ယေ​ရ​မိ 7:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ‘​ဤသည်ကား ထာဝရဘုရား​၏​ဗိမာန်တော်​၊ ထာဝရဘုရား​၏​ဗိမာန်တော်​၊ ထာဝရဘုရား​၏​ဗိမာန်တော်​ဖြစ်​သည်​’​ဟု ဆို​တတ်​သော​သူ​တို့​၏​မုသား​စကား​ကို သင်​တို့​မ​ယုံ​ကြ​နှင့်​။

Common Language Bible

⁴ `ဤ​ဗိ​မာန်​သည် ထာ​ဝ​ရ​ဘု​ရား​၏​ဗိ​မာန်​တော် ဖြစ်​၏။ ထာ​ဝ​ရ​ဘု​ရား​၏​ဗိ​မာန်​တော်​ဖြစ်​၏။ ထာ​ဝ​ရ​ဘု​ရား​၏​ဗိ​မာန်​တော်​ဖြစ်​၏' ဟု ပြော​ဆို​သူ​တို့​၏​မု​သား​စ​ကား​ကို​မ​ယုံ ကြ​နှင့်။

Garrad Bible

⁴ ထာ ဝ ရ ဘု ရား ၏ ဗိ မာန်၊ ထာ ဝ ရ ဘု ရား ၏ ဗိ မာန်၊ ထာ ဝ ရ ဘု ရား၏ ဗိ မာန် တော် ကား၊ ဤ အ ဆောင် ဆောင် တည်း ဟူ သော လှည့် ဖြား ခြင်း စ ကား များ ကို စိတ် မ ချ ကြ နှင့်။

Judson Bible

⁴ ဤ​သည်​ကား၊ ထာ​ဝ​ရ​ဘု​ရား၏​ဗိ​မာန်​တော်၊ ထာ​ဝ​ရ​ဘု​ရား၏​ဗိ​မာန်​တော်၊ ထာ​ဝ​ရ​ဘု​ရား၏​ဗိ​မာန်​တော်​ဖြစ်​သ​တည်း​ဟု မု​သား​စ​ကား​ကို ပြော​သော​သူ​တို့၌ မ​မှီ​ဝဲ​ကြ​နှင့်။

ယေ​ရ​မိ 7:4 ပူးပေါင်းရင်းမြစ်များ

မိက္ခာ 3:11

အကြီးအမှူး​တို့​သည် တံစိုးလက်ဆောင်​ရ​ရန် တရားစီရင်​ကြ​၏​။ ယဇ်ပုရောဟိတ်​တို့​သည်​လည်း အဖိုးအခ​ရ​ရန် သွန်သင်​ကြ​၏​။ ပရောဖက်​တို့​သည်​လည်း ငွေ​ရ​ရန် ဂမ္ဘီရအတတ်​ဖြင့် ဟောပြော​ကြ​၏​။ ထာဝရဘုရား​ကို အမှီပြု​၍​လည်း “​ထာဝရဘုရား​သည် ငါ​တို့​အလယ်​တွင်​ရှိ​တော်မူ​သည် မ​ဟုတ်​လော​။ ငါ​တို့​အပေါ်​ဘေးအန္တရာယ်​ကျရောက်​မည်​မ​ဟုတ်​”​ဟု ဆို​တတ်​ကြ​၏​။

ဇေဖနိ 3:11

ထို​နေ့ရက်​တွင် ငါ့​ကို သင်​ပုန်ကန်​ခဲ့​သော​အမှု​အလုံးစုံ​ကြောင့် သင်​အရှက်ကွဲ​ရ​လိမ့်မည်​မ​ဟုတ်​။ သင့်​အထဲ​ရှိ အပျော်အပါး​လိုက်စား​ခြင်း​၊ မာနထောင်လွှား​ခြင်း​တို့​ကို ငါ​ဖယ်ရှား​ပစ်​မည်​။ ထို့ကြောင့် ငါ​၏​သန့်ရှင်း​ရာ​တောင်​တော်​တွင် ဘဝင်မြင့်​ခြင်း​များ ရှိ​တော့​မည်​မ​ဟုတ်​။

ယေ​ဇ​ကျေ​လ 13:19

သင်​တို့​သည် မုယောဆန်​လက်တစ်ဆုပ်စာ​၊ မုန့်​တစ်လုတ်စာ​ရရှိ​ရန် ငါ့​လူမျိုး​တော်​အလယ်​တွင် ငါ့​ကို​ရှုတ်ချ​ကြ​ပြီ​။ အလိမ်အညာ​စကား​ကို​ယုံလွယ်​သော ငါ့​လူမျိုး​တော်​တို့​ကို လိမ်ညာ​ပြီး မသေသင့်​သူ​ကို သေ​အောင်​၊ သေသင့်​သူ​ကို မသေ​အောင် လုပ်​ကြ​ပြီ​တကား​ဟု မိန့်​တော်မူ​၏​။

ယေ​ရ​မိ 29:31

“သုံ့ပန်း​အားလုံး​တို့​အား ဤသို့​မှာလိုက်​လော့​။ နဟေလံ​ရွာသား ရှေမာယ​နှင့်​ပတ်သက်၍ ထာဝရဘုရား​က ရှေမာယ​သည် သင်​တို့​ကို ပရောဖက်ပြု​ဟောပြော​လေ​ပြီ​။ သူ့​ကို​ငါ​စေလွှတ်​သည်​မ​ဟုတ်​။ သူ​သည် သင်​တို့​အား မုသား​ကို ကိုးစား​စေ​ပြီ​ဟု မိန့်​တော်မူ​၏​။

