ယေ​ရ​မိ 7:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ဧည့်သည်​၊ ဖတဆိုး​၊ မုဆိုးမ​တို့​ကို​မ​နှိပ်စက်​၊ အပြစ်မဲ့​သူ​၏​အသက်​ကို ဤ​အရပ်​၌ မ​သတ်​၊ ကိုယ့်​ကို​ဒုက္ခ​ပေး​မည့် အခြား​ဘုရား​များ​နောက်​သို့​မ​လိုက်​ဘဲ​နေ​လျှင်

Common Language Bible

⁶ တိုင်း​တစ်​ပါး​သား​များ၊ မိ​ဘ​မဲ့​သူ​များ​နှင့် မု​ဆိုး​မ​များ​အ​ပေါ်​တွင်​အ​ခွင့်​ကောင်း​မ​ယူ ကြ​နှင့်​တော့။ ဤ​သန့်​ရှင်း​ရာ​ဌာ​န​တော်​တွင် အ​ပြစ်​မဲ့​သူ​တို့​အား​သတ်​ဖြတ်​မှု​မ​ပြု​ကြ နှင့်​တော့။ အ​ခြား​ဘု​ရား​များ​ကို​ဝတ်​ပြု​ကိုး ကွယ်​မှု​သည်​သင်​တို့​အား​အ​ကျိုး​ယုတ်​စေ မည်​ဖြစ်​၍​ထို​အ​မှု​ကို​ရပ်​စဲ​လိုက်​ကြ​လော့။-

Garrad Bible

⁶ ဝင် နေ သူ၊ ဖ သက် ဆိုး၊ မု ဆိုး မ များ ကို မ ညှဉ်း မ ပန်း။ ဤ ဒေ သ ၌ အ ပြစ် ကင်း သူ ၏ အ သွေး ကို မ သွန်း၊ ကိုယ် ကို ဒု က္ခ ရှာ၍ အ ခြား ဘု ရား များ နောက် မ လိုက် မ လျှောက် လျှင် လည်း‌ ကောင်း၊

Judson Bible

⁶ ဧည့်​သည်​အာ​ဂ​န္တု၊ မိ​ဘ​မ​ရှိ​သော​သူ​ငယ်၊ မု​ဆိုး​မ​ကို မ​ညှဉ်း​ဆဲ၊ အ​ပြစ်​မ​ရှိ​သော​သူ၏​အ​သက်​ကို ဤ​အ​ရပ်၌ မ​သတ်၊ ကိုယ်​အ​ကျိုး​ကို ဖျက်၍ အ​ခြား​တစ်​ပါး​သော​ဘု​ရား​တို့​ကို မ​ချဉ်း​ကပ်​ဘဲ​နေ​လျှင်​လည်း​ကောင်း၊

ယေ​ရ​မိ 7:6 ပူးပေါင်းရင်းမြစ်များ

၄ ရာ 21:6

မိမိ​သား​ကို မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို အဆမတန်​ပြု​လျက် ထာဝရဘုရား​ကို အမျက်ထွက်​စေ​၏​။

၄ ရာ 24:4

မနာရှေ​မင်းကြီး​သည် အပြစ်ကင်း​သော​သူ​တို့​ကို​သတ်​၍ ဂျေရုဆလင်​မြို့​တွင် အပြစ်ကင်း​သော​သူ​တို့​၏​သွေး​နှင့် ပြည့်​စေ​သောကြောင့် ထာဝရဘုရား​သည် သူ့​ကို ခွင့်လွှတ်​ရန် အလို​တော်​မ​ရှိ​။

ဆာ​လံ 106:38

ထိုသို့ ခါနာန်​ရုပ်တု​များ​အား မိမိ​တို့​သား​သမီး​တို့​ကို​ပူဇော်​ခြင်း​အားဖြင့် အပြစ်ကင်း​သော​သွေး​တည်းဟူသော ထို​သား​သမီး​တို့​၏​သွေး​ကို​သွန်း​၍ ထို​ပြည်​ကို သွေး​ဖြင့်​ညစ်ညူး​စေ​ကြ​၏​။

သုတ္တံကျမ်း။ 23:10

ရှေးယခင်​နယ်နိမိတ်​အမှတ်အသား​ကို မ​ရွှေ့​နှင့်​။ ဖတဆိုး​တို့​၏​လယ်ယာ​များ​ကို မ​ကျူးကျော်​နှင့်​။

