ဝတ်​ပြု 10:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ မောရှေ​မှတစ်ဆင့် ထာဝရဘုရား​မိန့်ဆို​တော်မူ​ခဲ့​သည့်​ပြဋ္ဌာန်းချက်​ရှိသမျှ​တို့​ကို အစ္စရေး​အမျိုးသား​တို့​အား သွန်သင်​နိုင်​မည်​”​ဟု မိန့်​တော်မူ​၏​။

Common Language Bible

¹¹ မော​ရှေ​အား​ဖြင့်​ငါ​ပေး​သော​ပညတ်​ရှိ​သ​မျှ တို့​ကို သင်​တို့​သည်​ဣ​သ​ရေ​လ​အ​မျိုး​သား တို့​အား​သွန်​သင်​ရ​မည်'' ဟု​မိန့်​တော်​မူ​၏။

ဝတ်​ပြု 10:11 ပူးပေါင်းရင်းမြစ်များ

၂ ရာ​ချုပ် 15:3

အစ္စရေး​လူမျိုး​တို့​တွင် ကာလ​ကြာမြင့်​စွာ​စစ်မှန်​သော​ဘုရား​မ​ရှိ​၊ သွန်သင်​ပေး​မည့်​ယဇ်ပုရောဟိတ်​မ​ရှိ​၊ ပညတ်တရား​လည်း​မ​ရှိ​။

၂ ရာ​ချုပ် 17:9

သူ​တို့​သည် ထာဝရဘုရား​၏​ပညတ်တရား​ကျမ်း​ကို ယူဆောင်​သွား​ပြီး ယုဒ​ပြည်​တစ်လျှောက် သွန်သင်​ပေး​၏​။ ယုဒ​မြို့ရွာ​အားလုံး​သို့ လှည့်လည်​ပြီး လူ​တို့​အား သွန်သင်​ပေး​၏​။

၂ ရာ​ချုပ် 30:22

ဟေဇကိ​မင်းကြီး​သည်​လည်း ထာဝရဘုရား​၏​အမှု​တော်​ကို ကောင်းမွန်​ကျွမ်းကျင်​စွာ​ထမ်းဆောင်​သော လေဝိ​အမျိုးသား​အပေါင်း​တို့​အား အားပေးစကား​ပြောဆို​၏​။ ဤသို့ဖြင့် သူ​တို့​သည် ပွဲတော်​အစားအစာ​ကို ခုနစ်​ရက်​ပတ်လုံး စားသောက်​လျက်​၊ မိတ်သဟာယယဇ်​ကို​ပူဇော်​လျက် ဘိုးဘေး​တို့​၏​ဘုရားသခင်​ထာဝရဘုရား​ကို ချီးမွမ်း​ကြ​၏​။

နေ​ဟ​မိ 8:2

ခုနစ်​လ​ပိုင်း ပထမ​နေ့​တွင် ယဇ်ပုရောဟိတ်​ဧဇရ​သည် နားထောင်​၍​နားလည်​သဘောပေါက်​နိုင်​သော ယောက်ျား​မိန်းမ​အပါအဝင် လူ​အပေါင်း​တို့​ရှိ​ရာ​သို့ ပညတ်တရားကျမ်း​ကို​ယူလာ​၍

နေ​ဟ​မိ 8:8

ထိုသို့ ဘုရားသခင်​၏​ပညတ်တရား​ကျမ်း​ကို သေသေချာချာ​ဖတ်ပြ​၍ အဓိပ္ပာယ်​ကို​ရှင်းပြ​သဖြင့် သူ​တို့​ဖတ်ပြ​သည်​ကို လူ​အပေါင်း​တို့ နားလည်​ကြ​၏​။

ယေ​ရ​မိ 18:18

လူ​တို့​က “​လာ​ကြ​၊ ယေရမိ​ကို လုပ်ကြံ​ကြ​စို့​။ အကြောင်းမူကား ယဇ်ပုရောဟိတ်​ထံမှ​လာ​သော တရားတော်​၊ ပညာရှိ​ထံမှ​လာ​သော အကြံဉာဏ်​၊ ပရောဖက်​ထံမှ​လာ​သော နှုတ်ကပတ်တော်​သည် ငါ​တို့​၌ ပျောက်ပျက်​မည်​မ​ဟုတ်​။ လာ​ကြ​၊ သူ့​ကို အပြစ်ရှာ​ကြ​စို့​။ သူ့​စကား​ကို နား​မ​ထောင်​ဘဲ​နေ​ကြ​စို့​”​ဟု ဆို​ကြ​၏​။

