ရော​မ 13:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ အကြောင်းမူကား သူ​သည် သင့်​အား ကောင်းကျိုး​ပြု​သော ဘုရားသခင်​၏​အစေခံ​ဖြစ်​၏။ သို့ရာတွင် မကောင်း​သော​အမှု​ကို​သင်​ပြု​လျှင် ကြောက်ရွံ့​ခြင်း​ရှိ​လော့။ သူ​သည် ဓား​ကို အကြောင်းမဲ့​ဆောင်​ထား​သည်​မ​ဟုတ်။ သူ​သည် မကောင်း​သော​အမှု​ကို​ပြုကျင့်​သော​သူ​အား အမျက်​တော်​အတွက် အပြစ်​ဒဏ်​ပေး​သည့် ဘုရားသခင်​၏​အစေခံ​ဖြစ်​၏။

Common Language Bible

⁴ အ​ဘယ်​ကြောင့်​ဆို​သော်​သူ​သည်​သင့်​အား အ​ကျိုး​ပြု​ရန်​အ​လို့​ငှာ ဘု​ရား​သ​ခင်​ခန့် ထား​တော်​မူ​သည့်​အ​စေ​ခံ​ဖြစ်​သော​ကြောင့် တည်း။ သို့​ရာ​တွင်​အ​ကယ်​၍​သင်​သည်​မ​ကောင်း မှု​ပြု​သူ​ဖြစ်​ပါ​မူ​ထို​သူ​ကို​ကြောက်​လော့။ သူ​သည်​အ​ကယ်​ပင်​အ​ပြစ်​ပေး​ပိုင်​သော တန်​ခိုး​အာ​ဏာ​ရှိ​သူ​ဖြစ်​ပေ​သည်။ သူ​သည် ဘု​ရား​သ​ခင်​၏​အ​စေ​ခံ​ဖြစ်​၍​မ​ကောင်း မှု​ပြု​သူ​တို့​အား​ဘု​ရား​သ​ခင်​၏​ကိုယ်​စား အ​ပြစ်​ဒဏ်​စီ​ရင်​သူ​ဖြစ်​သ​တည်း။-

Judson Bible

⁴ မင်း​သည်​ကား၊ သင်၏​အ​ကျိုး​အ​လို​ငှာ ဘု​ရား​သ​ခင်၏ အ​စေ​ခံ​ဖြစ်၏။ မ​ကောင်း​သော​အ​ကျင့်​ကို ကျင့်​လျှင်၊ ကြောက်​ခြင်း ရှိ​စေ​လော့။ အ​ကြောင်း​မူ​ကား၊ မင်း​သည်​အ​ချည်း​နှီး ဓား​ကို​ဆောင်​သည်​မ​ဟုတ်။ မ​ကောင်း​သော​အ​ကျင့်​ကို ကျင့်​သော​သူ​တို့​ကို အ​ပြစ်​တ​ရား​စီ​ရင်၍ ရာ​ဇ​ဝတ်​ပေး​ပိုင်​သော သူ​တည်း​ဟူ​သော ဘု​ရား​သ​ခင်၏ အ​စေ​ခံ​ဖြစ်​သ​တည်း။-

ခေတ်သစ်​မြန်မာ သမ္မာကျမ်း

⁴ အစိုးရမင်း​သည် သင်​၏ အကျိုး​အတွက် ခန့်ထားခံရသော ဘုရားသခင်​၏ အစေခံ​ဖြစ်၏။ သို့သော် သင်​သည် မကောင်းမှု​ကို ပြုမိ​လျှင် သူ့​ကို ကြောက်ရမည်။ အဘယ်ကြောင့်ဆိုသော် သူ​သည် သင့်​အား အပြစ်​ပေးပိုင်ခွင့် ရှိ​သောကြောင့်​ဖြစ်၏။ သူ​သည် ဘုရားသခင်​၏ အစေခံ​ဖြစ်​၍ မကောင်းမှု​ကို ကျူးလွန်သော​သူတို့​ကို ပြစ်ဒဏ်​ပေးမည့်သူ ဖြစ်၏။

ရော​မ 13:4 ပူးပေါင်းရင်းမြစ်များ

၃ ရာ 10:9

မင်းကြီး​ကို​နှစ်သက်မြတ်နိုး​၍ အစ္စရေး​ရာဇပလ္လင်​တွင် စံမြန်း​စေ​တော်မူ​သော မင်းကြီး​၏​ဘုရားသခင်​ထာဝရဘုရား​သည် မင်္ဂလာ​ရှိ​စေ​သတည်း​။ ထာဝရဘုရား​သည် အစ္စရေး​လူမျိုး​ကို ထာဝရ​ချစ်​တော်မူ​သည်​ဖြစ်၍ သူ​တို့​ကို တရားမျှတ​စွာ​၊ ဖြောင့်မတ်​စွာ​စီရင်အုပ်ချုပ်​ရန် မင်းကြီး​ကို ရှင်ဘုရင်​အဖြစ် ခန့်ထား​တော်မူ​ပြီ​”​ဟု ဆို​လေ​၏​။

