ယေ​ရ​မိ 50:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ဘေဘီလုံ​မြို့​ကို အဘက်ဘက်​မှ​ဝင်တိုက်​ကြ​။ သိုလှောင်ရုံ​များ​ကို ဖွင့်ဖောက်​ပြီး စပါးပုံ​ကဲ့သို့ ပုံထား​ကြ​။ မြို့​ကို အကုန်အစင်​ဖျက်ဆီး​ပစ်​ကြ​။ အကြွင်းအကျန် မ​ရှိ​စေ​နှင့်​။

Common Language Bible

²⁶ ထို​မြို့​ကို​အ​ဘက်​ဘက်​မှ​နေ​၍​တိုက်​ခိုက်​ကြ လော့။ စ​ပါး​ကျီ​များ​ကို​ဖောက်​ဖျက်​ကြ​လော့။ တိုက်​ခိုက်​လု​ယက်​၍​ရ​သော​ဥစ္စာ​ပစ္စည်း​တို့​ကို စ​ပါး​ပုံ​များ​ကဲ့​သို့​စု​ပုံ​ထား​ကြ​လော့။ မြို့ ကို​သုတ်​သင်​ဖျက်​ဆီး​ကြ​လော့။ အ​ဘယ် အ​ရာ​ကို​မျှ​ချန်​လှပ်​မ​ထား​ကြ​နှင့်။-

Garrad Bible

²⁶ စ ပါး ကျီ များ ကို ဖွင့် ပြီး လျှင်၊ မြို့ ကို အ ကြွင်း မဲ့ မြေ လှန် လျက်၊ အ မှိုက် ပုံ ဖြစ် စေ ကြ လော့။

Judson Bible

²⁶ မြို့​တစ်​ဖက်​မှ တစ်​ဖက်​တိုင်​အောင် တိုက်​ကြ​လော့။ စ​ပါး​ကျီ​တို့​ကို ဖွင့်၍၊ စ​ပါး​ပုံ​များ​ကဲ့​သို့​ပုံ​ထား​လျက်၊ အ​လျှင်း​မ​ကြွင်း​စေ​ခြင်း​ငှာ ရှင်း​ရှင်း​ဖျက်​ဆီး​ကြ​လော့။

ယေ​ရ​မိ 50:26 ပူးပေါင်းရင်းမြစ်များ

ဟေ​ရှာ​ယ 10:6

သူ့​ကို ဘုရားတရားမဲ့​သော​လူမျိုး​ထံသို့ ငါ​စေလွှတ်​မည်​။ ငါ​အမျက်​ထွက်​သော​လူ​တို့​တိုက်ယူ​ထား​သော​ပစ္စည်း​ကို လုယက်​သိမ်းယူ​၍ လမ်း​ပေါ်မှ​ရွှံ့​ကို​နင်း​သကဲ့သို့ သူ​တို့​ကို​နင်းချေ​ရန် ငါ​မိန့်မှာ​ထား​၏​။

ဟေ​ရှာ​ယ 14:23

တစ်ဖန် ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် ထို​မြို့​ကို ဖြူကောင်​နေရာ​အရပ်​၊ ရေအိုင်ထွန်း​ရာ​အရပ်​ဖြစ်စေ​မည်​။ ဖျက်ဆီး​ခြင်း​တံမြက်စည်း​ဖြင့် လှည်းကျင်း​မည်​”​ဟု မိန့်​တော်မူ​၏​။

ဟေ​ရှာ​ယ 25:10

ထာဝရဘုရား​သည် လက်​တော်​ကို ဤ​တောင်​ပေါ်တွင်​တင်ထား​တော်မူ​မည်​။ နွားချေးပုံ​၌ ကောက်ရိုး​ကို​နင်းနယ်​သကဲ့သို့ မောဘ​ပြည်​ကို နင်းနယ်​တော်မူ​မည်​။

ဟေ​ရှာ​ယ 45:3

ငါ​သည် သင့်​ကို အမည်​ဖြင့်​ခေါ်​သော အစ္စရေး​လူမျိုး​၏​ဘုရားသခင်​ထာဝရဘုရား ဖြစ်​တော်မူ​ကြောင်း​ကို သင်​သိရှိ​စေရန် အမှောင်​ထဲမှ​ဥစ္စာဘဏ္ဍာ​၊ လျှို့ဝှက်​သော​အရပ်​မှ​ဝှက်ထား​သော​ဘဏ္ဍာ​တို့​ကို သင့်​အား​ငါ​ပေး​မည်​။