ယေ​ရ​မိ 2:8

ယဇ်ပုရောဟိတ်​တို့​က​လည်း ‘ထာဝရဘုရား​သည် အဘယ်မှာ​နည်း’​ဟု မ​မေး​ကြ​။ ပညတ်တရား​ကို စွဲကိုင်​သော​သူ​တို့​သည် ငါ့​ကို​မ​သိ​ကြ​။ အုပ်ချုပ်​သူ​တို့​သည် ငါ့​ကို​ပုန်ကန်​ကြ​၏​။ ပရောဖက်​တို့​သည် ဗာလ​ဘုရား​ကို​အမှီပြု​၍ ပရောဖက်ပြု​ကြ​၏​။ အကျိုး​မ​ပေး​သော​အရာ​တို့​နောက်သို့​လိုက်​ကြ​၏​။

မာ​လ​ခိ 2:7

အကယ်စင်စစ် ယဇ်ပုရောဟိတ်​၏​နှုတ်ခမ်း​သည် အသိပညာ​ကို ထိန်းသိမ်း​ထား​ရ​မည်​။ သူ​သည် ကောင်းကင်​ဗိုလ်ခြေ​အရှင်​ထာဝရဘုရား​၏​စေတမန်​ဖြစ်​သောကြောင့် သူ​၏​နှုတ်​မှ သွန်သင်ချက်​ကို လူ​တို့ ရှာဖွေ​ဆည်းပူး​ရ​မည်​။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

တမန်တော်ဝတ္ထု 20:27

အကြောင်းမူကား ငါ​သည် တွန့်ဆုတ်​ခြင်း​မ​ရှိ​ဘဲ ဘုရားသခင်​၏​အကြံအစည်​တော်​ကို သင်​တို့​အား အကုန်အစင်​ဖော်ပြ​ခဲ့​ပြီ။

တ​ရား​ဟော 17:10

ထာဝရဘုရား​ရွေးချယ်​တော်မူ​သော​နေရာ​မှ ထို​သူ​တို့​ပေး​သည့်​အဆုံးအဖြတ်​အတိုင်း သင်​စီရင်​ရ​မည်​။ သူ​တို့​ညွှန်ကြား​သမျှ​အတိုင်း​စီရင်​ရန် သတိပြု​ရ​မည်​။

တ​ရား​ဟော 17:11

သူ​တို့​ညွှန်ကြား​သည့်​တရား​အတိုင်း​၊ သူ​တို့​ပေး​သည့်​စီရင်ထုံးဖွဲ့ချက်​အတိုင်း သင်​စီရင်​ရ​မည်​။ သူ​တို့​ပြောကြား​သည့်​စကား​မှ လက်ယာ​ဘက်​၊ လက်ဝဲ​ဘက်​သို့ မ​လွဲ​ရ​။

တ​ရား​ဟော 24:8

အနာကြီးရောဂါ​လက္ခဏာ​နှင့်​ပတ်သက်၍ သတိပြု​လော့​။ လေဝိ​အမျိုး​ယဇ်ပုရောဟိတ်​တို့​က သင်​တို့​အား​ညွှန်ကြား​သော​အရာ​ရှိသမျှ​ကို အထူး​လိုက်နာ​စောင့်ထိန်း​ရ​မည်​။ လေဝိ​အမျိုး​ယဇ်ပုရောဟိတ်​တို့​အား ငါ​မိန့်မှာ​ထား​သည့်​အတိုင်း သင်​တို့ လိုက်နာ​စောင့်ထိန်း​ရ​မည်​။

တ​ရား​ဟော 33:10

သူ​တို့​သည် ကိုယ်တော်​၏​စီရင်ထုံးဖွဲ့ချက်​များ​ကို ယာကုပ်​အမျိုး​အား​လည်းကောင်း​၊ ကိုယ်တော်​၏​တရားတော်​ကို အစ္စရေး​လူမျိုး​အား​လည်းကောင်း သွန်သင်ပြသ​ပေး​လိမ့်မည်​။ သူ​တို့​သည် နံ့သာပေါင်း​ကို ရှေ့​တော်​၌​လည်းကောင်း​၊ တစ်ကောင်လုံး​ရှို့​ရ​သော​ယဇ်​ကို ယဇ်ပလ္လင်​တော်​ပေါ်၌​လည်းကောင်း ပူဇော်​ကြ​လိမ့်မည်​။

၁ သက် 4:2

အကြောင်းမူကား ငါ​တို့​သည် သခင်​ယေရှု​အားဖြင့် သင်​တို့​အား မည်သည့်​ညွှန်ကြားချက်​များ​ပေး​ခဲ့​သည်​ကို သင်​တို့​သိ​ကြ​၏။