ရု​သ 3:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ သင်​သည် ရေချိုး​၊ ဖီးလိမ်း​ပြီးလျှင် ကောင်းကောင်းမွန်မွန် ဝတ်ဆင်​၍ တလင်းပြင်​သို့​သွား​ပါ​။ သူ စား​သောက်​၍​မ​ပြီး​မ​ချင်း သင်​ရောက်​နေ​သည်​ကို သူ​မ​သိ​စေ​နှင့်​။

Common Language Bible

³ သို့​ဖြစ်​၍​သင်​သည်​ကိုယ်​လက်​သုတ်​သင်​ပြီး လျှင် နံ့​သာ​အ​မွှေး​အ​ကြိုင်​များ​လူး​၍​အ​လှ ဆုံး​အ​ဝတ်​အ​စား​များ​ကို​ဝတ်​ဆင်​ကာ​သူ စ​ပါး​နယ်​ရာ​သို့​သွား​ပါ​လော့။ သို့​ရာ​တွင် ထို​အ​ရပ်​သို့​သင်​ရောက်​ရှိ​နေ​ကြောင်း​ကို သူ စား​သောက်​ပြီး​သည်​တိုင်​အောင်​သူ့​အား အ​သိ​မ​ပေး​နှင့်။-

Garrad Bible

³ ရေ ချိုး ခြင်း၊ ဆီ လိမ်း ခြင်း၊ အ ဝတ် ဆင် ယင် ခြင်း ပြု ပြီး လျှင်၊ ကောက် နယ် တ လင်း သို့ သွား လေ လော့။ စား သောက် မှု မ ပြီး မီ မျက် နှာ မ ပြ ဘဲ

Judson Bible

³ သင်​သည် ရေ​ချိုး​ခြင်း၊ ဆီ​လိမ်း​ခြင်း၊ အ​ဝတ်​တန်​ဆာ​ဆင်​ခြင်း​ကို ပြု​ပြီး​လျှင် ကောက်​နယ်​တ​လင်း​သို့ သွား​တော့။ သူ​သည် စား​သောက်​ခြင်း​အ​မှု​ကို​မ​ပြီး​မီ ကိုယ်​ကို​မ​ပြ​နှင့်။

ရု​သ 3:3 ပူးပေါင်းရင်းမြစ်များ

၂ ရာ 12:20

ထိုအခါ ဒါဝိဒ်​မင်းကြီး​သည် မြေ​မှ​ထ​၍ ရေချိုး​ဆီလိမ်း အဝတ်အစား​လဲ​ပြီးလျှင် ထာဝရဘုရား​၏​အိမ်​တော်​သို့​သွား​၍ ဝတ်ပြုကိုးကွယ်​လေ​၏​။ ထို့နောက် နန်းတော်​သို့​ပြန်လာ​၍ အစားအစာ​ပြင်ဆင်​ခိုင်း​ပြီး စားတော်ခေါ်​လေ​၏​။

၂ ရာ 14:2

ထို့ကြောင့် ယွာဘ​သည် တေကော​မြို့​သို့ လူ​လွှတ်​၍ ထို​မြို့​မှ လိမ္မာပါးနပ်​သော​အမျိုးသမီး​တစ်ဦး​ကို ခေါ်လာ​စေ​ပြီးလျှင် “​ယခု သင်​သည် ဆီ​မ​လိမ်း​ဘဲ ငိုကြွေးမြည်တမ်း​ရာ​ဝတ်စုံ​ကို​ဝတ်​ပြီး လူသေ​အတွက် နေ့ရက်​များစွာ​ငိုကြွေးမြည်တမ်း​နေ​သော​မိန်းမ​ကဲ့သို့ ဟန်ဆောင်​ငိုကြွေး​လျက်

ဧ​သ​တာ 5:1

ထို့နောက် သုံး​ရက်​မြောက်​နေ့​တွင် ဧသတာ​သည် နန်းဝတ်နန်းစား​ကို​ဝတ်ဆင်​၍ ဘုရင့်​ခန်းမဆောင်​နှင့်​မျက်နှာချင်းဆိုင် နန်းတွင်း​ဆောင်​တွင် ရပ်​နေ​၏​။ ရှင်ဘုရင်​သည်​လည်း ဘုရင့်​ခန်းမဆောင်​အဝင်ဝ​သို့​မျက်နှာမူ​လျက် ခန်းမ​တွင်း​ရှိ​ရာဇ​ပလ္လင်​ပေါ်တွင် စံမြန်း​နေ​၏​။

ဆာ​လံ 104:15

လူ​၏​စိတ်နှလုံး​ကို​ဝမ်းမြောက်​စေ​သော စပျစ်ဝိုင်​ကို​လည်းကောင်း​၊ မျက်နှာ​ကို​ဝင်းပြောင်​စေ​သော​ဆီ​ကို​လည်းကောင်း​၊ လူ​၏​စိတ်နှလုံး​ကို​လန်းဆန်း​စေ​သော အစားအစာ​ကို​လည်းကောင်း ဖြစ်ပေါ်​စေ​တော်မူ​၏​။

ဒေသနာကျမ်း။ 9:8

သင်​၏​အဝတ်​များ​သည် အစဉ်အမြဲ​ဖြူ​နေ​ပါစေ​။ သင်​၏​ခေါင်း​ပေါ်မှ​နံ့သာဆီ​ကို​လည်း မ​ခန်းခြောက်​စေ​နှင့်​။

ယေ​ဇ​ကျေ​လ 16:9

‘သွေး​ဖြင့်​ပေကျံ​နေ​သော​သင့်​ကို ရေ​ဖြင့်​ဆေးကြော​ပေး​၏​။ ဆီ​လိမ်း​ပေး​၏​။

မဿဲ 6:17

သို့သော် သင်​သည် အစာရှောင်​သောအခါ မိမိ​အစာရှောင်​နေ​ကြောင်း​ကို လူ​တို့​ရှေ့၌​မ​ထင်ရှား​စေ​ဘဲ မထင်ရှား​သော​အရပ်​၌​ရှိ​တော်မူ​သော သင်​၏​အဖ​ရှေ့​တော်​၌​သာ ထင်ရှား​စေရန် သင်​၏​ခေါင်း​ကို​ဆီ​လိမ်း​၍ သင်​၏​မျက်နှာ​ကို​သစ်​လော့။ ထိုအခါ မထင်ရှား​သော​အရာ​ကို​မြင်​တော်မူ​သော သင်​၏​အဖ​သည် သင့်​အား ဆုလာဘ်​ကို​ပေး​တော်မူ​လိမ့်မည်။

ရု​သ 3:2

သင်​သွား​၍​အလုပ်​အတူတူ​လုပ်​ခဲ့​သော​အစေအပါး​တို့​၏​သခင် ဗောဇ​သည် ငါ​တို့​၏​ဆွေမျိုးသားချင်း မ​ဟုတ်​လော​။ ယခု​ည သူ​သည် တလင်းပြင်​တွင် မုယောစပါး​လာ​လှေ့​လိမ့်မည်​။

ရု​သ 3:4

သူ​အိပ်​သောအခါ သူ​အိပ်​သည့်​နေရာ​ကို မှတ်ထား​ပြီး သူ​၏​ခြေ​၌​ဖုံး​ထား​သော​အဝတ်​ကို​လှစ်​၍ သင်​လှဲအိပ်​နေ​ပါ​။ ထိုအခါ သင်​ပြု​ရ​မည့်​အရာ​ကို သူ​ပြောပြ​လိမ့်မည်​”​ဟု ဆို​၏​။