လုကာ 3:8

သို့ဖြစ်၍ နောင်တ​နှင့်​ထိုက်တန်​သော​အသီး​ကို သီး​ကြ​လော့။ ငါ​တို့​တွင် အဖ​အာဗြဟံ​ရှိ​သည်​ဟူ၍ သင်​တို့​စိတ်​ထဲ၌​မ​ပြောဆို​ကြ​နှင့်။ သင်​တို့​အား ငါ​ဆို​သည်​ကား ဘုရားသခင်​သည် အာဗြဟံ​အတွက် သားသမီး​များ​ကို ဤ​ကျောက်ခဲ​တို့​ထဲမှ​ပေါ်ထွန်း​စေ​နိုင်​သည်။

ယေ​ရ​မိ 28:15

ပရောဖက်​ယေရမိ​က ပရောဖက်​ဟာနနိယ​အား “​ဟာနနိယ ယခု​နားထောင်​လော့​။ ထာဝရဘုရား​သည် သင့်​ကို​စေလွှတ်​တော်မူ​သည်​မ​ဟုတ်​။ သင်​သည် ဤ​လူမျိုး​အား မုသား​ကို ယုံစား​စေ​ပြီ​။

ယေ​ရ​မိ 6:14

ငြိမ်းချမ်းမှု​မ​ရှိ​သော်လည်း ‘​ငြိမ်းချမ်း​သည်​၊ ငြိမ်းချမ်း​သည်​’​ဟု ဆို​လျက် ငါ့​လူမျိုး​တော်​၏​ဒဏ်ရာ​ကို ပေါ့ပေါ့တန်တန်​ကုသ​ပေး​ကြ​၏​။

ယေ​ရ​မိ 29:23

သူ​တို့​သည် အစ္စရေး​လူမျိုး​တို့​၌ ယုတ်ညံ့​သော​အမှု​ကို​ပြု​ကြ​၏​။ အိမ်နီးချင်း​တို့​၏​မယား​နှင့် အိမ်ထောင်ရေးဖောက်ပြန်​ကြ​၏​။ ငါ​မ​မိန့်မှာ​ဘဲ ငါ့​နာမ​ဖြင့် မဟုတ်မမှန်​သော​စကား​ကို ပြောဆို​ကြ​၏​။ ငါ​သည် သိ​၏​။ ငါ​သည် သက်သေ​ဖြစ်​၏​ဟူ၍ ထာဝရဘုရား​မိန့်​တော်မူ​သည်”​ဟု ပါရှိ​၏​။

၃ ရာ 9:7

အစ္စရေး​လူမျိုး​တို့​ကို ငါ​ပေး​ထား​သော​ပြည်​ပေါ်​မှ ငါ​ဖယ်ရှား​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပစ်​မည်​။ အစ္စရေး​လူမျိုး​တို့​သည် လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​ရ​လိမ့်မည်​။

ဟေ​ရှာ​ယ 48:2

မိမိကိုယ်မိမိ သန့်ရှင်း​သော​မြို့သား​ဟု ခံယူ​သော​သူ​၊ ကောင်းကင်​ဗိုလ်ခြေ​အရှင်​ထာဝရဘုရား​ဟု အမည်​ရှိ​သော အစ္စရေး​လူမျိုး​၏​ဘုရားသခင်​ကို အမှီပြု​သော​သူ​တို့ ဖြစ်​ကြ​၏​။

ဟေ​ရှာ​ယ 59:4

တရားမျှတမှု​ကို​တောင်းလျှောက်​သော​သူ​မ​ရှိ​။ သစ္စာ​ဖြင့် တရားစီရင်​သော​သူ​မ​ရှိ​။ အချည်းနှီး​သော​အရာ​ကို​ယုံကြည်ကိုးစား​၍ မုသား​ကို​ပြောဆို​ကြ​၏​။ အခက်အခဲ​ပြဿနာ​ကို​ကိုယ်ဝန်ဆောင်​၍ အပြစ်ဒုစရိုက်​ကို​မွေးဖွား​၏​။

ဟေ​ရှာ​ယ 66:1

ထာဝရဘုရား​က “​ကောင်းကင်ဘုံ​သည် ငါ​၏​ပလ္လင်​ဖြစ်​၏​။ မြေကြီး​သည် ငါ​၏​ခြေတင်ခုံ​ဖြစ်​၏​။ ငါ့​အတွက် အိမ်​ကို အဘယ်မှာ​ဆောက်​မည်နည်း​။ ငါ​ကိန်းဝပ်​ရာ​အရပ်​ကား အဘယ်မှာ​နည်း​”​ဟု မိန့်​တော်မူ​၏​။

ယေ​ရ​မိ 7:14

သို့ဖြစ်၍ သင်​တို့​ယုံကြည်ကိုးစား​ရာ​ဖြစ်​သည့် ငါ့​နာမ​ဖြင့်​ခေါ်ဝေါ်သမုတ်​သော အိမ်​တော်​ကို​လည်းကောင်း​၊ သင်​တို့​နှင့်​သင်​တို့​ဘိုးဘေး​တို့​အား ငါ​ပေး​သော​ပြည်​ကို​လည်းကောင်း ရှိလော​အရပ်​၌ ပြု​ခဲ့​သည့်​နည်းတူ ငါ​ပြု​မည်​။