ယေ​ရ​မိ 51:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထာဝရဘုရား​က “​ကြည့်ရှု​လော့​။ ငါ​သည် ဘေဘီလုံ​မြို့​၊ လက်ကမိုင်​ပြည်သား​တို့​အပေါ်​သို့ ဖျက်ဆီး​ခြင်း​လေ​ကို သင့်ရောက်​စေ​မည်​။

Common Language Bible

¹ ထာ​ဝ​ရ​ဘု​ရား​က``ငါ​သည်​ဗာ​ဗု​လုန်​မြို့​နှင့် မြို့​သူ​မြို့​သား​တို့​ကို​ဖျက်​ဆီး​ချေ​မှုန်း​ရန် လေ​ပြင်း​ထ​စေ​မည်။-

Garrad Bible

¹ ငါ သည် ဗာ ဗု လုန် မြို့ နှင့် ခါ လ ဒဲ ပြည် သူ ပြည် သား တို့ အ ပေါ် သို့၊ လေ ဘေး သင့် စေ မည့် ပြင်၊ ဒုက္ခ ရောက် သည့် ကာ လ၊

Judson Bible

¹ ထာ​ဝ​ရ​ဘု​ရား မိန့်​တော်​မူ​သည်​ကား၊ ဗာ​ဗု​လုန်​မြို့​တစ်​ဖက်၌​လည်း​ကောင်း၊ ငါ၏​ရန်​သူ​တို့​နှင့် ပေါင်း​ဖော်​သော သူ​တို့ တစ်​ဖက်၌​လည်း​ကောင်း၊ ဖျက်​ဆီး​တတ်​သော လေ​ကို ငါ​ထ​စေ​မည်။

ယေ​ရ​မိ 51:1 ပူးပေါင်းရင်းမြစ်များ

၄ ရာ 19:7

ကြည့်ရှု​လော့​။ ငါ​သည် သူ​၌​အခြား​သော​စိတ်သဘော​ကို​သွင်းပေး​မည်​။ သူ​သည် သတင်း​တစ်​ခု​ကြား​၍ မိမိ​ပြည်​သို့ ပြန်သွား​လိမ့်မည်​။ ထို့နောက် သူ့​ပြည်​၌ သူ့​ကို ဓား​ဖြင့်​ကျဆုံး​စေ​မည်​’​ဟူ၍ မိန့်​တော်မူ​သည်​”​ဟု ဆင့်ဆို​၏​။

ဆာ​လံ 137:8

အို ပျက်စီး​ခြင်း​သို့​ရောက်​မည့် ဘေဘီလုံ​၏​သမီး​၊ ငါ​တို့​အပေါ် သင်​ပြု​ခဲ့​သည့်​အတိုင်း သင်​၌​ဆပ်ပေး​မည့်​သူ​သည် မင်္ဂလာ​ရှိ​၏​။

ဟေ​ရှာ​ယ 13:13

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား ပြင်းစွာ​အမျက်​ဒေါသ​ထွက်​တော်မူ​သော​နေ့ရက်​၌ မိုးကောင်းကင်​ကို ငါ​လှုပ်ခတ်​စေ​မည်​။ မြေကြီး​သည်​လည်း မိမိ​နေရာ​မှ ရွေ့သွား​လိမ့်မည်​။

ဟေ​ရှာ​ယ 14:14

မြင့်ရာအရပ်​ရှိ​တိမ်တိုက်​များ​အထက်​သို့ ငါ​တက်​မည်​။ အမြင့်ဆုံး​သော​ဘုရား​ကဲ့သို့ ငါ့ကိုယ်ငါ ဖြစ်စေ​မည်​”​ဟု သင့်​စိတ်​ထဲ၌​ဆို​၏​။

ဟေ​ရှာ​ယ 21:1

ပင်လယ်​နား​ရှိ​တောကန္တာရ​နှင့်ဆိုင်သော​ဗျာဒိတ်​တော်​။ နေဂေ့​အရပ်​၌​တိုက်ခတ်​သော​လေပွေ​ကဲ့သို့ ဘေး​သည် တောကန္တာရ​၊ ကြောက်မက်​ဖွယ်​ပြည်​မှ​လာ​၏​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ယေ​ရ​မိ 23:19

