ဝတ်​ပြု 1:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “​သင်​သည် အစ္စရေး​အမျိုးသား​တို့​အား ‘​သင်​တို့​တွင် တစ်စုံတစ်ယောက်​သည် ထာဝရဘုရား​ထံ ပူဇော်သက္ကာ​ကို တိရစ္ဆာန်​ထဲမှ​ပူဇော်​လို​လျှင် နွား​ကို​ဖြစ်စေ​၊ သိုးဆိတ်​ကို​ဖြစ်စေ ပူဇော်သက္ကာ​အဖြစ် ပူဇော်​ရ​မည်​။

Garrad Bible

² မော ရှေ အား မိန့် တော် မူ သည် မှာ လူ တစ် ဦး သည် ငါ ထာ ဝ ရ ဘု ရား ထံ အ လှူ ဒါ န တင် သွင်း ရာ နွား အုပ် မှ သော် လည်း ကောင်း၊ သိုး ဆိတ် မှ သော် လည်း ကောင်း၊ တစ် ကောင် ကောင် ကို ဆက် ကပ် စေ ဟူ၍ ဣ သ ရေ လ အ မျိုး သား တို့ အား ဆင့် ဆို လော့။

Judson Bible

² သင်​သည် ဣ​သ​ရေ​လ​အ​မျိုး​သား​တို့​ကို ဆင့်​ဆို​ရ​မည်​မှာ၊ သင်​တို့​တွင် တစ်​စုံ​တစ်​ယောက်​သော​သူ​သည် ထာ​ဝ​ရ​ဘု​ရား​အား ပူ​ဇော်​သ​ကာ​ကို​ပြု​လို​လျှင်၊ ယဉ်​သော​တိ​ရ​စ္ဆာန်​တည်း​ဟူ​သော နွား၊ သိုး၊ ဆိတ်​ကို​ဆောင်​ခဲ့၍ ဆက်​ရ​မည်။

ဝတ်​ပြု 1:2 ပူးပေါင်းရင်းမြစ်များ

ကမ္ဘာ​ဦး 4:3

အချိန်စေ့​သောအခါ​၊ ကာဣန​သည် မြေ​မှ​ရ​သော​အသီးအနှံ​ကို ပူဇော်သက္ကာ​အဖြစ် ထာဝရဘုရား​ထံ​ယူဆောင်​လာ​၏​။

ကမ္ဘာ​ဦး 4:5

ကာဣန​နှင့် သူ​၏​ပူဇော်သက္ကာ​ကို​မူကား ပမာဏပြု​တော်​မ​မူ​။ ထို့ကြောင့် ကာဣန​သည် အလွန်​စိတ်ဆိုး​လျက် မျက်နှာသုန်မှုန်​နေ​လေ​၏​။

၁ ရာ​ချုပ် 16:29

ထာဝရဘုရား​၏​နာမ​တော်​ဘုန်းကြီး​တော်မူ​ကြောင်း​ကို သိမှတ်ဝန်ခံ​ကြ​လော့​။ ပူဇော်သက္ကာ​ကို ရှေ့​တော်​သို့ ယူဆောင်​လာ​ကြ​လော့​။ သန့်ရှင်း​ခြင်း​တန်ဆာ​ကို​ဆင်​၍ ထာဝရဘုရား​ကို ရှိခိုးကိုးကွယ်​ကြ​လော့​။

ဧ​ဇ​ရ 3:5

ပုံမှန်​မီးရှို့ရာယဇ်​ကို​လည်း ပူဇော်​ကြ​၏​။ ထို့ပြင် လဆန်း​နေ့​များ​၊ ထာဝရဘုရား​သတ်မှတ်​ထား​သော​ပွဲတော်​နေ့​များ​ဆိုင်ရာ ပူဇော်သက္ကာ​များ​နှင့် ထာဝရဘုရား​အား စေတနာ​အလျောက် အသီးသီး​ပေးလှူ​သော​ပူဇော်သက္ကာ​များ​ကို​လည်း ပူဇော်​ကြ​၏​။

ထွက်​မြောက် 20:24

သင်​တို့​သည် ငါ့​အတွက် မြေ​ယဇ်ပလ္လင်​ကို​တည်​၍ မီးရှို့ရာယဇ်​များ​၊ မိတ်သဟာယယဇ်​များ​အဖြစ် သင်​တို့​၏​သိုး​များ​၊ နွား​များ​ကို ယဇ်ပူဇော်​ရ​မည်​။ ထိုသို့ ငါ​၏​နာမ​တော်​ကို​အောက်မေ့​ရာ​အရပ်ရပ်​ရှိ သင်​တို့​ထံသို့ ငါ​ကြွလာ​၍ သင်​တို့​ကို​ကောင်းချီးပေး​မည်​။