ဟေ​ရှာ​ယ 59:7

သူ​တို့​ခြေ​သည် မကောင်းမှု​ရှိ​ရာ​သို့ ပြေးသွား​တတ်​၏​။ သူ​တို့​သည် အပြစ်မဲ့​သော​သူ​အား သတ်ဖြတ်​ရန် လျင်မြန်​၏​။ သူ​တို့​၏​အကြံ​သည် မကောင်း​သော​အကြံ​ဖြစ်​၏​။ သူ​တို့​သွား​ရာ​လမ်း​၌ ပျက်စီး​ပြိုပျက်​ခြင်း​ရှိ​၏​။

ယေ​ရ​မိ 13:10

ငါ့​စကား​ကို နားမထောင်​၊ ဆိုးညစ်​မာကျော​သော​စိတ်သဘော​နောက်သို့​လိုက်​၍ အခြား​သော​ဘုရား​များ​ကို ဝတ်ပြု​ကိုးကွယ်​သော ဤ​လူမျိုး​တို့​သည် သုံး​မ​ရ​သော​ခါးပတ်​ကဲ့သို့ ဖြစ်​ကြ​မည်”​ဟု မိန့်​တော်မူ​၏​။

ယေ​ရ​မိ 19:4

အကြောင်းမူကား သူ​တို့​သည် ငါ့​ကို​စွန့်ပယ်​၍ ဤ​အရပ်​ကို ညစ်ညမ်း​စေ​ပြီ​။ သူ​တို့​ကိုယ်တိုင်​မ​သိ​၊ ယုဒ​ဘုရင်​တို့​လည်း​မ​သိ​၊ သူ​တို့​၏​ဘိုးဘေး​တို့​လည်း​မ​သိ​သော အခြား​ဘုရား​များ​အား နံ့သာပေါင်း​မီးရှို့ပူဇော်​ကြ​ပြီ​။ ဤ​အရပ်​ကို​လည်း အပြစ်မဲ့​သော​သူ​တို့​အား​သတ်​သော​အပြစ်​နှင့်​ပြည့်​စေ​ပြီ​။

ယေ​ရ​မိ 2:30

“ငါ​သည် သင်​တို့​၏​သားသမီး​များ​ကို ဆုံးမ​သော်လည်း အကျိုးမရှိ​။ သူ​တို့​သည် ဆုံးမပဲ့ပြင်​ခြင်း​ကို​လက်​မ​ခံ​ကြ​။ သင်​တို့​၏​ဓား​သည် သွေးဆာ​နေ​သော​ခြင်္သေ့​ကဲ့သို့ ပရောဖက်​များ​ကို ဝါးမျို​လေ​ပြီ​။

ယေ​ရ​မိ 2:34

အပြစ်မဲ့​သော​ဆင်းရဲသား​တို့​ဖောက်ထွင်းသည်​ကို သင်​မ​တွေ့​။ သို့သော် သင့်​အဝတ်​အောက်စွန်း​၌ သူ​တို့​၏​သွေးစွန်း​သည်​ကို တွေ့​ရ​၏​။ ထိုသို့​ဖြစ်​လျက်​နှင့်​ပင်

ယေ​ရ​မိ 26:15

အကယ်စင်စစ် ဤ​စကား​အလုံးစုံ​ကို သင်​တို့​အား​ကြားပြော​ရန် ထာဝရဘုရား ငါ့​ကို​စေလွှတ်​တော်မူ​သည်​ဖြစ်၍ ငါ့​ကို​သတ်​လျှင် သင်​တို့​နှင့်တကွ ဤ​မြို့​နှင့်​မြို့သူမြို့သား​တို့​သည် အပြစ်မဲ့​သော​သူ​အား သတ်​သော​အပြစ်​သင့်​လိမ့်မည်​ကို သိမှတ်​ကြ​လော့​”​ဟု ဆို​၏​။

ယေ​ရ​မိ 26:23

ထို​သူ​တို့​သည် ဥရိယ​အား အီဂျစ်​ပြည်​မှ ယောယကိမ်​မင်းကြီး​ထံသို့ ဖမ်းဆီး​ခေါ်ဆောင်​လာ​ခဲ့​ကြ​၏​။ ရှင်ဘုရင်​သည် သူ့​ကို​ဓား​ဖြင့်​ကွပ်မျက်​၍ သူ​၏​ကိုယ်ခန္ဓာ​ကို အများပြည်သူ​သင်္ချိုင်း​၌ ပစ်​ထား​လေ​၏​။

