လုကာ 1:69 - မြန်​​​မာ့​​​စံ​​​မီ​​​သမ္မာ​​​ကျမ်း​​

^69-70 မိမိ​၏​ရှေး​သန့်ရှင်း​သော​ပရောဖက်​များ​၏​နှုတ်​အားဖြင့် မိန့်​တော်မူ​ခဲ့​သည့်​အတိုင်း ငါ​တို့​အတွက် ကယ်တင်​ခြင်း​ဦးချို​ကို ကိုယ်တော်​၏​အစေခံ​ဒါဝိဒ်​အမျိုးအနွယ်​တွင် ပေါ်ထွန်း​စေ​တော်မူ​ပြီ။

Common Language Bible

⁶⁹ ကိုယ်​တော်​၏​အ​စေ​ခံ​ဒါ​ဝိဒ်​အ​မျိုး​အ​နွယ်​တွင် တန်​ခိုး​ကြီး​မား​သော၊ကယ်​တင်​ရှင်​ကို ပေါ်​ထွန်း​စေ​တော်​မူ​ပြီ။

Garrad Bible

^69-75 ကြောက် မက် ဖွယ် ဘေး နှင့် ရန် သူ တို့ လက် မှ ငါ တို့ လွတ် မြောက်၍ အ သက် ထက် ဆုံး မျက် မှောက် တော် တွင် သန့် ရှင်း ဖြောင့် မတ် စွာ ဝတ် ပြု ခွင့် ရ ရှိ စေ အံ့ သော ငှါ ကိုယ် တော် သည် ရန် သူ တို့ နှင့် မုန်း ထား သူ အ ပေါင်း တို့ လက် မှ ငါ တို့ ကို ကယ် လွှတ် တော် မူ လျက် ဘိုး ဘေး တို့၌ က ရု ဏာ ပြ တော် မူ လျက် အ ဘ အာ ဗြ ဟံ အား သစ္စာ ထား သည့် သန့် ရှင်း သော ပ ဋိ ညာဉ် တော် ကို သ တိ ရ တော် မူ လျက် သန့် ရှင်း သူ ရှေး ပ ရော ဖက် တို့ နှုတ် ဖြင့် က တိ ပေး တော် မူ သည့် အ တိုင်း အ စေ တော် ခံ ဒါ ဝိဒ် မင်း အ နွယ် တွင် ငါ တို့ အ ဖို့ ကယ် တင် ခြင်း ဦး ချို ကို ပေါက် ထွက် စေ တော် မူ ပြီ။

ခေတ်သစ်​မြန်မာ သမ္မာကျမ်း

^69-71 ကိုယ်တော်​သည် အကျွန်ုပ်တို့​ကို ရန်သူတို့​၏​လက်မှ​လည်းကောင်း၊ အကျွန်ုပ်တို့​ကို မုန်းသော​သူ​အပေါင်းတို့​၏​လက်မှ​လည်းကောင်း ကယ်တင်တော်မူမည်​ဟု ရှေးအခါ​က သူ​၏​သန့်ရှင်းသော​ပရောဖက်များ​အားဖြင့် မိန့်တော်မူခဲ့သည့်​အတိုင်း သူ​၏​အစေခံ ဒါဝိဒ်မင်း​အမျိုးအနွယ်​ထဲမှ တန်ခိုးကြီးသော​ကယ်တင်ရှင်​ကို ပေါ်ထွန်းစေတော်မူပြီ။

လုကာ 1:69 ပူးပေါင်းရင်းမြစ်များ

၂ ရာ 22:3

ငါ​၏​ဘုရား​၊ ငါ​ခိုလှုံ​ရာ​ကျောက်ဆောင်​၊ ငါ​၏​ဒိုင်းလွှား​၊ ငါ​၏​ကယ်တင်​ခြင်း​ဦးချို​၊ ငါ​၏​ခံတပ်​၊ ငါ​၏​မှီခို​ရာ​၊ ရက်စက်ကြမ်းကြုတ်မှု​တို့​မှ ငါ့​ကို​ကယ်တင်​တော်မူ​သော​အရှင် ဖြစ်​တော်မူ​၏​။

