ရု​သ 1:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထာဝရဘုရား​သည် မိမိ​လူမျိုး​တော်​အား ကြည့်ရှု​ထောက်မ​၍ အစာရေစာ​ပေး​တော်မူ​ကြောင်း​ကို မောဘ​ပြည်​မှ နောမိ​ကြားသိ​သောအခါ သူ​သည် ချွေးမ​တို့​နှင့်အတူ မောဘ​ပြည်​မှ နေရင်းပြည်​သို့ ပြန်သွား​ရန် ပြင်ဆင်​၏​။

Common Language Bible

⁶ ကာ​လ​အ​တန်​ကြာ​သော​အ​ခါ ထာ​ဝ​ရ​ဘု​ရား သည်​ကောက်​ပဲ​သီး​နှံ​အ​ထွက်​များ​စေ​ခြင်း​အား ဖြင့် မိ​မိ​၏​လူ​စု​အား​ကောင်း​ချီး​ပေး​တော်​မူ ကြောင်း​သ​တင်း​ကို​နော​မိ​ကြား​ရ​လေ​သည်။ သို့ ဖြစ်​၍​သူ​သည်​မိ​မိ​၏​ချွေး​မ​များ​နှင့်​အ​တူ မော​ဘ​ပြည်​မှ​ထွက်​ခွာ​ရန်​အ​သင့်​ပြင်​လေ​၏။-

Garrad Bible

⁶ လူ မျိုး တော် အား ထာ ဝ ရ ဘု ရား ကြည့် ရှု၍ အ စာ ပေး သ နား တော် မူ ကြောင်း ကို မော ဘ ပြည် တွင် နေ သေး စဉ် ကြား ရ သည် နှင့် ထို ပြည် မှ ချွေး မ နှစ် ယောက် တို့ နှင့် တ ကွ ပြန် သွား ရန် ထ ပြီး လျှင်၊

Judson Bible

⁶ တစ်​ဖန် ထာ​ဝ​ရ​ဘု​ရား​သည် မိ​မိ​လူ​တို့​ကို အ​ကြည့်​အ​ရှု​ကြွ၍ မုန့်​ကို​ပေး​သ​နား​တော်​မူ​ကြောင်း​ကို ထို​မိန်း​မ​သည် မော​ဘ​ပြည်၌​ကြား​သော​အ​ခါ၊ မော​ဘ​ပြည်​မှ ပြန်​သွား​မည်​ဟု ချွေး​မ​နှစ်​ယောက်​နှင့်​အ​တူ​ထ၍၊

ရု​သ 1:6 ပူးပေါင်းရင်းမြစ်များ

ကမ္ဘာ​ဦး 21:1

ထာဝရဘုရား​သည် မိမိ​မိန့်​တော်မူ​ခဲ့​သည့်​အတိုင်း စာရာ​ကို​အကြည့်အရှု​ကြွလာ​တော်မူ​၏​။ ထာဝရဘုရား​သည် ကတိပေး​တော်မူ​ခဲ့​သည့်​အတိုင်း စာရာ​၌​ပြု​တော်မူ​သဖြင့်

ကမ္ဘာ​ဦး 28:20

ထို့နောက် ယာကုပ်​က “​ဘုရားသခင်​သည် အကျွန်ုပ်​နှင့်အတူ​ရှိ​၍ အကျွန်ုပ်​သွား​သော​ဤ​ခရီး​တွင် အကျွန်ုပ်​ကို​စောင့်ရှောက်​လျက် စားစရာ​အစာ​နှင့် ဝတ်​စရာ​အဝတ်​ကို အကျွန်ုပ်​အား​ပေးသနား​တော်မူ​သဖြင့်

ကမ္ဘာ​ဦး 48:15

အစ္စရေး​သည် ယောသပ်​အား​ကောင်းချီးပေး​လျက် “​ငါ့​ဘိုးဘေး​အာဗြဟံ​နှင့်​ဣဇက်​တို့​ကိုးကွယ်​သော ဘုရားသခင်​၊ ငါ့​အသက်တာ​တစ်လျှောက်လုံး​တွင် ယနေ့​တိုင်အောင် ငါ့​ကို​ထိန်းကျောင်း​တော်မူ​သော​ဘုရားသခင်​၊