ယေ​ရ​မိ 35:15

ငါ့​အစေအပါး​ပရောဖက်​တို့​ကို သင်​တို့​ထံ အကြိမ်ကြိမ်​စေလွှတ်​၍ သင်​တို့​နှင့် သင်​တို့​ဘိုးဘေး​တို့​အား ငါ​ပေး​သော​ပြည်​၌ သင်​တို့​နေထိုင်​ရ​မည့်​အကြောင်း သင်​တို့​အသီးသီး ဆိုးညစ်​သော​လမ်း​မှ ပြန်လာ​ကြ​။ သင်​တို့​၏​အကျင့်စရိုက်​များ​ကို ပြုပြင်​ကြ​။ အခြား​ဘုရား​များ​နောက်​သို့​မ​လိုက်​နှင့်​၊ ဝတ်​မ​ပြု​နှင့်​ဟု ဆင့်ဆို​စေ​ခဲ့​သော်လည်း သင်​တို့​ဂရု​မ​စိုက်​၊ နား​မ​ထောင်​ကြ​။

ယေ​ရ​မိ 5:28

သူ​တို့​သည် ဝဖြိုး​စိုပြည်​ကြ​၏​။ မကောင်းမှု​ကို အတောမသတ်​ပြု​ကြ​၏​။ သူ​တို့​ကောင်းစားရေး​အတွက် မိဘမဲ့​တို့​၏​အမှု​ကို မတရားသဖြင့်​စီရင်​ကြ​၏​။ နွမ်းပါး​သူ​တို့​အတွက် တရားမျှတ​စွာ​မ​စီရင်​ကြ​။

ယေ​ရ​မိ 7:5

သင်​တို့​၏​အပြုအမူ​အကျင့်အကြံ​တို့​ကို အမှန်​ပြုပြင်​လျှင်​၊ သင်​တို့​သည် အိမ်နီးချင်း​အချင်းချင်း​ကြား တရားမျှတ​စွာ​စီရင်​လျှင်​၊

ယေ​ရ​မိ 7:9

သင်​တို့​သည် ခိုး​လျက်​၊ လူသတ်​လျက်​၊ အိမ်ထောင်ရေးဖောက်ပြန်​လျက်​၊ မဟုတ်မမှန်​ကျိန်ဆို​လျက်​၊ ဗာလ​ဘုရား​အား နံ့သာပေါင်း​မီးရှို့ပူဇော်​လျက်​၊ သင်​တို့​မ​သိ​သော​အခြား​ဘုရား​များ​နောက်သို့​လိုက်​လျက်​နှင့်

မြည်​တမ်း​စ​ကား 4:13

ဖြောင့်မတ်​သော​သူ​တို့​၏​သွေး​ကို မြို့​လယ်ခေါင်​၌ သွန်း​ခဲ့​သော ပရောဖက်​တို့​၏​အပြစ်​၊ ယဇ်ပုရောဟိတ်​တို့​၏​ဒုစရိုက်​များ​ကြောင့် ဤသို့​ဖြစ်​ရ​လေ​ပြီ​။

ယေ​ဇ​ကျေ​လ 18:6

တောင်​များ​ပေါ်တွင်​ပူဇော်​သော​အစာ​ကို မ​စား​၊ အစ္စရေး​အမျိုးအနွယ်​၏​ရုပ်တု​တို့​ကို မ​ကိုးကွယ်​၊ မိမိ​အိမ်နီးချင်း​၏​မယား​ကို မ​ပြစ်မှား​၊ ဓမ္မတာလာ​သော​မိန်းမ​ထံ မ​ချဉ်းကပ်​၊

ယေ​ဇ​ကျေ​လ 22:7

မိဘ​ကို မထီလေးစားပြု​သော​သူ​များ သင့်​တွင်​ရှိ​၏​။ တိုင်းတစ်ပါးသား​တို့​ကို ဖိနှိပ်ချုပ်ချယ်​သော​သူ​များ သင့်​တွင်​ရှိ​၏​။ ဖတဆိုး​များ​၊ မုဆိုးမ​များ​ကို နိုင်ထက်စီးနင်း​ပြု​သော​သူ​များ​သင့်​တွင်​ရှိ​၏​။