၂ ရာ 7:26

‘​ကောင်းကင်​ဗိုလ်ခြေ​အရှင်​ထာဝရဘုရား​သည် အစ္စရေး​လူမျိုး​ကို အုပ်စိုး​သော​ဘုရားသခင်​ဖြစ်​တော်မူ​၏​’​ဟု ဆို​လျက် ကိုယ်တော်​၏​နာမ​တော်​ကို အစဉ်​ချီးမြှောက်​ကြ​ပါစေသော​။ ကိုယ်တော့်​အစေအပါး ဒါဝိဒ်​၏​မင်းမျိုးမင်းနွယ်​သည်​လည်း ရှေ့​တော်​၌ တည်မြဲ​ပါစေသော​။

၃ ရာ 11:13

သို့သော် ငါ့​အစေအပါး​ဒါဝိဒ်​မင်းကြီး​နှင့် ငါ​ရွေးချယ်​သော​ဂျေရုဆလင်​မြို့​ကို​ထောက်​ထား​၍ နိုင်ငံ​တစ်ခုလုံး​ကို​မ​ရုပ်သိမ်း​ဘဲ မျိုးနွယ်​တစ်​နွယ်​ကို သင့်​သား​အား ငါ​ပေး​ထား​မည်”​ဟု မိန့်​တော်မူ​၏​။

ဆာ​လံ 18:2

ထာဝရဘုရား​သည် ငါ​၏​ကျောက်​၊ ငါ​၏​ရဲတိုက်​၊ ငါ့​ကို​ကယ်တင်​တော်မူ​သော​အရှင်​၊ ငါ​၏​ဘုရား​၊ ငါ​ခိုလှုံ​ရာ​ကျောက်ဆောင်​၊ ငါ​၏​ဒိုင်းလွှား​၊ ငါ​၏​ကယ်တင်​ခြင်း​ဦးချို​နှင့် ငါ​ခိုကိုး​ရာ​ဖြစ်​တော်မူ​၏​။

ဆာ​လံ 89:17

အကြောင်းမူကား ကိုယ်တော်​သည် သူ​တို့​အစွမ်းသတ္တိ​၏​ဂုဏ်ကျက်သရေ​ဖြစ်​တော်မူ​၏​။ အကျွန်ုပ်​တို့​၏​ဦးချို​သည် ကိုယ်တော်​၏​ကျေးဇူး​တော်​အားဖြင့် ချီးမြှောက်​ခြင်း​ခံရ​ပါ​၏​။

ဆာ​လံ 89:3

“​ငါ​ရွေးချယ်​သော​သူ​နှင့် ငါ​ပဋိညာဉ်​ဖွဲ့​ပြီ​။ ငါ​၏​အစေအပါး​ဒါဝိဒ်​အား ငါ​ကျိန်ဆို​ထား​ပြီ​။

ယေ​ရ​မိ 30:9

သူ​တို့​၏​ဘုရားသခင် ငါ​ထာဝရဘုရား​နှင့် သူ​တို့​အတွက် ငါ​ပေါ်ထွန်း​စေ​မည့် သူ​တို့​၏​ဘုရင် ဒါဝိဒ်​မင်းကြီး​ကို​အစေခံ​ကြ​လိမ့်မည်​”​ဟု မိန့်​တော်မူ​၏​။

ယေ​ဇ​ကျေ​လ 29:21

ဘုရားရှင်​ထာဝရဘုရား​က ‘ထို​နေ့ရက်​တွင် အစ္စရေး​အမျိုးအနွယ်​၏​ဦးချို​ကို ငါ​ပေါက်​စေ​မည်​။ သူ​တို့​အလယ်​တွင် သင့်​ကို ငါ​ဟောပြော​ခွင့်​ပေး​မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