ကမ္ဘာ​ဦး 50:25

တစ်ဖန် ယောသပ်​က “​ဘုရားသခင်​သည် သင်​တို့​ထံသို့ အမှန်ပင်​အကြည့်အရှု​ကြွလာ​တော်မူ​မည်​။ ထိုအခါ သင်​တို့​သည် ငါ့​အရိုး​တို့​ကို ဤ​ပြည်​မှ ယူဆောင်​သွား​ရ​မည်​”​ဟု ဆို​လျက် အစ္စရေး​အမျိုးသား​တို့​အား ကျိန်ဆို​စေ​၏​။

ဆာ​လံ 102:14

အကယ်စင်စစ် ကိုယ်တော်​၏​အစေအပါး​တို့​သည် ဇိအုန်​၏​ကျောက်တုံး​များ​ကို နှစ်သက်​၍ ၎င်း​၏​မြေမှုန့်​ကို​ပင် စုံမက်​ကြ​ပါ​၏​။

ဆာ​လံ 111:5

ကိုယ်တော်​သည် မိမိ​ကို​ကြောက်ရွံ့​သော​သူ​တို့​အား စားစရာ​ကို​ပေး​၍ မိမိ​၏​ပဋိညာဉ်​တော်​ကို အစဉ်အမြဲ​အောက်မေ့​တော်မူ​၏​။

ဆာ​လံ 132:15

ထို​အရပ်​ကို ကောင်းချီးပေး​မည်​။ စားနပ်ရိက္ခာ​ပေါများ​စေ​မည်​။ နွမ်းပါး​သော​သူ​တို့​ကို အစားအစာ​နှင့် ဝပြော​စေ​မည်​။

ဆာ​လံ 145:15

လူ​အပေါင်း​တို့​သည် ကိုယ်တော်​ကို မျှော်ကြည့်​ကြ​ပါ​၏​။ ကိုယ်တော်​သည်​လည်း အချိန်တန်​လျှင် သူ​တို့​အား အစားအစာ​ကို ပေး​တော်မူ​ပါ​၏​။

ဆာ​လံ 146:7

နှိပ်စက်​ခြင်း​ခံရ​သော​သူ​တို့​အတွက် တရားမျှတမှု​ကို​ဆောင်ကြဉ်း​ပေး​၍ ဆာလောင်မွတ်သိပ်​သော​သူ​တို့​အား အစားအစာ​ကို​ပေး​တော်မူ​၏​။ ထာဝရဘုရား​သည် ချုပ်ထား​ခြင်း​ခံရ​သော​သူ​တို့​ကို လွှတ်ပေး​တော်မူ​၏​။

ဆာ​လံ 147:14

ကိုယ်တော်​သည် သင်​၏​နယ်နိမိတ်​ထဲ၌ ငြိမ်းချမ်းမှု​ရှိ​စေ​၍ အကောင်းဆုံး​သော​ဂျုံဆန်​ဖြင့် သင့်​ကို​ဝပြော​စေ​တော်မူ​၏​။

ထွက်​မြောက် 3:16

သင်​သည် သွား​၍ အစ္စရေး​သက်ကြီးဝါကြီး​တို့​ကို​စုဝေး​စေ​ပြီးလျှင် သူ​တို့​အား ‘​သင်​တို့​ဘိုးဘေး​တို့​၏​ဘုရား​၊ အာဗြဟံ​၊ ဣဇက်​၊ ယာကုပ်​တို့​၏​ဘုရား​တည်းဟူသော ထာဝရဘုရား​သည် ငါ့​အား ကိုယ်​ထင်ရှားပြ​တော်မူ​လျက် “​ငါ​သည် သင်​တို့​ကို​လည်းကောင်း​၊ အီဂျစ်​ပြည်​တွင် သင်​တို့​၌​ဖြစ်ပျက်​သော​အရာ​ကို​လည်းကောင်း အမှန်ပင် အကြည့်အရှု​ကြွလာ​ပြီ​။