ကြည့်ရှု​လော့​။ ထာဝရဘုရား​၏​ဒေါသ​မုန်တိုင်း တိုက်ခတ်​လိမ့်မည်​။ ပြင်းစွာ​သော​မုန်တိုင်း​သည် ဆိုးယုတ်​သော​သူ​တို့​၏​ခေါင်း​ပေါ်သို့ ကျရောက်​လိမ့်မည်​။

ယေ​ရ​မိ 49:36

ကောင်းကင်​အရပ်​လေး​မျက်နှာ​မှ လေ​လေး​မျိုး​ကို ဧလံ​ပြည်​သို့​ဆောင်​ခဲ့​၍ ဧလံ​ပြည်သား​တို့​ကို ထို​လေ​တို့​နှင့်အတူ ကွဲလွင့်ပါသွား​စေ​မည်​။ နှင်ထုတ်​ခံရ​သော​ဧလံ​ပြည်သား​များ မ​ရောက်​သည့်​တိုင်းနိုင်ငံ​ဟူ၍ ရှိ​မည်​မ​ဟုတ်’​ဟု မိန့်​တော်မူ​၏​။

ယေ​ရ​မိ 50:21

ထာဝရဘုရား​က “​မေရသိမ်​ပြည်​သို့ ချီတက်​လော့​။ ပေကုပ်​ပြည်သား​တို့​ကို တိုက်ခိုက်​လော့​။ သူ​တို့​ကို​သတ်​လော့​။ အကုန်လုံး​ဖျက်ဆီး​လော့​။ သင့်​ကို ငါ​မိန့်မှာ​ခဲ့​သမျှ​အတိုင်း​ပြု​လော့​”​ဟု မိန့်​တော်မူ​၏​။

ယေ​ရ​မိ 50:24

အို ဘေဘီလုံ​မြို့​၊ သင်​သည် ငါ​ထောင်​ထား​သော ကျော့ကွင်း​၌​မိ​ပြီ​။ သင်​သည် ထာဝရဘုရား​ကို အာခံ​သောကြောင့် သင်​မ​သိ​မ​မြင်​လိုက်​သော​အချိန်​တွင်​ပင် ကျော့မိ​လေ​ပြီ​။

ယေ​ရ​မိ 50:29

ဘေဘီလုံ​မြို့​ကို​တိုက်ခိုက်​ရန် လေး​ပစ်ကျွမ်း​သော​လေးသည်တော်​အပေါင်း​တို့​ကို ခေါ်​ကြ​။ မြို့​ပတ်ပတ်လည်​၌ တပ်ချ​ကြ​။ ထို​မြို့​သည် အစ္စရေး​လူမျိုး​၏​သန့်ရှင်း​သော​အရှင် ထာဝရဘုရား​ကို ဆန့်ကျင်​သည်​ဖြစ်​၍ ထို​မြို့​ပြု​ခဲ့​သမျှ​အတိုင်း ပြန်​၍​ပြု​ကြ​။ ထို​မြို့​ကျင့်​သည့်​အတိုင်း ပြန်ပေးဆပ်​စေ​။ မည်သူမျှ မ​လွတ်မြောက်​စေ​နှင့်​။

ယေ​ရ​မိ 50:33

ကောင်းကင်​ဗိုလ်ခြေ​အရှင်​ထာဝရဘုရား​က “​အစ္စရေး​အမျိုးသား​နှင့် ယုဒ​အမျိုးသား​တို့​သည် အတူတကွ နှိပ်စက်​ခြင်း​ခံရ​ကြ​ပြီ​။ သူ​တို့​ကို ဖမ်းသွား​သော​သူ​တို့​သည် သူ​တို့​ကို မ​လွှတ်ပေး​ဘဲ ချုပ်ထား​ကြ​ပြီ​။

ယေ​ရ​မိ 50:9

ကြည့်ရှု​လော့​။ ငါ​သည် မြောက်​အရပ်​မှ လူမျိုးခြား​အစုအဝေး​ကြီး​ကို နှိုးဆော်​၍ ဘေဘီလုံ​မြို့​သို့ စစ်ချီ​စေ​မည်​။ သူ​တို့​သည် ဘေဘီလုံ​မြို့​ကို စစ်ခင်းကျင်း​၍ သိမ်းပိုက်​လိမ့်မည်​။ သူ​တို့​ပစ်​သော​မြား​သည် ကျွမ်းကျင်​သော​လေးသည်တော်​ပစ်​သော​မြား​ကဲ့သို့ မ​ထိမှန်​ဘဲ​မ​နေ​။