အာ​မုတ် 9:11

ထို​နေ့ရက်​၌ ပြိုလဲ​ခဲ့​သည့်​ဒါဝိဒ်​၏​တဲ​ကို ပြန်လည်​ထူထောင်​မည်​။ ပေါက်ပြဲ​ရာ​များ​ကို ပြန်လည်​ဖာထေး​မည်​။ ပျက်စီး​ရာ​များ​ကို ပြန်လည်​ပြုပြင်​မည်​။ ရှေး​ကာလ​ကဲ့သို့ ပြန်လည်​တည်ဆောက်​မည်​။

မဿဲ 1:1

အာဗြဟံ​၏​သား၊ ဒါဝိဒ်​၏​သား​ဖြစ်​တော်မူ​သော ယေရှု​ခရစ်တော်​၏​ဆွေ​တော်​စဉ်​မျိုး​တော်​ဆက်​စာရင်း​ဟူမူကား

ရှင်မာကု 11:10

ပေါ်ထွန်း​တော့​မည့် ငါ​တို့​အဖ​ဒါဝိဒ်​၏​နိုင်ငံ​တော်​သည် မင်္ဂလာရှိ​စေ​သတည်း။ အမြင့်ဆုံး​သော​အရပ်​၌ ဟောရှဏ္ဏ​ဖြစ်​စေ​သတည်း”​ဟု ကြွေးကြော်​ကြ​၏။

ဗျာ​ဒိတ် 22:16

ငါ​ယေရှု​သည် အသင်းတော်​များ​အတွက် ဤ​အကြောင်းအရာ​များ​ကို သင်​တို့​အား​သက်သေခံ​ရန် ငါ​၏​ကောင်းကင်​တမန်​ကို​စေလွှတ်​လိုက်​၏။ ငါ​သည် ဒါဝိဒ်​၏​အမြစ်​နှင့်​အမျိုးအနွယ်​ဖြစ်​ပြီး တောက်ပ​သော​မိုးသောက်​ကြယ်​ဖြစ်​၏။”

၁ ရာ 2:1

ထို့နောက် ဟန္န​က “​အကျွန်ုပ်​၏​စိတ်နှလုံး​သည် ထာဝရဘုရား​၌ ရွှင်လန်း​၏​။ ထာဝရဘုရား​သည် အကျွန်ုပ်​၏​ဦးချို​ကို ချီးမြှောက်​တော်မူ​ပါ​၏​။ ထာဝရဘုရား​သည် အကျွန်ုပ်​ကို ကယ်တင်​တော်မူ​သည်​ဖြစ်၍ အကျွန်ုပ်​သည် ဝမ်းမြောက်​လျက် ရန်သူ​တို့​ကို အားရ​စွာ​ချေပပြောဆို​နိုင်​ပါ​ပြီ​။

၁ ရာ 2:10

ထာဝရဘုရား​ကို ဆန့်ကျင်​ဖက်ပြိုင်​သော​သူ​တို့​သည် ကျိုးပဲ့ကြေမွ​ရ​လိမ့်မည်​။ ကိုယ်တော်​သည် သူ​တို့​အပေါ် ကောင်းကင်​မှ​မိုးကြိုး ကျ​စေ​တော်မူ​မည်​။ ထာဝရဘုရား​သည် မြေကြီး​စွန်း​တိုင်အောင် စစ်ကြောစီရင်​တော်မူ​မည်​။ မိမိ​ရှင်ဘုရင်​အား အစွမ်းသတ္တိ​ကို​ပေး​တော်မူ​မည်​။ မိမိ​ဘိသိက်ပေး​ထား​သော​သူ​၏​ဦးချို​ကို ချီးမြှောက်​တော်မူ​လိမ့်မည်​”​ဟု ချီးမွမ်း​ဆုတောင်း​လေ​၏​။