ထွက်​မြောက် 4:31

ထာဝရဘုရား​သည် အစ္စရေး​အမျိုးသား​တို့​ကို ကြည့်ရှု​တော်မူ​ကြောင်း​၊ သူ​တို့​ခံရ​သည့်​ဖိစီးနှိပ်စက်မှု​ကို သိမြင်​တော်မူ​ကြောင်း အစ္စရေး​လူမျိုး​တို့ ကြားသိ​ရ​သောအခါ ယုံကြည်​၍ ဦးညွှတ်​လျက် ရှိခိုးကိုးကွယ်​ကြ​၏​။

သုတ္တံကျမ်း။ 30:8

မဟုတ်မမှန်​သော​အရာ​နှင့် လိမ်လည်​သော​စကား​ကို အကျွန်ုပ်​နှင့်​ဝေးကွာ​စေ​တော်မူ​ပါ​။ ဆင်းရဲ​ခြင်း​ကို​လည်းကောင်း​၊ ကြွယ်ဝချမ်းသာ​ခြင်း​ကို​လည်းကောင်း အကျွန်ုပ်​အား ပေး​တော်​မ​မူ​ပါ​နှင့်​။ အကျွန်ုပ်​အတွက်​လိုအပ်​သော​အစာ​ကို​သာ အကျွန်ုပ်​အား ပေး​တော်မူ​ပါ​။

ဟေ​ရှာ​ယ 55:10

မိုးရေ​နှင့်​နှင်းပွင့်​တို့​သည် မိုးကောင်းကင်​မှ​ကျလာ​ပြီး မိုးကောင်းကင်​သို့​ပြန်​မ​တက်​ဘဲ မြေ​ကို​စိုစွတ်​စေ​လျက်​၊ အပင်ပေါက်​စေ​လျက်​၊ သီးပွင့်​စေ​လျက် မျိုးကြဲ​သော​သူ​အတွက် မျိုးစေ့​၊ စား​သော​သူ​အတွက် အစားအစာ​ကို ပေး​သကဲ့သို့

ယေ​ရ​မိ 29:10

တစ်ဖန် ထာဝရဘုရား​က ဘေဘီလုံ​မြို့​တွင် အနှစ်​ခုနစ်ဆယ်​ပြည့်​သောအခါ ငါ​သည် သင်​တို့​ကို အကြည့်အရှု​ကြွလာ​မည်​။ ဤ​ပြည်​သို့ သင်​တို့​ကို ပြန်ခေါ်​လာ​မည်​ဟူသော ငါ​၏​ကတိ​ကို ပြည့်စုံ​စေ​မည်​။

ယော​လ 2:19

ထာဝရဘုရား​က မိမိ​လူမျိုး​တော်​အား “​ကြည့်ရှု​လော့​။ ငါ​သည် သင်​တို့​အား ကောက်ပဲသီးနှံ​၊ စပျစ်ဝိုင်​အသစ်​နှင့်​ဆီ​ကို ပေးသနား​၍ သင်​တို့​သည် ဝပြော​စွာ​စားသောက်​ရ​မည်​။ သင်​တို့​ကို လူမျိုးခြား​တို့​အလယ်​တွင် ကဲ့ရဲ့စရာ​ဖြစ်စေ​တော့​မည်​မ​ဟုတ်​။

ဇေဖနိ 2:7

ထို​နေရာ​သည် ကြွင်းကျန်​သော​ယုဒ​အမျိုးအနွယ်​တို့​အတွက် ဖြစ်​လိမ့်မည်​။ သူ​တို့​သည် ထို​နေရာ​တွင် ကျက်စား​၍ နေဝင်ချိန်​၌ အာရှကေလုန်​မြို့​ရှိ​အိမ်​တို့​တွင် လဲလျောင်း​ကြ​လိမ့်မည်​။ စင်စစ် သူ​တို့​၏​ဘုရားသခင်​ထာဝရဘုရား​သည် သူ​တို့​ကို အကြည့်အရှု​ကြွလာ​၍ ဖမ်းခေါ်​သွား​ခြင်း​ခံ​ရာ​မှ ပြန်လာ​စေ​တော်မူ​မည်​။