ဝတ်​ပြု 19:33

သင်​တို့​ပြည်​တွင် တိုင်းတစ်ပါးသား​သည် သင်​နှင့်အတူ တည်းခိုနေထိုင်​သောအခါ သူ့​ကို နိုင်ထက်စီးနင်း​မ​ပြု​ရ​။

ဝတ်​ပြု 25:17

အချင်းချင်း နိုင်ထက်စီးနင်း​မ​ပြု​ရ​။ သင်​၏​ဘုရားသခင်​ကို သင်​ကြောက်ရွံ့​ရ​မည်​။ အကြောင်းမူကား ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 27:25

လူ​အပေါင်း​တို့​က​လည်း “သူ​၏​သွေး​သည် ငါ​တို့​နှင့်​ငါ​တို့​၏​သားသမီး​များ​အပေါ် ကျရောက်​ပါစေ”​ဟု ပြန်ပြော​ကြ​၏။

မဿဲ 27:4

“အကျွန်ုပ်​သည် အပြစ်ကင်း​သော​သူ​၏​သွေး​ကို​အပ်နှံ​ပြီး အပြစ်​ပြု​မိ​ပါ​ပြီ”​ဟု ဆို​၏။ သို့သော် ထို​သူ​တို့​က “ငါ​တို့​နှင့် မည်သို့​ဆိုင်​သနည်း။ ကိုယ့်​အမှု​ကို ကိုယ်​ဖြေရှင်း​လော့”​ဟု ဆို​ကြ​၏။

တ​ရား​ဟော 11:28

သင်​တို့​၏​ဘုရားသခင်​ထာဝရဘုရား​၏​ပညတ်တော်​တို့​ကို နား​မ​ထောင်​၊ ယနေ့ သင်​တို့​အား ငါ​ဆင့်ဆို​သော လမ်း​မှ​လွှဲ​၍ သင်​တို့​မ​သိ​သော​အခြား​ဘုရား​များ​နောက်သို့​လိုက်သွား​လျှင် ကျိန်​ခြင်း​ဖြစ်​မည်​။

တ​ရား​ဟော 24:17

တိုင်းတစ်ပါးသား​နှင့် ဖတဆိုး​တို့ ရထိုက်​သော တရားမျှတမှု​ကို မ​ပိတ်ပင်​ရ​။ မုဆိုးမ​၏​အဝတ်​ကို အပေါင်​လက်​မ​ခံရ​။

တ​ရား​ဟော 27:19

‘​တိုင်းတစ်ပါးသား​၊ ဖတဆိုး​၊ မုဆိုးမ​တို့​ရ​ထိုက်​သော တရားမျှတမှု​ကို ပိတ်ပင်​သော​သူ​သည် ကျိန်ဆဲ​ခြင်း​ခံရ​မည်​’​ဟု ဆို​လျှင် လူ​အပေါင်း​တို့​က ‘​အာမင်​’​ဟု ဆို​ရ​မည်​။

တ​ရား​ဟော 8:19

သင်​သည် သင်​၏​ဘုရားသခင်​ထာဝရဘုရား​ကို အမှန်ပင်​မေ့လျော့​၍ အခြား​ဘုရား​များ​ကို​ဆည်းကပ်​ကာ ထို​ဘုရား​တို့​ကို ပျပ်ဝပ်​ကိုးကွယ်​လျှင် သင်​တို့​သည် လုံးလုံး​ပျက်စီး​လိမ့်မည်​ဟု သင်​တို့​ကို ယနေ့ ငါ​သတိပေး​၏​။

ယာ​ကုပ် 1:27

ခမည်းတော်​ဘုရားသခင်​ရှေ့​တော်​၌ စင်ကြယ်​၍​ညစ်ညူး​ခြင်း​ကင်း​သော ဘာသာ​တရား​ကိုင်းရှိုင်း​မှု​ဟူသည်မှာ ဆင်းရဲ​ဒုက္ခ​ခံရ​သော မိဘမဲ့​ကလေး​နှင့်​မုဆိုးမ​တို့​ကို ကြည့်ရှု​ခြင်း၊ လောကီ​အညစ်အကြေး​တို့​နှင့်​ကင်းစင်​စေရန် မိမိကိုယ်ကို​စောင့်ထိန်း​ခြင်း​တို့​ပင်​ဖြစ်​၏။