ရှောလမုန်သီချင်း။ 1:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ခြယ်သ​ထား​သော​သင့်​ပါး​တို့​သည် တင့်တယ်​လှ​ပေ​၏​။ သင့်​လည်တိုင်​သည်​လည်း လည်ဆွဲရတနာ​တို့​ဖြင့် တင့်တယ်​လှ​ပေ​၏​။​”

Common Language Bible

¹⁰ ငွေနှင့်အပြောက်ချယ်သော ရွှေပုတီးအသွယ် သွယ်ကိုလည်း လုပ်၍ ပေးဦးမည်။

Garrad Bible

¹⁰ အ မောင် သည် ပါး ပြင် တွင် ကျစ် ဆံ ချ၍၊ လည်၌ ပု တီး များ ကို ဆင် လျက် တင့် တယ် လှ၏။

Judson Bible

¹⁰ သင်၏​ပါး​သွယ်၌ မုတ်​ပု​တီး တန်​ဆာ​ဆင်​လျက်၊ လည်​ပင်း၌ ပု​လဲ​အ​သွယ်​သွယ်​ဆွဲ​လျက်၊ သင်​သည် တင့်​တယ်​လှ၏။

ရှောလမုန်သီချင်း။ 1:10 ပူးပေါင်းရင်းမြစ်များ

ကမ္ဘာ​ဦး 24:22

ကုလားအုတ်​တို့​ရေသောက်​ပြီး​သောအခါ သူ​သည် အလေးချိန်​တစ်​ဗေကာ​ရှိ​သော​ရွှေ​နှာဆွဲ​နှင့် မိန်းကလေး​လက်​၌​ဝတ်ဆင်​ရန် အလေးချိန်​ရှယ်ကယ်​တစ်ဆယ်​ရှိ​သော ရွှေ​လက်ကောက်​တစ်စုံ​ကို ထုတ်ပေး​၍

ကမ္ဘာ​ဦး 24:47

အကျွန်ုပ်​က​လည်း ‘​သင်​သည် မည်သူ​၏​သမီး​ဖြစ်​သနည်း​’​ဟု သူ့​အား​မေး​လျှင် သူ​က ‘​ကျွန်မ​သည် နာခေါ်​အတွက် မိလခါ​မွေးဖွား​ပေး​သော​သား​ဗေသွေလ​၏​သမီး​ဖြစ်​ပါ​သည်​’​ဟု ဆို​ပါ​သည်​။ ထိုအခါ အကျွန်ုပ်​သည် သူ​၏​နှာခေါင်း​၌ နှာဆွဲ​ကို​လည်းကောင်း​၊ သူ​၏​လက်​၌ လက်ကောက်​တို့​ကို​လည်းကောင်း ဆင်ယင်​ပေး​ပါ​သည်​။

ကမ္ဘာ​ဦး 24:53

ထို့နောက် ထို​အစေအပါး​သည် ရွှေ​တန်ဆာ​၊ ငွေ​တန်ဆာ​နှင့် အဝတ်တန်ဆာ​တို့​ကို​ထုတ်​၍ ရေဗက္ကာ​အား ပေး​၏​။ သူ့​အစ်ကို​နှင့် သူ့​မိခင်​အား​လည်း အဖိုးတန်​သော​လက်ဆောင်​များ​ကို ပေး​၏​။

ကမ္ဘာ​ဦး 41:42

ဖာရော​မင်းကြီး​သည် မိမိ​၏​လက်​မှ တံဆိပ်တုံးလက်စွပ်​ကို​ချွတ်​၍ ယောသပ်​၏​လက်​၌​စွပ်​ပေး​၏​။ ပိတ်ချောထည်​အဝတ်​တို့​ကို​လည်း​ဝတ်​ပေး​၍ သူ​၏​လည်ပင်း​၌ ရွှေ​ဆွဲကြိုး​ကို​ဆွဲ​ပေး​ပြီး