မဿဲ 6:11

အကျွန်ုပ်​တို့​အတွက် တစ်နေ့တာ​လိုအပ်​သော​အစာ​ကို ယနေ့​ပေး​သနား​တော်မူ​ပါ။

လုကာ 1:68

“အစ္စရေး​လူမျိုး​၏​ဘုရားသခင်​ထာဝရ​ဘုရား​သည် မင်္ဂလာရှိ​ပါစေသော။ အကြောင်းမူကား ကိုယ်တော်​သည် မိမိ​လူမျိုး​တော်​ကို အကြည့်အရှု​ကြွလာ​တော်မူ​၍ ရွေးနုတ်​ကယ်တင်​ခြင်း​ကျေးဇူး​ကို​ပြု​တော်မူ​ပြီး

လုကာ 19:44

သင်​မှစ၍ သင့်​အထဲ၌​ရှိ​သော သင်​၏​သားသမီး​တို့​ကို မြေ​နှင့်​တစ်ညီ​တည်း​ဖြစ်​စေ​သဖြင့် သင့်​အထဲတွင် ကျောက်တုံး​တစ်​တုံး​ကို​မျှ အခြား​ကျောက်တုံး​တစ်​တုံး​ပေါ်၌​မ​ကျန်ရစ်​စေ​မည့် အချိန်​ကာလ​သည် ရောက်လာ​လိမ့်မည်။ အဘယ်ကြောင့်​ဆိုသော် သင့်​ထံ အကြည့်အရှု​ကြွလာ​တော်မူ​သော​အချိန်​ကို သင်​မ​သိ​သောကြောင့်​ဖြစ်​၏”​ဟု မိန့်​တော်မူ​၏။

၁ တိ 6:8

သို့ဖြစ်၍ စားစရာ​နှင့်​ဝတ်စရာ​ရှိ​လျှင် ထို​အရာ​တို့​နှင့်​ကျေနပ်​ကြ​ရ​မည်။

၁ ပေ 2:12

လူမျိုးခြား​တို့​အလယ်​တွင် ကောင်း​စွာ​အသက်ရှင်​နေထိုင်​ကြ​လော့။ သို့ပြုလျှင် သူ​တို့​သည် သင်​တို့​ကို ဒုစရိုက်​ပြု​သူ​များ​အဖြစ် ပုတ်ခတ်​ပြောဆို​ကြ​သော်လည်း သင်​တို့​၏​ကောင်း​သော​အမှု​တို့​ကို​မြင်​၍ အကြည့်အရှု​ကြွလာ​တော်မူ​သော​နေ့ရက်​၌ ဘုရားသခင်​၏​ဘုန်း​တော်​ကို​ချီးမွမ်း​ကြ​လိမ့်မည်။

ရု​သ 1:5

ထို့နောက် မဟာလုန်​နှင့် ခိလျုန် နှစ်ယောက်စလုံး​လည်း သေဆုံး​သွား​သဖြင့် နောမိ​သည် သား​နှစ်​ယောက်​မ​ရှိ​၊ ခင်ပွန်းသည်​မ​ရှိ​ဘဲ ကျန်ရစ်​ခဲ့​ရ​၏​။

ရု​သ 1:7

ထို့နောက် ချွေးမ​နှစ်​ယောက်​နှင့်အတူ လက်ရှိ​နေထိုင်​ရာ​အရပ်​မှ ယုဒ​ပြည်​သို့ ခရီးပြု​ထွက်ခွာ​လာ​ကြ​၏​။

၁ ရာ 2:21

ထာဝရဘုရား​သည် ဟန္န​ကို ကြည့်ရှုထောက်မ​တော်မူ​သဖြင့် သူ​သည် ကိုယ်ဝန်ဆောင်​၍ သား​သုံး​ယောက်​၊ သမီး​နှစ်​ယောက်​ကို ထပ်မံ​မွေးဖွား​လေ​၏​။ သူငယ်​ရှမွေလ​သည်​လည်း ထာဝရဘုရား​ရှေ့​တော်​တွင် ကြီးပြင်း​လာ​လေ​၏​။