ယေ​ရ​မိ 51:53

ထာဝရဘုရား​က “​ဘေဘီလုံ​မြို့​သည် မိုးကောင်းကင်​သို့​တက်​၍ မြင့်မား​သော​ရဲတိုက်​ကို အခိုင်အမာ​တည်​လျှင်ပင် ငါ​သည် အဖျက်သမား​ကို​စေလွှတ်​၍ သူ​တို့​ကို တိုက်​စေ​မည်​”​ဟု မိန့်​တော်မူ​၏​။

ယေ​ရ​မိ 51:60

ထို​စာ​ကား ဘေဘီလုံ​မြို့​အပေါ်​ကျရောက်​မည့် ဘေးအန္တရာယ်​အလုံးစုံ​ကို စာလိပ်​တစ်​ခု​တွင် ယေရမိ ရေးသား​ထား​သော​စာ​ဖြစ်​၏​။ ထို​ရေးထား​သော​စာ​အားလုံး​သည် ဘေဘီလုံ​မြို့​ကို​ရည်ညွှန်း​၏​။

ယေ​ဇ​ကျေ​လ 19:12

သို့သော် ထို​စပျစ်ပင်​သည် ဒေါသတကြီး ဆွဲနုတ်​ခံရ​၏​။ မြေ​ပေါ်၌ ပစ်ထား​ခံရ​၏​။ အရှေ့​လေတိုက်​သောအခါ သူ​၏​အသီး​တို့​သည် ခြောက်သွေ့​ကုန်​၏​။ သန်မာ​သော​အကိုင်းအခက်​တို့​သည် ကျိုးပဲ့​၍​ခြောက်​သွား​ပြီး မီးရှို့​ခံရ​လေ​၏​။

ဟော​ရှေ 13:15

သူ​သည် ညီအစ်ကို​များ​ထဲတွင် အသီး​များစွာ​သီး​တတ်​သော်လည်း အရှေ့​လေ​တည်းဟူသော ထာဝရဘုရား​၏​လေ​သည် တောကန္တာရ​မှ​တိုက်​လာ​၍ သူ​၏​စမ်းရေတွင်း​နှင့်​ရေထွက်ပေါက်​တို့​သည် ခန်းခြောက်​လိမ့်မည်​။ ဘဏ္ဍာတိုက်​ရှိ​အဖိုးတန်​ရတနာ​အားလုံး တိုက်ခိုက်လုယက်​ခြင်း​ခံရ​လိမ့်မည်​။

အာ​မုတ် 3:6

မြို့​ထဲတွင် တံပိုးမှုတ်သံ​ကြား​သောအခါ လူ​တို့ မ​ထိတ်လန့်​ဘဲ နေ​မည်လော​။ ထာဝရဘုရား​ပြု​တော်​မ​မူ​ဘဲ မြို့​ထဲတွင် ဘေးအန္တရာယ်​ကျရောက်​နိုင်​မည်လော​။

ဇာ​ခ​ရိ 2:8

ဘုန်းအသရေ​ထင်ရှား​တော်မူ​ပြီး​နောက်တွင် သင်​တို့​အား​လုယူဖျက်ဆီး​သော​တစ်ပါးအမျိုးသား​တို့​ထံသို့ ငါ့​ကို​စေလွှတ်​တော်မူ​၏​။ ကောင်းကင်​ဗိုလ်ခြေ​အရှင်​ထာဝရဘုရား​က “သင်​တို့​အား​ထိပါး​သော​သူ​သည် မျက်ရှု​တော်​ကို​ထိပါး​သော​သူ​ဖြစ်​၏”​ဟု မိန့်​တော်မူ​၏​။

တမန်တော်ဝတ္ထု 9:4

သူ​သည် မြေ​ပေါ်သို့​လဲကျ​သွား​ရာ“ရှောလု၊ ရှောလု၊ အဘယ်ကြောင့် ငါ့​ကို​ညှဉ်းဆဲ​သနည်း”​ဟု သူ့​အား​ပြော​သော​အသံ​ကို​ကြား​ရ​၏။