ဟေ​ရှာ​ယ 5:26

ကိုယ်တော်​သည် ဝေး​သော​အရပ်​မှ​လူမျိုး​တို့​အတွက် အချက်ပြအလံ​ကို​လွှင့်ထူ​တော်မူ​၏​။ မြေကြီး​စွန်း​အရပ်​ရှိ​လူ​တို့​ကို လေချွန်​၍​ခေါ်​တော်မူ​၏​။ ကြည့်ရှု​လော့​။ သူ​တို့​သည် အလျင်အမြန်​ပြေးလာ​ကြ​လိမ့်မည်​။

ယေ​ရ​မိ 50:10

ခါလဒဲ​ပြည်​သည် တိုက်ခိုက်လုယူ​ခြင်း​ခံရ​မည်​။ ထို​ပြည်​ကို တိုက်ခိုက်လုယူ​သော​သူ​တို့​သည် ပြည့်စုံကြွယ်ဝ​ကြ​လိမ့်မည်”​ဟု ထာဝရဘုရား​မိန့်​တော်မူ​၏​။

ယေ​ရ​မိ 50:13

ထာဝရဘုရား​၏​အမျက်​တော်​ကြောင့် ဘေဘီလုံ​မြို့​တစ်မြို့လုံး လူသူကင်းမဲ့​ရာ​ဖြစ်​မည်​။ မည်သူမျှ နေထိုင်​တော့​မည်​မ​ဟုတ်​။ ထို​မြို့​ခံရ​သော​ဘေးဒဏ်​များ​ကြောင့် ထို​မြို့​နား​ဖြတ်သွား​သော​သူ​အပေါင်း​တို့​သည် အံ့ဩ​ကြ​လိမ့်မည်​၊ ကဲ့ရဲ့​ကြ​လိမ့်မည်​။

ယေ​ရ​မိ 50:15

မြို့​ပတ်ပတ်လည်​၌ ငြာသံ​ပေး​ကြ​။ ဘေဘီလုံ​မြို့ လက်နက်ချ​အရှုံးပေး​ပြီ​။ မျှော်စင်​များ ပြိုလဲ​ပြီ​။ မြို့ရိုး​လည်း ပြိုပျက်​ပြီ​။ ဤသည်ကား ထာဝရဘုရား​၏​လက်တုံ့ပြန်​ခြင်း​ဖြစ်​၏​။ သူ​ပြု​ခဲ့​ဖူး​သည့်​အတိုင်း သူ့​ကို ပြန်ပြု​ကြ​။ သူ့​ကို လက်တုံ့ပြန်​ကြ​။

ယေ​ရ​မိ 50:23

မြေ​တစ်ပြင်လုံး​ကို ထုနှက်​ခဲ့​သော​တူကြီး အချိုး​ခံ​လိုက်​ရ​ပါ​ပြီ​တကား​။ ကျိုးပဲ့​သွား​ပါ​ပြီ​တကား​။ ဘေဘီလုံ​မြို့​သည် လူမျိုးတကာ​တို့​တွင် ထိတ်လန့်စရာ​ဖြစ်​လေ​ပြီ​တကား​။

ယေ​ရ​မိ 50:41

ကြည့်ရှု​လော့​။ မြောက်အရပ်​မှ လူမျိုး​တစ်​မျိုး​ရောက်လာ​ပြီ​။ မြေကြီး​စွန်း​မှ လူမျိုး​ကြီး​နှင့် ကြီးမြတ်​သော​ရှင်ဘုရင်​တို့ ထကြွ​ကြ​ပြီ​။

ယေ​ရ​မိ 51:44

ဘေဘီလုံ​မြို့​ရှိ ဗေလ​ဘုရား​ကို ငါ​ဒဏ်ခတ်​မည်​။ သူ​ဝါးမျို​ခဲ့​သမျှ​ကို သူ့​ပါးစပ်​မှ ပြန်​အန်ထုတ်​စေ​မည်​။ လူမျိုးတကာ​တို့​သည် သူ့​ကို ဆည်းကပ်​ကြ​တော့​မည်​မ​ဟုတ်​။ ဘေဘီလုံ​မြို့ရိုး​ကြီး ပြိုလဲ​သွား​လေ​ပြီ​။

