ရော​မ 9:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အကြောင်းမူကား ကျမ်းစာ​၌ ဖာရော​ဘုရင်​အား “သင့်​ကို ငါ​ချီးမြှောက်​ခြင်း​မှာ သင်​၌ ငါ့​တန်ခိုး​ကို​ပြသ​၍ ကမ္ဘာမြေ​တစ်ဝန်းလုံး​တွင် ငါ​၏​နာမ​ကို ကျော်ကြား​စေရန်​ဖြစ်​၏”​ဟု ဆို​ထား​၏။

Common Language Bible

¹⁷ ကိုယ်​တော်​က​ဖာ​ရော​ဘု​ရင်​အား``သင့်​ကို​ဘု​ရင် အ​ဖြစ်​ငါ​ချီး​မြှောက်​ရ​ခြင်း​အ​ကြောင်း​မှာ သင့် အား​ဖြင့်​ငါ​၏​တန်​ခိုး​တော်​ကို​ပြ​၍​ကမ္ဘာ​တစ် ဝန်း​တွင်​ငါ​၏​ဂုဏ်​သ​တင်း​ပျံ့​နှံ့​စေ​ရန်​ဖြစ်​၏'' ဟု​မိန့်​တော်​မူ​ကြောင်း​ကျမ်း​စာ​တော်​က ဆို​သည်။-

Garrad Bible

¹⁷ ဖာ ရော မင်း အား လည်း သင်၌ ငါ့ တန် ခိုး ကို ပြ ခြင်း ငှါ လည်း ကောင်း၊ ငါ့ နာ မ ကို မြေ တစ် ပြင် လုံး နှံ့ ကြေ ညာ စေ ခြင်း ငှါ လည်း ကောင်း၊ သင့် ကို ငါ ပေါ် ထွန်း စေ ခဲ့ ပြီ ဟု ကျမ်း ဆို ရှိ သည် နှင့် အ ညီ၊

Judson Bible

¹⁷ ကျမ်း​စာ၌ ဖာ​ရော​ဘု​ရင်​ကို​ဆို​သည်​ကား၊ ငါ့​တန်​ခိုး​ကို သင်၌ ငါ​ပြ​ခြင်း​ငှာ​လည်း​ကောင်း၊ ငါ့​နာ​မ​ကို မြေ​ကြီး​တစ်​ပြင်​လုံး​တွင် ကျော်​စော​စေ​ခြင်း​ငှာ​လည်း​ကောင်း၊ သင့်​ကို ချီး​မြှောက်​ခဲ့​ပြီ​ဟု ဆို​သ​တည်း။-

ခေတ်သစ်​မြန်မာ သမ္မာကျမ်း

¹⁷ ကျမ်းစာ​၌ ဘုရားသခင်​က ဖာရောဘုရင်​အား “သင့်​ကို ဘုရင်​အဖြစ် ခန့်အပ်သော ရည်ရွယ်ချက်​မှာ ငါ့​တန်ခိုး​ကို ပြ​ရန်အတွက်​နှင့် ကမ္ဘာ​တစ်ဝန်းလုံး​တွင် ငါ့​အမည်​နာမ ကျော်စော​ရန်အတွက် ဖြစ်၏” ဟု မိန့်တော်၏။

ရော​မ 9:17 ပူးပေါင်းရင်းမြစ်များ

ဧ​သ​တာ 4:14

ဤ​အချိန်​တွင် သင်​နှုတ်ဆိတ်​နေ​မည်​ဆိုပါက ဂျူး​လူမျိုး​တို့​ကို လွတ်မြောက်​အောင် ကယ်တင်​ပေး​မည့်​သူ​သည် အခြား​တစ်နေရာ​မှ​ပေါ်လာ​လိမ့်မည်​။ သင်​နှင့်​သင့်​ဖခင်​အမျိုးအနွယ်​မူကား ပျက်စီး​ရ​လိမ့်မည်​။ ဤ​အချိန်​ကာလ​အတွက် သင်​သည် မိဖုရား​ဖြစ်လာ​ခဲ့​သလော​ဟု အဘယ်သူ သိ​နိုင်​မည်နည်း​”​ဟု မှာကြား​လိုက်​၏​။