သုတ္တံကျမ်း။ 1:9

အကြောင်းမူကား ထို​အရာ​တို့​သည် သင်​၏​ဦးခေါင်း​အတွက် တင့်တယ်​သော​ပန်းဦးရစ်​၊ သင်​၏​လည်ပင်း​အတွက် လည်ဆွဲ​ဖြစ်​ကြ​လိမ့်မည်​။

ရှောလမုန်သီချင်း။ 1:11

“​သင့်​အဖို့ ငွေ​ပုတီးလုံး​စီချယ်​ထား​သော ရွှေ​တန်ဆာ​များ​ကို ငါ​တို့​ပြုလုပ်​ပေး​မည်​။​”

ရှောလမုန်သီချင်း။ 4:9

အို ငါ့​နှမ​၊ ငါ့​သတို့သမီး​၊ သင်​သည် ငါ့​နှလုံးသား​ကို အပိုင်သိမ်း​လေ​ပြီ​။ သင်​၏​အကြည့်​တစ်​ချက်​၊ ကျောက်မျက်​လည်ဆွဲ​တစ်​ကုံး​ဖြင့် ငါ့​နှလုံးသား​ကို အပိုင်သိမ်း​လေ​ပြီ​။

ရှောလမုန်သီချင်း။ 5:13

သူ့​ပါးပြင်​တို့​သည် မွှေးကြိုင်​သော​အိပ်ရာ​၊ အမွှေးနံ့သာ​ထုံသင်း​သော​ရဲတိုက်​နှင့်​တူ​၏​။ သူ့​နှုတ်ခမ်း​သည်​လည်း မုရန်​ဆီ​ယို​စီး​သော နှင်းပန်း​နှင့်​တူ​၏​။

ဟေ​ရှာ​ယ 61:10

ငါ​သည် ထာဝရဘုရား​၌ အလွန်​ဝမ်းမြောက်​မည်​။ ငါ​၏​စိတ်ဝိညာဉ်​သည် ဘုရားသခင်​၌ ရွှင်လန်း​မည်​။ အကြောင်းမူကား သတို့သား​သည် ခေါင်းပေါင်း​ပေါင်း​ထား​သကဲ့သို့​၊ သတို့သမီး​သည် ရတနာ​များ​ဖြင့် ကိုယ်​ကို​တန်ဆာဆင်​ထား​သကဲ့သို့ ကိုယ်တော်​သည် ငါ့​ကို ကယ်တင်​ခြင်း​အဝတ်တန်ဆာ​ဆင်ယင်​ပေး​၍ ဖြောင့်မတ်​ခြင်း​ဝတ်ရုံ​လွှမ်းခြုံ​စေ​တော်မူ​ပြီ​။

တော​လည် 31:50

ထာဝရဘုရား​ရှေ့​တော်​၌ အကျွန်ုပ်​တို့​၏​အသက်​အတွက် အပြစ်ဖြေလွှတ်​ခြင်း​ပြု​ရန် အကျွန်ုပ်​တို့​သည် အသီးသီး မိမိ​တွေ့ရှိ​သော ရွှေ​တန်ဆာ​လက်ပတ်​၊ လက်ကောက်​၊ လက်စွပ်​၊ နားကပ်​၊ ဆွဲကြိုး စသည်​တို့​ကို ပူဇော်သက္ကာ​အဖြစ် ထာဝရဘုရား​ထံ ယူဆောင်​ခဲ့​ပါ​၏​”​ဟု လျှောက်​ကြ​၏​။

၁ ပေ 3:4

နူးညံ့​သိမ်မွေ့​၍ တည်ငြိမ်​သည့်​စိတ်သဘော​တည်းဟူသော ယိုယွင်း​ပျက်စီး​ခြင်း​နှင့်​ကင်း​သည့် စိတ်နှလုံး​နှင့်ဆိုင်သော အတွင်း​ဝိညာဉ်​လူ​၏​တန်ဆာဆင်​ခြင်း​ဖြစ်​စေ​ကြ​လော့။ ဤသည်ကား ဘုရားသခင်​ရှေ့​တော်​၌ အလွန်​အဖိုးထိုက်​သော​အရာ​ဖြစ်​၏။