ရော​မ 11:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ဘုရားသခင်​သည် သိ​ထား​နှင့်​တော်မူ​သော မိမိ​၏​လူမျိုး​တော်​ကို ပစ်ပယ်​တော်​မ​မူ။ ပရောဖက်​ဧလိယ​က အစ္စရေး​လူမျိုး​ကို ဘုရားသခင်​ထံ တိုင်ကြား​သောအခါ ကျမ်းစာ​၌ ထို​အကြောင်း​နှင့်​ပတ်သက်၍ မည်သို့​ဆို​ထား​သည်​ကို သင်​တို့​မ​သိ​ကြ​သလော။

Common Language Bible

² ဘု​ရား​သ​ခင်​သည်​အ​စ​မူ​လ​က​တည်း​က မိ​မိ​ရွေး​ကောက်​ထား​တော်​မူ​သော​လူ​စု​တော် ကို​ပစ်​ပယ်​တော်​မ​မူ။ ကျမ်း​စာ​တော်​တွင်​ဧ​လိ​ယ သည်​ဣ​သ​ရေ​လ​အ​မျိုး​သား​တို့​ကို​ဆန့်​ကျင်​၍ ဘု​ရား​သ​ခင်​ထံ​လျှောက်​ထား​သည့်​စာ​ပိုဒ်​ကို သင်​တို့​သိ​ကြ​၏။-

Garrad Bible

^2-3 တင် ရင် သိ မှတ် တော် မူ သော လူ မျိုး တော် ကို ဘု ရား သ ခင် စွန့် ပစ် တော် မူ သည် မ ဟုတ်။ အို ထာ ဝ ရ ဘု ရား၊ ထို သူ တို့ သည် ပရော ဖက် တော် များ ကို ကွပ် မျက် လျက် ပူ ဇော် ရာ ပ လ္လင် တော် များ ကို ဖြို ဖျက် ကြ ပါ ပြီ။ တစ် ယောက် တည်း ကျန် သော အ ကျွန်ုပ် အ သက် အ န္တ ရာယ် ကို ပင် ရှာ ကြံ ကြ ပါ သည် ဟု ဣ သ ရေ လ လူ မျိုး ကို ဘု ရား သ ခင့် ရှေ့၊ ကျမ်း ဂန် တွင် ဧ လိ ယ မည် သို့ စွပ် စွဲ ကြောင်း ကို လည်း ကောင်း၊

Judson Bible

² ဘု​ရား​သ​ခင်​သည် အ​ထက်​က သိ​မှတ်​တော်​မူ​သော မိ​မိ​လူ​တို့​ကို ပယ်​တော်​မ​မူ။ ပ​ရော​ဖက်​ဧ​လိ​ယ​က၊ အို ထာ​ဝ​ရ​ဘု​ရား၊-

ခေတ်သစ်​မြန်မာ သမ္မာကျမ်း

² ဘုရားသခင်​သည် ကနဦး​ကတည်းက​ပင် ရွေးကောက်ထားတော်မူသော မိမိ​လူမျိုးတော်​ကို စွန့်ပယ်တော်မမူခဲ့ပေ။ ပရောဖက်​ဧလိယ​သည် အစ္စရေးလူမျိုးတို့​ကို ဘုရားသခင်​ထံ တိုင်တန်းခဲ့၏။ ထို​အကြောင်း​နှင့်​ပတ်သက်၍ ကျမ်းစာ​၌ မည်သို့​ဖော်ပြထားသည်​ကို သင်တို့​မသိကြသလော။

ရော​မ 11:2 ပူးပေါင်းရင်းမြစ်များ

ကမ္ဘာ​ဦး 44:15

ယောသပ်​က သူ​တို့​အား “​သင်​တို့​ပြု​သော​ဤ​အမှု​ကား မည်သို့​နည်း​။ ငါ​ကဲ့သို့သော​လူ​သည် နိမိတ်ဖတ်​တတ်​ကြောင်း​ကို သင်​တို့​မ​သိ​ကြ​သလော​”​ဟု ဆို​လေ​၏​။

နေ​ဟ​မိ 9:30

ကိုယ်တော်​သည် သူ​တို့​အား​နှစ်​ပေါင်း​များစွာ​သည်းခံ​တော်မူ​၍ ကိုယ်တော်​၏​ဝိညာဉ်​တော်​ခံရ​သော ပရောဖက်​များ​အားဖြင့် သူ​တို့​ကို သတိပေး​သော်လည်း ဂရု​မ​စိုက်​ကြ​သောကြောင့် သူ​တို့​ကို ဤ​ပြည်​ရှိ လူမျိုးခြား​တို့​လက်​သို့ အပ်လိုက်​တော်မူ​၏​။

ဆာ​လံ 94:14

အကြောင်းမူကား ထာဝရဘုရား​သည် မိမိ​လူမျိုး​တော်​ကို ပစ်ပယ်​တော်မူ​မည်​မ​ဟုတ်​။ မိမိ​၏​အမွေ​တော်​ကို​လည်း စွန့်ပစ်​တော်မူ​မည်​မ​ဟုတ်​။