ဆာ​လံ 76:10

အကယ်စင်စစ် လူ​တို့​၏​အမျက်ဒေါသ​သည် ကိုယ်တော်​ကို​ချီးမွမ်း​လိမ့်မည်​။ ကိုယ်တော်​သည် အမျက်ဒေါသ​အကြွင်းအကျန်​များ​ဖြင့် မိမိကိုယ်မိမိ​ပတ်စည်း​တော်မူ​လိမ့်မည်​။

ထွက်​မြောက် 9:16

အကယ်စင်စစ် သင့်​အား ငါ​၏​တန်ခိုး​ကို​ပြသ​ရန်​နှင့် မြေ​တစ်ပြင်လုံး​၌ ငါ​၏​နာမ​ကို ကြေညာ​ရန် ငါ​သည် သင့်​ကို တည်​နေ​စေ​ခြင်း​ဖြစ်​၏​။

သုတ္တံကျမ်း။ 16:4

ထာဝရဘုရား​သည် ခပ်သိမ်း​သော​အရာ​တို့​ကို မိမိ​ရည်ရွယ်​ချက်​အတွက် ပြင်ဆင်​တော်မူ​၏​။ ဆိုးယုတ်​သော​သူ​ကို​ပင်လျှင် ဒုက္ခခံရာ​နေ့ရက်​အတွက် ပြင်ဆင်​တော်မူ​၏​။

ဟေ​ရှာ​ယ 19:12

သင်​၏​ပညာရှိ​တို့​သည် အဘယ်မှာ​နည်း​။ သူ​တို့​သည် အီဂျစ်​ပြည်​နှင့်​ပတ်သက်၍ ကောင်းကင်​ဗိုလ်ခြေ​အရှင်​ထာဝရဘုရား ကြံစည်​တော်မူ​သော​အရာ​ကို သင့်​အား ပြောပြ​ကြ​ပါစေ​။ ဖော်ပြ​ကြ​ပါစေ​။

ဟေ​ရှာ​ယ 37:20

အို အကျွန်ုပ်​တို့​၏​ဘုရားသခင်​ထာဝရဘုရား​၊ ကိုယ်တော်​တစ်ပါးတည်းသာ ထာဝရဘုရား​ဖြစ်​တော်မူ​ကြောင်း​ကို မြေကြီး​ပေါ်ရှိ​တိုင်းနိုင်ငံ​အားလုံး သိမြင်​စေရန် အကျွန်ုပ်​တို့​ကို ထို​ဘုရင်​၏​လက်​မှ ယခု​ကယ်နုတ်​တော်မူ​ပါ​”​ဟု ဆုတောင်း​လေ​၏​။

ဒံ​ယေ​လ 4:22

အရှင်မင်းကြီး​ပင် ဖြစ်​၏​။ အရှင်​သည် တိုးပွား​ချမ်းသာ​၍ အင်အားကြီးမား​ပါ​၏​။ အရှင်​၏​ဘုန်းတန်ခိုး​သည် မိုး​ထိ​အောင် ရောက်​ပါ​၏​။ အာဏာစက်​သည်​လည်း မြေကြီး​စွန်း​ထိ ရောက်​ပါ​၏​။

ရှင်ယောဟန် 17:26

အကျွန်ုပ်​ကို ကိုယ်တော်​ချစ်​တော်မူ​သော​ချစ်​ခြင်း​မေတ္တာ​သည် သူ​တို့​၌​တည်​ရှိ​၍ အကျွန်ုပ်​သည်​လည်း သူ​တို့​၌​တည်​ရှိ​ရန် ကိုယ်တော်​၏​နာမ​တော်​ကို သူ​တို့​အား အကျွန်ုပ်​သိ​စေ​ပါ​ပြီ။ ဆက်လက်​၍​လည်း သိ​စေ​ပါ​ဦး​မည်”​ဟု မြွက်ဆို​တော်မူ​၏။

