ရော​မ 13:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သို့ဖြစ်၍ လူ​အသီးသီး​တို့​အား ပေး​သင့်​သည်​ကို ပေးဆောင်​ကြ​လော့။ အခွန်​ပေး​သင့်​သော​သူ​အား အခွန်​ကို​လည်းကောင်း၊ အကောက်​ပေး​သင့်​သော​သူ​အား အကောက်​ကို​လည်းကောင်း ပေးဆောင်​ကြ​လော့။ ကြောက်ရွံ့​သင့်​သော​သူ​ကို​ကြောက်ရွံ့​၍ ရိုသေ​သင့်​သော​သူ​ကို​ရိုသေ​ကြ​လော့။

Common Language Bible

⁷ သို့​ဖြစ်​၍​အ​စိုး​ရ​မင်း​အား​သင်​တို့​ပေး​ဆောင် ထိုက်​သည်​ကို​ပေး​ဆောင်​ကြ​လော့။ ပေး​ဆောင်​စ​ရာ ရှိ​သ​မျှ​သော​အ​ခွန်​များ​ကို​ပေး​ဆောင်​ကြ​လော့။ အာ​ဏာ​ပိုင်​ရှိ​သ​မျှ​တို့​အား​ရို​သေ​လေး​စား ကြ​လော့။

Garrad Bible

⁷ အ ခွန် ခံ ထိုက် သူ့ အား အ ခွန်၊ အ ကောက် ခံ ထိုက် သူ့ အား အ ကောက်၊ ခန့် ညား ထိုက် သူ့ အား အ ခန့် အ ညား၊ ရို သေ ထိုက် သူ့ အား အ ရို အ သေ ကို မင်း အ သီး အ သီး အား ပေး သင့် သည့် အ လျောက် ဆက် ပေး ကြ လော့။

Judson Bible

⁷ ထို​ကြောင့်၊ လူ​အ​သီး​အ​သီး ခံ​ထိုက်​သည်​အ​တိုင်း ပေး​ကြ​လော့။ အ​ခွန်​ကို​ခံ​ထိုက်​သော​သူ​အား အ​ခွန်​ကို​လည်း​ကောင်း၊ အ​ကောက်​ကို ခံ​ထိုက်​သော​သူ​အား အ​ကောက်​ကို လည်း​ကောင်း ပေး​ကြ​လော့။ ကြောက်​ထိုက်​သော​သူ​ကို ကြောက်​ကြ​လော့။ ရို​သေ​ထိုက်​သော​သူ​ကို ရို​သေ​ကြ​လော့။

ခေတ်သစ်​မြန်မာ သမ္မာကျမ်း

⁷ ပေးဆောင်​ထိုက်သည်​ကို ပေးဆောင်ကြလော့။ အခွန်​ဆောင်စရာ​ရှိလျှင် ပေးဆောင်ကြလော့။ အကောက်​ဆောင်စရာ​ရှိလျှင် ပေးဆောင်ကြလော့။ ကြောက်ရွံ့ထိုက်သူ​ကို ကြောက်ရွံ့​၍ ရိုသေထိုက်သူ​ကို ရိုသေကြလော့။

ရော​မ 13:7 ပူးပေါင်းရင်းမြစ်များ

၃ ရာ 3:17

မိန်းမ​တစ်​ဦး​က “​အို အကျွန်ုပ်​၏​သခင်​၊ အကျွန်ုပ်​သည် ဤ​မိန်းမ​နှင့် တစ်အိမ်တည်း​နေ​ပါ​၏​။ ထို​အိမ်​တွင် အကျွန်ုပ်​မီးဖွား​စဉ် သူ​ရှိ​နေ​ပါ​၏​။

ထွက်​မြောက် 20:12

သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေးသနား​တော်မူ​သော​ပြည်​၌ သင်​သည် အသက်​ရှည်​လိမ့်မည်​။

သုတ္တံကျမ်း။ 24:21

ငါ့​သား​၊ ထာဝရဘုရား​နှင့်​ရှင်ဘုရင်​ကို ကြောက်ရွံ့​လော့​။ ဖောက်ပြန်​ပြောင်းလဲ​သော​သူ​တို့​နှင့် ရောနှော​ဆက်ဆံ​ခြင်း​မ​ပြု​နှင့်​။

သုတ္တံကျမ်း။ 3:27

သင့်​လက်​ထဲ၌ ကောင်းကျိုး​ပြု​နိုင်စွမ်း​ရှိ​လျက်​နှင့် ထို​ကောင်းကျိုး​ကို​ခံထိုက်​သော​သူ​တို့​အား မပြု​ပေး​ဘဲ​မ​နေ​နှင့်​။

