦး 17:8

သင်​တည်းခိုနေထိုင်​သော​ပြည်​ဖြစ်​သည့် ခါနာန်​ပြည်​တစ်ပြည်လုံး​ကို သင်​နှင့်​နောင်လာမည့် သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​။ ငါ​သည် သူ​တို့​၏​ဘုရား​ဖြစ်​မည်​”​ဟု မိန့်​တော်မူ​၏​။

ထွက်​မြောက် 15:26

ထာဝရဘုရား​က “​သင်​၏​ဘုရားသခင် ထာဝရဘုရား​၏​စကား​ကို သေချာ​စွာ​နားထောင်​၍ မျက်မှောက်​တော်​၌ ဖြောင့်မှန်​စွာ​ပြုမူ​လျှင်​လည်းကောင်း​၊ ပညတ်တော်​တို့​ကို​စူးစိုက်​နားထောင်​၍ ပြဋ္ဌာန်း​တော်မူ​ချက်​ရှိသမျှ​တို့​ကို စောင့်ထိန်း​လျှင်​လည်းကောင်း ငါ​သည် အီဂျစ်​လူမျိုး​တို့​အပေါ်​သို့​ကျရောက်​စေ​ခဲ့​သော​အနာရောဂါ​တစ်စုံတစ်ခု​မျှ သင့်​အပေါ်​သို့ ကျရောက်​စေ​မည်​မ​ဟုတ်​။ အကြောင်းမှာ ငါ​ထာဝရဘုရား​သည် သင်​၏​အနာရောဂါ​ကို ပျောက်ကင်း​စေ​သော​အရှင်​ဖြစ်​၏​”​ဟု မိန့်​တော်မူ​၏​။

သုတ္တံကျမ်း။ 3:33

ထာဝရဘုရား​၏​ကျိန်​ခြင်း​သည် ဆိုးယုတ်​သော​သူ​၏​အိမ်​ပေါ်သို့​သက်ရောက်​၏​။ သို့သော် ကိုယ်တော်​သည် ဖြောင့်မတ်​သော​သူ​တို့​၏​အိမ်​ကို ကောင်းချီးပေး​တော်မူ​၏​။

ဟေ​ရှာ​ယ 45:7

ငါ​သည် အလင်း​ကို​ပုံဖော်ဖန်ဆင်း​၏​၊ အမှောင်​ကို​လည်း​ဖန်ဆင်း​၏​။ ငြိမ်းချမ်းမှု​ကို​ဖြစ်စေ​၏​၊ ဘေးအန္တရာယ်​ကို​လည်း ဖြစ်ပေါ်​စေ​၏​။ ဤ​အရာ​အားလုံး​တို့​ကို ငါ​ထာဝရဘုရား စီရင်​၏​။

ဝတ်​ပြု 14:33

တစ်ဖန် ထာဝရဘုရား​က မောရှေ​နှင့်​အာရုန်​အား

ဝတ်​ပြု 14:55

အဝတ်​နှင့်​အိမ်​တို့​၌​ဖြစ်​တတ်​သော မှိုစွဲနာ​နှင့်​ပတ်သက်၍

ဝတ်​ပြု 20:24

ငါ​သည် သင်​တို့​အား “​သင်​တို့​သည် သူ​တို့​၏​မြေ​ကို​ပိုင်ဆိုင်​ရ​လိမ့်မည်​။ နို့​နှင့်​ပျားရည်​စီး​သော​ပြည်​တည်းဟူသော သူ​တို့​၏​ပြည်​ကို သင်​တို့​အား ငါ​အပိုင်​ပေး​မည်​”​ဟု မိန့်ဆို​ခဲ့​ပြီ​။ ငါ​သည် သင်​တို့​ကို အခြား​လူမျိုး​များ​နှင့် သီးခြားခွဲထား​သော သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 23:10

“​အစ္စရေး​အမျိုးသား​တို့​ကို ဆင့်ဆို​လော့​။ သင်​တို့​အား ငါ​ပေး​သော​ပြည်​သို့ သင်​တို့​ဝင်ရောက်​၍ သီးနှံ​ရိတ်သိမ်း​သောအခါ သင်​တို့​ရိတ်သိမ်း​သော အသီးဦး​သီးနှံ​တစ်စည်း​ကို ယဇ်ပုရောဟိတ်​ထံသို့ ယူဆောင်​လာ​ရ​မည်​။

