ရှင်ယောဟန် 10:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သူ​တို့​ထဲမှ အများစု​က “သူ​သည် နတ်ဆိုး​ပူး​၍ ရူးသွပ်​နေ​ပြီ။ သူ့​ကို အဘယ်ကြောင့် နားထောင်​ကြ​သနည်း”​ဟု ဆို​ကြ​၏။

Common Language Bible

²⁰ လူ​အ​ချို့​တို့​က ``ဤ​သူ​သည်​နတ်​မိစ္ဆာ​စွဲ​ကပ် သော​သူ​ရူး​ဖြစ်​၏။ အ​ဘယ်​ကြောင့်​သူ့​စ​ကား ကို​သင်​တို့​နား​ထောင်​ကြ​သ​နည်း'' ဟု​ဆို​ကြ ၏။

Garrad Bible

²⁰ အများတို့က နတ်ပူး၍ရူးသွပ်သူဖြစ်၏။ အဘယ်ကြောင့်နားထောင်ကြသနည်းဟုဆိုကြရာ၊

Judson Bible

²⁰ လူ​များ​တို့​က၊ သူ​သည် နတ်​ဆိုး​စွဲ၍​အ​ရူး​ဖြစ်၏။ သူ့​စ​ကား​ကို အ​ဘယ်​ကြောင့်​နား​ထောင်​သ​နည်း​ဟု ဆို​ကြ၏။-

ခေတ်သစ်​မြန်မာ သမ္မာကျမ်း

²⁰ တချို့​က “ဤ​သူ​သည် နတ်ဆိုးပူး​၍ ရူးနေ၏။ ဤ​ကဲ့သို့သော​သူ​၏ စကား​ကို အဘယ်ကြောင့် နားထောင်ကြသနည်း” ဟု ပြောဆိုကြ၏။

မြန်မာ

²⁰ လူ​များ​တို့​က၊ သူ​သည် နတ်​ဆိုး​စွဲ၍​အ​ရူး​ဖြစ်၏။ သူ့​စ​ကား​ကို အ​ဘယ်​ကြောင့်​နား​ထောင်​သ​နည်း​ဟု ဆို​ကြ၏။-

ရှင်ယောဟန် 10:20 ပူးပေါင်းရင်းမြစ်များ

ဟေ​ရှာ​ယ 53:8

သူ​သည် ဖိနှိပ်​ခြင်း​ခံရ​၏​။ စီရင်ခြင်း​လည်း​ခံရ​၏​။ သူ့​ကို​ခေါ်ဆောင်​သွား​ကြ​၏​။ သူ​သည် သက်ရှိ​ကမ္ဘာမြေ​မှ​ဖယ်ထုတ်​ခြင်း​ခံရ​ကြောင်း​၊ ငါ့​လူမျိုး​တော်​တို့ ကျူးလွန်​သော​အပြစ်​ကြောင့် ရိုက်နှက်​ခြင်း​ခံရ​ကြောင်း​ကို သူ​၏​မျိုးဆက်​မှ မည်သူ​သည် ဆင်ခြင်အောက်မေ့​မည်နည်း​။

ယေ​ရ​မိ 29:26

ထာဝရဘုရား​သည် ယဇ်ပုရောဟိတ်​ယောယဒ​နေရာ​တွင် သင့်​ကို​ယဇ်ပုရောဟိတ်​အဖြစ် ခန့်ထား​တော်မူ​ပြီ​။ သင်​သည် ထာဝရဘုရား​၏​အိမ်​တော်​ကို​ကြီးကြပ်​ရ​သူ​ဖြစ်​ပြီ​။ ပရောဖက်​အယောင်ဆောင်​သော​သူရူး​ရှိသမျှ​တို့​ကို အချုပ်​ထဲတွင် ထိပ်ခတ်​ထား​ရ​မည်​ဟု သင်​ဆို​လေ​ပြီ​။

မဿဲ 10:25

တပည့်​သည် သူ့​ဆရာ​ကဲ့သို့​လည်းကောင်း၊ ကျွန်​သည် သူ့​သခင်​ကဲ့သို့​လည်းကောင်း ဖြစ်လာ​လျှင် လုံလောက်​ပေ​၏။ အိမ်ရှင်​ကို ဗေလဇေဗုလ​ဟု​ခေါ်​ကြ​လျှင် သူ​၏​အိမ်သူအိမ်သား​များ​ကို မည်မျှ ပို၍​ဆိုးရွား​စွာ​ခေါ်​ကြ​လိမ့်​မည်နည်း။

မဿဲ 11:18

အကြောင်းမူကား ယောဟန်​သည်​ရောက်လာ​၍ မ​စား​မ​သောက်​ဘဲ​နေ​သော် ‘သူ​၌​နတ်ဆိုး​ပူး​နေ​သည်’​ဟု ဆို​ကြ​၏။

မဿဲ 9:34

သို့သော် ဖာရိရှဲ​တို့​က “သူ​သည် နတ်ဆိုး​တို့​၏​အကြီးအကဲ​ကို​အမှီပြု၍ နတ်ဆိုး​တို့​ကို နှင်ထုတ်​နေ​သည်”​ဟု ပြောဆို​ကြ​၏။

ရှင်မာကု 3:21

ကိုယ်တော်​၏​ဆွေမျိုးသားချင်း​တို့​သည်​ကြား​လျှင် ကိုယ်တော်​ကို​ထိန်းချုပ်​ရန် ထွက်လာ​ကြ​၏။ အကြောင်းမှာ “သူ​သည် စိတ်​ဖောက်ပြန်​နေ​ပြီ”​ဟု လူ​တို့​ပြောဆို​နေ​ကြ​သောကြောင့်​ဖြစ်​၏။

ရှင်ယောဟန် 7:20

လူထု​ပရိသတ်​က “သင့်​ကို​နတ်ဆိုး​ပူး​နေ​၏။ သင့်​ကို​သတ်​ရန် မည်သူ​ရှာကြံ​နေ​သနည်း”​ဟု ဆို​ကြ​၏။

ရှင်ယောဟန် 8:52

ထိုအခါ ဂျူး​လူမျိုး​တို့​က “သင့်​ကို​နတ်ဆိုး​ပူး​နေ​ကြောင်း ယခု အကျွန်ုပ်​တို့​သိ​ကြ​ပြီ။ အာဗြဟံ​သည် သေလွန်​ခဲ့​ပြီး ပရောဖက်​တို့​လည်း သေလွန်​ကြ​ပြီ။ သင်​မူကား‘မည်သူမဆို ငါ့​စကား​ကို​လိုက်နာ​စောင့်ထိန်း​လျှင် ကာလ​အစဉ်အဆက် မည်သည့်​အခါ​မျှ သေ​ခြင်း​ကို​မြည်းစမ်း​ရ​မည်​မ​ဟုတ်’​ဟု ဆို​ပါ​သည်​တကား။

တမန်တော်ဝတ္ထု 26:24

ပေါလု​သည် ဤသို့​ချေပ​ပြောဆို​နေ​စဉ် ဖေတ္တု​မင်း​က “ပေါလု၊ သင်​သည်​ရူးသွပ်​နေ​ပြီ။ သင်​၏​လွန်ကဲ​သော​ကျမ်းဂန်​လေ့လာ​မှု​သည် သင့်​ကို သူရူး​ဖြစ်​စေ​ပြီ”​ဟု ကျယ်လောင်​သော​အသံ​ဖြင့် ဆို​လေ​၏။