ဝတ်​ပြု 19:3

လူ​တိုင်း ကိုယ့်​မိဘ​ကို ရိုသေ​ရ​မည်​။ ငါ​၏​ဥပုသ်နေ့​ကို စောင့်ထိန်း​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 19:32

ဆံပင်ဖြူသူ​ကို အရိုအသေပေး​ရ​မည်​။ အသက်ကြီး​သူ​ကို လေးစား​ရ​မည်​။ သင်​၏​ဘုရားသခင်​ကို ကြောက်ရွံ့​ရ​မည်​။ ငါ​သည် ထာဝရဘုရား​ဖြစ်​၏​။

မဿဲ 17:25

ပေတရု​က “ပေးဆောင်​ပါ​သည်”​ဟု ဖြေ​ပြီးမှ အိမ်​ထဲသို့​ဝင်​လာ​ရာ ယေရှု​က“ရှိမုန်၊ သင်​မည်သို့​ထင်မြင်​သနည်း။ ကမ္ဘာ​မြေကြီး​၏​ရှင်ဘုရင်​တို့​သည် မည်သူ့​ထံမှ အခွန်​အကောက်​များ​ကို ကောက်ခံ​ကြ​သနည်း။ မိမိ​တို့​၏​သား​များ​ထံမှ​လော​၊သို့မဟုတ် သူတစ်ပါး​တို့​ထံမှ​လော”​ဟု ပေတရု​ကို ဆီး​၍​မေး​တော်မူ​၏။

မဿဲ 22:21

သူ​တို့​က “ဆီဇာ​ဧကရာဇ်​၏​ပုံ​နှင့်​ကမ္ပည်းစာ​ဖြစ်​ပါ​သည်”​ဟု လျှောက်​ကြ​၏။ ကိုယ်တော်​က​လည်း“သို့ဖြစ်လျှင် ဆီဇာ​ဧကရာဇ်​နှင့်ဆိုင်သော​အရာ​များ​ကို ဆီဇာ​ဧကရာဇ်​အား​ဆက်သ​၍ ဘုရားသခင်​နှင့်ဆိုင်သော​အရာ​များ​ကို ဘုရားသခင်​အား​ဆက်သ​ကြ​လော့”​ဟု မိန့်​တော်မူ​၏။

ရှင်မာကု 12:17

ယေရှု​က​လည်း“ဆီဇာ​ဧကရာဇ်​နှင့်ဆိုင်သော​အရာ​များ​ကို ဆီဇာ​ဧကရာဇ်​အား​ဆက်သ​၍ ဘုရားသခင်​နှင့်ဆိုင်သော​အရာ​များ​ကို ဘုရားသခင်​အား​ဆက်သ​ကြ​လော့”​ဟု မိန့်​တော်မူ​ရာ သူ​တို့​သည် ကိုယ်တော်​ကို​အံ့သြ​ကြ​၏။

လုကာ 20:22

ဆီဇာ​ဧကရာဇ်​ကို အကျွန်ုပ်​တို့​အခွန်​ဆက်သ​ခြင်း​သည် တရား​တော်​နှင့်​ညီ​သလော​၊ သို့မဟုတ် မ​ညီ​သလော”​ဟု ကိုယ်တော်​အား​မေးလျှောက်​ကြ​၏။

လုကာ 20:25

ကိုယ်တော်​က​လည်း“ဆီဇာ​ဧကရာဇ်​နှင့်ဆိုင်သော​အရာ​များ​ကို ဆီဇာ​ဧကရာဇ်​အား​ဆက်သ​၍ ဘုရားသခင်​နှင့်ဆိုင်သော​အရာ​များ​ကို ဘုရားသခင်​အား​ဆက်သ​ကြ​လော့”​ဟု မိန့်​တော်မူ​၏။

လုကာ 23:2

“ဤ​သူ​သည် ဆီဇာ​ဧကရာဇ်​အား အခွန်​တော်​မ​ဆက်သ​ရန်​တားမြစ်​ကာ မိမိကိုယ်ကို ခရစ်တော်​တည်းဟူသော​ဘုရင်​တစ်​ပါး​ဖြစ်​ကြောင်း​ပြောဆို​၍ အကျွန်ုပ်​တို့​၏​ပြည်သူ​လူထု​ကို ဖောက်ပြန်​လမ်းလွဲ​စေ​ကြောင်း အကျွန်ုပ်​တို့​တွေ့ရှိ​ရ​ပါ​သည်”​ဟု ကိုယ်တော်​ကို​စွပ်စွဲ​ပြောဆို​ကြ​၏။

ရော​မ 12:10

ညီအစ်ကို​ချင်း​ချစ်​သော​မေတ္တာ​အားဖြင့် အချင်းချင်း​ချစ်ခင်​ကြင်နာ​ကြ​၍ ရိုသေသမှုပြုခြင်း​၌ သူတစ်ပါး​သည် မိမိ​ထက်​သာလွန်​သည်​ဟု မှတ်ယူ​ကြ​လော့။