၂ ရာ​ချုပ် 19:6

ထို​တရားသူကြီး​တို့​အား “​သင်​တို့​ပြု​ရ​မည့်​အမှု​ကို သတိထား​ပြု​ကြ​လော့​။ အကြောင်းမှာ သင်​တို့​သည် လူ​အဖို့​စီရင်​သည်​မ​ဟုတ်​၊ စီရင်ချက်​ချမှတ်​ရာ​တွင် သင်​တို့​နှင့်အတူ​ရှိ​တော်မူ​သော ထာဝရဘုရား​အဖို့ စီရင်​ရ​ခြင်း​ဖြစ်​၏​။

သုတ္တံကျမ်း။ 16:14

ရှင်ဘုရင်​၏​အမျက်ဒေါသ​သည် သေ​ခြင်း​၏​စေတမန်​ဖြစ်​၏​။ သို့သော် ပညာရှိ​သော​သူ​သည် ၎င်း​ကို​ပြေ​စေ​တတ်​၏​။

သုတ္တံကျမ်း။ 20:2

ရှင်ဘုရင်​နှင့်ဆိုင်သော ကြောက်ရွံ့ထိတ်လန့်ဖွယ်​သော​အရာ​သည် ခြင်္သေ့ပျို​ဟောက်​သကဲ့သို့​ဖြစ်​၏​။ သူ့​ကို​အမျက်ထွက်​စေ​သော​သူ​သည် မိမိ​အသက်​ကို​ဆုံးရှုံး​ရ​တတ်​၏​။

သုတ္တံကျမ်း။ 20:26

ပညာရှိ​သော​ရှင်ဘုရင်​သည် ဆိုးယုတ်​သော​သူ​တို့​ကို လှေ့​၍ သူ​တို့​အပေါ်​၌ စပါးခြွေ​သော​ဘီး​ကို​လှိမ့်​တတ်​၏​။

သုတ္တံကျမ်း။ 20:8

တရားစီရင်​ရာ​ပလ္လင်​ပေါ်တွင်​ထိုင်​သော ရှင်ဘုရင်​သည် မကောင်းမှု​ရှိသမျှ​ကို မိမိ​၏​မျက်စိ​ဖြင့် လွင့်သွား​စေ​တတ်​၏​။

ဟေ​ရှာ​ယ 1:17

ကောင်း​သော​အမှု​ကို​ပြု​ရန် သင်ယူ​ကြ​လော့​။ တရားမျှတမှု​ကို ရှာ​ကြ​လော့​။ အဖိနှိပ်​ခံရ​သူ​ကို ကူမ​ကြ​လော့​။ ဖတဆိုး​ဘက်​မှ တရားသဖြင့်စီရင်​ကြ​လော့​။ မုဆိုးမ​ဘက်​မှ ရင်ဆိုင်ဖြေရှင်း​ပေး​ကြ​လော့​”​ဟု မိန့်​တော်မူ​၏​။

ယေ​ရ​မိ 5:28

သူ​တို့​သည် ဝဖြိုး​စိုပြည်​ကြ​၏​။ မကောင်းမှု​ကို အတောမသတ်​ပြု​ကြ​၏​။ သူ​တို့​ကောင်းစားရေး​အတွက် မိဘမဲ့​တို့​၏​အမှု​ကို မတရားသဖြင့်​စီရင်​ကြ​၏​။ နွမ်းပါး​သူ​တို့​အတွက် တရားမျှတ​စွာ​မ​စီရင်​ကြ​။

ယေ​ဇ​ကျေ​လ 22:27

မြို့​၌​ရှိ​သော​အကြီးအကဲ​တို့​သည်​လည်း သားကောင်​ကို​ကိုက်ဖဲ့​သော​ဝံပုလွေ​ကဲ့သို့ လူ​ကို သတ်ဖြတ်​ဖျက်ဆီး​ကြ​၍ ဥစ္စာပစ္စည်း​တို့​ကို လုယူ​ကြ​၏​။