ဝတ်​ပြု 25:2

“​သင်​သည် အစ္စရေး​အမျိုးသား​တို့​အား ‘သင်​တို့​အား ငါ​ပေး​သော​ပြည်​သို့ သင်​တို့​ဝင်ရောက်​သောအခါ ထို​ပြည်​သည် ထာဝရဘုရား​အဖို့ ဥပုသ်​စောင့်​ရ​မည်​။

အာ​မုတ် 3:6

မြို့​ထဲတွင် တံပိုးမှုတ်သံ​ကြား​သောအခါ လူ​တို့ မ​ထိတ်လန့်​ဘဲ နေ​မည်လော​။ ထာဝရဘုရား​ပြု​တော်​မ​မူ​ဘဲ မြို့​ထဲတွင် ဘေးအန္တရာယ်​ကျရောက်​နိုင်​မည်လော​။

အာ​မုတ် 6:11

ကြည့်ရှု​လော့​။ ထာဝရဘုရား​အမိန့်​တော်​ရှိ​၏​။ အိမ်ကြီးအိမ်ကောင်း​များ အပိုင်းပိုင်း​ပြတ်​လိမ့်မည်​။ အိမ်​ငယ်​များ​လည်း တစ်စစီ​ဖြစ်​လိမ့်မည်​။

မိက္ခာ 6:9

ထာဝရဘုရား​သည် မြို့​ကို အော်ဟစ်​မိန့်မြွက်​တော်မူ​၏​။ ဉာဏ်ပညာ​ရှိ​သော​သူ​သည် နာမ​တော်​ကို သိမြင်​လေ​ပြီ​။ တောင်ဝှေး​ကို​လည်းကောင်း​၊ တောင်ဝှေး​အား ခန့်အပ်​ထား​သော​အရှင်​ကို​လည်းကောင်း နာခံ​လော့​။

ဇာ​ခ​ရိ 5:4

ကောင်းကင်​ဗိုလ်ခြေ​အရှင်​ထာဝရဘုရား​က “​ဤ​စာလိပ်​ကို ငါ​စေလွှတ်​သဖြင့် သူခိုး​၏​အိမ်​ထဲ၌​လည်းကောင်း​၊ ငါ့​နာမ​ဖြင့် မဟုတ်မမှန်​ကျိန်ဆို​သူ​၏​အိမ်​ထဲ၌​လည်းကောင်း ဝင်​နေ​၍ သစ်သား​၊ ကျောက်တုံး​တို့​ပါ​မ​ကျန် ထို​အိမ်​ကို ဖျက်ဆီး​ပစ်​လိမ့်မည်”​ဟု ငါ့​အား ပြောပြ​၏​။

တော​လည် 32:22

ထို​ပြည်​သည် ထာဝရဘုရား​ရှေ့​တော်​၌ ရှုံးနိမ့်​သည်​အထိ စစ်တိုက်​ကြ​မည်​ဆို​လျှင် သင်​တို့​သည်​လည်း ထာဝရဘုရား​ရှေ့​၊ အစ္စရေး​လူမျိုး​တို့​ရှေ့​၌ အပြစ်တင်​ခြင်း​ကင်း​လျက် ဤ​အရပ်​သို့ ပြန်လာ​ခွင့်​ရှိ​မည်​။ ထာဝရဘုရား​ရှေ့​တော်​၌ ဤ​အရပ်​သည် သင်​တို့​ပိုင်ဆိုင်​ရာ​ဖြစ်​မည်​။

တော​လည် 32:32

အကျွန်ုပ်​တို့​သည် လက်နက်ကိုင်စွဲ​လျက် ထာဝရဘုရား​ရှေ့​တော်​၌ ခါနာန်​ပြည်​သို့ ကူးသွား​ပါ​မည်​။ အကျွန်ုပ်​တို့​အတွက် ပိုင်ဆိုင်​ရာ​အမွေမြေ​သည် ဂျော်ဒန်​မြစ်​တစ်ဖက်​၌ ဖြစ်​စေ​ပါ​”​ဟု ပြန်လျှောက်​ကြ​၏​။

တော​လည် 35:10

“​အစ္စရေး​အမျိုးသား​တို့​အား ဆင့်ဆို​လော့​။ သင်​တို့​သည် ဂျော်ဒန်​မြစ်​ကို ကူး​၍ ခါနာန်​ပြည်​သို့​ရောက်​သောအခါ