ရော​မ 13:6

ဤ​အကြောင်း​ကြောင့် အခွန်​များ​ကို​လည်း သင်​တို့​ပေးဆောင်​ကြ​၏။ အကြောင်းမူကား သူ​တို့​သည် ဘုရားသခင်​၏​အမှု​ကို​ထမ်းဆောင်​သူ​များ​ဖြစ်​ကြ​ပြီး ထို​အမှု​ကို အစဉ်တစိုက်​ဆောင်ရွက်​နေ​ကြ​၏။

ဧ​ဖက် 5:33

မည်သို့ပင်ဖြစ်စေ သင်​တို့​တစ်ဦးစီ​သည်​လည်း မိမိကိုယ်ကို​ချစ်​သကဲ့သို့ မိမိ​ဇနီးသည်​ကို ချစ်​ကြ​လော့။ ဇနီးသည်​တို့​သည်​လည်း မိမိ​ခင်ပွန်းသည်​ကို ရိုသေ​ကြ​လော့။

ဧ​ဖက် 6:5

ကျွန်​ဖြစ်​သူ​တို့၊ ခရစ်တော်​ကို​နာခံ​သကဲ့သို့ ကြောက်ရွံ့​တုန်လှုပ်​လျက် ရိုးသား​သော​စိတ်နှလုံး​ဖြင့် သင်​တို့​၏​လောကီ​သခင်​များ​ကို နာခံ​ကြ​လော့။

၁ တိ 5:13

ထို့ပြင် သူ​တို့​သည် တစ်အိမ်​ပြီး​တစ်အိမ်​လှည့်လည်​၍ ပျင်းရိ​သော​အကျင့်​ရှိ​လာ​တတ်​ကြ​၏။ ထိုသို့​ပျင်းရိ​သည်​သာမက အတင်းအဖျင်း​ပြောဆို​လျက် သူတစ်ပါး​ကိစ္စ​၌ ဝင်ရောက်​စွက်ဖက်​ကာ မ​ပြော​သင့်​သည့်​အရာ​တို့​ကို ပြောဆို​တတ်​ကြ​၏။

၁ တိ 5:17

ကောင်း​စွာ​စီမံ​အုပ်ချုပ်​နေ​သော​အသင်းတော်​အကြီးအကဲ​များ အထူးသဖြင့် နှုတ်ကပတ်တော်​ဝေငှ​ခြင်း​နှင့် သွန်သင်​ခြင်း​တို့​အတွက် အားထုတ်​လုပ်ဆောင်​နေ​သော​အကြီးအကဲ​များ​သည် နှစ်ဆ​သော​ဂုဏ်ပြု​ခြင်း​ကို ခံထိုက်​သည်​ဟု မှတ်ယူ​လော့။

၁ တိ 6:1

ဘုရားသခင်​၏​နာမ​တော်​နှင့်​သွန်သင်​ချက်​တို့​သည် စော်ကား​ပြောဆို​ခြင်း​မ​ခံရ​စေရန် ကျွန်​ထမ်းပိုး​အောက်၌​ရှိ​သမျှ​သော​သူ​တို့​သည် မိမိ​တို့​သခင်​များ​ကို အပြည့်အဝ​ရိုသေ​ထိုက်​သူ​များ​ဟု မှတ်ယူ​ကြ​ပါစေ။

၁ ပေ 3:7

ထိုနည်းတူ ခင်ပွန်းသည်​တို့၊ ဇနီးသည်​သည် မိန်းမသား​ဖြစ်​ပြီး သင်​တို့​ထက် အားနည်း​သော​သူ​ဖြစ်​ကြောင်း သိရှိ​နားလည်​၍ အသက်​နှင့်ဆိုင်သော​ကျေးဇူး​တော်​ကို အတူတကွ​အမွေ​ဆက်ခံ​သူ​အဖြစ် တန်ဖိုးထား​လျက် အတူတကွ​ပေါင်းသင်း​နေထိုင်​ကြ​လော့။ ဤသည်ကား သင်​တို့​၏​ဆုတောင်း​ချက်​များ တားဆီး​ခြင်း​မ​ခံရ​မည့်​အကြောင်း​တည်း။

၁ ရာ 12:18

ရှမွေလ​သည် ထာဝရဘုရား​ထံ ဆုတောင်း​သောအခါ ထို​နေ့​တွင် ထာဝရဘုရား​သည် မိုးချုန်းသံ​နှင့်တကွ မိုး​ကို ရွာသွန်း​စေ​တော်မူ​သဖြင့် လူ​အပေါင်း​တို့​သည် ထာဝရဘုရား​နှင့်​ရှမွေလ​ကို အလွန်​ကြောက်ရွံ့​ကြ​လေ​၏​။