ယေ​ဇ​ကျေ​လ 25:14

‘ငါ့​လူမျိုး​တော်​အစ္စရေး​တို့​၏​လက်ချက်​ဖြင့် ဧဒုံ​ပြည်​ကို လက်တုံ့ပြန်​မည်​။ သူ​တို့​သည် ငါ့​အမျက်​ဒေါသ​အလျောက် ဧဒုံ​ပြည်​ကို ပြု​ကြ​လိမ့်မည်​။ ထိုအခါမှ ငါ​လက်တုံ့ပြန်​ကြောင်း​ကို သူ​တို့​သိ​ကြ​လိမ့်မည်’​ဟု ဘုရားရှင်​ထာဝရဘုရား မိန့်​တော်မူ​၏​။

မိက္ခာ 3:9

အို ယာကုပ်​အကြီးအမှူး​တို့​နှင့် အစ္စရေး​အုပ်ချုပ်သူ​တို့​၊ နားထောင်​ကြ​လော့​။ သင်​တို့​သည် တရားမျှတမှု​ကို​စက်ဆုပ်ရွံရှာ​၍ ဖြောင့်မှန်​သော​အမှု​ရှိသမျှ​ကို ကွေ့ကောက်​စေ​ကြ​၏​။

ရော​မ 12:19

ချစ်​ရ​သော​သူ​တို့၊ ကိုယ်တိုင်​လက်တုံ့​မ​ပြန်​ဘဲ အမျက်​တော်​လက်​သို့ အပ်နှံ​ထား​ကြ​လော့။ အကြောင်းမူကား “ထာဝရ​ဘုရား​မိန့်​တော်မူ​သည်​မှာ လက်တုံ့ပြန်​ခြင်း​သည် ငါ​နှင့်ဆိုင်​၏။ ငါ​ကိုယ်တိုင်​တုံ့ပြန်​မည်”​ဟု ကျမ်းစာ​၌​ရေး​ထား​၏။

ရော​မ 13:6

ဤ​အကြောင်း​ကြောင့် အခွန်​များ​ကို​လည်း သင်​တို့​ပေးဆောင်​ကြ​၏။ အကြောင်းမူကား သူ​တို့​သည် ဘုရားသခင်​၏​အမှု​ကို​ထမ်းဆောင်​သူ​များ​ဖြစ်​ကြ​ပြီး ထို​အမှု​ကို အစဉ်တစိုက်​ဆောင်ရွက်​နေ​ကြ​၏။

၁ သက် 4:6

ထို​အမှုအရာ​မျိုး​၌ မိမိ​ညီအစ်ကို​အပေါ်​စည်းဖောက်​၍ အခွင့်ကောင်း​မ​ယူ​ကြ​ရန်​ဖြစ်​၏။ အကြောင်းမူကား ငါ​တို့​သည် သင်​တို့​ကို သတိပေး​၍ ကြိုတင်​ပြော​ထား​ခဲ့​သည့်​အတိုင်း သခင်​ဘုရား​သည် ဤ​အမှုအရာ​အားလုံး​အတွက် အပြစ်​ဒဏ်​ပေး​တော်မူ​လိမ့်မည်။

ယော​ရှု 20:5

သူ​သည် မိမိ​အိမ်နီးချင်း​အပေါ် အမုန်း​မ​ရှိ​ဘဲ မတော်တဆ​လူ​သတ်​မိ​ခြင်း​ဖြစ်​သောကြောင့် လက်စားချေ​သော​သူ​သည် သူ့​နောက်သို့​လိုက်လာ​သောအခါ သူ့​ကို လက်စားချေ​သူ​လက်​သို့ မ​အပ်​ရ​။

ယော​ရှု 20:9

ဤ​မြို့​များ​ကား အစ္စရေး​အမျိုးသား​များ​ဖြစ်စေ​၊ သူ​တို့​တွင်​တည်းခိုနေထိုင်​သော​တိုင်းတစ်ပါးသား​များ​ဖြစ်စေ မရည်ရွယ်​ဘဲ​လူ​သတ်​မိ​သော​သူ မည်သူမဆို လူထု​ရှေ့​တွင် တရားစီရင်​ခြင်း​မ​ခံရ​မီ လက်စားချေ​မည့်​သူ​၏​လက်​၌ မ​သေ​ရ​မည့်​အကြောင်း ပြေးသွား​၍​ခိုလှုံ​ရန် ရွေးချယ်​ထား​သော​မြို့​များ ဖြစ်​၏​။

၁ ပေ 2:14

ဒုစရိုက်​ပြု​သူ​များ​ကို ပြစ်ဒဏ်​ပေး​၍ လူ​ကောင်း​တို့​ကို ဂုဏ်ပြု​ချီးမွမ်း​ရန် ရှင်ဘုရင်​စေလွှတ်​သော​ဘုရင်ခံ​များ​ကို​ဖြစ်စေ နာခံ​ကြ​လော့။