တ​ရား​ဟော 12:1

သင်​တို့​သည် မြေကြီး​ပေါ်၌ အသက်ရှင်​သမျှ​ကာလ​ပတ်လုံး သင်​တို့​ဘိုးဘေး​တို့​၏​ဘုရားသခင်​ထာဝရဘုရား​အပိုင်​ပေး​တော်မူ​သည့်​ပြည်​၌ သင်​တို့​လိုက်နာ​စောင့်ထိန်း​ရ​မည့် ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကား ဤသို့​ဖြစ်​၏​။

တ​ရား​ဟော 19:1

သင်​၏​ဘုရားသခင်​ထာဝရဘုရား သင့်​အား အပိုင်​ပေး​သော​ပြည်​ရှိ လူမျိုး​တို့​ကို သင်​၏​ဘုရားသခင်​ထာဝရဘုရား​သည် သင့်​ရှေ့​မှ​ဖယ်ရှား​တော်မူ​မည်​။ သင်​သည် ထို​လူမျိုး​တို့​ကို​နှင်ထုတ်​၍ သူ​တို့​၏​မြို့​များ​၊ သူ​တို့​၏​အိမ်​များ​၌ နေထိုင်​ကြ​သောအခါ

တ​ရား​ဟော 26:1

သင်​၏​ဘုရားသခင်​ထာဝရဘုရား သင့်​အား အမွေ​အဖြစ် ပေး​တော်မူ​သော​ပြည်​ကို သင်​သိမ်းပိုက်​၍ ထို​ပြည်​၌ နေထိုင်​သောအခါ

တ​ရား​ဟော 27:3

သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ကတိထား​တော်မူ​သည့်​အတိုင်း ဂျော်ဒန်​မြစ်​ကို​ကူး​၍ သင်​တို့​၏​ဘုရားသခင်​ထာဝရဘုရား​ပေး​တော်မူ​သော နို့​နှင့်​ပျားရည်​စီး​သော​ပြည်​သို့​ဝင်ရောက်​သောအခါ ဤ​တရား​စကား​ရှိသမျှ​တို့​ကို ထို​ကျောက်တုံး​များ​ပေါ်၌ ရေးသား​ထား​ရ​မည်​။

တ​ရား​ဟော 32:49

“​ဂျေရိခေါ​မြို့​တစ်ဖက်​၊ မောဘ​ပြည်​အာဗရိမ်​တောင်တန်း​ရှိ နေဗော​တောင်​သို့ တက်သွား​၍ အစ္စရေး​အမျိုးသား​တို့​အား ငါ​အပိုင်​ပေး​သော ခါနာန်​ပြည်​ကို ကြည့်ရှု​လော့​။

တ​ရား​ဟော 7:15

ထာဝရဘုရား​သည် အနာရောဂါ​ရှိသမျှ​တို့​ကို သင့်​ထံမှ ဖယ်ရှား​ပေး​တော်မူ​မည်​။ သင်​သိ​ခဲ့​သည့် အီဂျစ်​ပြည်​၏​ဆိုးရွား​သော​ရောဂါဝေဒနာ​ရှိသမျှ​တို့​ကို သင့်​အပေါ်​သို့ ကျရောက်​စေ​တော်​မ​မူ​ဘဲ သင့်​ကို​မုန်း​သော​သူ​အပေါင်း​တို့​အပေါ်​သို့ ကျရောက်​စေ​တော်မူ​မည်​။

ယော​ရှု 13:1

ယောရှု အသက်ကြီး​၍ အိုမင်း​လာ​သောအခါ ထာဝရဘုရား​က သူ့​အား “​သင် အသက်ကြီး​၍ အိုမင်း​လာ​ပြီ​။ သို့သော် သိမ်းပိုက်​ရ​မည့်​ပြည် အများအပြား​ကျန်သေး​၏​။

၁ ရာ 2:6

ထာဝရဘုရား​သည် အသက်​ကို​သေ​စေ​နိုင်​၏​။ အသက်​ကို ရှင်​စေ​နိုင်​၏​။ မရဏာနိုင်ငံ​သို့ ကျ​စေ​နိုင်​၏​။ မရဏာနိုင်ငံ​မှ​လည်း ထုတ်ဆောင်​ပေး​နိုင်​၏​။