ယေ​ရ​မိ 51:64

‘ငါ​သည် ထို​မြို့​ပေါ်သို့ ဘေးအန္တရာယ်​ကျရောက်​စေ​မည်​ဖြစ်၍ ထို​စာလိပ်​ကဲ့သို့ ဘေဘီလုံ​မြို့​သည် နစ်မြုပ်​ရ​လိမ့်မည်​။ ပြန်ပေါ်လာ​တော့​မည်​မ​ဟုတ်​။ သူ​တို့​သည် အားအင်​ကုန်ခန်း​ကြ​လိမ့်မည်​’​ဟူ၍ သင်​ဆို​ရ​မည်​”​ဟု မှာကြား​လေ​၏​။ ဤတွင် ယေရမိ​စကား ပြီးဆုံး​သတည်း​။

မိက္ခာ 7:10

“​သင်​၏​ဘုရားသခင်​ထာဝရဘုရား​ကား အဘယ်မှာ​ရှိ​သနည်း”​ဟု ငါ့​အား ပြောဆို​သော​ရန်သူ​သည် ထို​အဖြစ်​ကို​မြင်​၍ အရှက်ကွဲ​ရ​လိမ့်မည်​။ ယခု​တွင် သူ​သည် လမ်း​ပေါ်မှ ရွှံ့​ကဲ့သို့ နင်းချေ​ခံရ​သည်​ကို ငါ့​မျက်စိ​ဖြင့် တပ်အပ်​မြင်​ရ​လိမ့်မည်​။

မဿဲ 6:26

မိုး​ကောင်းကင်​ငှက်​တို့​ကို ကြည့်ရှု​ဆင်ခြင်​ကြ​လော့။ ၎င်း​တို့​သည် မျိုးကြဲ​ခြင်း​မ​ရှိ၊ ရိတ်သိမ်း​ခြင်း​နှင့် ကျီ​၌​စုသိမ်း​ခြင်း​တို့​ကို​လည်း မ​ပြု​ကြ။ သို့သော် ကောင်းကင်ဘုံ​ရှင် သင်​တို့​အဖ​သည် ၎င်း​တို့​ကို​ကျွေးမွေး​တော်မူ​၏။ သင်​တို့​သည် ထို​ငှက်​တို့​ထက် အဖိုးထိုက်​ကြ​သည်​မ​ဟုတ်​လော။

ဗျာ​ဒိတ် 14:19

ထို​ကောင်းကင်​တမန်​သည်​လည်း သူ​၏​တံစဉ်​ကို မြေကြီး​ပေါ်သို့​ဝှေ့ယမ်း​လျက် မြေကြီး​ပေါ်မှ​စပျစ်​ခိုင်​ကို​ရိတ်သိမ်း​ကာ ဘုရားသခင်​၏​ပြင်းစွာ​သော​ဒေါသ​နှင့်ဆိုင်သည့် ကြီးမား​သော​စပျစ်သီး​နယ်ရာ​ကျင်း​ထဲသို့ သွန်ချ​လိုက်​၏။

ဗျာ​ဒိတ် 19:15

လူမျိုး​တကာ​တို့​ကို​ဒဏ်ခတ်​ရန် ထက်​သော​သန်လျက်​သည် သူ​၏​ခံတွင်း​ထဲမှ​ထွက်​နေ​၏။ သူ​သည် ထို​သူ​တို့​ကို သံ​လှံတံ​ဖြင့်​အုပ်ထိန်း​လိမ့်မည်။ သူ​သည် အနန္တ​တန်ခိုး​နှင့်​ပြည့်စုံ​တော်မူ​သော ဘုရားသခင်​၏​အမျက်​တော်​ဆိုင်ရာ ပြင်းစွာ​သော​ဒေါသ​စပျစ်​ဝိုင်​၏​စပျစ်သီး​နယ်ရာ​ကျင်း​ကို နင်းနယ်​လိမ့်မည်။