ရော​မ 11:4

သို့ရာတွင် ဘုရားသခင်​သည် သူ့​ကို မည်သို့ ပြန်​၍​မိန့်​တော်မူ​သနည်း။ “ငါ​သည် ဗာလ​ရှေ့၌​ဒူး​မ​ထောက်​သော လူ​ခုနစ်ထောင်​ကို ငါ့​အတွက်​ချန်ထား​၏”​ဟု မိန့်​တော်မူ​၏။

ဂ​လာ​တိ 3:22

သို့သော် ယေရှု​ခရစ်တော်​ကို​ယုံကြည်​ခြင်း​နှင့်စပ်ဆိုင်​သော​ကတိ​တော်​ကို ယုံကြည်​သော​သူ​တို့​အား​ပေးအပ်​ရန် ကျမ်းစာ​သည် လူ​အပေါင်း​တို့​ကို အပြစ်​တရား​၏​လက်အောက်​တွင် ချုပ်နှောင်​ထား​၏။

ဂ​လာ​တိ 3:8

ဘုရားသခင်​သည် လူမျိုးခြား​တို့​ကို ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​တော်မူ​မည်​ဖြစ်​ကြောင်း ကျမ်းစာ​သည် ကြိုတင်​သိမြင်​၍ အာဗြဟံ​အား “လူမျိုး​အပေါင်း​တို့​သည် သင့်​အားဖြင့် ကောင်းချီး​မင်္ဂလာ​ခံစား​ရ​လိမ့်မည်”​ဟူသည့် ကောင်းမြတ်​သော​သတင်း​ကို ကြိုတင်​ဟောပြော​လေ​၏။

ဂ​လာ​တိ 4:30

သို့ရာတွင် ကျမ်းစာ​က မည်သို့​ဆို​ထား​သနည်း။ “ကျွန်​မ​နှင့်​သူ​၏​သား​ကို နှင်ထုတ်​လော့။ အကြောင်းမူကား ကျွန်​မ​၏​သား​သည် လွတ်လပ်​သော​မိန်းမ​၏​သား​နှင့်အတူ လုံးဝ​အမွေ​ဆက်ခံ​ရ​မည်​မ​ဟုတ်”​ဟု ဆို​ထား​၏။

ယော​ရှု 9:9

သူ​တို့​က​လည်း “​အကျွန်ုပ်​တို့​သည် သခင်​၏​ဘုရားသခင်​ထာဝရဘုရား​၏​နာမ​တော်​အကြောင်း​ကို​ကြား​၍ အလွန်​ဝေး​သော​ပြည်​မှ​လာ​သော သခင်​၏​ကျွန်​များ​ဖြစ်​ပါ​၏​။ အကျွန်ုပ်​တို့​သည် ထာဝရဘုရား​၏​ဂုဏ်​သတင်း​တော်​ကို​လည်းကောင်း​၊ အီဂျစ်​ပြည်​၌​ပြု​တော်မူ​ခဲ့​သမျှ​တို့​ကို​လည်းကောင်း​၊

၁ ရာ 4:8

ငါ​တို့​၌ အမင်္ဂလာ ဖြစ်​လေ​ပြီ​။ ဤ​တန်ခိုးကြီး​သော​ဘုရား​၏​လက်​မှ ငါ​တို့​ကို မည်သူ​ကယ်တင်​မည်နည်း​။ ဤ​ဘုရား​ကား တောကန္တာရ​၌ အီဂျစ်​လူမျိုး​တို့​ကို ကပ်ရောဂါ​အမျိုးမျိုး​ဖြင့် ဒဏ်ခတ်​တော်မူ​သော​ဘုရား​ဖြစ်​၏​။