ထွက်​မြောက် 32:1

မောရှေ​သည် တောင်​ပေါ်မှ​မ​ဆင်းလာ​သေး​ဘဲ ကြန့်ကြာ​နေ​သည်​ကို လူ​တို့​သိ​သောအခါ အာရုန်​ထံသို့​စုရုံး​လာ​၍ “​ထ​ပါ​။ ငါ​တို့​ရှေ့​မှ​ကြွ​မည့်​ဘုရား​ကို ငါ​တို့​အဖို့ လုပ်ပေး​ပါ​။ အီဂျစ်​ပြည်​မှ ငါ​တို့​ကို ထုတ်ဆောင်​လာ​သော ထို​မောရှေ​ဆို​သူ​၌ မည်သို့​ဖြစ်​သည်​ကို ငါ​တို့​မ​သိ​ပါ​”​ဟု ဆို​ကြ​၏​။

ယေ​ရ​မိ 31:37

ထာဝရဘုရား​က “​သူ​တို့​သည် အထက်​မိုးကောင်းကင်​ကို တိုင်းတာ​နိုင်​၍ အောက်​မြေကြီး​၏​အုတ်မြစ်​ကို စူးစမ်း​နိုင်​မှသာ အစ္စရေး​တစ်မျိုးနွယ်လုံး​ပြု​ခဲ့​သော​အပြစ်​ကြောင့် သူ​တို့​ကို ငါ​စွန့်ပစ်​မည်​”​ဟု မိန့်​တော်မူ​၏​။

တော​လည် 16:15

ထိုအခါ မောရှေ​သည် အလွန်​အမျက်ထွက်​၍ ထာဝရဘုရား​အား “​ထို​သူ​တို့​၏​ဘောဇဉ်ပူဇော်သက္ကာ​ကို လှည့်ကြည့်​တော်​မ​မူ​ပါ​နှင့်​။ အကျွန်ုပ်​သည် သူ​တို့​ထံမှ မြည်း​တစ်​ကောင်​ကို​မျှ မ​ယူ​ခဲ့​ဖူး​ပါ​။ သူ​တို့​ထဲမှ​တစ်စုံတစ်ယောက်​ကို​မျှ အန္တရာယ်​မ​ပြု​ခဲ့​ဖူး​ပါ​”​ဟု လျှောက်​လေ​၏​။

ရှင်မာကု 12:26

သေ​သော​သူ​တို့​၏​ထမြောက်​ခြင်း​နှင့်​ပတ်သက်၍ မောရှေ​၏​ကျမ်း​၌ ချုံပုတ်​အကြောင်း​ရေး​ထား​သော​အခန်း​တွင် ဘုရားသခင်​က ‘ငါ​သည် အာဗြဟံ​၏​ဘုရား၊ ဣဇက်​၏​ဘုရား၊ ယာကုပ်​၏​ဘုရား​ဖြစ်​၏’​ဟု မောရှေ​အား မိန့်​တော်မူ​ခဲ့​သည်​ကို သင်​တို့​မ​ဖတ်​ဖူး​ကြ​သလော။

လုကာ 4:1

ယေရှု​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဂျော်ဒန်​မြစ်​မှ ပြန်ကြွ​တော်မူ​၏။ ထို့နောက် ဝိညာဉ်​တော်​၏​ပင့်ဆောင်​ခြင်း​ကို​ခံ​တော်မူ​၍

ရှင်ယောဟန် 4:11

ထို​အမျိုးသမီး​က “အရှင်၊ အရှင့်​မှာ​ရေ​ခပ်​စရာ​တစ်စုံတစ်ခု​မျှ​မ​ရှိ။ ဤ​ရေတွင်း​လည်း​နက်​သည်​ဖြစ်၍ ထို​အသက်​ရေ​ကို အဘယ်က​ရ​ပါ​မည်နည်း။

တမန်တော်ဝတ္ထု 13:48

လူမျိုးခြား​တို့​သည် ထို​စကား​ကို​ကြား​လျှင် ဝမ်းမြောက်​လျက် သခင်​ဘုရား​၏​နှုတ်ကပတ်​တရား​ကို ချီးမွမ်း​ကြ​၏။ ထာဝရ​အသက်​ရရှိ​ရန် သတ်မှတ်​ထား​ခြင်း​ခံရ​သော​သူ​ရှိသမျှ​တို့​သည်​လည်း ယုံကြည်​ကြ​၏။

တမန်တော်ဝတ္ထု 15:18

ရှေး​ကာလ​မှစ၍ ဤ​အမှုအရာ​များ​ကို သိ​စေ​တော်မူ​သော​ထာဝရ​ဘုရား မိန့်​တော်မူ​၏’​ဟူ၍ ရေး​ထား​သည့်​အတိုင်း​ဖြစ်​၏။