တော​လည် 15:3

ကတိသစ္စာဝတ်​ဖြေ​ရန်​အတွက်​ဖြစ်စေ​၊ စေတနာ​အလျောက်​ပူဇော်​သော​ပူဇော်သက္ကာ​အတွက်​ဖြစ်စေ​၊ သတ်မှတ်​သော​ပွဲတော်​များ​အတွက်​ဖြစ်စေ မီးရှို့ရာယဇ်​၊ သို့မဟုတ် ပူဇော်သက္ကာ​ကို ထာဝရဘုရား​ထံ ပူဇော်​လို​လျှင် နွား​၊ သို့မဟုတ် သိုး​ကို မွှေးကြိုင်​သော​ရနံ့​အဖြစ် ထာဝရဘုရား​ထံ မီး​ဖြင့်​ပူဇော်​နိုင်​၏​။

တော​လည် 5:15

ယောက်ျား​သည် မိမိ​မယား​ကို ယဇ်ပုရောဟိတ်​ထံသို့​ခေါ်ဆောင်​လာ​ရ​မည်​။ မိမိ​မယား​အတွက် မုယော​မုန့်ညက်​တစ်​ဧဖာ​၏​ဆယ်ပုံတစ်ပုံ​ကို ပူဇော်သက္ကာ​အဖြစ် ယူလာ​ရ​မည်​။ ထို​မုန့်ညက်​သည် သံသယစိတ်​ဝင်​ခြင်း​နှင့်ဆိုင်သည့်​ဘောဇဉ်ပူဇော်သက္ကာ​၊ ဒုစရိုက်​ကို​အောက်မေ့​သတိရ​စေ​သည့်​ဘောဇဉ်ပူဇော်သက္ကာ​ဖြစ်​သည်​နှင့်အညီ ထို​မုန့်ညက်​အပေါ် ဆီ​မ​လောင်း​ရ​။ လော်ဗန်​မ​တင်​ရ​။

တော​လည် 7:15

မီးရှို့ရာယဇ်​အတွက် နွားအုပ်​ထဲမှ နွားထီး​ပျို​တစ်​ကောင်​၊ သိုးထီး​တစ်​ကောင်​၊ တစ်နှစ်သားအရွယ် သိုးသငယ်​တစ်​ကောင်​၊

ရှင်မာကု 7:11

သို့သော် သင်​တို့​သည် ‘လူ​တစ်ဦး​က ဖခင်​၊ သို့မဟုတ် မိခင်​အား “အကျွန်ုပ်​ထံမှ သင်​တို့​ခံစား​ထိုက်​သည့်​အရာ​သည် လှူဖွယ်ဝတ္ထု​တည်းဟူသော ကော်ဘန်​ဖြစ်​ပါ​ပြီ”​ဟူ၍ ပြော​လျှင် ရ​၏’​ဟု ဆို​လျက်

ရော​မ 12:1

သို့ဖြစ်၍ ညီအစ်ကို​တို့၊ ဘုရားသခင်​၏​ကရုဏာ​တော်​အားဖြင့် သင်​တို့​အား ငါ​တိုက်တွန်း​နှိုးဆော်​လို​သည်​မှာ သင်​တို့​၏​ကိုယ်ခန္ဓာ​ကို ဘုရားသခင်​နှစ်သက်​တော်မူ​သည့် သန့်ရှင်း​၍​အသက်ရှင်​သော​ယဇ်​အဖြစ် ပူဇော်​ကြ​လော့။ ဤသည်ကား သင်​တို့​ပြု​အပ်​သော ဝိညာဉ်ရေး​ဆိုင်ရာ​ဝတ်ပြု​ခြင်း​ဖြစ်​၏။

ရော​မ 12:6

ငါ​တို့​၌​ပေးအပ်​တော်မူ​သော ကျေးဇူး​တော်​အတိုင်း အထူးထူး​အပြားပြား​သော​ဆု​ကျေးဇူး​များ​ကို ရရှိ​ကြ​၏။ သို့ဖြစ်၍ ထို​ဆု​ကျေးဇူး​သည် ပရောဖက်ပြု​ဟောပြော​ခြင်း​ဖြစ်လျှင် ယုံကြည်​ခြင်း​၏​ပမာဏ​အတိုင်း ပရောဖက်ပြု​ဟောပြော​စေ။

ဧ​ဖက် 5:2

ခရစ်တော်​သည် ငါ​တို့​ကို​ချစ်​တော်မူ​၍ ငါ​တို့​အတွက် မိမိကိုယ်ကို ပူဇော်သက္ကာ​နှင့်​ယဇ်​တည်းဟူသော မွှေးကြိုင်​သည့်​ရနံ့​အဖြစ် ဘုရားသခင်​ထံ ဆက်ကပ်​အပ်နှံ​တော်မူ​သည့်​နည်းတူ ချစ်​ခြင်း​မေတ္တာ​၌ အသက်ရှင်​လျှောက်လှမ်း​ကြ​လော့။