တမန်တော်ဝတ္ထု 3:17

သို့ဖြစ်၍ ညီအစ်ကို​တို့၊ သင်​တို့​သည် သင်​တို့​၏​အကြီးအကဲ​များ​နည်းတူ မသိနားမလည်​သောကြောင့် ထိုသို့​ပြု​ခဲ့​ကြ​သည်​ကို ငါ​သိ​၏။

တမန်တော်ဝတ္ထု 7:40

အာရုန်​အား ‘ငါ​တို့​ကို အီဂျစ်​ပြည်​မှ​ထုတ်ဆောင်​ခဲ့​သော ထို​မောရှေ​သည် မည်သို့​ဖြစ်သွား​သည်​ကို ငါ​တို့​မ​သိ​ကြ​သည်​ဖြစ်၍ ငါ​တို့​ရှေ့မှ​ကြွသွား​မည့်​ဘုရား​များ​ကို ငါ​တို့​အတွက်​ပြုလုပ်​ပေး​ပါ’​ဟု တောင်းဆို​ကြ​၏။

ရော​မ 6:16

သင်​တို့​သည် တစ်စုံတစ်ဦး​အား မိမိကိုယ်ကို​ဆက်သ​၍ ကျွန်​အဖြစ်​နာခံ​လျှင် သင်​တို့​သည် သင်​တို့​နာခံ​သော​သူ​၏​ကျွန်​ဖြစ်​ကြ​ပြီး သေ​ခြင်း​သို့​ရောက်​စေ​သည့် အပြစ်​၏​ကျွန်​၊ သို့မဟုတ် ဖြောင့်မတ်​ခြင်း​သို့​ရောက်​စေ​သည့် နာခံ​မှု​၏​ကျွန်​ဖြစ်​တတ်​သည်​ကို သင်​တို့​မ​သိ​ကြ​သလော။

ရော​မ 9:23

ထို့ပြင် ဘုန်း​အသရေ​အတွက်​ကြိုတင်​ပြင်ဆင်​ထား​သော ကရုဏာ​တော်​ဆိုင်ရာ​အိုးခွက်​များ​၌ မိမိ​ဘုန်း​အသရေ​တော်​၏​ကြွယ်ဝ​မှု​ကို သိ​စေရန်​ပြု​တော်မူ​လျှင် မည်သို့နည်း။

ရော​မ 9:6

မည်သို့ပင်ဖြစ်စေ ဘုရားသခင်​၏​နှုတ်ကပတ်တော်​သည် ပျက်ပြယ်​သွား​သည်​မ​ဟုတ်။ အဘယ်ကြောင့်​ဆိုသော် အစ္စရေး​အနွယ်ဝင်​အားလုံး​သည် အစ္စရေး​လူမျိုး​မ​ဟုတ်။

၁ ကော 6:2

သန့်ရှင်း​သူ​တို့​သည် ဤ​လောက​ကို​စီရင်​ရ​မည်​ဖြစ်​ကြောင်း သင်​တို့​မ​သိ​ကြ​သလော။ သင်​တို့​သည် ဤ​လောက​ကို​စီရင်​ရ​သည်​ဆိုလျှင် အငယ်ဆုံး​သော​အမှု​များ​ကို​ပင် စီရင်​နိုင်စွမ်း​မ​ရှိ​ကြ​သလော။

၁ ကော 8:3

သို့သော် မည်သူမဆို ဘုရားသခင်​ကို​ချစ်​လျှင် ဘုရားသခင်​သည် ထို​သူ​ကို​သိ​တော်မူ​၏။

ဖိ​လိပ္ပိ 1:22

သို့သော် ဤ​ကိုယ်ခန္ဓာ​၌ ဆက်၍​အသက်ရှင်​လျှင် ငါ​သည် အကျိုး​ရှိ​သော​အမှု​ကို​လုပ်ဆောင်​နိုင်​၏။ ထိုအခါ မည်သည့်​အရာ​ရွေးချယ်​ရ​မည်​ကို ငါ​မ​သိ။

ဟေ​ဗြဲ 1:1

ရှေးကာလ​တွင် ဘုရားသခင်​သည် ပရောဖက်​များ​အားဖြင့် ဘိုးဘေး​တို့​အား ကာလ​အပိုင်းအခြား​အမျိုးမျိုး​တို့​၌ နည်း​မျိုးစုံ​ဖြင့် စကား​ပြော​တော်မူ​၏။

၁ ပေ 1:2

ယေရှု​ခရစ်တော်​ကို​နာခံ​ရန်​နှင့် ကိုယ်တော်​၏​သွေး​တော်​ပက်ဖျန်း​ခြင်း​ခံရ​ရန်​အတွက် ဝိညာဉ်​တော်​အားဖြင့်​သန့်ရှင်း​စေ​ခြင်း​ခံရ​၍ ခမည်းတော်​ဘုရားသခင်​၏​ကြိုတင်​သိမြင်​သော​ဉာဏ်​တော်​အတိုင်း ရွေးကောက်​ခံရ​သော​သူ​တို့​ထံသို့ စာ​ရေး​လိုက်​ပါ​၏။ ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​တိုးပွား​ပါစေသော။